ଏସ୍‌ଓଏପିଏସ୍ ବାଇବଲ ଅଧ୍ୟୟନ

ଯୀଶୁଙ୍କ ଜଣେ ଅନୁଗାମୀ ଭାବେ ଆମ୍ଭେମାନେ ପ୍ରତିଦିନ ଧର୍ମଶାସ୍ତ୍ର ବାଇବଲ ପଢିବା ଉଚିତ । ଗୋଟିଏ ଉତ୍ତମ ଉପଦେଶ ଏହା ଯେ ପ୍ରତି ସପ୍ତାହରେ ୨୫-୩୦ ଟି ଅଧ୍ୟାୟ ପଢିବା ଉଚିତ । ଏସ୍‌.ଓ.ଏ.ପି. ବାଇବଲ ଅଧ୍ୟୟନ ପତ୍ରିକା ଦୈନିକ ବ୍ୟବହାର କରିବା ଦ୍ୱାରା ଆପଣଙ୍କୁ ବୁଝିବାକୁ, ପାଳନ କରିବାକୁ ଓ ଅନ୍ୟମାନଙ୍କୁ ଭାଗୀଦାର କରାଇବାରେ ଅଧିକ ସାହାଯ୍ୟ କରିବ । ଏସ୍.ଓ.ଏ.ପି.ଏସ୍‍:

• ଶାସ୍ତ୍ର : ଗୋଟିଏ ବା ଏକାଧିକ ପଦ ଲେଖନ୍ତୁ ଯାହାକି ଆଜି ଆପଣଙ୍କ ନିମନ୍ତେ ଅର୍ଥପୂର୍ଣ୍ଣ ଅଟେ  ।
• ଲକ୍ଷ୍ୟ : ଅଧିକ ଭଲରୂପେ ବୁଝିବା ପାଇଁ ସେହି ପଦଗୁଡ଼ିକ କିମ୍ବା ମୂଳ ବିଷୟଗୁଡ଼ିକ ଆପଣଙ୍କ ନିଜ ଭାଷାରେ ପୁନର୍ବାର ଲେଖନ୍ତୁ  ।
• ପ୍ରୟୋଗ : ଆପଣଙ୍କ ନିଜ ଜୀବନରେ ଏହି ଆଜ୍ଞାଗୁଡ଼ିକର ଅର୍ଥ କ’ଣ ସେ ବିଷୟରେ ଚିନ୍ତା କରନ୍ତୁ  ।
• ପ୍ରାର୍ଥନା : ଆପଣ ଯାହା ଶିକ୍ଷା କରିଛନ୍ତି ଓ ଆଜ୍ଞାବହ ହେବାକୁ ଆପଣ ଯେଉଁ ଯୋଜନା କରନ୍ତି ସେ ବିଷୟରେ ଈଶ୍ୱରଙ୍କୁ କହି ଏକ ପ୍ରାର୍ଥନା ଲେଖନ୍ତୁ  ।
• ଅଂଶୀ କରିବା : ଆପଣ ଯାହା ଶିକ୍ଷା କରିଛନ୍ତି / ପ୍ରୟୋଗ କରିଛନ୍ତି କାହାକୁ ସେ ବିଷୟରେ କହିବେ ବୋଲି ଈଶ୍ୱର ଇଚ୍ଛା କରନ୍ତି ତାହାଙ୍କୁ ସେ ବିଷୟରେ ପଚାରନ୍ତୁ  ।

ଗୋଟିଏ ପ୍ରଭାବପୂର୍ଣ୍ଣ ବାଇବଲ ଅଧ୍ୟୟନ କରି ଶିଖିବାକୁ ଏବଂ ମନେ ରଖିବାକୁ ଏହା ଗୋଟିଏ ସରଳ ଉପାୟ ଅଟେ ଯାହାକୁ ଯେକୌଣସି ଯୀଶୁଙ୍କ ଅନୁଗମନକାରୀ ବ୍ୟବହାର କରି ପାରିବେ ।

ନିମ୍ନରେ ଏସ୍.ଓ.ଏ.ପି କାର୍ଯ୍ୟ କରିବାର ଏକ ଉଦାହରଣ ଅଛି :

ଏସ୍ - “ଯେହେତୁ ସଦାପ୍ରଭୁ କହନ୍ତି, ଆମ୍ଭର ସଂକଳ୍ପସକଳ ତୁମ୍ଭମାନଙ୍କର ସଂକଳ୍ପ ପରି ନୁହେଁ, କିଅବା ତୁମ୍ଭମାନଙ୍କର ମାର୍ଗସକଳ ଆମ୍ଭର ମାର୍ଗ ପରି ନୁହେଁ  ।  କାରଣ ପୃଥିବୀ ଅପେକ୍ଷା ଆକାଶମଣ୍ଡଳ ଯେପରି ଉଚ୍ଚ, ସେପରି ଆମ୍ଭର ମାର୍ଗସକଳ ତୁମ୍ଭମାନଙ୍କର ମାର୍ଗ ଅପେକ୍ଷା ଓ ଆମ୍ଭର ସଂକଳ୍ପସକଳ ତୁମ୍ଭମାନଙ୍କ ସଂକଳ୍ପ ଅପେକ୍ଷା ଉଚ୍ଚତର ଅଟେ ।” ଯିଶାଇୟ ୫୫:୮-୯

ଓ - ମନୁଷ୍ୟ ଭାବରେ, ମୁଁ ଜ୍ଞାନ ସୀମିତ ଓ କିପରି କରିବାକୁ ହେବ ସେ ବିଷୟରେ ମଧ୍ୟ ସୀମିତ ବିଷୟ ଜାଣିଛି  ।  ଈଶ୍ୱର କୌଣସିମତେ ସୀମିତ ନୁହଁନ୍ତି  ।  ସେ ପ୍ରତ୍ୟେକ ବିଷୟ ଦେଖନ୍ତି ଓ ଜାଣନ୍ତି  ।  ସେ ଯେକୌଣସି ବିଷୟ କରିପାରିବେ  ।

ଏ - ଈଶ୍ୱର ପ୍ରତ୍ୟେକ ବିଷୟ ଜାଣିଥିବାରୁ ପୁଣି ତାହାଙ୍କ ମାଗସକଳ ସର୍ବୋତ୍ତମ ହୋଇଥିବାରୁ, ବିଷୟଗୁଡ଼ିକ ମୋର ନିଜ ଉପାୟରେ କରିବାରେ ଆସ୍ଥା ସ୍ଥାପନ କରିବା ଅପେକ୍ଷା ମୁଁ ଯଦି ତାହାଙ୍କୁ ଅନୁସରଣ କରିବି ତେବେ ମୁଁ ଅଧିକ ସଫଳ ହୋଇପାରିବି  ।

ପି - ପ୍ରଭୁ, ତୁମର ସନ୍ତୋଷଜନକ ଓ ଅନ୍ୟମାନଙ୍କୁ ସାହାଯ୍ୟ କରିବା ପରି ଏକ ଉତ୍ତମ ଜୀବନଯାପନ କିପରି କରିପାରିବି ମୁଁ ତାହା ଜାଣେ ନାହିଁ  ।  ମୋର ଉପାୟଗୁଡ଼ିକ ଭୁଲ୍ ଆଡ଼କୁ କଢ଼ାଇ ନେଇଥାଏ  ।  ମୋର ଚିନ୍ତାଧାରା ଆଘାତ ଦେବାକୁ କଢ଼ାଇ ନେଇଥାଏ  ।  ବରଂ ଦୟାକରି ମୋତେ ତୁମର ଉପାୟଗୁଡ଼ିକ ଓ ଚିନ୍ତାଧାରା ଶିଖାଅ  ।  ମୁଁ ତୁମର ଅନୁସରଣ କଲା ବେଳେ ତୁମର ପବିତ୍ର ଆତ୍ମା ମୋତେ ପରିଚାଳନା କରନ୍ତୁ  ।

ଏସ୍ - ମୁଁ ଏହି ପଦଗୁଡ଼ିକ ଓ ଏହି ପ୍ରୟୋଗ ମୋର ସାଙ୍ଗ, ଷ୍ଟିଭ୍ଙ୍କୁ କହିବି, ଯେ କି ଏକ କଷ୍ଟକର ସମୟରେ ଗତି କରୁଛନ୍ତି ଓ ସେ  ହେଉଥିବା ଗୁରୁତ୍ୱପୂର୍ଣ୍ଣ ସିଦ୍ଧାନ୍ତ ନିମନ୍ତେ ଦିଗଦର୍ଶନ ଆବଶ୍ୟକ କରନ୍ତି ।