Qaabka ay leedahay Ducada barakaysan

Qaabka Ducada B.L.E.S.S. wuxuu ku siinayaa shan siyaabood oo aad ugu ducayn karto dadka aad la kulanto wakhti kasta, laakiin gaar ahaan markaad samaynayso tukashada socodka.

Markaad socoto oo aad ducaysanayso, u feejignow fursadaha oo dhegayso hagidda Ruuxa Eebbe si aad ugu ducayso dadka iyo kooxaha aad jidka kula kulanto. Waxaad odhan kartaa, "Waxaan bulshadan u ducaynaynaa. Ma jirtaa wax gaar ah oo aan kuugu ducayn karno?" Ama waxaad odhan kartaa, "Waxaan deegaankan u ducaynayaa. Ma jirtaa wax gaar ah oo ay tahay inaan ku ducayno?"

Markaad jawaabtooda dhegaysato ka dib, waxaad waydiin kartaa baahiyahooda gaarka ah. Haddii ay wax kula wadaagaan, isla markiiba u ducee. Haddii Rabbigu ku hoggaamiyo, waxaad kaloo ku ducayn kartaa baahiyo kale. Erayga B.L.E.S.S. u adeegso inuu kaa caawiyo inaad xusuusato 5 siyaabood oo kala duwan oo aad ku ducayn karto:

• Body - caafimaad
• Labor - shaqo iyo dhaqaale
• Emotional - niyadda
• Social - xidhiidhada
• Spiritual - inaad Eebbe si ka sii badan u barato oo u jeclaato

Inta badan, dadku way ku farxaan inaad daryeel ugu filan u muujisay oo aad u ducayso. Haddii qofku aanu Masiixi ahayn, ducadaadu waxay furi kartaa albaabka wada hadal ruuxi ah iyo fursad aad kula wadaagto markhaati furkaaga iyo Qorshaha Eebbe. Waxaad ku casuumi kartaa inuu qayb ka noqdo barashada Baybalka ama xataa inuu ku martigeliyo gurigiisa.

Haddii qofku yahay Masiixi, waxaad ku casuumi kartaa inuu kugu soo biiro tukashada socodka ama waxaad bari kartaa sida isaguna u samayn karo tukashada socodka isagoo adeegsanaya tallaabooyin fudud sida inuu ku ducaysto goobaha saameynta leh ama uu adeegsado Ducada B.L.E.S.S. si qoyska Eebbe uu uga sii koro.