Neefsashada ruuxiga ahu waa in Eebbe la addeeco

Neefsashada ruuxiga ahi waa inaad Eebbe maqasho oo aad addeecdo ... maalinta oo dhan, maalin kasta.

Neef Qaado

Boqortooyada dhexdeeda, neef ayaynu qaadannaa marka aynu Eebbe ka maqalno:

• ERAYGIISA - Baybalka
• DUCADA - wada hadalladeenna isaga la leh
• JIDHKIISA - kiniisadda iyo kuwa kale ee Ciise raaca
• SHAQOOYINKIISA - dhacdooyinka, waaya-aragnimada, iyo mararka qaarkood xitaa silica iyo dhibaatooyinka uu carruurtiisa u oggolaado inay maraan

Warka wanaagsan ee qof kasta oo Ciise raacaa leeyahay waa in marka aynu neef qaadanno oo aynu Eebbe maqalno, dabadeedna aynu neefta sii daynno oo aynu addeecno wixii aynu maqalnay, isla markaana aynu kuwa kale la wadaagno wixii aynu maqalnay, Eebbe si ka sii cad buu inoogu hadli doonaa.

Neef Sii Day

Boqortooyada dhexdeeda, neefta ayaynu sii daynaa marka aynu ku dhaqaaqno wixii aynu Eebbe ka maqalnay. Waxaan neefta sii daynaa marka aynu addeecno. Mararka qaar neefta sii deynta ee addeeciddu waxay ka dhigan tahay in la beddelo fikirradeenna, erayadeenna, ama falalkeenna si ay ula jaanqaadaan Ciise iyo doonistiisa. Mararka qaarkoodse neefta sii deynta ee addeeciddu waxay ka dhigan tahay inaan dadka kale la wadaagno wixii Ciise nala wadaagay - inaan bixino wixii uu ina siiyey - si kuwa kale loo barakeeyo sida Eebbe inoo barakaynayo. Qofka Ciise raaca, neef qaadashadan iyo neeftan sii daynteedu aad bay muhiim u tahay. Waa nolosheenna lafteeda.