ဝိညာဉ်အသက်ရူခြင်းသည် ဘုရားသခင်၏ အသံကို ကြားခြင်းနှင့် နာခံခြင်းဖြစ်သည်

ဝိညာဉ် အသက်ရှူခြင်းဆိုသည်မှာ တစ်နေ့လုံး၊ နေ့တိုင်း ဘုရားအသံကို ကြားပြီး နာခံခြင်း ဖြစ်ပါတယ်။

ရူသွင်းခြင်း

နိုင်ငံတော်ထဲတွင် ကျွန်ုပ်တို့သည် အောက်ပါနည်းလမ်းများအားဖြင့် ဘုရားသခင်ထံမှ ကြားသိရသောအခါ ရူသွင်းကြပါသည်။

• ကိုယ်တော်၏ နှုတ်ကပတ်တော် - သမ္မာကျမ်းစာ
• ဆုတောင်းခြင်း - ကိုယ်တော်နှင့် ကျွန်ုပ်တို့၏ စကားပြောဆက်သွယ်မှုများ
• ကိုယ်တော်၏ ခန္ဓာတော် - အသင်းတော်၊ ယေရှုနောက်လိုက် အခြားသူများ
• ကိုယ်တော်၏ အမှုတော်များ - ကိုယ်တော်က မိမိ၏ သားသမီးများကို ကြုံတွေ့ခွင့်ပြုသော အဖြစ်အပျက်များ၊ အတွေ့အကြုံများ၊ တခါတရံ ညှဉ်းပန်းနှိပ်စက်မှုများနှင့် ဆင်းရဲဒုက္ခများပင် ဖြစ်နိုင်ပါသည်

ယေရှုနောက်လိုက်သူတိုင်းအတွက် သတင်းကောင်းမှာ ကျွန်ုပ်တို့သည် ရူသွင်း၍ ဘုရားသခင်ထံမှ ကြားသိသောအခါနှင့် ရူထုတ်၍ ကြားသိရသောအရာကို နာခံကာ ကျွန်ုပ်တို့ ကြားခဲ့သမျှကို အခြားသူများနှင့် ဝေငှသောအခါ ဘုရားသခင်သည် ပိုမို ရှင်းလင်းစွာ မိန့်မြွက်တော်မူမည် ဖြစ်ပါသည်။

ရူထုတ်ခြင်း

နိုင်ငံတော်ထဲတွင် ကျွန်ုပ်တို့သည် ဘုရားသခင်ထံမှ ကြားသိရသောအရာကို လက်တွေ့လုပ်ဆောင်သောအခါ ရူထုတ်ကြပါသည်။ ကျွန်ုပ်တို့သည် နာခံသောအခါ ရူထုတ်ကြပါသည်။ တခါတရံ နာခံရန် ရူထုတ်ခြင်းဆိုသည်မှာ ကျွန်ုပ်တို့၏ အတွေးများ၊ စကားများ သို့မဟုတ် လုပ်ဆောင်ချက်များကို ယေရှုနှင့် ကိုယ်တော်၏ အလိုတော်နှင့် ညီညွတ်စေရန် ပြောင်းလဲခြင်းကို ဆိုလိုပါသည်။ တခါတရံ နာခံရန် ရူထုတ်ခြင်းဆိုသည်မှာ ယေရှုက ကျွန်ုပ်တို့ကို ဝေငှပေးခဲ့သောအရာကို အခြားသူများနှင့် ပြန်လည်ဝေငှခြင်း၊ ကိုယ်တော် ပေးထားသောအရာကို ပြန်လည်ပေးကမ်းခြင်းကို ဆိုလိုပါသည်။ ထိုသို့ဖြင့် ဘုရားသခင်က ကျွန်ုပ်တို့ကို ကောင်းချီးပေးသကဲ့သို့ အခြားသူများလည်း ကောင်းချီးခံစားရနိုင်ပါသည်။ ယေရှုနောက်လိုက်သူတစ်ဦးအတွက် ဤရူသွင်းခြင်းနှင့် ရူထုတ်ခြင်းသည် အလွန်အရေးကြီးပါသည်။ ဤအရာသည် ကျွန်ုပ်တို့၏ အသက်တာပင် ဖြစ်ပါသည်။