ပွဲတော်မင်္ဂလာနှင့် ဘယ်လိုဦးဆောင်ရမလဲ

ယေရှုက “ငါသည် ကောင်းကင်မှ ဆင်းသက်သည့် အသက်ရှင်သော မုန့်ဖြစ်၏။ မည်သူမဆို ဤမုန့်ကို စားလျှင် ကာလအစဉ်အဆက် အသက်ရှင်ရမည်။ လောကီသားတို့၏ အသက်အတွက် ငါပေးမည့်မုန့်ကား ငါ၏အသားပေးတည်း” ဟုမိန့်တော်မူ၏။ ပွဲတော်မင်္ဂလာ သို့မဟုတ် “သခင်ဘုရား၏ ညစာ” သည် ယေရှုနှင့် ကျွန်ုပ်တို့၏ ရင်းနှီးသော ဆက်သွယ်မှုနှင့် ဆက်လက်တည်ရှိနေသော ဆက်ဆံရေးကို ဂုဏ်ပြုကျင်းပသည့် နည်းလမ်းတစ်ခု ဖြစ်ပါသည်။ ဤတွင် ရိုးရှင်းသော ကျင်းပပုံတစ်ခု ရှိပါသည်။

ယေရှုနောက်လိုက်သူများအဖြစ် စုဝေးကြသောအခါ ငြိမ်သက်စွာ ဆင်ခြင်အောက်မေ့ရင်း မိမိတို့၏ အပြစ်များကို တိတ်ဆိတ်စွာ စဉ်းစားပြီး ဝန်ခံရန် အချိန်ယူပါ။ အသင့်ဖြစ်သောအခါ တစ်စုံတစ်ယောက်ကို ဤကျမ်းပိုဒ်ကို ဖတ်ခိုင်းပါ -- “အကြောင်းမူကား၊ သခင်ဘုရားထံမှ ငါခံရ၍ သင်တို့အား ငါအပ်ပေးသောအရာမှာ၊ သခင်ယေရှုသည် အပ်နှံခံရသောည၌ မုန့်ကိုယူ၍၊ ကျေးဇူးတော်ကို ချီးမွမ်းပြီးမှ ဖဲ့ကာ ‘ဤအရာသည် သင်တို့အတွက် ပေးသော ငါ၏ကိုယ် ဖြစ်၏။ ငါ့ကို အောက်မေ့ဖို့ ဤသို့ပြုကြလော့’ ဟု မိန့်တော်မူ၏။” ၁ ကောရိန္သု ၁၁:၂၃-၂၄

သင့်အဖွဲ့အတွက် သီးသန့်ထားသော မုန့်ကို ဝေပြီး စားပါ။

ထို့နောက် ဆက်ဖတ်ပါ -- “ထိုနည်းတူစွာ ညစာစားပြီးနောက် ခွက်ကိုလည်း ယူတော်မူ၍ ‘ဤခွက်သည် ငါ၏အသွေး၌ တည်သော ပဋိညာဉ်သစ် ဖြစ်၏။ သောက်ကြသမျှ ကာလပတ်လုံး ငါ့ကို အောက်မေ့ဖို့ ဤသို့ပြုကြလော့’ ဟု မိန့်တော်မူ၏။” ၁ ကောရိန္သု ၁၁:၂၅

သင့်အဖွဲ့အတွက် သီးသန့်ထားသော အချိုရည် သို့မဟုတ် စပျစ်ရည်ကို ဝေပြီး သောက်ပါ။

နောက်ဆုံးဖတ်ပါ -- “အကြောင်းမူကား၊ သင်တို့သည် ဤမုန့်ကို စား၍ ဤခွက်ကို သောက်သမျှကာလပတ်လုံး သခင်ဘုရား ကြွလာတော်မူသည်တိုင်အောင် ကိုယ်တော်၏ အသေခံတော်မူခြင်းကို ကြေညာကြ၏။” ၁ ကောရိန္သု ၁၁:၂၆

ဆုတောင်းခြင်း သို့မဟုတ် သီချင်းဆိုခြင်းဖြင့် ဝမ်းမြောက်စွာ ဂုဏ်ပြုကျင်းပပါ။ သင်တို့သည် ပွဲတော်မင်္ဂလာကို အတူ သုံးဆောင်ပြီးဖြစ်ပါသည်။ သင်တို့သည် ကိုယ်တော်၏ လူများ ဖြစ်ကြပြီး ကိုယ်တော်သည်လည်း သင်တို့၏ သခင် ဖြစ်တော်မူပါသည်။