دُعا میں ایک گھنٹہ گزارنے کا طریقہ

دُعائیہ چکر دُعا کی مشق کے لئے ایک سادہ آلہ ہے جسے آپ خود استعمال کر سکتے ہیں اور یسوع کے کسی بھی پیروکار کے ساتھ بانٹ سکتے ہیں۔ صرف 12 سادہ قدموں میں — ہر ایک 5 منٹ — دُعائیہ چکر آپ کو اُن 12 طریقوں سے گزارے گا جن سے بائبل ہمیں دُعا کرنا سکھاتی ہے۔ آخر میں آپ ایک گھنٹہ دُعا کر چکے ہوں گے۔ بائبل ہمیں بتاتی ہے — “بِلاناغہ دُعا کرو۔” ہم میں سے بہت کم لوگ کہہ سکتے ہیں کہ ہم ایسا کرتے ہیں۔ لیکن اِس ایک گھنٹے کی دُعا کے بعد — آپ ایک قدم اور قریب آ جائیں گے۔

صرف 12 سادہ قدموں میں — ہر ایک 5 منٹ — یہ دُعائیہ چکر آپ کو اُن 12 طریقوں سے گزارے گا جن سے بائبل ہمیں دُعا کرنا سکھاتی ہے۔ آخر میں آپ ایک گھنٹہ دُعا کر چکے ہوں گے۔ **حمد** - اپنی دُعا کے ایک گھنٹے کا آغاز خُداوند کی حمد سے کریں۔ اُن باتوں کے لئے اُس کی حمد کریں جو اِس وقت آپ کے ذہن میں ہیں۔ اُس ایک خاص بات کے لئے اُس کی حمد کریں جو اُس نے پچھلے ہفتے آپ کی زندگی میں کی۔ اپنے خاندان پر اُس کی مہربانی کے لئے اُس کی حمد کریں۔ **اِنتظار** - خُداوند کے حضور اِنتظار میں وقت گزاریں۔ خاموش رہیں اور اُسے موقع دیں کہ وہ آپ کے لئے خیالات کو یکجا کرے۔ **اقرار** - رُوح القدس سے کہیں کہ وہ آپ کی زندگی میں وہ سب کچھ ظاہر کرے جو اُسے ناگوار ہو سکتا ہے۔ اُس سے کہیں کہ وہ غلط رویّوں کو بھی نمایاں کرے اور اُن خاص کاموں کو بھی جن کے لئے آپ نے ابھی تک اقرار کی دُعا نہیں کی۔ اب اُن باتوں کا خُداوند کے سامنے اقرار کریں تاکہ آپ پاک کئے جائیں۔ **کلام پڑھیں** - زبور میں، انبیا میں، یا نئے عہدنامہ میں موجود دُعا سے متعلق حصّوں کو پڑھنے میں وقت گزاریں۔ **مانگیں** - اپنے لئے درخواستیں پیش کریں۔ **شفاعت** - دوسروں کی خاطر درخواستیں پیش کریں۔ **کلام کے مطابق دُعا کریں** - کلامِ مقدس کے خاص حصّوں کے مطابق دُعا کریں۔ صحیفائی دعائیں اور بہت سے زبور اِس مقصد کے لئے بہت موزوں ہیں۔ **شکر کریں** - اپنی زندگی کی باتوں کے لئے، اپنے خاندان کی خاطر، اور اپنی کلیسیا کی خاطر خُداوند کا شکر ادا کریں۔ **گائیں** - حمد، عبادت، یا کوئی اور بھجن یا رُوحانی گیت گائیں۔ **غور کریں** - خُداوند سے کہیں کہ وہ آپ سے کلام کرے۔ ایک قلم اور کاغذ تیار رکھیں تاکہ اُن تاثرات کو لکھ سکیں جو وہ آپ کو دیتا ہے۔ **سُنیں** - اُن باتوں کو جو آپ نے پڑھی ہیں، جن کے لئے آپ نے دُعا کی ہے، اور جو آپ نے گائی ہیں، ایک ساتھ ملا کر دیکھیں کہ خُداوند اُن سب کو کیسے یکجا کر کے آپ سے کلام کرتا ہے۔ **حمد** - اُس وقت کے لئے خُداوند کی حمد کریں جو آپ نے اُس کے ساتھ گزارا ہے اور اُن تاثرات کے لئے بھی جو اُس نے آپ کو دیے ہیں۔ اُس کی جلالی صفات کے لئے اُس کی حمد کریں۔ ڈک اِسٹ مین کی کتاب The Hour that Changes the World © 2002 by Dick Eastman, Chosen Books, Grand Rapids, MI سے ماخوذ، اجازت کے ساتھ استعمال کیا گیا۔