Degdeg u baro hoggaaminta xernimada sida shinbirta Badda ah.

Ma taqaanaa waxa Ducklings-ku ku leeyihiin xer samaynta? Waligaa ma aragtay koox Ducklings ah oo socod u baxday? Ducklings-ku dhab ahaantii waxay tusaale u yihiin mabda' muhiim ah oo ku saabsan xer samaynta. Haddii aad rabto inaad aragto qoyska Eebbe oo si fog u faafo isla markaana daacadnimo ku kora, markaa xer samaynta uga fikir sida Ducklings-ka - noqo raace iyo hoggaamiye isla waqtigaas.

Meel kasta oo dunida aad ka joogto, mar walba isku si bay u muuqdaan.

Duck-ga hooyada ahi way hormartaa, ducklings-keeduna way daba socdaan - midba midka kale ka dambeeyo - iyagoo saf ku wada jira. Duck-ga hooyada ahi way hormartaa. Kuwa yaryarna way daba socdaan. Laakiin haddii aad si ka sii dhow u eegto, waxaad arkaysaa wax kale oo dhacaya. Duckling kasta oo yar dhab ahaantii wuxuu ciyaarayaa laba door - isla waqtigaas:

• Duckling kasta oo yari waa RAACE, maxaa yeelay wuxuu daba socdaa duck-ga hooyada ah ama duckling kale oo si toos ah hortiisa u socda.
• Isla waqtigaasna duckling kasta oo yari waa HOGGAAMIYE, maxaa yeelay wuxuu hoggaaminayaa duckling-ka ama ducklings-ka si toos ah gadaashiisa uga socda.

Haddaba duckling-ku ma RAACE baa mise HOGGAAMIYE? Labadaba waa.

Taasina waa sababta duck-yada socod u baxay ay si buuxda ula xiriiraan xer samaynta. Eebbe wuxuu doonayaa in qoyskiisu si fog u faafo - sidaas darteed wuxuu filayaa in raace kastaa noqdo hoggaamiye, rumayste kastaa noqdo qof wax la wadaaga, xer kastana noqdo xer sameeye - isla waqtigaas.

Mid ka mid ah dabinnada aynu ku dhacno annagoo xero ah iyo xer sameeyayaal ah waa fikirka beenta ah ee ah inaynu wax walba, ama ugu yaraan waxyaabo badan, ogaan khasab ku tahay ka hor inta aynaan waxba la wadaagin. Laakiin xernimadu sidaas uma shaqayso. Xertu waxay la mid tahay Ducklings. Si uu hoggaamiye u noqdo, khasab kuma aha inuu wax walba ogaado.

Waxa keliya ee loo baahan yahay waa inuu hal tallaabo ka horreeyo. Eebbe wuxuu doonayaa in qoyskiisu daacadnimo ku koro - sidaas darteed wuxuu filayaa in hoggaamiye kastaa noqdo raace, qof kasta oo wax la wadaagaa noqdo rumayste, xer sameeye kastana noqdo xer - isla waqtigaas. Dabinka kale ee aynu ku dhacno annagoo xero ah iyo xer sameeyayaal ah waa fikirka beenta ah ee ah in qof meel jooga wax walba yaqaan, oo haddii aynu helno oo aynu raacno, markaa wax walba inoo hagaageen. Laakiin xernimadu sidaas uma shaqayso.

Boqortooyada Eebbe dhexdeeda, waxaa jira hal “Duck-ga Hooyada ah” oo aynu dhammaanteen raacno - waana Ciise Masiix. Ma aha adeegale. Ma aha wadaad. Ma aha macallin seminaari. Ciise keliya ayaa mudan qiyaasta buuxda ee rumaysadkeenna.

Inta kale oo dhan waxaynu ku jirnaa geeddi-socod. Had iyo jeer waxaa jiri doona qof Ciise nooga dhow oo aynu raaci karno. Had iyo jeerna waxaa jiri doona qof Ciise naga sii fog oo aynu hoggaamin karno. Laakiin meel kasta oo aynu joogno, indhaheenna iyo qalbiyadeennuba waa inay si buuxda ugu jeedaan Ciise.

Baybalka dhexdiisa, Bawlos, oo qoray qayb weyn oo Axdiga Cusub ka mid ah isla markaana bilaabay kiniisado badan oo ugu horreeyay, kaliya ma uu qorin - “Igu dayda.” Wuxuu qoray, “Igu dayda, sidaan anigu Masiixa ugu daydo.” Bawlos wuxuu ogaa waxa Ducklings-ku meel walba ka yaqaaniin iyo waxa xer kastaa ay tahay inuu ogaado, sidoo kale - hoggaamiye kasta oo Boqortooyada Eebbe ku jiraa waa inuu noqdaa raace - innaguna dhammaanteen Ciise ayaynu raacnaa.

Baybalka dhexdiisa, Bawlos wuxuu kaloo qoray: “Waxaad iga maqasheen... la wadaag dad aamin ah oo iyaguna awood u yeelan doona inay kuwa kale baraan.” Bawlos wuxuu ogaa waxa Ducklings-ku meel walba ka yaqaaniin iyo waxa xer kastaa ay tahay inuu ogaado, sidoo kale. Raace kasta oo Boqortooyada Eebbe ku jiraa waa inuu noqdaa hoggaamiye - innaguna dhammaanteen waa inaynu u hoggaaminnaa sida Ciise, annagoo nolosheenna u hurayna dadka kale. Haddii aad rabto inaad aragto qoyska Eebbe oo si fog u faafo isla markaana daacadnimo ku kora, markaa xer samaynta uga fikir sida Ducklings-ka - noqo raace iyo hoggaamiye isla waqtigaas.