رُوحانی معیشت

خُدا ہمیں اپنی رُوحانی معیشت میں دکھاتا ہے کہ ہمیں اجر اُس چیز سے نہیں ملتا جو ہم حاصل کرتے ہیں بلکہ اُس سے ملتا ہے جو ہم آگے دے دیتے ہیں۔ جب ہم اُس بات پر عمل کرنے اور اُسے بانٹنے میں دیانت دار ہوتے ہیں جو خُداوند نے ہمارے ساتھ بانٹی ہے، تو وہ وعدہ کرتا ہے کہ ہمیں اور بھی زیادہ دے گا۔ یسوع نے کہا — جو بہت تھوڑے میں دیانت دار ہے وہ بہت میں بھی دیانت دار ہو سکتا ہے۔ یہ گہری بصیرت، زیادہ قربت، اور اُس بھرپُور زندگی کی راہ ہے جس کے لئے خُدا نے ہمیں پیدا کیا۔ اِسی طرح ہم اُن اچھے کاموں میں چل سکتے ہیں جو خُدا نے پہلے ہی ہمارے لئے تیار کر رکھے ہیں۔

رُوحانی معیشت میں ہم اُس چیز سے فائدہ پاتے ہیں جو ہم آگے دے دیتے ہیں۔ یہی رُوحانی سانس لینے کی بنیاد ہے۔ جب ہم اُس بات پر عمل کرنے اور اُسے آگے پہنچانے میں دیانت دار ہوتے ہیں جو خُداوند ہم سے کہتا ہے، تو وہ ہم سے اور بھی زیادہ واضح اور بھرپُور طور پر کلام کرے گا۔ یہ گہری بصیرت، خُدا کے ساتھ زیادہ قربت، اور اُس بھرپُور زندگی کی راہ ہے جو وہ ہمارے لئے چاہتا ہے۔ اِسی طرح ہم اُن اچھے کاموں میں چل سکتے ہیں جو خُدا نے پہلے سے ہمارے لئے تیار کر رکھے ہیں۔ اِس کا مطلب یہ ہے کہ مسیح کے بدن (کلیسیا) کے اندر ہم ایک دوسرے کے لئے سب سے محبت بھرا کام یہ کر سکتے ہیں کہ دوہرا احتساب اپنائیں۔ یعنی اُس بات پر عمل کرنے کا احتساب جو خُداوند ہم پر ظاہر کرے، اور اُسے آگے پہنچانے کا بھی؛ اُسے خود کرنا اور سکھانا؛ اُس کی مشق کرنا اور دوسروں کے ساتھ بانٹنا۔ رُوحانی معیشت کے مطابق جینا شاگرد ہونے کا ایک بڑا حصّہ ہے۔ ہمیں برکت دی گئی ہے تاکہ ہم برکت بنیں۔ ہم پیروکار بھی ہیں اور راہنما بھی۔ ہم سیکھنے والے بھی ہیں اور سکھانے والے بھی۔ اِسی طرح ہم خُدا کی راہنمائی کی بہترین مُختاری کر سکتے ہیں۔ یہ عمل اُسی وقت شروع ہو جانا چاہیے جب ہم بادشاہی میں داخل ہوتے ہیں۔ ہمیں اِس طرز کی خدمت شروع کرنے کے لئے اُس وقت تک اِنتظار نہیں کرنا چاہیے جب تک ہم “بالغ” نہ ہو جائیں۔ بلکہ ہم اِسی طرح خدمت کرتے ہوئے بالغ بنتے ہیں۔ ہم سانس اندر لیتے ہیں اور خُدا سے سُنتے ہیں۔ ہم سانس باہر نکالتے ہیں اور جو کچھ سُنتے ہیں اُس پر عمل کرتے ہیں اور دوسروں کے ساتھ بانٹتے ہیں۔