Isla xisaabtaka kooxaha

Qof kasta oo Ciise raacaa waa lala xisaabtami doonaa, sidaas darteed qof kasta oo Ciise raacaa waa inuu dadka kale la sameeyo isla xisaabtan. Ciise wuxuu ka sheekeeyay sheekooyin badan oo ku saabsan isla xisaabtan, wuxuuna inoo sheegay xaqiiqooyin badan oo ku saabsan sida laynagala xisaabtami doono waxa aynu samayno iyo waxa aynu nidhaahno. Sidaas darteed, kooxaha isla xisaabtanku waa muuqaal dabiici ah oo ay walaalaha Masiixa ku jiraa run iyo jacayl ku wada socdaan. Kooxaha isla xisaabtanku waxay ka kooban yihiin laba ama saddex qof oo isku jinsi ah - rag rag la ah, dumarna dumar la ah - kuwaas oo toddobaadkiiba hal mar kulma si ay uga wada hadlaan su'aalo ka caawiya inay muujiyaan meelaha arrimuhu si fiican uga socdaan iyo meelaha kale ee u baahan sixid. Xitaa telefoon ayay ku kulmi karaan haddii aysan awoodin inay fool ka fool isu arkaan.

Su'aalaha Isla Xisaabtanka - Liiska 1

1. U duceeya inaan Ciise la mid noqonno.
2. Sidee tahay? Noloshaada ducadu sidee tahay?
3. Ma jirtaa dembi aad qiranayso? [Xidhiidh, Galmo, Dhaqaale, Kibir, Daacadnimo, U-hoggaansanaanta Maamulka, iwm.]
4. Ma addeecday wixii Eebbe kuu sheegay markii ugu dambeysay? Faahfaahin ka bixi.
5. Toddobaadkan ma u ducaysay "kuwa aan rumaysnayn" ee ku jira liiska xidhiidhadaada? Ma heshay fursad aad midkood wax kula wadaagto? Faahfaahin ka bixi.
6. Toddobaadkan ma xafidday aayad cusub? Sheeg.
7. Toddobaadkan ma akhriday ugu yaraan 25 cutub oo Baybalka ah?
8. Toddobaadkan muxuu Eebbe Erayga kagaaga sheegay?
9. Si gaar ah maxaad ka yeeli doontaa arrintaas?
10. Toddobaadkan ma la kulantay kooxdaada 3/3? Sidee bay kuugu dhacday?
11. Toddobaadkan ma u tusaale u noqotay ama ma ka caawisay qof inuu bilaabo koox cusub oo 3/3 ah? Faahfaahin ka bixi.
12. Ma aragtaa wax caqabad ku ah socodkayga aan Masiixa kula jiro?
13. Toddobaadkan ma heshay fursad aad Injiilka kula wadaagto? Faahfaahin ka bixi.
14. Hadda ku celceliya markhaati-fur 1-3 daqiiqo ah iyo Injiilka.
15. Yaad toddobaadka dambe ku casuumi kartaa kooxda? Haddii kooxdu afar ama ka badan tahay, u kala qaybi si ay u taranto.
16. Ku soo gabagabeeya duco ku saabsan wixii la wadaagay.

Su'aalaha Isla Xisaabtanka - Liiska 2

1. Sidee ayaa fahamkii aad ka heshay akhriskii toddobaadkii hore u qaabeeyey sida aad u fikirto una nooshahay?
2. Fahamkii aad ka heshay toddobaadkii hore yaad la wadaagtay, sideese loo soo dhaweeyey?
3. Sidee ayaad u aragtay Eebbe oo shaqaynaya?
4. Toddobaadkan ma markhaati baad u ahayd weynaanta Ciise Masiix adiga oo adeegsanaya erayadaada iyo falalkaaga labadaba?
5. Ma kuu soo bandhigmeen waxyaabo galmo kugu soo jiidanaya ama ma u oggolaatay maskaxdaada inay ku mashquusho fikrado galmo oo aan habboonayn?
6. Isticmaalka lacagtaada ma ku qiratay in Eebbe iska leeyahay?
7. Ma damacday wax qof kale leeyahay?
8. Erayadaada ma ku dhaawacday sumcadda ama dareenka qof?
9. Ma samaysay daacad-darro hadal ama ficil ah, mise ma badbadisay?
10. Ma u gacan gashay dabeecad qabatin leh [ama caajisnimo ama anshax-xumo]?
11. Ma addoon u noqotay dhar, saaxiibbo, shaqo, ama hanti?
12. Ma ku fashilantay inaad qof cafiso?
13. Walaac ama welwel noocee ah ayaad wajahayaa? Ma cabatay ama gunuunacday?
14. Ma ilaalisay qalbi mahadnaq leh?
15. Xidhiidhadaada muhiimka ah ma ku muujisay sharaf, faham, iyo deeqsinimo?
16. Jirrabaado noocee ah oo ku saabsan fikir, hadal, ama ficil ayaad la kulantay, sideese uga jawaabtay?
17. Sidee ayaad uga faa'iidaysatay fursadaha aad ku adeegi lahayd ama dadka kale ku barakayn lahayd, gaar ahaan rumaystayaasha?
18. Ma aragtay jawaabo gaar ah oo ducada laga bixiyey?
19. Ma dhammaystirtay akhriska toddobaadkan?