Zúme Training Guidebook

ຍິນດີຕ້ອນຮັບສູ່ການອົບຮົມຊູເມ້ - ຊູເມ້ໃນພາສາກຣີກແປວ່າ "ຢີດ"

ພຣະເຢຊູ​ເຈົ້າບອກພວກເຮົາວ່າອານາຈັກຂອງພຣະເຈົ້າປຽບເໝືອນ "ຊູເມ້" ຈຳນວນໜ້ອຍໜຶ່ງເຊິ່ງຍິງຜູ້ໜຶ່ງເອົາໄປ​ປະ​ສົມ​ໃສ່ແປ້ງສາມ​ຜອງໃຫຍ່

ໃນຂະນະທີ່ລາວປະສົມເຊື້ອແປ້ງລົງໃນແປ້ງນັ້ນ ມັນກໍກະຈາຍໄປທົ່ວເຮັດໃຫ້ແປ້ງທັງໝົດຟູຂຶ້ນ

ພຣະເຢຊູເຈົ້າກຳລັງສະແດງໃຫ້ພວກເຮົາເຫັນວ່າ ຄົນທຳມະດາຄົນໜຶ່ງກໍສາມາດເອົາສິ່ງເລັກນ້ອຍແລະໃຊ້ມັນໃຫ້ເກີດຜົນທີ່ຍິ່ງໃຫຍ່ໄດ້!

ຄວາມຝັນຂອງພວກເຮົາແມ່ນເຮັດໃນສິ່ງທີ່ພຣະເຢຊູເຈົ້າບອກ - ນັ້ນຄືເພື່ອຊ່ວຍໃຫ້ຄົນທົ່ວໂລກໃຊ້ເຄື່ອງມືງ່າຍໆນີ້ ເພື່ອການເກີດຜົນທີ່ຍິ່ງໃຫຍ່ໃນອານາຈັກຂອງພຣະເຈົ້າ!

ພຣະມະຫາບັນຊາສຸດທ້າຍຂອງພຣະເຢຊູເຈົ້າຕໍ່ບັນດາສາວົກຂອງພຣະອົງນັ້ນງ່າຍດາຍ ພຣະອົງກ່າວວ່າ -

"ອຳນາດທັງໝົດໃນສະຫວັນແລະທີ່ແຜ່ນດິນໂລກ ໄດ້ມອບໃຫ້ແກ່ເຮົາແລ້ວ ເຫດສະ​ນັ້ນພວກເຈົ້າຈົ່ງໄປ ຈົ່ງເຮັດໃຫ້ຄົນທຸກຊາດເປັນລູກສິດ ໃຫ້ເຂົາຮັບບັບຕິສະມາໃນພຣະນາມແຫ່ງພຣະບິດາ, ພຣະບຸດ, ແລະພຣະວິຍານບໍລິສຸດເຈົ້າ ສັ່ງສອນເຂົາໃຫ້ຖືຮັກສາທຸກໆ​ສິ່ງທີ່ເຮົາໄດ້ສັ່ງພວກເຈົ້າໄວ້ແລ້ວນັ້ນ ນີ້ແຫລະ, ເຮົາຢູ່ກັບ​ເຈົ້າທັງຫລາຍທຸກ ໆ ວັນຈົນ​ສິ້ນ​ໂລກນີ້"

ຄຳສັ່ງສຸດທ້າຍຂອງພຣະເຢຊູ​ເຈົ້ານັ້ນງ່າຍດາຍຄື - ຈົ່ງໄປສ້າງສາວົກ

ແລະຄຳສັ່ງຂອງພຣະອົງທີ່ຈະໃຫ້ພວກເຮົາເຮັດນັ້ນກໍງ່າຍໆຄື ຈົ່ງສ້າງສາວົກບໍ່ວ່າທ່ານຈະໄປບ່ອນໃດກໍ່ຕາມ

• ສ້າງສາວົກໂດຍການໃຫ້ພວກເຂົາຮັບບັບຕິສະມາໃນ ພຣະນາມຂອງພຣະບິດາ ພຣະບຸດແລະພຣະວິນຍານບໍລິສຸດ​ເຈົ້າ
• ສ້າງສາວົກໂດຍການສອນພວກເຂົາໃຫ້ເຊື່ອຟັງທຸກສິ່ງທີ່ພຣະເຢຊູເຈົ້າໄດ້ບັນຊາໄວ້

ດັ່ງນັ້ນຂັ້ນຕອນສ້າງສາວົກມີຫຍັງແດ່ ?

• ໃຫ້ພວກເຮົາສ້າງສາວົກຕະຫຼອດເວລາຄື - ບໍ່ວ່າພວກເຮົາຈະໄປໃສແລະໃນເວລາທີ່ເຮົາໄປ
• ເມື່ອມີຄົນຕັດສິນໃຈເຊື່ອພຣະເຢຊູ​ເຈົ້າ - ພວກເຂົາຄວນຈະຮັບບັບຕິສະມາ
• ໃນຂະນະທີ່ພວກເຂົາເຕີບໃຫຍ່ - ພວກເຮົາຄວນສອນສາວົກທຸກຄົນວ່າຈະເຊື່ອຟັງທຸກສິ່ງທີ່ພຣະເຢຊູ​ເຈົ້າສອນໄດ້ແນວໃດ

ເນື່ອງຈາກວ່າສິ່ງໜຶ່ງທີ່ພຣະອົງຊົງບັນຊາໄວ້ກໍຄືການໄປສ້າງສາວົກ ນັ້ນກໍໝາຍຄວາມວ່າສາວົກທຸກໆຄົນທີ່ເຊື່ອໃນພຣະເຢຊູ​ເຈົ້າຈະຕ້ອງຮຽນຮູ້ວິທີການສ້າງວົກຄືກັນ

​ຜູ້ທີ່ເຊື່ອໃນພຣະເຈົ້າກຳລັງສ້າງສາວົກແລະບັນດາຜູ້ເຊື່ອໃໝ່ກໍ່ກຳລັງສ້າງສາວົກເຊັ່ນກັນ

ການເພິ່ມຈຳນວນສາວົກ ນັ້ນແມ່ນວິທີການເຮັດວຽກຂອງຊູເມ້

ເໝືອນດັ່ງເຊື້ອແປ້ງ - ທີ່ທຳງານກັບແປ້ງໝົດທັງກ້ອນຈົນ ແປ້ງທັງໝົດຟູຂຶ້ນມາ

ເມື່ອພຣະເຢຊູ​ເຈົ້າຊົງບັນຊາໃຫ້ອອກໄປສ້າງສາວົກ ພຣະອົງກໍຊົງໃຫ້ຄຳພຣະສັນຍາອີກດ້ວຍ

ພຣະເຢຊູເຈົ້າກ່າວວ່າ - ເຮົາຢູ່ກັບ​ເຈົ້າທັງຫລາຍທຸກ ໆ ວັນຈົນ​ສິ້ນ​ໂລກນີ້"

ທຸກໆຄົນທີ່ເຊື່ອໃນພຣະເຢຊູເຈົ້າ ຄວນເຊື່ອໝັ້ນໃນພຣະສັນຍາທີ່ວ່າ ພຣະອົງຈະຢູ່ກັບເຮົາ

ສະເໝີ ເພາະພຣະອົງຊົງຢູ່ກັບ​ພວກເຮົາ!

ແຕ່ນັ້ນຍັງໝາຍເຖິງຜູ້ທີ່ເຊື່ອໃນພຣະເຢຊູເຈົ້າຄວນຍອມຮັບຄວາມຈິງທີ່ວ່າ ພຣະເຢຊູເຈົ້າຕ້ອງການໃຫ້ພວກເຮົາທຸກຄົນອອກໄປສ້າງສາວົກ ເພາະນັ້ນຄືສິ່ງທີ່ພຣະອົງຊົງເຮັດ

ພຣະເຢຊູເຈົ້າກ່າວວ່າ - ອຳນາດທັງໝົດໃນສະຫວັນແລະທີ່ແຜ່ນດິນໂລກ ໄດ້ມອບໃຫ້ແກ່ເຮົາແລ້ວ ເຫດສະ​ນັ້ນ-ຈົ່ງໄປສ້າງ​ສາ​ວົກ

ພຣະເຢຊູ​ເຈົ້າບອກວ່າບໍ່ມີອຳນາດໃດຍິ່ງໃຫຍ່ກວ່ານັ້ນ ບໍ່ມີປະເພນີໃດມີສິດທິອຳນາດຫຼາຍກວ່ານັ້ນ ບໍ່ມີວັດທະນະທຳໃດມີສິດທິອຳນາດຫຼາຍກວ່ານັ້ນ ບໍ່ມີກົດບັນຍັດໃດໃນໂລກມີສິດທິອຳນາດຫຼາຍກວ່ານັ້ນ

ພຣະເຢຊູ​ເຈົ້າກ່າວວ່າ - ຈົ່ງອອກໄປສ້າງສາວົກ

ແລະເຊັ່ນດຽວກັບຊູເມ້ - ເໝືອນກັບເຊື້ອແປ້ງ - ພວກເຮົາຈະເຮັດຕໍ່ໄປແລະເຕີບໃຫຍ່ຂຶ້ນເລື້ອຍໆຈົນກວ່າວຽກງານທັງໝົດຈະສຳເລັດ

ຍິນດີຕ້ອນຮັບເຂົ້າສູ່ບົດຮຽນ ຊູມີ. ໃນບົດຮຽນນີ້ເຮົາຈະເວົ້າເຖິງສາວົກ ແລະ ຄຣິສຕະຈັກ. ສາວົກແມ່ນຫຍັງ? ແລະ ທ່ານຈະສ້າງສາວົກໄດ້ແນວໃດ? ທ່ານຈະສອນຜູ້ເຊື່ອໃນພຣະເຢຊູຄຣິດເຈົ້າໃຫ້ເຊື່ອຟັງພຣະບັນຊາທັງໝົດຂອງພຣະອົງໄດ້ແນວໃດ? ທ່ານຈະນໍາຊີວິດຂອງຄົນໜຶ່ງທີ່ຕົກເປັນທາດຂອງໂລກນີ້ ແລະ ຊ່ອຍລາວໃຫ້ເປັນປະຊາກອນຂອງອານາຈັກສະຫວັນໄດ້ແນວໃດ? ຄວາມໝາຍຂອງຄໍາວ່າ ສາວົກ ແມ່ນຜູ້ເຊື່ອ ດັ່ງນັ້ນສາວົກແມ່ນຜູ້ເຊື່ອໃນພຣະເຈົ້າ. ພຣະເຢຊູເຈົ້າກ່າວວ່າ ອໍານາດທັງໝົດໃນສະຫວັນ ແລະ ທີ່ແຜ່ນດິນໂລກໄດ້ມອບໃຫ້ກັບເຮົາແລ້ວ. ດັ່ງນັ້ນພຣະເຢຊູເຈົ້າຊົງເປັນອານາຈັກຂອງພວກເຮົາ ພວກເຮົາເປັນພົນລະເມືອງຂອງພຣະອົງ ແລະ ຢູ່ພາຍໃຕ້ນໍ້າພຣະໄທຂອງພຣະອົງ, ຄວາມປາດຖະໜາ, ຈຸດປະສົງ, ຄວາມຕັ້ງໃຈ, ການຈັດລໍາດັບຄວາມສໍາຄັນ ແລະ ຄຸນຄ່າຕ່າງໆຂອງພຣະອົງເປັນສິ່ງສໍາຄັນທີ່ສູງທີ່ສຸດ ແລະ ດີທີ່ສຸດ. ພຣະຄໍາຂອງພຣະອົງແມ່ນພຣະບັນຍັດ. ສະນັ້ນບັນຍັດຂອງລາຊາອານາຈັກຂອງພຣະອົງແມ່ນຫຍັງ? ພຣະເຢຊູເຈົ້າໄດ້ບອກໃຫ້ປະຊາກອນຂອງພຣະອົງໃຫ້ເຮັດຫຍັງ? ພຣະເຢຊູເຈົ້າຊົງກາວວ່າ ຈົ່ງຮັກພຣະເຈົ້າດ້ວຍສຸດໃຈຂອງທ່ານ ດ້ວຍສຸດຄວາມຄິດ ແລະ ດ້ວຍສຸດກໍາລັງຂອງທ່ານ. ພຣະເຢຊູເຈົ້າຊົງກ່າວວ່າ ຈົ່ງຮັກເພື່ອນບ້ານເໝືອນຮັກຕົນເອງ. ພຣະເຢຊູເຈົ້າກ່າວ່າ ພຣະບັນຍັດຂອງພຣະເຈົ້າຈາກພຣະສັນຍາເດີມ ບໍ່ວ່າຈະເປັນພຣະບັນຍັດ ຫຼື ຖ້ອຍຄໍາຂອງຜູ້ປະກາດທັງໝົດກໍຂຶ້ນຢູ່ກັບພຣະບັນຍັດສອງຂໍ້ນີ້ຄືຈົ່ງຮັກພຣະເຈົ້າ ແລະ ຮັກຄົນອື່ນ. ພຣະເຢຊູເຈົ້າຊົງກ່າວວ່າຈົ່ງສ້າງສາວົກ ພຣະເຢຊູເຈົ້າກ່າວວ່າຈົ່ງສ້າງເຂົາໃຫ້ສອນສາວົກ. ເນື່ອງຈາກການສ້າງສອນສາວົກ ລວມເຖິງການສອນໃຫ້ເຊື່ອຟັງທຸກສິ່ງທີ່ພຣະເຢຊູເຈົ້າຊົງບັນຊາໄວ້. ດັ່ງນັ້ນ ພຣະສັນຍາສະຫຼຸບໄວ້ສິ່ງດຽວຄືການສ້າງສາວົກ. ສາວົກແມ່ນຜູ້ທີ່ເຊື່ອໃນພຣະເຢຊູເຈົ້າ ຜູ້ທີ່ຮັກພຣະເຈົ້າ ຮັກຄົນອື່ນ ແລະ ສ້າງສາວົກ. ຖ້າເຊັ່ນນັ້ນຄຣິສຕະຈັກແມ່ນຫຍັງ? ທ່ານອາດຈະລຶ້ງເຄີຍກັບການຄິດວ່າຄຣິສຕະຈັກແມ່ນອາຄານຫລັງໜຶ່ງ ເຊິ່ງເປັນສະຖານທີ່ທີ່ທ່ານໄປ ພຣະຄໍາຂອງພຣະເຈົ້າໄດ້ກ່າວກ່ຽວກັບຄຣິສຕະຈັກວ່າເປັນການຮວມໂຕກັນຂອງຜູ້ທີ່ເຊື່ອ ຜູ້ທີ່ຮັບໃຊ້ໃນພຣະເຈົ້າ. ຄໍາວ່າຄຣິສຕະຈັກຖືກໃຊ້ໃນພຣະຄໍາພີ 3 ແບບຄື: ຄຣິສຕະຈັກສາກົນໝາຍເຖິງຜູ້ທີ່ເຊື່ອໃນພຣະເຢຊູຄຣິດທັງໃນອະດີດ ແລະ ໃນປັດຈຸບັນ ແລະ ຜູ້ເຊື່ອໃນພຣະເຢຊູເຈົ້າໃນອະນາຄົດ. ຄຣິສຕະຈັກທ້ອງຖິ່ນ ຫຼື ພື້ນທີ່ໝາຍເຖິງຜູ້ທີ່ເຊື່ອໃນພຣະເຈົ້າ ແລະ ອາໄສຢູ່ໃນພື້ນທີ່ໃດໜຶ່ງຂອງໂລກນີ້. ຄຣິສຕະຈັກຕາມບ້ານໝາຍເຖິີງຜູ້ທີ່ເຊື່ອໃນພຣະເຢຊູເຈົ້າ ແລະ ປະຊຸມກັນຢູ່ໃນເຮືອນຄົນໃດຄົນໜຶ່ງ ຫຼື ຫຼາຍໆຄົນ. ຄອບຄົວຝ່າຍວິນຍານໝາຍເຖິງຜູ້ທີ່ເຊື່ອພຣະເຈົ້າ ຮັກພຣະເຈົ້າ ຮັກຄົນອື່ນ ແລະ ສ້າງສາວົກ. ເປັນກຸ່ມຄົນທີ່ມາພົບກັນໃນພື້ນທີ່ເພື່ອຮວມໂຕກັນເປັນຄຣິສຕະຈັກຄືຕາມຮູບແບບສຸດທ້າຍນັ້ນແມ່ນຄຣິສຕະຈັກຕາມບ້ານ ຫຼື ຄຣິສຕະຈັກລຽບງ່າຍ. ເມື່ອຄຣິສຕະຈັກລຽບງ່າຍເຫຼົ່ານັ້ນມາປະສານງານເພື່ອເຮັດສິ່ງທີ່ໃຫຍ່ກວ່າ ຄືການຮວມໂຕກັນແລ້ວພວກເຂົາກໍສາມາດຕັ້ງເປັນຄຣິສຕະຈັກທ້ອງຖິ່ນ ຫຼື ຄຣິສຕະຈັກໃນພື້ນທີ່ນັ້ນໄດ້. ຄຣິສຕະຈັກລຽບງ່າຍທັງໝົດໄດ້ປະສານກັນເປັນພື້ນທີ່ຕ່າງໆ ແລະ ໄດ້ຂະຫຍາຍແຜ່ອອກໄປຕະຫຼອດປະຫວັດສາດທີ່ຜ່ານມາ ເຊິ່ງເປັນສ່ວນໜຶ່ງຂອງຄຣິສຕະຈັກສາກົນ ນັ້ນແມ່ນຄຣິສຕະຈັກທີ່ຂຶ້ນຕົ້ນດ້ວຍໂຕອັກສອນ ຄ ຄົນ. ຄຣິສຕະຈັກລຽບງ່າຍເປັນຄອບຄົວຝ່າຍວິນຍານທີ່ມີພຣະເຢຊູເຈົ້າເປັນສູນກາງ ແລະ ເປັນກະສັດຂອງພວກເຂົາ. ຄຣິສຕະຈັກລຽບງ່າຍເປັນຄຣິສຕະຈັກທີ່ຮັກພຣະເຈົ້າ ຮັກຜູ້ອື່ນ ແລະ ສ້າງສາວົກ ທີ່ເພີ່ມຈຳນວນທະວີຂຶ້ນ. ບາງຄຣິສຕະຈັກມີເຮືອນ ມີລາຍງານ ມີງົບປະມານ ແລະ ພະນັກງານ ແຕ່ຄຣິສຕະຈັກລຽບງ່າຍບໍ່ຈໍາເປັນຕ້ອງມີສິ່ງເຫຼ່ົານັ້ນ ເພື່ອຮັກພຣະເຈົ້າ ຮັກຜູ້ອື່ນ ແລະ ສ້າງສາວົກໃຫ້ຈໍານວນເພີ່ມທະວີ ແລະ ເນື່ອງຈາກສິ່ງໃດກໍຕາມທີ່ເພີ່ມເຂົ້າມາ ຍ່ອມເຮັດໃຫ້ຄຣິສຕະຈັກຊັບຊ້ອນຫຼາຍຍິ່ງຂຶ້ນ ແລະ ຍາກຂຶ້ນໃນການເພີ່ມທະວີຈໍານວນ. ການຝຶກອົບຮົມຈຶ່ງໄດ້ປະສິ່ງເຫຼົ່ານີ້ເປັນລາຍການງົບປະມານເອົາໄວ້ໃຫ້ເປັນໜ້າທີ່ຂອງຄຣິສຕະຈັກທ້ອງຖິ່ນ ຫຼື ຄຣິສຕະຈັກພື້ນທີ່ເປັນຜູ້ສ້າງຂຶ້ນມາ. ເຊິ່ງກໍມາຈາກການເພີ່ມທະວີຂອງຈໍານວນຂອງຄຣິສຕະຈັກລຽບງ່າຍນັ້ນເອງ. ກະລຸນາຈື່ໄວ້ວ່າ ຊູມີ ໝາຍເຖິງເຊື້ອແປ້ງ ສິ່ງມີຊີວິດເຊວດຽວທີ່ສາມາດແຜ່ຂະຫຍາຍໄດ້ຢ່າງໄວວາ ໂດຍການອົບຮົມຊູມີມັກຈະເປັນເໝືອນເຊື້ອແປ້ງນັ້ນມັນງ່າຍດາຍ ແລະ ເພີ່ມຈໍານວນເປັນທະວີຄູນ ແຕ່ກ່ອນທີ່ເຮົາຈະເລີ່ມເພີ່ມຈໍານວນເຮົາຕ້ອງແນ່ໃຈເສຍກ່ອນວ່າເຮົາຕ້ອງການເພີ່ມຈໍານວນສິ່ງໃດ ການເພີ່ມທະວີຈໍານວນນັ້ນອາດຈະເປັນເລື່ອງທີ່ດີ ແຕ່ກໍບໍ່ສະເຫມີໄປ. ເຊື້ອມະເລັງມັນກໍແມ່ນການເພີ່ມທະວີຈໍານວນ ແຕ່ມັນກໍນໍາໄປສູ່ຄວາມຕາຍ ເຮົາຈະສ້າງຊີວິດໃໝ່ບໍ່ແມ່ນຄວາມຕາຍໄດ້ແນວໃດ ແລະ ເຮົາແນ່ໃຈໄດ້ແນວໃດວ່າເຮົາເປັນສາວົກທີ່ມີຄຸນຄ່າຕໍ່ການສ້າງສາວົກໃໝ່

ຍິນດີຕ້ອນຮັບກັບເຂົ້າສູ່ການອົບຮົມຊູເມ້

ໃນບົດຮຽນນີ້ພວກເຮົາຈະເວົ້າເຖິງການໄດ້ຍິນສຽງຈາກພຣະເຈົ້າແລະການເຊື່ອຟັງໃນສິ່ງທີ່​ພວກເຮົາໄດ້ຍິນ

ການຫາຍໃຈຄືຊີວິດ ເຮົາຫາຍໃຈເຂົ້າ ເຮົາຫາຍໃຈອອກ ຊີວິດ

ໃນອານາຈັກຂອງພຣະເຈົ້າການຫາຍໃຈກໍສຳຄັນຄືກັນ

ອັນທີ່ຈິງແລ້ວພຣະເຈົ້າຊົງເອີ້ນພຣະວິນຍານຂອງພຣະອົງວ່າ "ລົມຫາຍໃຈ"

ໃນອານາຈັກຂອງພຣະເຈົ້າ ເຮົາຫາຍໃຈເຂົ້າເມື່ອເຮົາໄດ້ຍິນຈາກພຣະເຈົ້າ

ເຮົາຫາຍໃຈເຂົ້າເມື່ອເຮົາໄດ້ຍິນຈາກພຣະເຈົ້າຜ່ານ​ທາງພຣະຄຳຂອງພຣະອົງຄື - ຈາກພຣະຄຳພີ

ເຮົາຫາຍໃຈເຂົ້າເມື່ອເຮົາໄດ້ຍິນຈາກພຣະເຈົ້າຜ່ານ​ທາງການອະທິຖານ ເຊິ່ງເປັນການສົນທະນາຂອງເຮົາກັບພຣະອົງ

ເຮົາຫາຍໃຈເຂົ້າເມື່ອເຮົາໄດ້ຍິນຈາກພຣະເຈົ້າຜ່ານພຣະກາຍຂອງພຣະອົງ - ຄື ຄຣິສຕະຈັກ ຜ່ານຜູ້ເຊື່ອໃນພຣະເຢຊູ​ເຈົ້າຄົນອື່ນໆ

ເຮົາຫາຍໃຈເຂົ້າເມື່ອເຮົາໄດ້ຍິນຈາກພຣະເຈົ້າຜ່ານພຣະ​ຣາຊະກິດຂອງພຣະອົງ - ຄືເຫດການຕ່າງໆ ປະສົບການແລະບາງຄັ້ງ ຜ່ານການຂົ່ມເຫງແລະຄວາມທູກຍາກທີ່ ພຣະອົງຊົງອະນຸຍາດໃຫ້ລູກຂອງພຣະອົງປະເຊີນກັບມັນ

ໃນອານາຈັກຂອງພຣະເຈົ້າເມື່ອເຮົາຫາຍໃຈອອກຄືເມື່ອເຮົາລົງມີກະທຳໃນສິ່ງທີ່ເຮົາໄດ້ຍິນຈາກພຣະເຈົ້າ ເຮົາຫາຍໃຈອອກເມື່ອເຮົາເຊື່ອຟັງ

ບາງຄັ້ງການຫາຍໃຈອອກເພື່ອເຊື່ອຟັງໝາຍເຖິງການປ່ຽນແປງຄວາມຄິດ ຄຳເວົ້າ ການກະທຳ ເພື່ອໃຫ້ສອດຄ່ອງກັບພຣະເຢ​ຊູເຈົ້າແລະພຣະປະສົງຂອງພຣະອົງ

ບາງຄັ້ງການຫາຍໃຈອອກເພື່ອເຊື່ອຟັງໝາຍເຖິງການແບ່ງປັນສິ່ງທີ່ພຣະເຢຊູ​ເຈົ້າປະທານໃຫ້ແກ່ເຮົາ - ຄືໃຫ້ໃນສິ່ງທີ່ພຣະອົງໃຫ້ແກ່ເຮົາ ເພື່ອຜູ້ອື່ນຈະສາມາດຮັບພຣະພອນເຊັ່ນດຽວກັບທີ່ພຣະເຈົ້າກຳລັງອວຍພອນພວກເຮົາ

ສຳລັບຜູ້ຕິດຕາມພຣະເຢຊູ​ເຈົ້າ - ການຫາຍໃຈເຂົ້າແລະການຫາຍໃຈອອກເປັນຫົວໃຈສຳຄັນ ຄືຊີວິດຂອງເຮົາເອງແທ້ໆ

ພຣະເຢຊູ​ເຈົ້າກ່າວວ່າ - ພຣະບຸດບໍ່ອາດເຮັດສຶ່ງໃດໂດຍລຳພັງພຣະອົງເອງ ພຣະອົງສາມາດເຮັດໄດ້ພຽງແຕ່ສິ່ງທີ່ເຫັນພຣະບິດາເຈົ້າຂອງພຣະອົງຊົງກະທຳ ເພາະພຣະບິດາ​ເຈົ້າຊົງກະທຳສິ່ງໃດ ພຣະບຸດກໍ່ກະທຳສິ່ງນັ້ນດ້ວຍ

ພຣະເຢຊູເຈົ້າກ່າວວ່າ - ເຮົາບໍ່ໄດ້ເວົ້າຕາມໃຈເຮົາເອງແຕ່ ພຣະບິດາເຈົ້າຜູ້ຊົງສົ່ງເຮົາມາໄດ້ຊົງບັນຊາເຮົາວ່າຈະເວົ້າຫຍັງແລະເວົ້າແນວໃດ

ພຣະເຢຊູເຈົ້າກ່າວວ່າທຸກຄຳທີ່ພຣະອົງຊົງກ່າວແລະງານທຸກຢ່າງທີ່ພຣະອົງຊົງກະທຳສຳເລັດນັ້ນລ້ວນມາຈາກການໄດ້ຍິນຈາກພຣະເຈົ້າແລະການເຊື່ອຟັງພຣະເຈົ້າ ໃນສິ່ງທີ່ພຣະອົງຊົງໄດ້ຍິນ

ຫາຍໃຈເຂົ້າ - ຄືໄດ້ຍິນຈາກພຣະເຈົ້າ

ຫາຍໃຈອອກ - ເຊື່ອຟັງໃນສິ່ງທີ່ທ່ານໄດ້ຍິນແລະແບ່ງປັນສິ່ງນີ້ໃຫ້ຜູ້ອື່ນ

ພຣະເຢຊູເຈົ້າກ່າວວ່າຜູ້ເຊື່ອພຣະອົງຈະໄດ້ຍິນຈາກພຣະເຈົ້າອີກດ້ວຍ ໂດຍພຣະວິນຍານບໍລິສຸດເຈົ້າຂອງພຣະອົງຄື - ລົມຫາຍໃຈຂອງພຣະອົງ ຈະຖືກລະບາຍເຂົ້າໃນເຮົາທຸກຄົນທີ່ເຊື່ອໃນພຣະອົງ

ພຣະເຢຊູເຈົ້າກ່າວວ່າ - ແຕ່ພ​ຣະ​ຜູ້​ຊ່ວຍຄືພຣະວິນຍານບໍລິສຸດ​ເຈົ້າ ຜູ້​ທີ່ພຣະບິດາຈະໃຊ້ໃນນາມຂອງເຮົາຈະຊົງສອນສິ່ງທັງປວງແກ່ທ່ານແລະຈະໃຫ້ພວກທ່ານ ລະລຶກເຖິງທຸກສິ່ງທີ່ເຮົາໄດ້ກ່າວກັບພວກທ່ານ

ຫາຍໃຈເຂົ້າຄື - ໄດ້ຍິນຈາກພຣະເຈົ້າ

ຫາຍໃຈອອກຄື - ເຊື່ອຟັງໃນສິ່ງທີ່ທ່ານໄດ້ຍິນແລະບອກເລົ່າສິ່ງນີ້ໃຫ້ຜູ້ອື່ນຟັງ

ພຣະເຢຊູເຈົ້າຊົງສຳແດງໃຫ້ເຮາເຫັນວ່າຈະດຳເນີນຊີວິດໄດ້ແນວໃດ

ແລ້ວພວກເຮົາຈະຟັງສຽງຂອງພຣະເຈົ້າໄດ້ແນວໃດ? ເຮົາຮູ້ໄດ້ແນວໃດວ່າຈະເຊື່ອຟັງຫຍັງ?

ພຣເຢຊູເຈົ້າຊົງຮຽກພຣະອົງເອງວ່າ "ຜູ້ລ້ຽງທີ່ດີ" ພຣະເຢຊູເຈົ້າຊົງຮຽກບັນດາຜູ້ເຊື່ອວ່າ "ແກະ" ຂອງພຣະອົງ

ພຣະເຢຊູເຈົ້າກ່າວວ່າ - ແກະຂອງເຮົາຟັງສຽງຂອງເຮົາ ເຮົາຮູ້ຈັກແກະນັ້ນແລະແກະນັ້ນຕາມເຮົາມາ

ພຣະເຢຊູເຈົ້າກ່າວວ່າ - ຜູ້ທີ່ເປັນຄົນຂອງພຣະເຈົ້າຍ່ອມຮັບຟັງສິ່ງທີ່ພຣະອົງກ່າວ ເຫດທີ່ພວກທ່ານບໍ່ຍອມຟັງກໍ່ເພາະພວກທ່ານບໍ່ໄດ້ເປັນຂອງພຣະເຈົ້າ

ໃນຖານະທີ່ເປັນຜູ້ເຊື່ອໃນພຣະເຢຊູເຈົ້າ ເຮົາຕ້ອງໝັ່ນຟັງສຽງຂອງພຣະອົງ

• ເຮົາໄດ້ຍິນສຽງຂອງພຣະອົງໄດ້ໂດຍການສະຫງົບນິ້ງ
• ເຮົາໄດ້ຍິນສຽງຂອງພຣະອົງໄດ້ໂດຍການມຸ້ງຄວາມສົນໃຈໄປທີ່ພຣະເຢຊູເຈົ້າ
• ເຮົາໄດ້ຍິນສຽງຂອງພຣະອົງໄດ້ໃນຄວາມຄິດຕ່າງໆ ໃນນິມິດ ໃນຄວາມຮູ້ສຶກແລະສິ່ງທີ່ເຮົາປະທັບໃຈ
• ເຮົາໄດ້ຍິນສຽງຂອງພຣະອົງໄດ້ເມື່ອເຮົາຂຽນລົງໄປແລະທົດສອບສິ່ງທີ່ເຮົາໄດ້ຍິນນັ້ນ

ບໍ່ແມ່ນທຸກສຽງ ບໍ່ແມ່ນທຸກຄວາມຄິດ ບໍ່ແມ່ນທຸກນິມິດ ທຸກຄວາມຮູ້ສຶກຫຼືທຸກຄວາມປະທັບໃຈຈະເປັນສຽງຂອງພຣະເຈົ້າ

ບາງຄັ້ງມັນເປັນສຽງຂອງສັດຕູ ພຣະເຢຊູເຈົ້າກ່າວວ່າ ສັດຕູຂອງເຮົາຄືການຂີ້ຕົວະແລະພໍ່ຂອງການຂີ້ຕົວະ ພຣະເຢຊູເຈົ້າກ່າວວ່າ "ສັດຕູມາເພື່ອລັກຂ້າແລະທຳລາຍ!"

ແຕ່ພຣະເຈົ້າກ່າວວ່າເຮົາຈະໄດ້ຍິນສຽງຈາກພຣະອົງ ແລະເຮົາຈະຮູ້ວ່ານັ້ນຄືພຣະອົງເມື່ອພຣະອົງກ່າວ

ໂດຍການຝຶກຝົນແລະການອະທິຖານ ເຮົາຈະຮູ້ຈັກສຽງຂອງພຣະເຈົ້າໄດ້ດີຂຶ້ນ ເຮົາສາມາດຮຽນຮູ້ໄຈ້ແຍກໄດ້ວ່າສຽງທີ່ເຮົາໄດ້ຍິນນັ້ນມາຈາກພຣະເຈົ້າຫຼືເປັນສຽງອື່ນ

ມີວິທີທີ່ເຮົາທົດສອບສິ່ງທີ່ເຮົາໄດ້ຍິນ

• ເມື່ອພຣະເຢຊູເຈົ້າກ່າວ - ສຽງຂອງພຣະອົງກໍຈະສອດຄ່ອງກັບພຣະຄຳຂອງພຣະອົງທີ່ບັນທຶກໄວ້ແລ້ວສະເໝີ - ຄືພຣະຄຳພີນັ້ນເອງ ພຣະຄຳພີໄດ້ບອກພວກເຮົາແລ້ວ ສຽງຂອງພຣະອົງຈະບໍ່ຂັດແຍ້ງກັບຄຳກ່າວຂອງພຣະອົງທີ່ບັນທຶກໄວ້ໃນພຣະຄຳພີ
• ເມື່ອພຣະເຢຊູເຈົ້າກ່າວ - ສຽງຂອງພຣະອົງຈະເຮັດໃຫ້ຫົວໃຈເຮົາຮູ້ສຶກເຖິງຄວາມຫວັງແລະສັນຕິສຸກ ສຽງຂອງພຣະອົງຈະບໍ່ເຮັດໃຫ້ເຮົາຮູ້ສຶກຖືກກ່າວປະນາມຫຼືເສຍກຳລັງໃຈ ພຣະເຢຊູເຈົ້າຊົງແກ້ໄຂຕັກເຕືອນພວກເຮົາດ້ວຍຄວາມຮັກ
• ສຽງຂອງພຣະເຢຊູເຈົ້າຈະບໍ່ສະແດງອອກເຖິງການງານຂອງເນື້ອໜັງ - ບໍ່ວ່າຈະເປັນການຜິດສີນທຳທາງເພດ ຄວາມບໍ່ບໍລິສຸດ ແລະການລາມົກ ການຂາບໄຫວ້ຮູບເຄົາລົບ ການໃຊ້ຄາຖາອາຄົມ ຄວາມກຽດຊັງ ຄວາມຄຽດແຄ້ນ ຄວາມອິດສາຫຶງຫວງ ຄວາມໃຈຮ້າຍ ຄວາມເຫັນແກ່ໂຕ ການບໍ່ປອງດອງກັນ ການແບ່ງພັກແຍກພວກ ແລະຄວາມຢ້ານລື່ນກັນ ການກິນເຫຼົ້າເມົາ ແລະການມົ້ວສຸມສິ່ງເສບຕິດແລະທາງເພດ ສິ່ງເຫຼົ່ານີ້ບໍ່ແມ່ນສຽງຂອງພຣະເຈົ້າ
• ເມື່ອພຣະເຢຊູເຈົ້າຊົງກ່າວ - ສຽງຂອງພຣະອົງຈະສຳແດງຜົນຂອງພຣະວິນຍານ - ນັ້ນຄື ຄວາມຮັກ ຄວາມຊື່ນຊົມຍິນດີ ສັນຕິສຸກ ຄວາມອົດທົນ ຄວາມປານີ ຄວາມດີ ຄວາມຊື່ສັດ ຄວາມສຸພາບອ່ອນໂຍນ ແລະການຄວບຄຸມຕົນເອງ
• ເມື່ອພຣະເຢຊູເຈົ້າກ່າວ - ສຽງຂອງພຣະອົງຈະໃຫ້ຄວາມຮູ້ສຶກທີ່ໝັ້ນໃຈແກ່ເຮົາບໍ່ແມ່ນຄວາມສົງໄສ ເຮົາສຳພັດໄດ້ເຖິງຄວາມຮູ້ສຶກແລະສັນຕິສຸກຈາກສິ່ງທີ່ເຮົາກຳລັງໄດ້ຍິນຈາກພຣະເຈົ້າ ເຮົາອາດຈະບໍ່ໄດ້ຍິນທຸກຢ່າງໃນຄັ້ງດຽວ ເຮົາອາດຈະໄດ້ຍິນພຽງແຕ່ສ່ວນໜຶ່ງທີ່ເຮົາຄວນຮູ້ ແຕ່ສິ່ງທີ່ເຮົາໄດ້ຍິນຈະໝັ້ນຄົງ ບໍ່ປ່ຽນແປງໄປ

ຂ່າວດີສໍາລັບຜູ້ເຊື່ອໃນພຣະເຢຊູເຈົ້າທຸກຄົນກໍ່ຄືເມື່ອເຮົາຫາຍໃຈເຂົ້າແລະໄດ້ຍິນຈາກພຣະເຈົ້າ ເມື່ອເຮົາຫາຍໃຈອອກແລະເຊື່ອຟັງສິ່ງທີ່ເຮົາໄດ້ຍິນ ແລະບອກຄົນອື່ນໃນສິ່ງທີ່ພວກເຮົາໄດ້ຍິນ - ພຣະເຈົ້າຈະຊົງກ່າວຢ່າງຈະແຈ້ງຍິ່ງຂຶ້ນ

ພຣະອົງຈະຊົງລະບາຍລົມຫາຍໃຈຜ່ານເຮົາຫຼາຍຍິ່ງຂຶ້ນ

ເຮົາຈະໄດ້ຍິນສຽງຂອງພຣະອົງຈະແຈ້ງຍິ່ງຂຶ້ນ

ເຮົາຈະຮູ້ຈັກສຽງຂອງພຣະອົງແລະບໍ່ແມ່ນສຽງອັນອື່ນ

ເຮົາຈະໄດ້ເຫັນພຣະຣາຊະກິດຂອງພຣະອົງໃນໂລກນີ້ ມີໂອກາດໄດ້ຊ່ວຍແລະຮ່ວມເຮັດວຽກກັບພຣະອົງ

ເຮົາຫາຍໃຈເຂົ້າ ເຮົ້າຫາຍໃຈອອກ ມີຊີວິດ

ຊຸດ​ອຸ​ປະ​ກອນ​ຊູ​ເມ ​ຮຽນ​ພ​ຣະ​ຄຳພີ S.O.A.P.S. ​ພ​ຣະ​ເຢ​ຊູ​ກ່າວ​ວ່າ ''ຈົ່ງ​ເຮັດ​ໃຫ້​ຄົນ​ທຸກ​ຊາດ​ເປັນ​ລູກ​ສິດ, ​ໃຫ້​ພວກ​ເຂົາຮັບ​ບັບ​ຕິ​ສະ​ມາ​ໃນ​ພ​ຣະ​ນາມ​ແຫ່ງ​ພ​ຣ​ະບິ​ດາ, ພ​ຣະ​ບຸດ ແລະ ພ​ຣະ​ວິນ​ຍານ​ບໍ​ຣິ​ສຸດ ​ສັ່ງ​ສອນ​ພວກ​ເຂົາ​ໃຫ້​ຖື​ຮັກ​ສາ​ທຸກໆ​ສິ່ງ ທີ່​ເຮົາ​ໄດ້​ສັ່ງ​ພວກ​ເຈົ້າ​ໄວ້​ແລ້ວ​ນັ້ນ'' ຖ້າ​ຜູ້​ຕິດ​ຕາມ​ຂອງພ​ຣະ​ເຢ​ຊູ​ທຸກໆ​ຄົນ​ຈະ​ເຊື່ອ​ຟັງ ​ທຸກ​ຢ່າງ​ທີ່​ພ​ຣະ​ເຢ​ຊູ​ຊົງ​ບັນ​ຊາ​ໄວ້, ​ດັ່ງ​ນັ້ນ ພວກ​ເຂົາ​ຈຳ​ເປັນ​ຕ້ອງ​ຮູ້​ວ່າ​ພ​ຣະ​ເຢ​ຊູ​ໄດ້ຊົງ​ບັນ​ຊາ​ສິ່ງ​ໃດ​ແດ່. ພ​ຣະ​ບັນ​ຊາ ແລະ ພ​ຣະ​ລາກິດ​ອັນ​ຍິ່ງ​ໃຫຍ່ ຄື​ບົດ​ສະຫຼຸບ​ອັນ​ຍິ່ງ​ໃຫຍ່​ທີ່​ພ​ຣະ​ເຈົ້າຊົງ​ກ່າວ​ກັບ​ພວກ​ເຮົາ. ແຕ່​ຖ້າ​ຜູ້​ຕິດ​ຕາມ​ຈະ​ເຕີບ​ໃຫຍ່​ຢ່າງ​ເຕັມ​ຮູບ​ແບບ ຕາມ​ສິ່ງ​ທີ່​ພ​ຣະ​ເຈົ້າ​ໄດ້​ຊົງ​ສ້າງ​ພວກ​ເຂົາ​ໃຫ້​ເປັນ, ດັ່ງ​ນັ້ນ ພວກ​ເຂົາ​ຍິ່ງ​ຈຳ​ເປັນ​ຕ້ອງ​ຮູ້​ຈັກ ແລະ ເຊື່ອ​ຟັງຫຼາຍ​ຂຶ້ນ. S.O.A.P.S. ຫຍໍ້​ມາ​ຈາກ ພ​ຣະ​ຄຳ​ພີ ການ​ສັງ​ເກດ ການນຳມາໃຊ້ ການ​ອະ​ທິ​ຖານ ແລະ ການ​ແບ່ງ​ປັນ ເປັນວິທີ​ການ​ຮຽນຮູ້​ທີ່ງ່າຍ ແລະ ຈື່​ຈຳ​ວິທີການ​ຮຽນ​ພ​ຣະ​ຄຳ​ພີທີ່​ມີ​ປະ​ສິດ​ທິ​ພາບ ທີ່​ບັນ​ດາ​ຜູ້​ຕິດ​ຕາມ​ພ​ຣະ​ເຢ​ຊູ​ສ​າ​ມາດ​ໃຊ້ໄດ້. ໃຫ້​ພວກ​ເຮົາ​ມາ​ເບິ່ງ​ໃນ​ແຕ່​ລະ​ຕອນ​ກັນ​ຕື່ມ​ໜ້ອຍ​ໜຶ່ງ. ເມື່ອ​ທ່ານ​ອ່ານ ຫຼື ຟັງ​ພ​ຣະ​ຄຳ​ພີ: ພ​ຣະ​ຄໍ​າ​ພີ: ຂຽ​ນ​ມາໜຶ່ງຂໍ້​ງ ຫຼື ຫຼາຍ​ກວ່າ ທີ່​ມີ​ຄວາມ​ໝາຍເຈາະ​ຈົງ​ສຳ​ລັບ​ທ່ານ​ໃນ​ມື້​ນີ້. ການ​ສັງ​ເກດ: ຂຽນ​ຄືນ​ຂໍ້ພຣະຄຳ​ເຫຼົ່າ​ນັ້ນ ຫຼື ປະ​ໂຫຍກທີ່​ສຳ​ຄັນ​ຈາກ​ພ​ຣະ​ຄຳພີເຫຼົ່າ​ນັ້ນ ດ້ວຍ​ຄຳ​ເວົ້າ​ຂອງ​ທ່ານເອງ ເພື່ອ​ຊ່ວຍ​ໃຫ້​ທ່ານ​ເຂົ້າ​ໃຈ​ຄວາມ​ໝາຍ​ໄດ້ດີ​ຂຶ້ນ. ການນຳມາໃຊ້: ໄຕ່​ຕອງວ່າ​ມັນ​ໝາຍ​ຄວາມ​ວ່າ​ແນວ​ໃດ ເພື່ອ​ເຊື່ອ​ຟັງ​ພ​ຣະ​ບັນ​ຊາ​ເຫຼົ່າ​ນີ້ ຫຼື ແນວ​ຄິດ​ຕ່າງໆ​ໃນ​ຊີ​ວິດ​ຂອງ​ທ່ານ​ເອງ. ສິ່ງ​ທີ່​ທ່ານ​ຈ​ຳ​ເປັນ​ຕ້ອງ​ເຮັດ​ໃຫ້​ແຕກ​ຕ່າງ ແມ່ນ​ຫຍັງ? ໃຫ້ຂຽນ​ສິ່ງເຫຼົ່ານີ້ອອກ​ມາ. ການ​ອະ​ທິ​ຖານ: ຂ​ຽນ​ຄຳ​ອະ​ທິ​ຖານ​ທີ່​ບອກ​ກັບ​ພ​ຣະ​ເຈົ້າວ່າ​ທ່ານ​ກຳ​ລັງ​ອ່ານ​ອັນ​ໃດ​ໃນ​ພ​ຣະ​ຄຳ​ພີຂອງພຣະອົງ ແລະ ທ່ານ​ເຂົ້າ​ໃຈ​ແນວ​ໃດ​ກ່ຽວ​ກັບ​ການ​ເຊື່ອ​ຟັງ​ພ​ຣະ​ບັນຊາຂອງ​ພ​ຣະ​ອົງ ແລະ ນຳ​ສິ່ງ​ທີ່​ທ່ານ​ໄດ້​ຮຽນ​ຮູ້​ໄປ​ໃຊ້​ໄດ້​ແທ້. ການ​ແບ່ງ​ປັນ: ອະ​ທິ​ຖານ​ຖາມ​ກັບ​ພ​ຣະ​ເຈົ້າວ່າ ແມ່ນ​ໃຜ​ທີ່​ພ​ຣະ​ອົງ​ຕ້ອງ​ການ​ໃຫ້​ທ່ານ​ແບ່ງ​ປັນ ໃນ​ສິ່ງ​ທີ່​ທ່ານ​ໄດ້​ຮຽນ ແລະ ທ່ານ​ຈະ​ນຳ​ເອົາ​ໄປ​ໃຊ້​ແນວ​ໃດ. ໃຫ້​ພວກ​ເຮົາ​ມາ​ໃຊ້ S.O.A.P.S.ນຳ​ກັນ ພ​ຣະ​ຄຳ​ພີ: ພ​ຣະ​ຄຳ​ພີ​ກ່າວ​ວ່າ: ''ຄວາມຄິດເຮົານັ້ນ ບໍ່ຄືຄວາມຄິດຂອງພວກເຈົ້າ ແລະ ວິຖີທາງຂອງເຮົານັ້ນກໍແຕກຕ່າງໃດ ບໍ່ຄືວິຖີທາງຂອງພວກເຈົ້າ ຟ້າສະຫວັນສູງກວ່າແຜ່ນດິນໂລກສັນໃດ ວິຖີທາງທັງຄວາມຄິດເຮົາ ກໍສູງກວ່າສັນນັ້ນ'' ເອ​ຊາ​ຢາ 55:8-9 ການ​ສັງ​ເກດ: ໃນ​ຖາ​ນະ​ທີ່​ຂ້ອຍເປັນ​ມະ​ນຸດ, ຂ້ອຍ​ມີຂີດ​ຈຳ​ກັດ​ດ້ານ​ຄວາມ​ຮູ້ ແລະ ໃນ​ສິ່ງ​ທີ່​ຂ້ອຍ​ຮູ້​ວິ​ທີ​ເຮັດ. ພ​ຣະ​ເຈົ້າ​ບໍ່​ມີ​ຂີດ​ຈຳ​ກັດ​ໃນທາງໃດໜຶ່ງ. ພ​ຣະ​ເຈົ້າ​ຊົງ​ເຫັນ ແລະ ຮູ້​ທຸກໆ​ຢ່າງ. ພ​ຣະ​ອົງຊົງ​ເຮັດ​ໄດ້​ທຸກ​ສິ່ງ. ການນຳມາໃຊ້: ເມື່ອ​ພ​ຣະ​ເຈົ້າຊົງ​ຮູ້​ທຸກໆ​ຢ່າງ ແລະ ທາງ​ຂອງ​ພ​ຣະ​ອົງ​ກໍ​ດີ​ທີ່​ສຸດ, ​ຊີ​ວິດຂ້ອ​ຍ​ຈະ​ປະ​ສົບ​ຜົນ​ສຳ​ເລັດ​ຖ້າ​ຂ້ອຍ​ຕິດ​ຕາມ​ພ​ຣະ​ອົງ. ແທນ​ທີ່​ຈະ​ເພິ່ງ​ພາ​ກຳ​ລັງ​ຕົນ​ເອງ​ໃນ​ການ​ເຮັດ​ສິ່ງ​ຕ່າງໆ. ການ​ອະ​ທິ​ຖານ: ຂ້າແດ່ພ​ຣະ​ບິ​ດາ​ເຈົ້າ, ຂ້າ​ນ້ອຍ​ບໍ່​ຮູ້​ວ່າ​ຈະ​ໃຊ້​ຊີ​ວິດໃຫ້​ດີ​ຢ່າງ​ໃດ ເພື່ອ​ທີ່​ຈະ​ໃຫ້​ພ​ຣະ​ອົງ​ຊົງ​ພໍ​ພ​ຣະ​ໄທ ແລະ ​ຊ່ວຍ​ເຫຼືອຄົນ​ອື່ນໆ. ວິຖີ​ທາງ​ຂອງ​ຂ້າ​ນ້ອຍ​ນຳ​ໄປ​ສູ່​ຄວາມ​ຜິດ​ພາດ. ຄວາມ​ຄິດ​ຂອງ​ຂ້ານ້ອຍ​ກໍ​ພາ​ໃຫ້​ເຈັບ​ປວດ. ຂໍ​ພ​ຣະ​ອົງ​ຊົງ​ໂຜດ​ສອນ​ຂ້າ​ນ້ອຍ​ດ້ວຍ​ວິຖີທາງ ແລະ ຄວາມ​ຄິດ​ຂອງ​ພ​ຣະ​ອົງ​ແທນ​ດ້ວຍ ຂໍ​ອົງ​ພ​ຣະ​ວິນ​ຍານ​ບໍ​ຣິ​ສຸດ​ນຳ​ຂ້າ​ນ້ອຍ​ໃນຂະນະທີ່​ຂ້ານ້ອຍ​ຕິດ​ຕາມ​ພ​ຣະ​ອົງ. ການ​ແບ່ງ​ປັນ: ຂ້ອຍ​ຈະ​ແບ່ງ​ປັນ​ຂໍ້​ພ​ຣະ​ຄຳ​ເຫຼົ່າ​ນີ້ ແລະ ການນຳມາໃຊ້​ນີ້​ກັບ​ໝູ່​ຂອງ​ຂ້ອຍ, ສະ​ຕີບ, ຜູ້​ທີ່​ກຳ​ລັງ​ຜ່ານ​ຊ່ວງ​ເວ​ລາ​ທີ່​ຍາກ​ລຳ ບາກ ແລະ ຕ້ອງ​ການ​ທິດ​ທາງ​ການ​ຕັດ​ສິນ​ໃຈ​ທີ່​ສຳ​ຄັນ​ທີ່​ລາວ​ກຳ​ລັງ​ປະ​ເຊີນ​ຢູ່. ຮຽນ​ພ​ຣະ​ຄຳ​ພີ S.O.A.P.S. ອຸ​ປະ​ກອນ​ອັນ​ໜຶ່ງ​ທີ່​ງ່າຍໆ​ໃນ​ຊຸດ​ອຸ​ປະ​ກອນ​ຂອງ​ຊູ​ເມ

ພຣະຄໍາພີ

ຂຽນພຣະຄໍາພີໜຶ່ງຂໍ້ ຫຼື ຫຼາຍກວ່ານັ້ນທີ່ມີຄວາມໝາຍໂດຍກົງກັບທ່ານໃນວັນນີ້.

ການສັງເກດ

ຂຽນຂໍ້ເຫຼົ່ານັ້ນຄືນ ຫຼື ຂຽນຂໍ້ທີ່ສໍາຄັນໃນຄຳເວົ້າຂອງທ່ານເອງເພື່ອໃຫ້ເຂົ້າໃຈດີຂຶ້ນ.

ການນຳມາໃຊ້

ໄຕ່ຕອງວ່າການເຊື່ອຟັງຄໍາສັ່ງແມ່ນມີໝາຍໃນຊີວິດຂອງທ່ານແນວໃດ.

ການອະທິຖານ

ຂຽນຄໍາອະທິຖານທີ່ບອກກັບພຣະເຈົ້າວ່າທ່ານໄດ້ຮຽນ ແລະ ທ່ານວາງແຜນຈະເຊື່ອຟັງພຣະອົງແນວໃດ.

ການແບ່ງປັນ

ອະທິຖານກັບພຣະເຈົ້າວ່າແມ່ນໃຜທີ່ພຣະອົງຕ້ອງການໃຫ້ທ່ານແບ່ງປັນ/ຕອບສະໜອງໃນສິ່ງທີ່ທ່ານໄດ້ຮຽນຮູ້.

ນີ້ແມ່ນຕົວຢ່າງຂອງ S.O.A.P.S. ໃນບ່ອນເຮັດວຽກ:

S - ຄວາມຄິດຂອງເຮົານັ້ນ ບໍ່ຄືຄວາມຄິດຂອງພວກເຈົ້າ ແລະ ວິຖີທາງຂອງເຮົານັ້ນກໍແຕກຕ່າງໃດ ບໍ່ຄືວິຖີທາງຂອງພວກເຈົ້າ. ຟ້າສະຫວັນສູງກວ່າແຜ່ນດິນໂລກສັນໃດວິຖີທາງທັງຄວາມຄິດເຮົາກໍສູງກວ່າສັນນັ້ນ. ເອຊາຢາ 55:8-9

O - ໃນຖານະມະນຸດ, ຂ້ອຍມີຂີດຈໍາກັດໃນສິ່ງທີ່ຂ້ອຍຮູ້ ແລະ ສິ່ງທີ່ຂ້ອຍຮູ້ວິທີເຮັດ.​ ພຣະເຈົ້າຊົງບໍ່ມີຂີດຈໍາກັດບໍ່ວ່າສິ່ງໃດ. ພຣະອົງຊົງເຫັນ ແລະ ຮອບຮູ້ທຸກໆສິ່ງ. ພຣະອົງຊົງເຮັດໄດ້ທຸກສິ່ງ.

A - ເພາະວ່າພຣະເຈົ້າຊົງຮອບຮູ້ໃນທຸກຢ່າງ ແລະ ວິຖີທາງຂອງພຣະອົງກໍດີທີ່ສຸດ. ຂ້ອຍຈະປະສົບຜົນສໍາເລັດໃນຊີວິດຖ້າຂ້ອຍຕິດຕາມພຣະອົງແທນທີ່ຈະເພິ່ງພາວິຖີທາງຂອງຕົນເອງສໍາລັບສິ່ງທີ່ກໍາລັງເຮັດຢຸ່.

P - ພຣະບິດາເຈົ້າ, ຂ້ານ້ອຍບໍ່ຮູ້ວ່າຈະໃຊ້ຊີວິດໃຫ້ດີແນວໃດເພື່ອທີ່ຈະເຮັດໃຫ້ພຣະອົງພໍພຣະໄທ ແລະ ຊ່ວຍເຫຼືອຄົນອື່ນໆ. ຫົນທາງຂອງຂ້ານ້ອຍນໍາໄປສູ່ຄວາມຜິດພາດ ຄວາມຄິດຂອງຂ້ານ້ອຍນໍາໄປສູ່ຄວາມເຈັບປວດ ຂໍພຣະອົງໂຜດຊົງສອນຫົນທາງ ແລະ ຄວາມຄິດຂອງພຣະອົງດ້ວຍ, ຂໍອົງພຣະວິນຍານບໍຣິສຸດຊ່ວຍນໍາພາຂ້ານ້ອຍເໝືອນທີ່ຂ້ານ້ອຍຕິດຕາມພຣະອົງ.

S - ຂ້ອຍຈະແບ່ງປັນຂໍ້ເຫຼົ່ານີ້ ແລະ ການນຳໃຊ້ນີ້ໃຫ້ກັບໝູ່ຂອງຂ້ອຍ, ສຕີບ ຜູ້ທີ່ກໍາລັງຜ່ານຊ່ວງເວລາທີ່ຍາກລໍາບາກ ແລະ ຕ້ອງການການຊີ້ນໍາທີ່ຖືກຕ້ອງສໍາລັບການຕັດສິນໃຈທີ່ສໍາຄັນໃນສິ່ງທີ່ລາວກໍາລັງປະເຊີນຢູ່.

ຊຸດ​ອຸ​ປະ​ກອນ​ຊູ​ເມ ​ກຸ່ມ​ຄວາມ​ຮັບ​ຜິດ​ຊອບ ​ພ​ຣະ​ເຢ​ຊູ​ກ່າວ​ວ່າ ​ຜູ້​ໃດ​ໄດ້​ຮັບຫຼາຍ ​ກໍ​ຈະ​ທ​ວງ​ເອົາ​ກັບ​ຜູ້​​ນັ້ນຫຼາຍ ​ແລະ ຜູ້​ທີ່​ຮັບ​ຝາກ​ໄວ້ຫຼາຍ ​ເພິ່ນ​ກໍ​ຈະ​ທວງ​ເອົາ​ຈາກ​ຜູ້​ນັ້ນຫຼາຍ. ​ພ​ຣະ​ເຢ​ຊູ​ໄດ້​ແບ່ງ​ປັນ​ເລື່ອງລາວ​ຕ່າງໆ​ກ່ຽວ​ກັບ​ຄວາມ​ຮັບ​ຜິດ​ຊອບ ​ແລະ ໄດ້​ບອກ​ຄວາມ​ຈິງ​ກັບ​ພວກ​ເຮົາວ່າ​ພວກ​ເຮົາ​ຈະ​ເປັນ​ຜູ້​ທີ່​ມີ​ຄວາມ​ຮັບ​ຜິດ​ຊອບໄດ້​ແນວ​ໃດ ​ສຳ​ລັບ​ສິ່ງ​ທີ່​ພວກ​ເຮົາ​ເຮັດ ແລະ ເວົ້ານັ້ນ. ພ​ຣະ​ເຢ​ຊູ​​ບອກ​ກັບ​ພວກ​ເຮົາ​ເຖິງສິ່ງ​ເຫຼົ່າ​ນີ້​ໃນ​ເວ​ລາ​ນີ້, ​ເພື່ອ​ພວກ​ເຮົາ​ຈະ​ໄດ້ພ້ອມ​ໃນ​ພາຍຫຼັງ. ​ແລະ ເພາະ​​ວ່າພວກ​ເຮົາ​ຈະ​ກາຍ​ເປັນ​ຜູ້ທີ່​ຮັບ​ຜິດ​ຊອບ​ຕໍ່​ພ​ຣະ​ອົງ​ໃນ​ມື້​ໜຶ່ງ ​ເປັນ​ສິ່ງ​ທີ່​ດີ​ໃນ​ການ​ຝຶກ​ເພື່ອ​ເປັນ​ຄົນ​ທີ່​ມີ​​ຄວາມ​ຮັບ​ຜິດ​ຊອບ​ຕໍ່​ກັບ​ຄົນ​ອື່ນໆ​ໃນ​ຕອນ​ນີ້. ກຸ່ມ​ຄວາມ​ຮັບ​ຜິດ​ຊອບ​ປະກອບດ້ວຍ 2 ຫຼື 3 ຄົນ​ທີ່​ເປັນ​ເພດ​ດຽວ​ກັນ- ​ຜູ້​ຊາຍ​ກັບ​ຜູ້​ຊາຍ, ຜູ້​ຍິງ​ກັບ​ຜູ້​ຍິງ - ຄື​ກຸ່ມ​ທີ່​ມາ​ພົບ​ປະ​ກັນ 1 ຄັ້ງ​ຕໍ່​ອາ​ທິດ​ເພື່ອ​ສົນ​ທະ​ນາ​ກ່ຽວກັບ​ຄຳ​ຖາມ​ທີ່​ໄດ້​ຕັ້ງ​ໄວ້ ​ເພື່ອ​ທີ່​ຈະ​ຊ່ວຍ​ເປີດ​ເຜີຍ​ໃຫ້​ເຫັນ​ຈຸດ​ຕ່າງໆ​ໃຫ້​ເປັນ​ໄປ​ຢ່າງ​ຖືກ​ຕ້ອງ ​ແລະ ຈຸດ​ອື່ນໆ​ທີ່​ຕ້ອງ​ການ​ຄວາມ​ຖືກ​ຕ້ອງ. ຜູ້​ຕິດ​ຕາມຂອງ​ພ​ຣະ​ເຢ​ຊູ​ທຸກໆ​​ຄົນ​ຈະ​ກາຍ​ເປັນ​ຜູ້​ທີ່​ສາ​ມາດ​ມີ​ຄວາມຮັບ​ຜິດ​ຊອບ​ໄດ້. ​ດັ່ງ​ນັ້ນ​ຜູ້​ຕິດ​ຕາມ​ພ​ຣະ​ເຢ​ຊູ​ທຸກໆ​ຄົນ​ຄວ​ນ​ຈະ​ຝຶກ​ຝົນ​ຄວາມ​ຮັບ​ຜິດ​ຊອບ​ກັບ​ຄົນ​ອື່ນໆ. ກຸ່ມ​ຄວາມ​ຮັບ​ຜິດ​ຊອບ ອຸ​ປະ​ກອນ​ອີກ​ໜຶ່ງ​ຊະ​ນິດ​ຂອງ​ຊຸດ​ອຸ​ປະ​ກອນ​ຊູ​ເມ

1. ທ່ານເຄີຍເຫັນພຣະເຈົ້າໃນບ່ອນເຮັດວຽກແນວໃດ?
2. ທ່ານໄດ້ເປັນພະຍານເຖິງຄວາມຍິ່ງໃຫຍ່ຂອງພຣະເຢຊູຄຣິດເຈົ້າທັງດ້ານຄໍາເວົ້າ ແລະ ການກະທໍາຂອງທ່ານໃນອາທິດນີ້ບໍ?
3. ທ່ານເຄີຍຖືກດຶງດູດດ້ວຍເລື່ອງເພດ ຫລື ປ່ອຍໃຫ້ຈິດໃຈຂອງທ່ານຄິດເລື່ອງເພດຢ່າງບໍ່ເຫມາະສົມບໍ?
4. ທ່ານເຄີຍຍອມຮັບຄວາມເປັນເຈົ້າຂອງພຣະເຈົ້າໃນການໃຊ້ເງິນຂອງທ່ານບໍ?
5. ທ່ານເຄີຍມີຄວາມໂລບໃນສິ່ງໃດສິ່ງໜຶ່ງບໍ?
6. ທ່ານເຄີຍທໍາລາຍຊື່ສຽງ ຫຼື ຄວາມຮູ້ສຶກຂອງໃຜດ້ວຍຄໍາເວົ້າຂອງທ່ານບໍ?
7. ທ່ານເຄີຍບໍ່ຊື່ສັດໃນຄໍາເວົ້າ, ການກະທໍາ ຫຼື ເຮັດເກີນຄວາມເປັນຈິງບໍ?
8. ທ່ານເຄີຍມີພຶດຕິກຳເສບຕິດໃດໜຶ່ງບໍ?(ເຊັ່ນຄວາມຂີ້ຄ້ານ ຫຼື ບໍ່ມີລະບຽບວິໄນ)
9. ທ່ານເຄີຍເປັນທາດຂອງເຄື່ອງນຸ່ງ, ໝູ່ເພື່ອນ, ການເຮັດວຽກ ຫຼື ຊັບສົມບັດບໍ?
10. ທ່ານເຄີຍລົ້ມເຫຼວໃນການໃຫ້ອະໄພຄົນອື່ນບໍ?
11. ທ່ານກໍາລັງປະເຊີນກັບຄວາມກັງວົນ ຫຼື ຄວາມກະວົນກະວາຍອັນໃດຢູ່?
12. ທ່ານເຄີຍຈົ່ມບໍ່?
13. ທ່ານເຄີຍຮັກສາຈິດໃຈທີ່ສໍານຶກບຸນຄຸນບໍ?
14. ທ່ານເຄີຍໃຫ້ກຽດ, ເຂົ້າໃຈ ແລະ ໃຈກວ້າງໃນຄວາມສໍາພັນທີ່ສໍາຄັນຂອງທ່ານບໍ?
15. ທ່ານເຄີຍປະເຊີນກັບສິ່ງລໍ້ລວງໃຈອັນໃດ ໃນຄວາມຄິດ, ຄໍາເວົ້າ ຫຼື ການກະທຳ ແລະ ທ່ານຕອບສະໜອງແນວໃດ?
16. ທ່ານໄດ້ກວ້າໂອກາດໃນການຮັບໃຊ້ ຫຼື ເປັນພຣະພອນໃຫ້ກັບຄົນອື່ນໆໂດຍສະເພາະກັບຜູ້ທີ່ເຊື່ອແນວໃດ?
17. ທ່ານເຄີຍໄດ້ຮັບຄໍາຕອບທີ່ກົງກັບສິ່ງທີ່ທ່ານໄດ້ອະທິຖານບໍ?

ໃນບົດຮຽນນີ້ ເຮົາຈະມາເວົ້າເຖິງວິທີການທີ່ຈະຊ່ວຍໃຫ້ຜູ້ເຊື່ອໃນພຣະເຢຊູເຈົ້າເປັນຜູ້ຜະລິດໃນອານາຈັກຂອງພຣະເຈົ້າແທນທີ່ຈະເປັນພຽງແຕ່ຜູ້ຊົມໃຊ້ເທົ່ານັ້ນ

ໃນແຜນການອັນສົມບູນຂອງພຣະເຈົ້າ ພຣະອົງຊົງສ້າງໃຫ້ເຮົາມີຊີວິດທີ່ດຸ່ນດ່ຽງກັນຄື - ເພື່ອຜະລິດແລະຊົມໃຊ້ ເພື່ອສ້າງແລະເພື່ອນຳໃຊ້ ເພື່ອຖ່າຍເທອອກແລະເພື່ອຮັບການເຕີມເຂົ້າມາໃໝ່ ເພື່ອຈະຖ່າຍເທອອກໄດ້ອີກເທື່ອໜຶ່ງ

ແຕ່ໃນໂລກທີ່ບໍ່ສົມບູນນີ້ ມະນຸດໄດ້ປະຕິເສດແຜນການຂອງພຣະເຈົ້າ ແລະຄົນຈຳນວນຫຼວງຫຼາຍດຳເນີນຊີວິດພຽງແຕ່ເປັນສ່ວນໜຶ່ງຂອງແຜນການທີ່ສົມບູນຂອງພຣະເຈົ້າ

ພວກເຂົາຮຽນຮູ້ແຕ່ບໍ່ແບ່ງປັນໃຫ້ຜູ້ອື່ນ ພວກເຂົາໄດ້ຮັບການເຕີມເຂົ້າມາແຕ່ບໍ່ເຄີຍສົ່ງອອກໄປຕໍ່

ພວກເຂົາຊົມໃຊ້ແຕ່ບໍ່ຜະລິດ

ຫາກເຮົາຈະສ້າງສາວົກທີ່ຈະເພີ່ມທະວີຈຳນວນຂຶ້ນນັ້ນ ເຮົາຈະເປັນຕ້ອງແບ່ງປັນໃຫ້ພວກເຂົາຟັງວ່າ ພວກເຂົາຈະເປັນຜູ້ຜະລິດໄດ້ແນວໃດ ບໍ່ແມ່ນເປັນພຽງແຕ່ຜູ້ຊົມໃຊ້ເທົ່ານັ້ນ

ນີ້ແມ່ນວິທີ - ພຣະເຈົ້າຊົງໃຊ້ພຣະຄຳຂອງພຣະອົງທີ່ຖືກບັນທຶກໄວ້ - ເຊິ່ງພວກເຮົາເອີ້ນວ່າພຣະຄຳພີ - ເພື່ອຊ່ວຍໃຫ້ພວກເຮົາເຕີບໃຫຍ່ຂຶ້ນຝ່າຍວິນຍານ

ສາວົກທຸກຄົນຕ້ອງຖືກຕຽມໃຫ້ພ້ອມເພື່ອທີ່ຈະຮຽນຮູ້ ຕີຄວາມໝາຍແລະນຳໃຊ້ພຣະຄຳພີໄດ້

ຕະຫຼອດຫຼາຍພັນປີທີ່ຜ່ານມາໄດ້ມີການບັນທຶກຜ່ານຜູ້ຂຽນຫຼາຍຄົນວ່າ ພຣະເຈົ້າໄດ້ກ່າວພຣະຄຳຂອງພຣະອົງເຂົ້າໄປໃນໃຈຂອງບັນດາຄົນທີ່ສັດຊື່ ເມື່ອພວກເຂົາໄດ້ຮັບຂໍ້ຄວາມເຫຼົ່ານີ້ພວກເຂົາໄດ້ປະກາດແບ່ງປັນສິ່ງທີ່ພວກເຂົາໄດ້ຍິນ

ພຣະຄຳ​ພີສອນພວກເຮົາກ່ຽວກັບເລື່ອງລາວຂອງພຣະເຈົ້າ ແຜນການຕ່າງໆຂອງພຣະອົງ ນ້ຳພຣະໄທຂອງພຣະອົງແລະທາງຂອງພຣະອົງໃຫ້ແກ່ພວກເຮົາ

ໃນບົດຮຽນກ່ອນໜ້ານີ້ ທ່ານໄດ້ຮຽນຮູ້ເຄື່ອງມືງ່າຍໆ ສອງເລື່ອງແລ້ວຄື - ການສຶກສາພຣະຄຳພີແລະໜ່ວຍທີ່ມີໜ້າທີ່ຮັບຜິດຊອບ ໃນບົດຮຽນຕໍ່ໄປທ່ານຈະໄດ້ຮຽນຮູ້ເຄື່ອງມືອີກຮູບແບບໜຶ່ງຄື - ໜ່ວຍສ້າງສາວົກ

ພວກເຂົາຈະໄດ້ຮຽນຮູ້ວ່າພວກເຂົາຈະບໍ່ເປັນພຽງແຕ່ຜູ້ຟັງພຣະຄຳຂອງພຣະເຈົ້າເທົ່ານັ້ນ ແຕ່ຈະເປັນນັກປະຕິບັດແລະເປັນນັກແບ່ງປັນອີກດ້ວຍ ພຣະເຈົ້າໃຊ້ພຣະຄຳຂອງພຣະອົງ - ທີ່ພວກເຮົາຮັບຮູ້ໄດ້ໂດຍຜ່ານການອະທິຖານ - ເພື່ອຊ່ວຍພວກເຮົາໃຫ້ເຕີບໃຫຍ່ຝ່າຍຈິດວິນຍານອີກດ້ວຍ

ການອະທິຖານແມ່ນການໂອ້ລົມກັບພຣະເຈົ້າແລະຟັງພຣະອົງ ການອະທິຖານຊ່ວຍໃຫ້ເຮົາຮູ້ຈັກ

ພຣະເຈົ້າໄດ້ຢ່າງສະໜິດສະໜົມຫຼາຍຂຶ້ນແລະເຂົ້າໃຈຫົວໃຈຂອງພຣະອົງ ຈຸດປະສົງຂອງພຣະອົງ ແລະວິທີຂອງພຣະອົງ

ການອະທິຖານຊ່ວຍພວກເຮົາທີ່ຈະເບິ່ງແຍງແລະຮັບໃຊ້ຄົນອື່ນ ຊ່ວຍເຮົາທີ່ຈະສອນແລະແບ່ງປັນດ້ວຍວິທີທີ່ສະເພາະເຈາະຈົງເຊິ່ງເປັນການຊ່ວຍຄົນໜຶ່ງຫຼືຫຼາຍຄົນໃຫ້ຮູ້ຈັກພຣະເຈົ້າດີຂຶ້ນ

ມີສອງເຄື່ອງມືງ່າຍໆຄື - ການຍ່າງອະທິຖານແລະວົງຈອນການອະທິຖານ ສອງສິ່ງນີ້ຈະຊ່ວຍຜູ້ເຊື່ອໃຫ້ພັດທະນາຊີວິດດ້ານການອະທິຖານສ່ວນຕົວແລະຮຽນຮູ້ທີ່ຈະອະທິຖານໃນຮູບແບບທີ່ເປັນການຮັບໃຊ້ຜູ້ອື່ນ

ເຄື່ອງມືເຫຼົ່ານີ້ຊ່ວຍພັດທະນານິດໄສການອະທິຖານຢ່າງບໍ່ທໍ້ຖອຍແລະຮຽນຮູ້ທີ່ຈະເບິ່ງໂລກດ້ວຍສາຍຕາຝ່າຍວິນຍານ ແທນທີ່ຈະເພິ່ງພາແຕ່ສິ່ງທີ່ພວກເຮົາເບິ່ງເຫັນເ​ທົ່ານັ້ນ

ເມື່ອໃຊ້ເຄື່ອງມື 2 ອັນນີ້ຢ່າງສະມ່ຳສະເໝີ ມັນຈະຊ່ວຍໃຫ້ຜູ້ເຊື່ອພຣະເຢຊູ​ເຈົ້າ ເພີ່ມຄຸນນະພາບຂອງພວກເຂົາໃນການອະທິຖານແລະເສີມສ້າງຄວາມສາມາດໃນການໄດ້ຍິນຈາກພຣະເຈົ້າແລະແບ່ງປັນໃນສິ່ງທີ່ພວກເຂົາໄດ້ຍິນນັ້ນ

ພຣະເຈົ້າຊົງໃຊ້ພຣະກາຍຂອງພຣະອົງຄືບັນດາຜູ້ເຊື່ອ - ທີ່ເຮົາເອີ້ນວ່າຄຣິສຕະຈັກຫຼືຜູ້ເຊື່ອ​ໃນພຣະເຢຊູເຈົ້າ - ເພື່ອເຮັດໃຫ້ເຮົາເຕີບໃຫຍ່ຝ່າຍວິນຍານ

ເມື່ອບັນດາຜູ້ເຊື່ອມາຢູ່ຮ່ວມກັນ ເຮົາກໍຖືກເຊື່ອມຕໍ່ກັນ ພຣະຄຳຂອງພຣະເຈົ້າໄດ້ກ່າວໄວ້ວ່າ

ໃນພຣະເຢຊູເຈົ້າ - ພວກເຮົາທັງໝົດເປັນອະໄວຍະວະຫຼາຍສ່ວນໃນກາຍດຽວກັນ ເວົ້າອີກຢ່າງໜຶ່ງກໍຄື

ພວກເຮົາບໍ່ໄດ້ເຊື່ອມຕໍ່ກັບພຣະເຈົ້າເທົ່ານັ້ນ - ແຕ່ພວກເຮົາຍັງເຊື່ອມຕໍ່ກັນແລະກັນອີກດ້ວຍ

ພຣະເຈົ້າກ່າວວ່າຈົ່ງຍອມເຊື່ອຟັງກັນແລະກັນ ພຣະເຈົ້າກ່າວວ່າຈົ່ງຮັບໃຊ້ເຊິ່ງກັນແລະກັນ

ເຮົາແຕ່ລະຄົນມີຈຸດແຂງຕ່າງກັນແລະແຕ່ລະຄົນກໍມີຈຸດອ່ອນນຳ ພຣະເຈົ້າຄາດຫວັງໃຫ້ເຮົາໃຊ້ຈຸດແຂງຂອງເຮົາຊ່ວຍເຫຼືອຜູ້ອື່ນທີ່ອ່ອນແອ ແລະພຣະອົງຄາດຫວັງໃຫ້ເຮົາຍອມໃຫ້ຜູ້ອື່ນໃຊ້ຈຸດແຂງ

ທີ່ພຣະເຈົ້າປະທານໃຫ້ແກ່ເຂົາເພື່ອຊ່ວຍໃນຈຸດອ່ອນແອຂອງເຮົາອີກດ້ວຍ

ພຣະຄຳພີບອກພວກເຮົາວ່າພຣະເຈົ້າປະທານຄວາມສາມາດພິເສດບາງຢ່າງໃຫ້ແກ່ເຮົາແຕ່ລະຄົນ ໃຫ້ເຮົາແນ່ໃຈວ່າພວກເຮົາໄດ້ໃຊ້ສິ່ງເຫຼົ່ານີ້ເພື່ອຊ່ວຍເຫຼືອເຊິ່ງກັນແລະກັນ ແບ່ງປັນພຣະພອນຫຼວງຫຼາຍໃຫ້ແກ່ຜູ້ອື່ນນຳ

ເຄື່ອງມືງ່າຍໆ ຄື​ໜ່ວຍ​ສ້າງ​ສາ​ວົກ ​ໜ່ວຍ​ທີ່ມີໜ້າທີ່ຮັບຜິດຊອບ ແລະ​ໜ່ວຍພີ່ລ້ຽງໃຫ້ຄຳປຶກສາ ຈະຊ່ວຍໃຫ້ເຮົາໜຸນໃຈເຊິ່ງກັນແລະກັນ ໃຫ້ຮັກແລະເຮັດການດີ ທັງໝົດນີ້ບໍ່ພຽງແຕ່ຊ່ວຍເຮົາໃຫ້ເຊື່ອຟັງ

ໃນສິ່ງທີ່ພຣະເຈົ້າບອກໃຫ້​ພວກເຮົາເຮັດເທົ່ານັ້ນ ແຕ່ຍັງຊ່ວຍໃຫ້ພວກເຮົາຫາວິທີແບ່ງປັນສິ່ງທີ່ໄດ້ຮຽນຮູ້ໄປໃຫ້ຜູ້ອື່ນຟັງນຳອີກດ້ວຍ

ນອກຈາກນີ້ພຣະເຈົ້າຍັງໃຊ້ການຂົ່ມເຫງແລະການທົນທຸກ - ຄືການເສຍສະລະແລະການສູນເສຍທີ່ເຮົາໄດ້ທົນທຸກໃນນາມຊື່ຂອງພຣະເຢຊູເຈົ້າ - ເພື່ອເຮັດໃຫ້ເຮົາເຕີບໃຫຍ່ຝ່າຍຈິດວິນຍານອີກດ້ວຍ

ເມື່ອຜູ້ອື່ນຂົ່ມເຫງແລະທຳຮ້າຍເຮົາເພາະເຮົາຮັກແລະເຊື່ອຟັງພຣະເຢຊູເຈົ້າ ຫຼືເມື່ອສິ່ງຊົ່ວຮ້າຍເກີດຂຶ້ນເຖິງແມ່ນວ່າເຮົາຮັກແລະເຊື່ອຟັງພຣະເຢຊູເຈົ້າກໍ່ຕາມ ພຣະເຈົ້າຊົງໃຊ້ການຂົ່ມເຫງແລະຄວາມທຸກຍາກເຫຼົ່ານີ້ ເພື່ອຫຼໍ່ຫຼອມຊີວິດຂອງເຮົາໃຫ້ດີຂຶ້ນແລະສ້າງເຮົາໃຫ້ເປັນເໝືອນພຣະເຢຊູເຈົ້າຫຼາຍຂຶ້ນ

ພຣະອົງຊົງພັດທະນຳຊີວິດຂອງເຮົາ ເຮັດໃຫ້ເຮົາເຂັ້ມແຂງຍິ່ງຂຶ້ນ ຊົງຊຳລະຄວາມເຊື່ອຂອງເຮົາ ກຽມເຮົາໃຫ້ພ້ອມສຳລັບພັນທະກິດແລະຊ່ວຍເຮົາໃຫ້ຮັບໃຊ້ຜູ້ອື່ນທີ່ກຳລັງທົນທຸກໃນແບບທີ່ພິເສດ - ໃນຂະນະດຽວກັນພຣະອົງສຳແດງໃຫ້ທຸກຄົນທີ່ກຳລັງເບິ່ງພວກເຮົາຢູ່ ຄືຄົນທີ່ເຫັນເຖິງຄວາມເຈັບປວດຂອງເຮົາກໍຈະໄດ້ເຫັນພຣະອົງຈະແຈ້ງຍິ່ງຂຶ້ນ

ພຣະເຈົ້າບອກເຮົາວ່າໃນຖານະຜູ້ເຊື່ອພຣະເຢຊູເຈົ້າ ເຮົາຄວນຄາດຫວັງວ່າເຮົາຈະຖືກຂົ່ມເຫງ

ພຣະເຢຊູເຈົ້າກ່າວວ່າ - ເມື່ອ​ຄົນ​ກ່າວ​ນິນທາ​ແລະ​ຂົ່ມເຫັງ​ເຈົ້າ​ທັງຫລາຍ ແລະ​ເວົ້າ​ຄວາມຊົ່ວ​ອັນ​ບໍ່​ຈິງ​ທຸກຢ່າງ​ຕໍ່ສູ້​ເຈົ້າ​ທັງຫລາຍ ເພາະ​ເຫັນ​ແກ່​ເຮົາ ພວກເຈົ້າ​ກໍ​ເປັນ​ສຸກ. ຈົ່ງ​ເປັນ​ສຸກ​ແລະ​ຈົ່ງ​ຊົມຊື່ນ​ຍິນດີ​ເຖີດ ເພາະ​ພວກເຈົ້າ​ມີ​ບຳເໜັດ​ອັນ​ຍິ່ງໃຫຍ່​ໃນ​ສະຫວັນ​ແລ້ວ ບັນດາ​ຜູ້ທຳນວາຍ​ໃນ​ສະໄໝ​ກ່ອນ​ກໍ​ຖືກ​ຂົ່ມເຫັງ​ຢ່າງ​ດຽວກັນ​ນີ້​ແຫຼະ.

ເຄື່ອງມືງ່າຍໆ ເຊັ່ນ​ໜ່ວຍ​ສ້າງ​ສາ​ວົກແລະໜ່ວຍ​ທີ່ມີໜ້າທີ່ຮັບຜິດຊອບ ໃຫ້ໂອກາດບັນດາຜູ້ທີ່ເຊື່ອພຣະເຢຊູເຈົ້າທີ່ຈະໄດ້ເລົ່າເຖິງການຂົ່ມເຫງແລະຄວາມທຸກຍາກຕ່າງໆທີ່ພວກເຂົາປະສົບ

​ໜ່ວຍເຫຼົ່ານີ້ໃຫ້ໂອກາດທ່ານເພື່ອສອນສາວົກວ່າ ພຣະຄຳຂອງພຣະເຈົ້າທີ່ກ່າວໄວ້ວ່າ ເຮົາຄວນກຽມຕົວເພື່ອທີ່ຈະປະເຊີນຄວາມທຸກຍາກລຳບາກ ແລະເຮົາຄວນກຽມພວກເຂົາໃຫ້ພ້ອມ ເພື່ອການ

ຕອບສະໜອງຢ່າງຖືກຕ້ອງດ້ວຍຄວາມເຊື່ອໝັ້ນໃນຄວາມຮັກຂອງພຣະເຈົ້າ ເມື່ອສິ່ງຕ່າງໆທີ່ບໍ່ຖືກຕ້ອງແລະບໍ່ຄາດຄິດເຂົ້າມາໃນຊີວິດ

ພຣະຄຳພີ ການອະທິຖານ ຮ່າງກາຍຂອງຜູ້ເຊື່ອ ການຂົ່ມເຫງແລະການທົນທຸກ

ທັງໝົດນີ້ຄືວິທີການຕ່າງໆ ທີ່ພຣະເຈົ້າຊົງເຮັດໃຫ້ເຮົາເຕີບໃຫຍ່ເປັນເໝືອນກັບພຣະເຢຊູ​ເຈົ້າ

ພຣະບຸດພຣະເຈົ້າຜູ້ທີ່ສົມບູນແບບຫຼາຍຍິ່ງຂຶ້ນ

ເຄື່ອງມືຕ່າງໆ ຊ່ວຍໃຫ້ເຮົາບໍ່ເປັນພຽງແຕ່ຜູ້ຊົມໃຊ້ຫຼືຜູ້ຮັບແຕ່ສິ່ງດີໆທີ່ພຣະເຈົ້າຊົງປະທານໃຫ້ແກ່ເຮົາເທົ່ານັ້ນ ແຕ່ຊ່ວຍໃຫ້ເຮົາເປັນຜູ້ຜະລິດຫຼືຜູ້ສ້າງແລະທັງເປັນຜູ້ແບ່ງປັນອີກດ້ວຍ

​ຊຸດ​ອຸ​ປະ​ກອນ​ຊູ​ເມ ​ວົງ​ຈອນ​ການ​ອະ​ທິ​ຖານ ​ພ​ຣະ​ເຢ​ຊູ​ຊົງ​ສອນ​ຜູ້​ຕິດ​ຕາມ​ຂອງ​ພ​ຣະ​ອົງຫຼາຍ​ຄັ້ງ​ກ່ຽວກັບ​ພ​ຣະ​ປະ​ສົງ​ຂອງ​ພ​ຣະ​ອົງ, ​ການ​ຝຶກ​ຝົນ ແລະ ຄຳ​ສັນ​ຍາ​ຂອງ​ການ​ອະ​ທິ​ຖານ. ພ​ຣະ​ເຢ​ຊູ​ກ່າວ​ວ່າ ຈົ່ງ​ໝັ່ນ​ຂໍ​ແລ້ວ​ເຈົ້າ​ຈ​ະ​ໄດ້​ຮັບ ​ຈົ່ງ​ໝັ່ນ​ຊອກຫາ​ແລ້ວ​ເຈົ້າ​ກໍຈະ​ໄດ້​ພົບ ​ຈົ່ງ​ໝັ່ນ​ເຄາະ​ແລ້ວ​ຈະ​ຊົງ​ໄຂ​ໃຫ້​ເຈົ້າ ​ດ້ວຍ​ວ່​າ ທຸກ​ຄົນ​ທີ່​ຂໍ​ກໍ​ຈະ​ໄດ້​ຮັບ ​ທຸກ​ຄົນ​ທີ່​ຊອກ​ຫາ​ກໍ​ຈະ​ໄດ້​ພົບ ​ແລະ ທຸ​ກ​ຄົນ​ທີ່​ເຄາ​ະ​ກໍ​ຈະ​ມີ​ຜູ້​ໄຂ​ໃຫ້ ​ພ​ຣະ​ເຢ​ຊູ​ຊົງ​ສອນ​ຜູ້​ຕິດ​ຕາມ​ຂອງ​ພ​ຣະ​ອົງ​ວ່າ​ການ​ອະ​ທິ​ຖານ​ບໍ່​ແມ່ນ​ການ​​ສັນ​ລະ​ເສີນ​ໃນ​ທີ່​ສາ​ທາ​ລະ​ນະ, ການ​ຂໍ​ທີ່​ເຫັນ​ແກ່​ຕົວ, ຫຼື ຄຳ​ເວົ້າ​ທີ່​ເວົ້າ​ໄປ​ທົ່ວ​ຖີບ​ ແລະ ຊ້ຳ​ໄປ​ຊ້ຳ​ມາ. ພ​ຣະ​ເຢ​ຊ​ູໄດ້​ຊົງ​ສະ​ແດງ​ໃຫ້​ເຮົາ​ເຫັນ​ວ່າ​ການ​ອະ​ທິ​ຖານ​ມີ​ຣິດ​ອຳ​ນາດ​ເພາະ​ວ່າ​ມັ​​ນຄື​ຄຳ​ສັ່ງ ​ແລະ ການ​ສົນ​ທະ​ນາຢ່າງ​ຕໍ່​ເນື່ອງ​ກັບ​ພ​ຣະ​ບິ​ດາ​ເຈົ້າ​ຂອງ​ພວກ​ເຮົາ​ໃນ​ສະ​ຫວັນ​ຜູ້​ທີ່​ຊົງ​ຮັກ​ພວກ​ເຮົາ. ເຊັ່ນ​ດຽວ​ກັນ​ກັບ​ການ​ສົນ​ທະ​ນາ​ທີ່​ດີ, ການ​ອະ​ທິ​ຖານ​ທີ່​ດີ​ໝາຍ​ເຖິງ​ຕ່າງ​ຝ່າຍ​ຕ່າງ​ຮັບ​ຟັງ​ເຊິ່ງ​ກັນ ແລະ ກັນ ​ແລະ ເວົ້າ​ອອກ​ມາ. ແຕ່​ການ​ເວົ້າ​ກັບ​ພ​ຣະ​ເຈົ້າ​ຜູ້​ຊົງ​ສ້າງ​ຈັກ​ກະ​ວານ ເປັນທີ່ໜ້າ​ຢຳ​ເກງ ແລະ ປົກ​ກະ​ຕິ​ການ​ໄດ້​ຍິນ​ບາງ​ສິ່ງ​ກັບ​ມາ - ສຳ​ລັບ​ຄົນ​ສ່ວນຫຼາຍ​ກໍ​ສາ​ມາດ​ເຮັດ​ໃຫ້​ຢ້ານ​ໄດ້. ຂ່າວ​​ດີຄື ​ການອະ​ທິ​ຖານຈະດີຂຶ້ນ, ​ມີ​ການ​ສົນ​ທະ​ນາ​ທີ່​ດີ​ຂຶ້ນ ແລະ ເລິກ​ເຊິ່ງຫຼາຍ​ຂຶ້ນ​ກັບ​ພ​ຣະ​ເຈົ້າ​ຜູ້​ຊົງ​ຮັກພວກ​ເຮົາ. ​ບໍ່​​ພຽງ​ແຕ່​ເປັນ​ໄປ​ໄດ້​ເທົ່າ​ນັ້ນ - ມັນ​ຄື​ສິ່ງ​ທີ່​ພ​ຣະ​ເຈົ້າ​ຕ້ອງ​ການ​ແທ້ໆ. ແຕ່​ເມື່ອ​ການ​ອະ​ທິ​ຖານ​ນັ້ນ​ຮູ້​ສຶກ​ເໝືອນ​ກັບ​ວ່າ​ກຳ​ລັງ​ຮຽນ​ພາ​ສາ​ໃຫມ່ - ທ່ານ​ຈະ​ເຮັດ​ໄດ້​ດີ​ຂຶ້ນ​ຢ່າງ​ໃດ? ຄຳ​ຕອບ​ນັ້ນ​ງ່າຍຫຼາຍ - ທ່ານ​ຝຶກ​ຝົນ. ວົງ​ຈອນ​ການ​ອະ​ທິ​ຖານ​ຄື​ອຸ​ປ​ະ​ກອນ​ທີ່​ງ່າຍໆ​ສຳ​ລັບ​ການ​ຝຶກ​ຝົນ​ການ​ອະ​ທິ​ຖານ ​ທີ່​ທ່ານ​ສາ​ມາດ​ໃຊ້​ໄດ້​ດ້ວຍ​ຕົວ​ທ່ານ​ເອງ ແລະ ສາ​ມາດ​ແບ່ງ​ປັນ​ກັບ​ຜູ້​ຕິ​ດ​ຕາມ​ຄົນ​ອື່ນໆໄດ້. ພ​ຽງ 12 ຂັ້ນ​ຕອນງ່າຍໆ - ຄັ້ງ​ລະ 5 ນາ​ທີ​ - ວົງ​ຈອນ​ການ​ອະ​ທິ​ຖານຈະນຳທາງທ່ານຜ່ານ 12 ວິ​ທີ​ທີ່​ພ​ຣະ​ຄຳ​ພີ​ສອນ​ພວກ​ເຮົາ​ໃນ​ການ​ອະ​ທິ​ຖານ. ໃນ​ຊ່ວງ​ສຸດ​ທ້າຍ. ທ່ານ​ກໍ​ຈະ​ໄດ້​ອະ​ທິ​ຖານ​ເປັນ​ຊົ່ວ​ໂມງ. ພ​ຣະ​ຄຳ​ພີ​ກ່າວ​ກັບ​ພວກ​ເຮົາ​ວ່າ -- ຈົ່ງ​ອະ​ທິ​ຖານ​ຢູ່​ທຸກ​ເວ​ລາ. ໃນ​ພວກ​ເຮົາຫຼາຍໆ​ຄົນ​ບໍ່​ສາ​ມາດ​ເວົ້າ​ໄດ້​ວ່າ​ຕົນ​ເຮັດ​ແບບ​ນັ້ນ. ແຕ່​ຊົ່ວ​ໂມງ​ການ​ອະ​ທິ​ຖານ​ນີ້ - ທ່ານ​ຈະ​ກ້າວເຂົ້າໃກ້ຫຼາຍ​ຂຶ້ນ. ວົງ​ຈອນ​ການ​ອະ​ທິ​ຖານ - ອຸ​ປະ​ກອນ​ອີກ​ໜຶ່ງ​ຊະ​ນິດ​ຂອງ​ຊຸດ​ອຸ​ປະ​ກອນ​ຊູ​ເມ.

ພຽງ 12 ຂັ້ນຕອນງ່າຍໆນີ້ - ຄັ້ງລະ 5 ນາທີ - ວົງຈອນການອະທິຖານນີ້ຈະຊ່ວຍນຳທາງທ່ານຜ່ານ 12 ວິທີທີ່ພຣະຄໍາພີໄດ້ສອນພວກເຮົາໃນການອະທິຖານ. ໃນຕອນສຸດທ້າຍທ່ານກໍຈະໄດ້ອະທິຖານເປັນເວລາ 1 ຊົ່ວໂມງ.

ຮູບວົງຈອນການອະທິຖານ

ສັນລະເສີນ ເລີ່ມຕົ້ນການອະທິຖານເຕັມຊົ່ວໂມງດ້ວຍການສັນລະເສີນພຣະເຈົ້າ. ສັນລະເສີນພຣະເຈົ້າດ້ວຍສິ່ງທີ່ຢູ່ໃນຄວາມຄິດຂອງທ່ານໃນຕອນນີ້. ສັນລະເສີນພຣະເຈົ້າສຳລັບສິ່ງທີ່ພິເສດໜຶ່ງຢ່າງທີ່ພຣະອົງໄດ້ເຮັດສໍາເລັດໃນຊີວິດຂອງທ່ານໃນອາທິດທີ່ຜ່ານມາ. ສັນລະເສີນພຣະເຈົ້າໃນພຣະຄຸນຄວາມຮັກຂອງພຣະອົງສໍາລັບຄອບຄົວຂອງທ່ານ.

ລໍຄອຍ ໃຊ້ເວລາລໍຄອຍພຣະເຈົ້າ. ໃຫ້ທ່ານນິ້ງສະຫງົບ ແລະ ໃຫ້ພຣະອົງລວມພາບສະທ້ອນຄວາມຄິດໃຫ້ກັບທ່ານ.

ສາລະພາບ ອະທິຖານທູນຂໍກັບພຣະວິນຍານບໍຣິສຸດເພື່ອສະແດງໃຫ້ທ່ານເຫັນວ່າສິ່ງໃດໃນຊີວິດທີ່ບໍ່ເປັນທີ່ພໍພຣະໄທສໍາລັບພຣະເຈົ້າ. ຂໍພຣະອົງທີ່ຈະຊ່ວຍຮັບເອົາຄວາມຄິດທີ່ບໍ່ຖືກຕ້ອງນັ້ນອອກໄປ. ລວມໄປເຖິງການກະທໍາທີ່ສະເພາະເຈາະຈົງທີ່ທ່ານຍັງບໍ່ໄດ້ສາລະພາບ. ໃນຕອນນີ້ໃຫ້ທ່ານສາລະພາບບາບກັບພຣະເຈົ້າເພື່ອວ່າທ່ານຈະໄດ້ຮັບການອະໄພໂທດບາບ.

ອ່ານພຣະຄໍາພີ ໃຊ້ເວລາອ່ານພຣະຄໍາເພງສັນລະເສີນ, ອ່ານໝວດຜູ້ທໍານວາຍ ຫຼື ຂໍ້ພຣະຄຳທີ່ກ່ຽວກັບການອະທິຖານທີ່ຢູ່ໃນພຣະຄຳພີໃໝ່.

ອະທິຖານ ເຮັດຄໍາຂໍເພື່ອປະໂຫຍດຂອງໂຕທ່ານເອງ.

ການອ້ອນວອນ ເຮັດຄໍາຂໍເພື່ອປະໂຫຍດຂອງຜູ້ອື່ນໆ.

ອະທິຖານດ້ວຍພຣະຄໍາພີ ອະທິຖານສະເພາະດ້ວຍຂໍ້ພຣະຄຳພີ. ຄໍາອະທິຖານຕາມພຣະຄໍາພີ ແລະເພງສັນລະເສີນຈໍານວນໜຶ່ງເໝາະສໍາລັບຈຸດປະສົງນີ້.

ຂອບຄຸນພຣະເຈົ້າ ຂອບຄຸນພຣະເຈົ້າສໍາລັບທຸກສິ່ງໃນຊີວິດຂອງທ່ານ, ປະໂຫຍດຂອງຄອບຄົວທ່ານ ແລະ ປະໂຫຍດຂອງຄຣິສຕະຈັກຂອງທ່ານ.

ຮ້ອງເພງ ຮ້ອງເພງສັນລະເສີນ, ເພງນະມັດສະການ, ຫຼື ເພງສວດ ຫຼື ເພງສໍາລັບຝ່າຍວິນຍານ.

ຄ່ຳຄວນ ອະທິຖານຂໍພຣະເຈົ້າທີ່ຈະກ່າວກັບທ່ານ. ໃຫ້ທ່ານກຽມບິກ ແລະ ເຈ້ຍເພື່ອບັນທຶກຄວາມປະທັບໃຈທີ່ພຣະອົງຊົງມອບໃຫ້ກັບທ່ານ.

ຟັງ ໃຊ້ເວລາລວມສິ່ງທີ່ອ່ານໄດ້ອ່ານ, ອະທິຖານ,​ ຮ້ອງເພງ ແລະ ເບິ່ງວ່າພຣະເຈົ້າໄດ້ລວມສິ່ງເຫຼົ່ານັ້ນຢ່າງໃດເພື່ອເວົ້າກັບທ່ານ.

ສັນລະເສີນ ສັນລະເສີນພຣະເຈົ້າສໍາລັບເວລາທີ່ທ່ານໄດ້ໃຊ້ຮ່ວມກັບພຣະອົງ ແລະ ຄວາມປະທັບໃຈທີ່ພຣະອົງໄດ້ຊົງມອບໃຫ້ກັບທ່ານ. ສັນລະເສີນໃນຄວາມຍິ່ງໃຫຍ່ຂອງພຣະອົງ.

ຈາກໜັງສືໜຶ່ງຊົ່ວໂມງໃນການປ່ຽນແປງໂລກຂອງ ດິກ ອີສແມນ (C) 2002 ໂດຍ ດິກ ອີສແມນ Chosen Books, Grand Rapids, MI ນໍາໃຊ້ໂດຍໄດ້ຮັບອະນຸຍາດ.

ຊຸດ​ອຸ​ປະ​ກອນ​ຊູ​ເມ 100 ລາຍ​ຊື່ ​ພ​ຣະ​ເຢ​ຊູ​ກ່າວ​ວ່າ ຈົ່ງ​ອອກ​ໄປ ແລະ ສ້າງ​ສາ​ວົກ ​ແລະ ຜູ້​ຕິດ​ຕາມ​ຂອງ​ພ​ຣະ​ອົງ​ກໍ​ເຮັດ​ເຊັ່ນ​ນັ້ນ. ​ພວກ​ເຂົາ​ໄປ​ຫາ​ຄອບ​ຄົວ​ຂອງ​ພວກ​ເຂົາ. ​ພວກ​ເຂົາ​ໄປ​ຫາ​ໝູ່​ຂອງ​ພວກ​ເຂົາ. ​ພວກ​ເຂົາ​ໄປ​ຜູ້​ຄົນ​ທີ່​ພວກ​ເຂົາ​ຮູ້​ຈັກ​ໃນ​ເມືອງ. ​ພວກ​ເຂົາ​ໄປ​ຫາ​ຜູ້​ຄົນ​ທີ່​ພວກ​ເຂົາ​ເຮັດ​ວຽກ​ນຳ. ​ພວກ​ເຂົາ​ໄດ້​ອອກ​ໄປ​. ພ​ຣະ​ເຢ​ຊູ​ກ່າວ​ວ່າ ຈົ່ງ​ອອກ​ໄປ ແລະ ພວກ​ເຂົາ​ກໍ​ເຊື່ອ​ຟັງ. ແລະ ຄອບ​ຄົວ​ຂອງ​ພ​ຣະ​ເຈົ້າ​ກໍ​ໄດ້​ເຕີບ​ໃຫຍ່. ພ​ຣະ​ເຈົ້າ​ໄດ້​ຊົງ​ປະ​ທານ​ຄວາມ​ສຳ​ພັນ​ທີ່​ພວກ​ເຮົາ​ຕ້ອງ​ການ​ແລ້ວ ​ເພື່ອ ອອກ​ໄປ ແລະ ສ້າງ​ສາ​ວົກ ​ພວກ​ເຂົາ​ຄື​ຄອບ​ຄົວ, ໝູ່, ເພື່ອນ​ບ້ານ​ຂອງ​ພວກ​ເຮົາ ເພື່ອນ​ຮ່ວມງ​ານ ແລະ ໝູ່​ໃນ​ຫ້ອງ​ຮຽນ ​ຜູ້​ຄົນ​ທີ່​ພວກ​ເຮົາ​ໄດ້​ຮູ້​ຈັກ​ທຸກໆ​ຄົນ​ໃນ​ຊີ​ວິດ​ຂອງ​ພວກ​ເຮົາ, ຜູ້​ຄົນ​ທີ່​ພວກ​ເຮົາ​ຫາ​ກໍ​ໄດ້​ພ​ົບ. ຈົ່ງ​ເປັນ​ຄົນ​ສັດ​ຊື່​ຕໍ່​ຜູ້​ຄົນ​ທີ່​ພ​ຣະ​ເຈົ້າ​ໄດ້​ຊົງ​ໃຫ້​ເຂົ້າ​ມາ​ໃນ​ຊີ​ວິດ​ຂອງ​ພວກ​ເຮົາ ​ມັນ​ຄື​ກ້າວ​ທຳ​ອິດທີ່ຍິ່ງໃຫຍ່​ໃນ​ການ​ທະ​ວີ​ຄູນ​ສ້າງ​ສາ​ວົກ. ແລະ ມັນ​ສາ​ມາດ​ເລີ່ມ​ໄດ້​ກັບ​ຂັ້ນ​ຕອນ​ງ່າຍໆ​ດ້ວຍ​ການ​ສ້າງ​ລາຍ​ຊື່. 100 ລາຍ​ຊື່ ​ຄື​ອຸ​ປະ​ກອນ​ທີ່​ງ່າຍໆໃນ​ຊຸດ​ອຸ​ປະ​ກອນ​ຂອງ​ຊູ​ເມ​ໃນ​ການ​ທະ​ວີ​ຄູ​ນ​ສ້າງ​ສາ​ວົກ.

ສ້າງລາຍຊື່ການບໍລິຫານຈັດການຄວາມສຳພັນຂອງທ່ານ: ຂຽນລາຍຊື່ຜູ້ຄົນທີ່ຢູ່ໃນວົງອິດທິພົນຂອງທ່ານ. ເຮັດເຄື່ອງໝາຍວ່າແຕ່ລະຄົນເປັນສາວົກ, ຍັງບໍ່ເຊື່ອ, ຫຼື ບໍ່ຮູ້ຈັກ.

ໃຊ້ເວລາຮ່ວມກັນເປັນກຸ່ມເພື່ອໃຫ້ທຸກຄົນສ້າງລາຍຊື່ຂອງຕົນເອງ. ທ່ານສາມາດໃຊ້ເຈ້ຍ ຫຼື ເຄື່ອງມືດິຈິຕອນໃນເອກະສານການຝຶກອົບຮົມຂອງທ່ານ.

ໃນບົດຮຽນນີ້ ເຮົາຈະເວົ້າເຖິງເລື່ອງຫຼັກການຝ່າຍວິນຍານຂອງພຣະເຈົ້າ ໃນໂລກທີ່ຕົກຕ່ຳນີ້ ຄົນເຮົາຮູ້ສຶກວ່າພວກເຂົາໄດ້ຮັບລາງວັນເມື່ອພວກເຂົາໄດ້ຮັບອັນໃດບາງຢ່າງ ເມື່ອພວກເຂົາເປັນຝ່າຍໄດ້ ແລະເມື່ອພວກເຂົາໄດ້ຫຼາຍກວ່າຄົນຢູ່ອ້ອມຂ້າງ

ໃນພຣະຄຳຂອງພຣະເຈົ້າ ພຣະອົງບອກກັບຄົນຂອງພຣະອົງວ່າ - ຄວາມຄິດ​ເຮົາ​ນັ້ນ

ບໍ່​ຄື​​ກັບຄວາມຄິດ​ຂອງ​ພວກເຈົ້າແລະ​ວິຖີ​ທາງ​ຂອງເຮົາ​ນັ້ນ​ກໍ​ແຕກຕ່າງ​ໃດບໍ່​ຄື​ວິຖີ​ທາງ​ຂອງ​ພວກເຈົ້າ.

ພຣະເຈົ້າໄດ້ສຳແດງໃຫ້ພວກເຮົາເຫັນວ່າຫຼັກການໃນອານາຈັກຂອງພຣະອົງນັ້ນ ເຮົາບໍ່ພຽງແຕ່ໄດ້ລາງວັນໂດຍສິ່ງທີ່ເຮົາໄດ້ຮັບ - ແຕ່ເຮົາໄດ້ຈາກສິ່ງທີ່ເຮົາໃຫ້ອອກໄປ

ພຣະເຈົ້າກ່າວວ່າ - ເຮົາຈະຊ່ວຍເຈົ້າໃຫ້ພົ້ນແລະເຈົ້າຈະເປັນພຣະພອນ

ພຣະເຢຊູເຈົ້າກ່າວວ່າ - ການໃຫ້ເປັນເຫດໃຫ້ມີຄວາມສຸກຍິ່ງກວ່າການຮັບ

ການໃຫ້ໃນສິ່ງທີ່ພຣະເຈົ້າປະທານໃຫ້ເຮົາແລະການອວຍພອນຜູ້ອື່ນເມື່ອພຣະເຈົ້າຊົງອວຍພອນເຮົາ ນີ້ແມ່ນພື້ນຖານຂອງການຫາຍໃຈທາງຝ່າຍວິນຍານທີ່ເຮົາໄດ້ຮຽນຮູ້ໄປແລ້ວ

ເຮົາຫາຍໃຈເຂົ້າແລະເຮົາໄດ້ຍິນຈາກພຣະເຈົ້າ ເຮົາຫາຍໃຈອອກແລະເຮົາເຊື່ອຟັງໃນສິ່ງທີ່ເຮົາໄດ້ຍິນແລະແບ່ງປັນໃຫ້ແກ່ຜູ້ອື່ນ

ເມື່ອເຮົາສັດຊື່ໃນການເຊື່ອຟັງແລະແບ່ງປັນສິ່ງທີ່ພຣະເຈົ້າປະທານໃຫ້ແກ່ເຮົາ ຈາກນັ້ນ ພຣະອົງຊົງສັນຍາວ່າຈະໃຫ້ຫຼາຍກວ່າເກົ່າ

ພຣະເຢຊູເຈົ້າກ່າວວ່າ - ຄົນທີ່ສັດຊື່ໃນສິ່ງເລັກນ້ອຍ ກໍ່ສັດຊື່ໃນສິ່ງໃຫຍ່ດ້ວຍ

ນີ້ຄືຫົນທາງໄປສູ່ຄວາມເຂົ້າໃຈອັນເລິກເຊິ່ງ ລວມເຖິງຄວາມສຳພັນທີ່ດີຍິ່ງຂຶ້ນ ມີຊີວິດທີ່ຄົບບໍລິບູນດັ່ງທີ່ພຣະເຈົ້າໄດ້ສ້າງເຮົາມາໃຫ້ມີຊີວິດເຊັ່ນນັ້ນ ນີ້ຄືຫົນທາງທີ່ເຮົາສາມາດເດີນໄປ ເພື່ອງານທີ່ເກີດຜົນດີ ດັ່ງທີ່ພຣະເຈົ້າໄດ້ຊົງວາງແຜນໄວ້ໃຫ້ພວກເຮົາເຮັດ

ຖ້າຫາກພວກເຮົາຕ້ອງການໄດ້ຮັບລາງວັນອັນຍິ່ງໃຫຍ່ທີ່ສຸດຈາກພຣະເຈົ້າ ເຮົາຕ້ອງຝຶກຝົນ 2 ສິ່ງນີ້ເຊິ່ງພຣະອົງສັນຍາໄວ້ວ່າຈະຊົງອວຍພອນເຮົາ

ເຮົາຕ້ອງ -

• ເຊື່ອຟັງແລະແບ່ງປັນ
• ລົງມືເຮັດແລະສອນ
• ຝຶກຝົນແລະສົ່ງຕໍ່ໄປ

-- ທຸກໆສິ່ງທີ່ພຣະເຈົ້າຊົງບອກໃຫ້ພວກເຮົາເຮັດ

ຫາກເຮົາຕ້ອງການໃຫ້ຄົນອື່ນໄດ້ຮັບລາງວັນຍິ່ງໃຫຍ່ທີ່ສຸດຈາກພຣະເຈົ້າ ເຮົາກໍ່ຕ້ອງສະແດງໃຫ້ພວກເຂົາເຫັນເຖິງວິທີການເຮັດສິ່ງດຽວກັນນີ້ເຊັ່ນກັນ

ນີ້ຄືອົງປະກອບຫຼັກຂອງການເປັນສາວົກແລະເປັນອົງປະກອບຫຼັກຂອງການສ້າງສາວົກເຊັ່ນກັນ

• ເຮົາເປັນຜູ້ຕິດຕາມແລະເປັນຜູ້ນຳ
• ເຮົາເປັນຜູ້ຮຽນຮູ້ແລະເປັນຜູ້ສອນ
• ເຮົາເປັນຜູ້ຮັບພຣະພອນແລະຜູ້ເປັນພຣະພອນ

ພຣະເຈົ້າບໍ່ຕ້ອງການໃຫ້ພວກເຮົາລໍຖ້າຈົນເຮົາຮູ້ທຸກສິ່ງທຸກຢ່າງຄົບແລ້ວຈຶ່ງເລີ່ມເຊື່ອຟັງແລະແບ່ງປັນ ເພາະສິ່ງນັ້ນຈະບໍ່ມີວັນມາເຖິງເລີຍ

ພຣະເຈົ້າບໍ່ໄດ້ຄາດຫວັງໃຫ້ພວກເຮົາເປັນຜູ້ໃຫຍ່ເຕັມທີ່ກ່ອນທີ່ເຮົາຈະເລີ່ມເພີ່ມທະວີຈຳນວນ ພຣະອົງຕ້ອງການໃຫ້ເຮົາເພີ່ມທະວີຈຳນວນທັນທີ

ພຣະເຈົ້າຕ້ອງການໃຫ້ເຮົາເຊື່ອຟັງໃນສິ່ງທີ່ເຮົາຮູ້ແລະແບ່ງປັນໃນສິ່ງທີ່ເຮົາໄດ້ຍິນ

ຈາກນັ້ນ ພຣະອົງຕ້ອງການໃຫ້ເຮົາສອນຄົນອື່ນໃຫ້ເຮັດແບບດຽວກັນ ໃນທີ່ສຸດ - ນັ້ນຄືການເຊື່ອຟັງແລະການແບ່ງປັນສິ່ງທີ່ພຣະອົງໄດ້ຊົງບອກໃຫ້ເຮົາເຮັດ ນີ້ຄືຫົນທາງສູ່ການເຕີບໃຫຍ່ຂຶ້ນແລະສູ່ຄວາມເປັນຜູ້ໃຫຍ່

ໃນບົດຮຽນນີ້ພວກເຮົາຈະຮຽນຮູ້ວິທີການເລົ່າເລື່ອງລາວຂອງພຣະເຈົ້າ - ຄືຂ່າວປະເສີດ - ຈາກການຊົງສ້າງເຖິງການພິພາກສາ ຈາກຈຸດເລີ່ມຕົ້ນຂອງມວນມະນຸດໄປເຖິງຍຸກສຸດທ້າຍ ມີຫຼາຍວິທີການເພື່ອເລົ່າເລື່ອງລາວຂອງພຣະເຈົ້າ

ວິທີທີ່ດີທີ່ສຸດນັ້ນແມ່ນ ຂຶ້ນຢູ່ກັບຄົນທີ່ທ່ານກຳລັງເລົ່າໃຫ້ເຂົາຟັງວ່າ ເຂົາມີມຸມມອງຕໍ່ໂລກແລະປະສົບການຊີວິດຂອງພວກເຂົາເປັນແນວໃດ

ພຣະເຈົ້າຊົງໃຊ້ຜູ້ທີ່ມີໃຈຍິນດີທີ່ຈະເລົ່າ ເພື່ອໃຫ້ເກີດຜົນກັບຜູ້ທີ່ມີໃຈຍິນດີທີ່ຈະຟັງ

ມັນເປັນວຽກຂອງພຣະເຈົ້າ ພຣະອົງພຽງແຕ່ເຊື້ອເຊີນພວກເຮົາໃຫ້ເຂົ້າມາມີສ່ວນຮ່ວມ

ວິທີໜຶ່ງໃນການເລົ່າເລື່ອງລາວຂອງພຣະເຈົ້າ ກໍຄືການອະທິບາຍເລື່ອງລາວທີ່ເກີດຂຶ້ນນັບແຕ່

ການຊົງສ້າງຂອງພຣະເຈົ້າ ຈົນເຖິງການພິພາກສາຂອງພຣະອົງທີ່ຈະເກີດຂຶ້ນໃນຍຸກສຸດທ້າຍ

ເມື່ອເຮົາເລົ່າເລື່ອງລາວຂອງພຣະເຈົ້າດ້ວຍວິທີນີ້ ເຮົາສາມາດເຮັດໃຫ້ເປັນເລື່ອງຍາວຫຼືເລື່ອງສັ້ນກໍໄດ້ ຈະລົງເລິກລາຍລະອຽດຫຼືພຽງແຕ່ເລົ່າເປັນພາບກວ້າງໆ ກໍໄດ້ ເຖິງຢ່າງໃດກໍ່ຕາມ ໃຫ້ເຮົາເລົ່າໂດຍໃຫ້ສຳພັນສອດຄ່ອງກັບວັດທະນະທຳຂອງຜູ້ຟັງສະເໝີ

ໃນຂະນະທີ່ເລົ່າເລື່ອງຂອງພຣະເຈົ້າໃຫ້ກັບຄົນທີ່ຕ່າງວັດທະນະທຳແລະຕ່າງມຸມມອງຟັງ ທ່ານສາມາດໃຊ້ມືສະແດງທ່າທາງຕອນເລົ່າເລື່ອງກໍໄດ້ ສິ່ງນີ້ຈະຊ່ວຍໃຫ້ການຮຽນການສອນເປັນໄປໄດ້ງ່າຍຂຶ້ນ

ນີ້ຄືເລື່ອງຂ່າວປະເສີດຂອງພຣະເຈົ້າ

ໃນປະຖົມມະການ ພຣະເຈົ້າໄດ້ສ້າງໂລກໜ່ວຍນີ້ຂຶ້ນມາແລະທຸກສິ່ງທີ່ຢູ່ໃນໂລກ

ພຣະອົງຊົງສ້າງຊາຍຄົນທຳອິດແລະຍິງຄົນທຳອິດຂຶ້ນມາ ພຣະອົງໃຫ້ພວກເຂົາຢູ່ໃນສວນທີ່ງົດງາມ

ພຣະອົງຊົງໃຫ້ພວກເຂົາເປັນສ່ວນໜຶ່ງໃນຄອບຄົວຂອງພຣະອົງແລະຊົງມີຄວາມສຳພັນທີ່ໃກ້ຊິດສະໜິດສະໜົມກັບພວກເຂົາ

ພຣະອົງຊົງສ້າງເຂົາທັງສອງເພື່ອໃຫ້ມີຊີວິດຢູ່ຕະຫຼອດໄປ ບໍ່ມີສິ່ງທີ່ຮຽກວ່າຄວາມຕາຍ

ເຖິງແມ່ນວ່າຈະຢູ່ໃນບ່ອນທີ່ສົມບູນແບບ ແຕ່ມະນຸດຍັງດື້ດ້ານກະບົດຕໍ່ພຣະເຈົ້າແລະໄດ້ນຳເອົາຄວາມບາບແລະຄວາມທຸກຍາກເຂົ້າມາໃນໂລກນີ້

ພຣະເຈົ້າໄດ້ຂັບໄລ່ມະນຸດອອກຈາກສວນນັ້ນ ຄວາມສຳພັນລະຫວ່າງມະນຸດກັບພຣະເຈົ້າໄດ້ແຕກຫັກລົງ

ບັດນີ້ ມະນຸດຈະຕ້ອງປະເຊີນກັບຄວາມຕາຍ

ຫຼາຍໆຮ້ອຍປີຕໍ່ມາ ພຣະເຈົ້າໄດ້ສົ່ງຜູ້ປະກາດພຣະຄຳຫຼາຍຄົນເຂົ້າມາໃນໂລກນີ້ ພວກເພິ່ນໄດ້ເຕືອນມະນຸດເລື່ອງຄວາມບາບແລະຍັງໄດ້ບອກເຖິງຄວາມສັດຊື່ແລະພຣະສັນຍາຂອງພຣະເຈົ້າ ທີ່ພຣະອົງຈະສົ່ງພຣະຜູ້ຊ່ວຍໃຫ້ພົ້ນເຂົ້າມາໃນໂລກນີ້

ອົງພຣະຜູ້ຊ່ວຍໃຫ້ພົ້ນຈະມາຟື້ນຟູຄວາມສຳພັນອັນແໜ້ນແຟ້ນລະຫວ່າງພຣະເຈົ້າກັບມະນຸດຂຶ້ນມາໃໝ່ ອົງພຣະຜູ້ຊ່ວຍຈະຊ່ວຍມະນຸດໃຫ້ພົ້ນຈາກຄວາມຕາຍ ພຣະຜູ້ຊ່ວຍໃຫ້ພົ້ນຈະປະທານຊີວິດອັນຕະຫຼອດໄປເປັນນິດແລະຢູ່ກັບມະນຸດຕະຫຼອດໄປ

"ພຣະເຈົ້າຊົງຮັກພວກເຮົາຫຼາຍເມື່ອເຖິງເວລາອັນເໝາະສົມ ພຣະອົງໄດ້ສົ່ງພຣະບຸດອົງດຽວ

ຂອງພຣະອົງເຂົ້າມາໃນໂລກເພື່ອເປັນພຣະຜູ້ຊ່ວຍໃຫ້ພົ້ນ"

ພຣະເຢຊູ​ເຈົ້າເປັນພຣະບຸດຂອງພຣະເຈົ້າ ພຣະອົງຊົງບັງເກີດໃນໂລກນີ້ຜ່ານທາງຍິງພົມມະຈັນ ພຣະອົງຊົງມີຊີວິດທີ່ສົມບູນແບບ ພຣະອົງບໍ່ເຄີຍເຮັດບາບເລີຍຈັກເທື່ອ

ພຣະເຢຊູ​ເຈົ້າໄດ້ສອນເລື່ອງລາວຂອງພຣະເຈົ້າໃຫ້ປະຊາຊົນຟັງ ພຣະອົງໄດ້ເຮັດການອັດສະຈັນຫຼາຍຢ່າງທີ່ສຳແດງໃຫ້ເຫັນລິດອຳນາດອັນຍິ່ງໃຫຍ່ຂອງພຣະອົງ ພຣະອົງຊົງຂັບຜີອອກຫຼາຍຜີ ຊົງຮັກສາຄົນເຈັບຈຳນວນຫຼວງຫຼາຍ ແລະຊົງເຮັດໃຫ້ຄົນຕາບອດເບິ່ງເຫັນຮຸ່ງ ຄົນຫູໜວກໄດ້ຍິນ ຊົງເຮັດໃຫ້ຄົນເປັນເປ້ຍລ່ອຍຍ່າງໄດ້

ພຣະເຢຊູ​ເຈົ້າຊົງເຮັດໃຫ້ຄົນຕາຍເປັນຄືນມາຈາກຕາຍອີກຄັ້ງ ພວກຜູ້ນຳສາດສະໜາຫຼາຍຄົນຮູ້ສຶກວ່າອຳນາດຂອງຕົນຖືກຄຸກຄາມແລະພາກັນອິດສາພຣະເຢຊູ​ເຈົ້າ ພວກເຂົາຈຶ່ງຢາກຂ້າພຣະເຢຊູ​ເຈົ້າຕາຍເສຍ

ເນື່ອງຈາກພຣະເຢຊູ​ເຈົ້າບໍ່ເຄີຍເຮັດບາບ ພຣະອົງບໍ່ຈຳເປັນຕ້ອງຕາຍ ແຕ່ພຣະອົງເລືອກທີ່ຈະຕາຍເປັນເຄື່ອງບູຊາເພື່ອພວກເຮົາໝົດທຸກຄົນ ຄວາມຕາຍອັນສຸດແສນເຈັບປວດທໍລະມານຂອງພຣະອົງໄດ້ປົກຄຸມຄວາມບາບທັງຫຼາຍຂອງມວນມະນຸດເສຍ

ຫຼັງຈາກນີ້ ພຣະເຢຊູເຈົ້າຊົງຖືກຝັງໄວ້ໃນອຸໂມງ

ພຣະເຈົ້າຊົງເຫັນການຍອມເສຍສະຫຼະຂອງພຣະເຢຊູເຈົ້າເປັນເຄື່ອງບູຊາໄຖ່ບາບແລະພຣະອົງຊົງຍອມຮັບສິ່ງນັ້ນ ພຣະເຈົ້າຊົງສະແດງການຍອມຮັບໂດຍການເຮັດໃຫ້ພຣະເຢຊູເຈົ້າເປັນຄືນມາຈາກຄວາມຕາຍໃນວັນທີສາມ

ຫາກພວກເຮົາເຊື່ອແລະຍອມຮັບວ່າພຣະເຢຊູເຈົ້າຕາຍແທນບາບຂອງພວກເຮົາ - ຖ້າຫາກພວກເຮົາຫັນຫຼັງໃຫ້ກັບຄວາມບາບຂອງຕົນແລະຕິດຕາມພຣະເຢຊູເຈົ້າ ພຣະເຈົ້າຈະຊຳລະພວກເຮົາຈາກບາບທັງສິ້ນຂອງເຮົາແລະຕ້ອນຮັບພວກເຮົາເຂົ້າມາສູ່ຄອບຄົວຂອງພຣະອົງອີກເທື່ອໜຶ່ງ

ພຣະເຈົ້າຈະສົ່ງພຣະວິນຍານບໍລິສຸດເຈົ້າເພື່ອສະຖິດຢູ່ໃນພວກເຮົາແລະຊ່ວຍໃຫ້ເຮົາສາມາດ

ຕິດຕາມພຣະເຢຊູເຈົ້າໄດ້

ພວກເຮົາຮັບບັບຕິສະມາໃນນ້ຳເພື່ອເປັນການສະແດງອອກແລະເພື່ອເປັນສັນຍາລັກວ່າເຮົາໄດ້ຮື້ຟື້ນຄວາມສຳພັນທີ່ດີນີ້ຄືນໃໝ່

ການທີ່ເຮົາຈົມລົງໄປໃນນ້ຳນັ້ນເປັນສັນຍາລັກຂອງການຕາຍ ການຂຶ້ນມາຈາກນ້ຳເປັນສັນຍາລັກຂອງການເປັນຄືນມາມີຊີວິດໃໝ່ເພື່ອຕິດຕາມພຣະເຢຊູເຈົ້າ

ຫຼັງຈາກທີ່ພຣະເຢຊູເຈົ້າເປັນຄືນມາຈາກຕາຍແລ້ວ ພຣະອົງກໍຊົງໃຊ້ເວລາຢູ່ໃນໂລກນີ້ 40 ມື້

ພຣະເຢຊູເຈົ້າໄດ້ຊົງສັ່ງສອນສາວົກຂອງພຣະອົງໃຫ້ອອກໄປທຸກຫົນແຫ່ງ ປະກາດຂ່າວປະເສີດເລື່ອງຄວາມພົ້ນຂອງພຣະອົງໃຫ້ແກ່ທຸກຄົນທົ່ວໂລກ

ພຣະເຢຊູເຈົ້າກ່າວວ່າ "ພວກເຈົ້າ​ຈົ່ງ​ອອກ​ໄປ ຈົ່ງ​ເຮັດ​ໃຫ້​ຄົນ​ທຸກ​ຊາດ​ເປັນ​ລູກສິດ ໃຫ້​ພວກເຂົາ​ຮັບ​ບັບຕິສະມາ​ໃນ​ພຣະນາມ​ແຫ່ງ​ພຣະບິດາ, ພຣະບຸດ ແລະ ພຣະວິນຍານ​ບໍຣິສຸດເຈົ້າ.ສັ່ງສອນ​ພວກເຂົາ​ໃຫ້​ຖື​ຮັກສາ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ພວກເຈົ້າ​ໄວ້​ແລ້ວ​ນັ້ນ ນີ້​ແຫຼະ ເຮົາ​ຢູ່​ກັບ​ເຈົ້າ​ທັງຫລາຍ​ທຸກໆ​ວັນ​ຈົນ​ສິ້ນ​ໂລກນີ້

ຫຼັງຈາກນັ້ນພ​ຣະເຢຊູເຈົ້າກໍຖືກຮັບຂຶ້ນໄປສູ່ສະຫວັນຕໍ່ໜ້າຕໍ່ຕາຂອງພວກເຂົາ ໃນມື້ໜຶ່ງພຣະເຢຊູເຈົ້າຈະກັບມາອີກໃນແບບດຽວກັນນີ້

ພຣະອົງຈະລົງໂທດບັນດາຜູ້ທີ່ບໍ່ຮັກແລະບໍ່ເຊື່ອຟັງພຣະອົງຕະຫຼອດນິລັນດອນ

ພຣະອົງຈະຊົງມາຮັບແລະໃຫ້ລາງວັນແກ່ບັນດາຜູ້ທີ່ຮັກແລະເຊື່ອຟັງພຣະອົງ

ພວກເຮົາມີຊີວິດອັນຕະຫຼອດໄປເປັນນິດຢູ່ກັບພຣະອົງໃນຟ້າສະຫວັນແລະເທິງໂລກໃໝ່ແຜ່ນດິນໃໝ່

ຂ້າ​ພະ​ເຈົ້າໄດ້ເຊື່ອແລະຍອມຮັບວ່າພຣະເຢຊູ​ເຈົ້າໄດ້ຕາຍເພື່ອບາບຂອງຂ້າ​ພະ​ເຈົ້າແລ້ວ ພຣະອົງໄດ້ຊຳລະຂ້າ​ພະ​ເຈົ້າໃຫ້ສະອາດແລະຮື້ຟື້ນຄວາມສຳພັນໃຫ້ຂ້າ​ພະ​ເຈົ້າໄດ້ກາຍເປັນສ່ວນໜຶ່ງໃນຄອບຄົວ

ຂອງພຣະເຈົ້າ ພຣະອົງຊົງຮັກຂ້າ​ພະ​ເຈົ້າ ແລະຂ້າ​ພະ​ເຈົ້າກໍຮັກພຣະອົງແລະຈະຢູ່ກັບພຣະອົງຕະຫຼອດໄປເປັນນິດໃນອານາຈັກຂອງພຣະອົງ

ພຣະເຈົ້າຊົງຮັກທ່ານແລະປາດຖະໜາໃຫ້ທ່ານໄດ້ຮັບຂອງຂວັນນີ້ເຊັ່ນກັນ ທ່ານຕ້ອງການຮັບສິ່ງນີ້ດຽວນີ້ຫຼືບໍ່?

​ຍິນ​ດີ​ຕ້ອນ​ຮັບ​ເຂົ້າ​ສູ່​ການ​ຝຶ​ກ​ອົບ​ຮົມ​ຊູ​ເມ. ​ໃນ​ພາກ​ນີ້ ພວກ​ເຮົາ​ຈະ​ຮຽນ​ຮູ້​ວິ​ທີ​ການ​ແບ່ງ​ປັນ ​ເລື່ອງ​ລາວຂອງພ​ຣະ​ເຈົ້າ, ຂ່າວ​ປະ​ເສີດ, ​ດ້ວຍ​ການ​ໃຊ້​ອຸ​ປະ​ກອນ​ທີ່​ເອີ້ນ​ວ່າ 3 ວົງ​ຈອນ. ​ມີຫຼາຍໆ​ວິ​ທີ​ໃນ​ການ​ແບ່ງ​ປັນ​ເລື່ອງ​ລາວຂອງ​ພ​ຣະ​ເຈົ້າ. ວິ​ທີ​ທີ່​ດີ​ທີ່​ສຸດ​ແມ່ນ​ຂຶ້ນ​ກັບ​ບຸກ​ຄົນ ​ທີ່​ທ່ານ​ແບ່ງ​ປັນ​ນຳ ​ແລະ ພາບ​ລວມ​ມຸມມອງຝ່າຍ​ໂລກ​ຂອງ​ພວກ​ເຂົາ ​ແລະ ປະ​ສົບ​ການ​ຊີ​ວິດ​ຂອງ​ພວກ​ເຂົາ. ​ພ​ຣະ​ເຈົ້າ​ຊົງໃຊ້​ຫົວ​ໃຈ​ທີ່​​ເຕັມໃຈ​ທີ່ຈະ​ແບ່ງ​ປັນ, ເຕັມໃຈທີ່ຈະ​ເຮັດວຽກ​ງານ, ຫົວ​ໃຈ​ທີ່ເຕັມໃຈທີ່ຈະ​ໄດ້​ຍິນ. ​ມັນ​ຄື​ງານ​ຂອງ​ພ​ຣະ​ອົງ. ພ​ຣະ​ອົງ​ພຽງ​ແຕ່​ຊວນ​ທ່ານ​ໃຫ້​ເຂົ້າ​ຮ່ວມ. ໜຶ່ງວິ​ທີ​ໃນ​ການ​ແບ່ງ​ປັນ ​ເລື່ອງລາວ​ຂອງ​ພ​ຣະ​ເຈົ້າ​ດ້ວຍ​ການ​ໃຊ້​ການ​ແບ່ງ​ປັນ​ຮູບ​ແຕ້ມ​ງ່າ​ຍໆ ​ທີ່​ພວກ​ເຮົາ​ເອີ້ນ​ວ່າ 3 ວົງ​ຈອນ. ​ພວກ​ເຮົາ​ທຸກ​ຄົນ​ອາ​ໄສ​ຢູ່​ໃນ​ໂລກ​ທີ່​ເຕັມໄປດ້ວຍຄວາມບາບ. ​ພວກ​ເຮົາ​ເຫັນ ແລະ ໄດ້​ຍິນ​ເລື່ອງ​ລາວ​ທີ່​ເຈັບ​ປວດ, ຄວາມ​ຕາຍ, ສົງ​ຄາມ, ໂລກ​ພະ​ຍາດ, ສານ​ເສບ​ຕິດ. ມັນ​ຢູ່​ໃນ​ທຸກໆ​ບ່ອນ. ແຕ່​ນີ້​ບໍ່​ແມ່ນ​ການ​ຊົງ​ສ້າງ​​ດັ້ງ​ເດີມທີ່​ພ​ຣ​ະຈົ້າ​ໄດ້​ອອກ​ແບບ. ການ​ອອກ​ແບບ​ທີ່​ສົມ​ບູນແບບ​ຂອງ​ພ​ຣ​ະເຈົ້າ​ຄື​ໂລກ ​ທີ່​ເຕັມ​ໄປ​ດ້ວຍ​ຄວາມ​ຮັກ, ຄວາມ​​ຊື່ນຊົມຍິນດີ, ນິ​ຣັນ​ດອນ ແລະ ສັນ​ຕິ​ສຸກ. ວິ​ທີ​ທີ່​ພວກ​ເຮົາ​ນຳ​ເອົາ​ຕົວ​ເອງ​ອອກ​ມາ​ຈາກ​​ ​ການ​ອອກ​ແບບ​ທີ່​ສົມ​ບູນແບບ​ຂອງ​ພ​ຣະ​ເຈົ້າ ​ແລະ ມາ​ສູ່​ຄວາມ​ແຕກ​ແຍກ ​ແມ່ນ​ບາງ​ສິ່ງ​ທີ່​ພ​ຣະ​ຄຳ​ພີ​ໄດ້​ເອີ້ນ​ມັນ​ວ່າ​ຄວາມ​ບາບ. ຄວາມ​ບາບເປັນການ​ຫັນ​ຫລັງ​ໃຫ້​ກັບຫົນທາງ​ຂອງ​ພ​ຣະ​ເຈົ້າ ​ແລະ ເຮັດ​ຕາມ​ຫົນທາງ​ຊີ​ວິດ​ຂອງ​ພວກ​ເຮົາເອງ. ​ຄວາມ​ບາບ​ແຍກ​ພວກ​ເຮົາ​ອອກ​ຈາກ​ພ​ຣະ​ເຈົ້າ. ຄວາມ​ບາບ​ໂຍນ​ພວກ​ເຮົາ​ຖິ້ມ​ລົງ​ໃນ​ຄວາມ​ແຕກ​ແຍກ. ​ຄວາມ​ບາບ​ນຳ​ພວກເຮົາໄປ​ສູ່​ຄວາມ​ຕາຍຝ່າຍຈິດວິນຍານ. ​ຜູ້​ຄົນ​ຕ້ອງ​ການ​ອອກ​ຈາກ​ຄວາມ​ແຕກ​ແຍກ. ​ພວກ​ເຮົາ​ພະ​ຍາ​ຍາມ​ລອງຫຼາຍ​ວິ​ທີ ​ເພື່ອ​ຈະ​ອອກ​ໄປ. ພວກເຮົາບາງ​ຄົນ​ກໍ​ລອງ​ດ້ວຍ​ການ​ໃຊ້​ສິ່ງ​ເສບ​ຕິດ ແລະ ແອ​ລ​ກໍ​ຮໍ. ​ພວກເຮົາບາງ​ຄົນ​ກໍ​ລອງ​ດ້ວຍ​ການ​ ຫາ​ວຽກ ຫຼື ຫາ​ເງິນໃຫ້ໄດ້ຫຼາຍໆ. ພວກເຮົາບາງ​ຄົນ​ກໍ​ຄິດ​ວ່າ​ຄວາມ​ສຳ​ພັນ ​ຈະ​ຊ່​ວຍ​ໃຫ້​ພວກ​ເຂົາ​ອອກ​ໄປ​ໄດ້. ບາງ​ຄົນ​ກໍ​ເຂົ້າ​ຫາ​ສາ​ສະ​ໜາ. ພວກ​ເຮົາ​ຄິດ​ວ່າ​ການ​ປະ​ພຶດທີ່​ດີ ຫຼື ການ​ຊ່ວຍ​ເຫຼືອ ​ຜູ້​ອື່ນ​ຈະ​ປົດ​ປ່ອຍ​ໃຫ້​ພວກ​ເຮົາ​ເປັນ​ອິດ​ສະຫຼະ. ​ສິ່ງເຫຼົ່ານີ້ບໍ່​ມີ​ອັນໃດ​ທີ່​ຊ່ວຍ​ແກ້ໄຂ ​ບັນ​ຫາ​ຂອງ​ຄວາມ​ແຕກ​ສະຫຼາຍໄດ້ເລີຍ. ​ເຖິງ​ແມ່ນ​ວ່າ​ພວກ​ເຮົາ​ຮູ້​ສຶກເໝືອນກັບວ່າ ​ພວກ​ເຮົາ​ໄດ້​ອອກ​ມາ​ແລ້ວ​ໃນ​ຊ່ວງ​ເວ​ລາ​ໜຶ່ງ, ​ພວກ​ເຮົາ​ກໍ​ຖືກດຶງກັບ​ມາ ​​ໃນບ່ອນ​ທີ່​ພວກ​ເຮົາ​ໄດ້​ເລີ່ມ​ເຮັດ​ອີກ. ນີ້​ຄື​ຄວາມ​ຈິງ​ທີ່​ຍາກ ​ຖ້າຫາກພວກ​ເຮົາ​ຍັງ​ຢູ່​ບ່ອນ​ເກົ່າ, ​ຍັງຢູ່​ໃນ​ຄວາມ​ແຕກ​ແຍກ, ​ເມື່ອ​ຊີ​ວິດ​ນີ້ສິ້ນສຸດ​ລົງ ພ​ຣະ​ຄຳພີ​ກໍ​ໄດ້​ບອກວ່າ ​ພວກ​ເຮົາ​ໄດ້​ຖືກ​ແຍກ​ອອກ​​ຈາກ ​ພ​ຣະ​ເຈົ້າ​ຢ່າງຖາວອນ​ຕະຫຼອດ​ການ. ​ພ​ຣະ​ຄຳພີ​ເອີ້ນ​ສະ​ຖານ​ທີ່​ນັ້ນ​ວ່າ ນະລົກ​, ແຕ່​ພ​ຣະ​ເຈົ້າ ​ບໍ່​ຕ້ອງ​ການ​ໃຫ້​ພວກ​ເຮົາ​ຢູ່​ໃນ​ຄວາມ​ແຕກ​ແຍກ. ​ພ​ຣະ​ຄຳພີ​ກ່າວ​ວ່າ ພ​​ຣະ​ເຈົ້າ​ຊົງ​ຮັກພວກ​ເຮົາຫຼາຍ ​ພ​ຣະ​ອົງໄດ້​ສົ່ງ​ພ​ຣະ​ບຸດ​ອົງ​ດຽວຂອງພຣະອົງເອງ​ ເພື່ອ​ເປີດ​ຫົນ​ທາງ​ອອກໃຫ້​ກັບ​ພວກ​ເຮົາ. ພ​ຣະ​ເຢ​ຊ​ູໄດ້​ສະ​ເດັດ​ລົງ​ມາ​ສູ່​ໂລກ​ເພື່ອ​ລົບ​ລ້າງ ​ຄວາມ​ຜິດ​ບາບຂອງພວກເຮົາ ແລະ ​ນຳພວກ​ເຮົາ​ອອກ​ຈາກ​ຄວາມ​ແ​ຕກ​ສະຫຼາຍ. ​ແຕ່​ແນວ​ໃດ? ພ​ຣະ​ເຢ​ຊູ​ເຮັດ​ສິ່ງ​ທັງ​ໝົດ​ນີ້​ໄດ້​ແນວ​ໃດ? ພ​ຣະ​ເຢ​ຊູ​ມີ​ຊີ​ວິ​ດ​ທີ່​ສົມ​ບູນ​ແບບ. ພ​ຣະ​ເຢ​ຊູ ​ເປັນ​ຜູ້​ດຽວ​ທີ່​ບໍ່​ເຄີຍ​ເຮັດ​ຜິດ​ບາບ. ພ​ຣະ​ເຢ​ຊ​ູເປັນ​ຜູ້​ດຽວ​ທີ່​ຢູ່ ​ໃນ​ການ​ອອກ​ແບບ​ທີ່​ສົມ​ບູນແບບ​ຂອງ​ພ​ຣະ​ເຈົ້າ. ຈາກ​ນັ້ນ​ພ​ຣະ​ເຢ​ຊູ​ກໍ​ຍອມ​ສະຫລະ​ຊີ​ວິດ​ທີ່​ສົມ​ບູນ​ແບບ​ຂອງພຣະອົງ ​ແລະ ໄດ້ມາ​ຮັບ​ເອົາ​ແທນ​ພວກ​ເຮົາ. ​ພ​ຣະ​ເຢ​ຊູຊົງ​ຕາຍ​ເທິງ​ໄມ້​ກາງ​ແຂນ ​ເພື່ອ​ຈ່າຍ​ລາ​ຄາ​ສຳ​ລັບ​ຄວາມ​ຜິດ​ບາບ​ຂອງ​ພວກ​ເຮົາ. ດັ່ງ​ນັ້ນ ພ​ຣະ​ເຢ​ຊູ, ພ​ຣະ​ບຸດ​ອົງ​ດຽວ​ຂອງ​ພ​ຣະ​ເຈົ້າ, ​ຊົງຍົກ​ເລີກ​ຄວາມ​ຜິດ​ບາບ​ຂອງ​ພວກ​ເຮົາ​ດ້ວຍ​ການ​ຕາຍ​ຂອງ​ພ​ຣ​ະ​ອົງ. 3 ມື້ ​ຫຼັງ​ຈາກ​ພ​ຣະ​ເຢ​ຊູ​ໄດ້​ສິ້ນ​ພ​ຣະ​ຊົນ ແລະ ຖືກ​ຝັງ. ພ​ຣະ​ອົງ​ຊົງ​ຄືນ​ມາ​ຈາກ​ຕາຍ ​ເພາະ​ວ່າ​ການຍອມ​ເສຍ​ສະຫຼະ​ອັນ​ຍິ່ງ​ໃຫຍ່​ຂອງ​ພ​ຣະ​ອົງ. ພ​ຣະ​ເຈົ້າ​ຊົງ​ຕັ້ງ​ພ​ຣະ​ເຢ​ຊູ​ໃຫ້​ເປັນ​ຈອມ​ກະ​ສັດ​ຂອງ​ທຸກໆ​ສິ່ງ ​ໃນ​ສະ​ຫວັນ ແລະ ທຸກ​ສິ່ງ​ໃນ​ແຜ່ນ​ດິນ​ໂລກ. ພ​ຣະ​ເຢ​ຊູ​ຈອມ​ກະ​ສັດ​​ຊົງສ້າງຫົນ​ທາງ​ອອກ​ຈາກ​ຄວາມ​ແຕກ​ສະ​ຫຼາຍ ​ໃຫ້​ກັບ​ພວກ​ເຮົາ. ພ​ຣະ​ເຈົ້າ​ຊົງ​ກ່າວ​ວ່າ ຖ້າ​ພວກ​ເຮົາ​ຫັນ​ຫລັງ​ໃຫ້​ກັບ​ຄວາມ​ບາບ​ຂອງ​ພວກ​ເຮົາ ​ແລະ ເຊື່ອ​ວ່າ​ພ​ຣະ​ເຢ​ຊູໄດ້​ຕາຍ​ເພື່ອ​ພວກ​ເຮົາ ແລະ ບັບ​ຕິ​ສະ​ມາ​ໃນ​ພ​ຣະ​ນາມ ​ຂອງ​ພ​ຣະ​ບິ​ດາ, ພ​ຣະ​ບຸດ, ແລະ ພ​ຣະ​ວິນ​ຍານ​ບໍ​ຣິ​ສຸດ, ແລ້ວພ​ຣະ​ອົງ​ກໍ​ຊົງ​ຍົກ​ພວກ​ເຮົາ​ຂຶ້ນ ເໝືອນ​ກັນ​ກັບ​ພ​ຣະ​ເຢ​ຊູ, ​ເພື່ອ​ດຳເນີນ​​ຊີ​ວິດແບບ​ໃໝ່ ​ໃນ​ຖາ​ນະ​ສ່ວນ​ໜຶ່ງ​ຂອງ​ຄອບ​ຄົວ​ພ​ຣະ​ເຈົ້າ​ຕະຫຼອດ​ນິ​ຣັນ​ດອນ. ​ພວກ​ເຮົາ ​ຈຳ​ລອງ​ຊີ​ວິດ​ໃໝ່​ນີ້​ໃນ​ໂລກ​ທີ່​ແຕກ​ສະຫຼາຍ ​ແລະ ເຝົ້າ​ຄອຍຖ້າ​ການ​ສະ​ເດັດ​ກັບ​ມາ​ຂອງ​ພ​ຣະ​ເຢ​ຊູ, ເມື່ອ​ພ​ຣະ​ອົງ​ຈະ​ຊົງ​ສ້າງ ​ຟ້າ​ສະ​ຫວັນ​ໃໝ່ ແລະ ແຜ່ນ​ດິນ​ໂລກ​ໃໝ່, ​ບ່ອນ​ທີ່​ພວກ​ເຮົາ​ສາ​ມາດ​ຢູ່​ກັບ​ພ​ຣະ​ອົງ​ຕະຫຼອດ​ຊົ່ວ​ນິ​ຣັນ​ດອນ ​ໃນ​ຄວາມ​ສົມ​ບູນ​ແບບ. ພ​ຣະ​ເຈົ້າ​ຕ້ອງ​ການ​ໃຫ້​ພວກ​ເຮົາ​ເຕີບ​ໃຫຍ່​ໃນ​ຄວາມ​ສ​ຳ​ພັນ ​ກັບ​ພ​ຣະ​ອົງ. ​ພ​ຣະ​ເຈົ້າ​ຕ້ອງ​ການ​ໃຫ້​ພວກ​ເຮົາ​ຟື້ນ​ຟູ ​ກັບ​ມາ​ສູ່​ການ​ອອກ​ແບບ​ດັ້ງ​ເດີມ​ທີ່​ສົມ​ບູນ​ແບບຂອງ​ພ​ຣະ​ອົງ ເປັນ​ສ່ວນ​ໜຶ່ງ​ຂອງ​ຄອບ​ຄົວ​ພ​ຣະ​ເຈົ້າ. ພ​ຣະ​ເຢ​ຊູ​ຊົງ​ມອບ​ພັນ​ທະ​ກິດ​ໃຫ້ແກ່​ພວກ​ເຮົາ ​ເຫດ​ຜົນ​ໃນ​ກາ​ນ​ມີ​ຊີ​ວິດ​ຢູ່, ​ແລະ ຫົນທາງໃນ​ການ​ໃຊ້​ຊີ​ວິດໃຫ້​ດີ​ທີ່​ສຸດ​ເທົ່າ​ທີ່​ຈະ​ເປັນ​ໄປ​ໄດ້. ພັ​ນ​ທະ​ກິດ​ຂອງ​ພ​ຣະ​ເຢ​ຊູ​ທີ່ມອບ​ໃຫ້​ກັບ​ພວກ​ເຮົາ​ຄື​ອອກ​ໄປ. ພ​ຣະ​ເຢ​ຊູ​ຊົງສົ່ງ​ພວກ​ເຮົາ​ອອກ​ໄປ​ເໝືອນ​ກັບ​ພ​ຣະ​ເຈົ້າ​ພ​ຣະ​ບິ​ດາ. ພຣະເຈົ້າໄດ້​ສົ່ງ​ພ​ຣະ​ເຢ​ຊ​ເຂົ້າ​ມາ​ສູ່​ຄວາມ​ແຕກ​ສະຫຼາຍ ​ເພື່ອ​ຊ່ວຍ​ຄົນ​ອື່ນໆ ​ປົດ​ປ່ອຍ​ໃຫ້​ເປັນ​ອິດ​ສະ​ຫຼະ ​ແລະ ກາຍເປັນ​ສ່ວນ​ໜຶ່ງ​ຂອງ​ຄອບ​ຄົວ​ພ​ຣະ​ເຈົ້າ​ຕະຫຼອດ​ໄປ. ໃນ​ວົງ​ຈອນ​ສາມ​ໂລກ​ນີ້. ມີ​ພຽງແຕ່​ຄົນ​ສອງ​ປະ​ເພດ​ເທົ່າ​ນັ້ນ. ​ຜູ້​ຄົ​ນ ​ທີ່​ເປັນ​ສ່ວນ​ໜຶ່ງ​ຂອງ​ການ​ອອກ​ແບບ​ທີ່​ສົມ​ບູນ​ແບບຂອງ​ພ​ຣະ​ເຈົ້າ. ​ດຳ​ເນີນ​ຊີ​ວິດ​ຕາມ​ພາ​ລະ​ກິດ​ໃນ​ການ​ຊ່ວຍ​ເຫຼືອ​ຂອງ​ພ​ຣະ​ເຈົ້າ. ​ຊ່ວຍ​ໃຫ້​ເຊື່ອ​ມ​ຕໍ່​ ກັບ​ພ​ຣະ​ເຈົ້າ ເພື່ອ​ເປັນ​ຄອບ​ຄົວ​ຂອງ​ພ​ຣະ​ອົງ​ຕະຫຼອດ​ໄປ ຫຼື ຜູ້​ຄົນ​ທີ່​ຍັງ​ຢູ່​ໃນ​ຄວາມ​ແຕກ​ສະຫຼາຍ ​ພະ​ຍາ​ຍາມ​ທຸກໆ​ຢ່າງ​ເພື່ອ​ໃຫ້​ເປັນ​ອິດ​ສະຫຼະ. ​ຫວັງ​ວ່າ​ຈະ​ມີ​ຄົນ​ຊ່ວຍ​ພວກ​ເຂົາ​ໄດ້. ທ່ານ​ຮູ້​ບໍ​ວ່າ​ຕອ​ນ​ນີ້​ທ່ານ​ຢູ່​ໃສ? ທ່ານ​ຮູ້​ບໍ​ວ່າ​ທ່ານ​ຢາກ​ຢູ່​ບ່ອນ​ໃດ? ມີຫຼາຍໆ​ວິ​ທີ​ໃນ​ການ​ແບ່ງ​ປັນ​ເລື່ອງ​ລາວ​ຂອງ​ພ​ຣະ​ເຈົ້າ. ສິ່ງ​ສຳ​ຄັນ​ຄືການ​ແບ່ງ​ປັນ​ອອກ​ໄປ. ພ​ຣະເຈົ້າຊົງ​ໃຊ້​ຫົວ​ໃຈ​ທີ່ເຕັມໃຈທີ່ຈະ​ແບ່ງ​ປັນ, ​ເພື່ອ​ຊົງທຳ​ງານ​ໃນ​ຫົວ​ໃຈທີ່ເຕັມໃຈທີ່ຈະໄດ້​ຍິນ. ມັນ​ຄື​ງານ​ຂອງ​ພ​ຣະ​ອົງ. ພ​ຣະ​ອົງ​ພຽງ​ແຕ່​ຊວນ​ທ່ານ​ໃຫ້​ເຂົ້າ​ຮ່ວມ.

ເລື່ອງລາວຂອງພຣະເຈົ້າ: ການຊົງສ້າງສູ່ຮູບແບບການພິພາກສາ

ໃນຕອນເລີ່ມຕົ້ນ ພຣະເຈົ້າໄດ້ຊົງສ້າງໂລກທັງໝົດ ແລະ ທຸກສິ່ງທຸກຢ່າງຢູ່ໃນນັ້ນ.

ພຣະເຈົ້າຊົງສ້າງຜູ້ຊາຍ ແລະ ຜູ້ຍິງຄູ່ທໍາອິດ.​ ພຣະອົງໄດ້ໃຫ້ພວກເຂົາອາໄສຢູ່ໃນສວນທີ່ສວຍງາມ. ພຣະອົງຊົງສ້າງພວກເຂົາໃຫ້ເປັນສ່ວນໜຶ່ງຂອງຄອບຄົວ ແລະ ມີຄວາມສໍາພັນທີ່ໃກ້ຊິດກັບພວກເຂົາ.

ພຣະເຈົ້າຊົງສ້າງພວກເຂົາໃຫ້ມີຊີວິດຢູ່ຕະຫຼອດໄປເປັນນິດ. ບໍ່ມີຄວາມຕາຍ ແມ່ນແຕ່ໃນບ່ອນທີ່ສົມບູນແບບນີ້, ມະນຸດກໍໄດ້ກະບົດຕໍ່ຕ້ານພຣະເຈົ້າ ແລະ ນໍາເອົາຄວາມບາບ ແລະ ຄວາມເຈັບປວດເຂົ້າມາສູ່ໂລກ. ພຣະເຈົ້າໄດ້ຂັບໄລ່ມະນຸດອອກຈາກສວນ. ຄວາມສໍາພັນລະຫວ່າງມະນຸດກັບພຣະເຈົ້າກໍແຕກແຍກ/ແຕກຫັກ. ຕອນນີ້ມະນຸດຕ້ອງປະເຊີນກັບຄວາມຕາຍ. ໃນຫຼາຍຮ້ອຍປີພຣະເຈົ້າສືບຕໍ່ສົ່ງຜູ້ສົ່ງຂ່າວມາຍັງໂລກ. ພວກເຂົາໄດ້ຢ້ຳເຕືອນມະນຸດເຖິງຄວາມຜິດບາບຂອງຕົນ ແຕ່ຍັງບອກພວກເຂົາເຖິງຄວາມສັດຊື່ ແລະ ພຣະສັນຍາຂອງພຣະເຈົ້າທີ່ຈະສົ່ງພຣະຜູ້ຊ່ວຍໃຫ້ລອດມາຍັງໂລກນີ້.

ພຣະຜູ້ຊ່ວຍໃຫ້ລອດຈະຟື້ນຟູຄວາມສໍາພັນທີ່ໃກ້ຊິດລະຫວ່າງມະນຸດກັບພຣະເຈົ້າ. ພຣະຜູ້ຊ່ວຍໃຫ້ລອດຈະເຮັດໃຫ້ມະນຸດຟື້ນຄືນມາຈາກຄວາມຕາຍ. ພຣະຜູ້ຊ່ວຍໃຫ້ລອດຈະມອບຊີວິດອັນຕະຫຼອດໄປເປັນນິດ ແລະ ຢູ່ຮ່ວມກັບມະນຸດຊົ່ວນິຣັນດອນ. ພຣະເຈົ້າຊົງຮັກພວກເຮົາຫຼາຍເມື່ອເຖິງເວລາທີ່ຖືກຕ້ອງ ພຣະອົງກໍໄດ້ສົ່ງພຣະບຸດຂອງພຣະອົງມາຍັງໂລກເພື່ອມາເປັນພຣະຜູ້ຊ່ວຍໃຫ້ລອດ.

ພຣະເຢຊູຄືພຣະບຸດຂອງພຣະເຈົ້າ. ພຣະອົງໄດ້ເກີດມາໃນໂລກຜ່ານທາງຍິງສາວຜູ້ບໍຣິສຸດ. ພຣະອົງໄດ້ໃຊ້ຊີວິດຢ່າງສົມບູນແບບ. ພຣະອົງບໍ່ເຄີຍເຮັດຜິດບາບ. ພຣະເຢຊູໄດ້ສອນມະນຸດກ່ຽວກັບພຣະເຈົ້າ. ພຣະອົງໄດ້ສຳແດງການອັດສະຈັນຫຼາຍຢ່າງເພື່ອໃຫ້ເຫັນເຖິງຣິດອໍານາດອັນຍິ່ງໃຫຍ່ຂອງພຣະອົງ. ພຣະອົງຊົງຂັບໄລ່ຜີ. ຊົງຮັກສາຄົນເຈັບປ່ວຍ. ຊົງເຮັດໃຫ້ຄົນຕາບອດເຫັນຮຸ່ງ. ຊົງເຮັດໃຫ້ຄົນຫູຫນວກໄດ້ຍິນ. ຊົງເຮັດໃຫ້ຄົນເປ້ຍສາມາດຍ່າງໄດ້. ພຣະເຢຊູຊົງເຮັດໃຫ້ຄົນຕາຍຟື້ນຄືນມາມີຊີວິດ. ຜູ້ນໍາສາສະໜາຫຼາຍໆຄົນໄດ້ຄຸກຄາມ ແລະ ອິດສາພຣະເຢຊູ.

ພວກເຂົາຕ້ອງການໃຫ້ພຣະເຢຊູຖືກຂ້າ. ເພາະພຣະອົງບໍ່ເຄີຍເຮັດບາບ ພຣະເຢຊູບໍ່ຈໍາເປັນຕ້ອງຕາຍ.

ແຕ່ພຣະອົງກໍເລືອກທີ່ຈະຕາຍໃນຖານະຜູ້ເສຍສະຫຼະເພື່ອພວກເຮົາທຸກໆຄົນ. ການຕາຍທີ່ເຈັບປວດທໍລະມານຂອງພຣະອົງໄດ້ປົກປິດຄວາມຜິດບາບຂອງມວນມະນຸດທຸກໆຄົນ. ຫຼັງຈາກນັ້ນ ພຣະອົງກໍຖືກຝັງໄວ້ໃນອຸບມຸງ. ພຣະເຈົ້າຊົງເຫັນເຖິງການເສຍສະຫຼະຂອງພຣະເຢຊູທີ່ຊົງກະທຳ ແລະ ໄດ້ຊົງຍອມຮັບມັນ. ພຣະເຈົ້າໄດ້ຊົງຍອມຮັບດ້ວຍການເຮັດໃຫ້ພຣະເຢຊູຟື້ນຄືນມາຈາກຄວາມຕາຍໃນວັນທີສາມ.

ພຣະເຈົ້າຊົງກ່າວວ່າ ຖ້າພວກເຮົາເຊື່ອ ແລະ ຮັບເອົາການເສຍສະຫຼະຂອງພຣະເຢຊູສໍາລັບຄວາມຜິດບາບຂອງພວກເຮົາ - ຖ້າພວກເຮົາຖອຍອອກຈາກຄວາມບາບ ແລະ ຕິດຕາມພຣະເຢຊູໄປ. ພຣະເຈົ້າກໍຊົງຊໍາລະລ້າງພວກເຮົາຈາກຄວາມບາບທັງໝົດ ແລະ ພຣະອົງກໍຕ້ອນຮັບພວກເຮົາກັບຄືນສູ່ຄອບຄົວຂອງພຣະອົງ.

ພຣະເຈົ້າໄດ້ສົ່ງພຣະວິນຍານບໍຣິສຸດມາສະຖິດຢູ່ພາຍໃນພວກເຮົາ ແລະ ເພື່ອຊ່ວຍພວກເຮົາໃນການຕິດຕາມພຣະເຢຊູ. ພວກເຮົາໄດ້ຮັບບັບຕິສະມາໃນນໍ້າເພື່ອສະແດງ ແລະ ປະທັບຕາໃສ່ໃນການຟື້ນຄືນຄວາມສໍາພັນນີ້.

ໃນຖານະສັນຍາລັກຂອງຄວາມຕາຍພວກເຮົາກໍຖືກຝັງຢູ່ໃຕ້ນໍ້າ. ໃນຖານະສັນຍາລັກແຫ່ງຊີວິດໃໝ່ພວກເຮົາກໍຖືກດຶງຂຶ້ນມາຈາກນໍ້າເພື່ອຕິດຕາມພຣະເຢຊູ.

ເມື່ອພຣະເຢຊູຊົງຟື້ນຄືນມາຈາກຄວາມຕາຍ ພຣະອົງໄດ້ອາໄສຢູ່ໃນໂລກເປັນເວລາ 40 ມື້.

ພຣະເຢຊູໄດ້ຊົງສອນໃຫ້ຜູ້ຕິດຕາມພຣະອົງອອກໄປທຸກໆບ່ອນ ແລະ ບອກຂ່າວດີຂອງການໄຖ່ບາບຂອງພຣະອົງໃຫ້ກັບທຸກໆຄົນໃນທົ່ວໂລກ. ພຣະເຢຊູກ່າວວ່າ ຈົ່ງອອກໄປ ຈົ່ງເຮັດໃຫ້ຄົນທຸກຊາດເປັນລູກສິດ ໃຫ້ພວກເຂົາຮັບບັບຕິສະມາໃນພຣະນາມແຫ່ງພຣະບິດາ, ພຣະບຸດ ແລະ ພຣະວິນຍານບໍຣິສຸດເຈົ້າ ສັ່ງສອນພວກເຂົາໃຫ້ຖືຮັກສາທຸກໆສິ່ງທີ່ເຮົາໄດ້ສັ່ງພວກເຈົ້າໄວ້ແລ້ວນັ້ນ ນີ້ແຫຼະ ເຮົາຢູ່ກັບເຈົ້າທັງຫຼາຍທຸກໆວັນຈົນສິ້ນໂລກນີ້.

ພຣະເຢຊູຖືກຮັບຂຶ້ນສູ່ສະຫວັນຕໍ່ໜ້າພວກເຂົາ. ມື້ໜຶ່ງ, ພຣະເຢຊູຈະສະເດັດກັບມາອີກຄັ້ງໃນລັກສະນະດຽວກັນກັບມື້ທີ່ພຣະອົງຊົງຖືກຮັບຂຶ້ນໄປ. ພຣະອົງຈະລົງໂທດຜູ້ທີ່ບໍ່ຮັກ ແລະ ບໍ່ເຊື່ອຟັງພຣະອົງຕະຫຼອດໄປ. ພຣະອົງຈະຊົງຮັບເອົາ ແລະ ໃຫ້ລາງວັນແກ່ຜູ້ທີ່ຮັກ ແລະ ເຊື່ອຟັງພຣະອົງຊົ່ວນິຣັນດອນ. ພວກເຮົາຈະຢູ່ຮ່ວມກັບພຣະອົງໃນຟ້າສະຫວັນໃໝ່ ແລະ ແຜ່ນດິນໂລກໃໝ່ຕະຫຼອດນິດນິຣັນ.

ຂ້ອຍເຊື່ອ ແລະ ໄດ້ຮັບເອົາການເສຍສະຫຼະຂອງພຣະເຢຊູສໍາລັບຄວາມບາບຂອງຂ້ອຍ. ພຣະອົງໄດ້ຊົງເຮັດໃຫ້ຂ້ອຍສະອາດ ແລະ ຟື້ນຟູຂ້ອຍໃຫ້ເປັນສ່ວນໜຶ່ງຂອງຄອບຄົວຂອງພຣະເຈົ້າ. ພຣະອົງຊົງຮັກຂ້ອຍ ແລະ ຂ້ອຍກໍຮັກພຣະອົງ. ຂ້ອຍຈະຢູ່ຮ່ວມກັບພຣະອົງໃນຣາຊາອານາຈັກໃຫມ່ຕະຫຼອດໄປ. ພຣະເຈົ້າຊົງຮັກທ່ານ ແລະ ຕ້ອງການໃຫ້ທ່ານໄດ້ຮັບຂອງຂວັນນີ້ເຊັ່ນກັນ. ຕອນນີ້ທ່ານຢາກຕ້ອນຮັບເອົາພຣະເຢຊູຄຣິດບໍ?

ຝຶກຝົນການນໍາສະເໜີການປະກາດຂ່າວປະເສີດນີ້ດ້ວຍຕົວຂອງທ່ານເອງຈົນກວ່າທ່ານຈະຮູ້ສຶກສະບາຍໃຈໃນການເລົ່າເລື່ອງ.

​ຊຸດອ​ຸ​ປະ​ກອນ​ຊູ​ເມ ​ບັບ​ຕິສະ​ມາ ​ພ​ຣະ​ເຢ​ຊູ​ກ່າວ​ວ່າ ​ຈົ່ງ​ອອກ​ໄປ ແລະ ຈົ່ງເຮັດ​ໃຫ້ຄົນ​ທຸກ​ຊາດ​ເປັນລູກສິດ​ ​ໃຫ້​ພວກ​ເຂົາ​ຮັບບັບຕິສະມາໃນພ​ຣະ​ນາມແຫ່ງ ​ພ​ຣະ​ບິ​ດາ, ພ​ຣະ​ບຸດ ແລະ ພ​ຣະ​ວິນ​ຍານ​ບໍ​ຣິ​ສຸດ… ບັບ​ຕິສະ​ມາ - ຫຼື ບັບ​ຕິ​ໂຊ ໃນ​ພາ​ສາ​ຕົ້ນ​ສະ​ບັບ - ໝາຍ​ເຖິງ​ການ​ປຽກ ຫຼື ການ​ຈົມ​ລົງ​ນ້ຳ - ເໝືອນ​ກັບ​ທ່ານ​ຍ້ອມ​ເສື້ອ ແລະ ສີ​ມັນ​ກໍ​ຊຶມ​ເຂົ້າ​ໄປ ​ແລະ ມີການປ່ຽນແປງ​ໄປ​ຈາກ​ເກົ່າ. ບັບ​ຕິ​ສະ​ມາ​ຄື​ພາບ​ຊີ​ວິດ​ໃໝ່​ຂອງ​ພວກ​ເຮົາ, ທີ່ສະແດງອອກ​ໃນ​ພ​ຣະ​ລັກ​ສະ​ນະ​ຂອງ​ພ​ຣະ​ເຢ​ຊູ, ປ່ຽນ​ມາ​ເປັນ​ການ​ເຊື່ອ​ຟັງ​​ພ​ຣະ​ເຈົ້າ. ມັນ​ຄື​ຮູບ​ພາບ​ການ​ຕາຍ​ໃນ​ບາບ​ກຳ​ຂອງ​ພວກ​ເຮົາ, ເໝືອນ​ກັບ​ທີ່ພ​ຣະ​ເຢ​ຊູ​​ຊົງ​ຍອມ​ຕາຍ​ເພື່ອ​ຄວາ​ມ​ຜິດ​ບາບ​ຂອງ​ພວກ​ເຮົາ; ການ​ຝັງ​ສົບ​ໃຫ້​ກັບ​ຫົນ​ທາງ​ເກົ່າໆ​ໃນ​ຊີ​ວິດ​ຂອງ​ພວກ​ເຮົາ, ​ເໝືອນກັບ​ທີ່​ພ​ຣະ​ເຢ​ຊູ​ຊົງ​ໄດ້​ຖືກ​ຝັງ​ໄວ້ໃນ​ອຸບ​ມຸງ; ​ການ​ບັງ​ເກີດ​ໃໝ່​ໃນ​ພ​ຣະ​ເຢ​ຊູ​ຄ​ຣິດ, ເໝືອນ​ກັບທີ່​ພ​ຣະ​ເຢ​ຊູ​ຊົ​ງ​ຄື​ນ​ພ​ຣະ​ຊົນ ແລະ ມີ​ຊີ​ວິດ​ຢູ່​ຈົນ​ເຖິງ​ທຸກ​ມື້​ນີ້. ຖ້າ​ທ່ານ​ບໍ່​ເຄີຍ​ຮັບ​ບັບ​ຕິ​ສະ​ມາ​ໃຫ້​ໃຜ​ມາ​ກ່ອນ, ມັນ​ອາດ​ຈະເບິ່ງຄືວ່າ​ເປັນ​ຕາ​ຢ້ານ, ແຕ່​ມັນ​ບໍ່​ເປັນ​ແບບ​ນັ້ນ​ເລີຍ. ນີ້​ຄື​ບາງຂັ້ນ​ຕອນ​​ງ່າຍໆ. ນຳ​ຄົນ​ໜຶ່ງ​ໃຫ້ມາ​ຢືນ​ຢູ່​ໃນ​ນ້ຳ, ເລິກ​ພໍ​ທີ່​ຈະ​ໃຫ້​ສາ​ວົກ​ຄົນໃໝ່​ຈຸ່ມລົງ​​ໃນ​ນ້ຳ ​ສິ່ງນີ້ສາ​ມາດ​ເຮັດໄດ້​ໃນ​ບໍ່​ນ້ຳ, ແມ່​ນ້ຳ, ໜອງ ຫຼື ທະ​ເລ​. ມັນສາ​ມາດ​ເຮັດ​ໃນ​ອ່າງ​ອາບ​ນ້ຳ ຫຼື ວິ​ທີ​ອື່ນໆ​ທີ່ເປັນບ່ອນບັນຈຸ​ນ້ຳໄດ້. ​ໃຫ້​ສາ​ວົກຈັບ​ມືເບື້ອງໜຶ່ງ​ຂອງ​ທ່ານ​ໄວ້. ແລະ ທ່ານປະ​ຄອງຫຼັງ​ຂອງລາວ​ກັບອີກ​ຄົນໜຶ່ງ​. ຖາມ 2 ຄຳ​ຖາມ​ເຫຼົ່າ​ນີ້ ​ເພື່ອ​ໃຫ້​ໝັ້ນ​ໃຈ​ວ່າ​ພວກ​ເຂົາ​ເຂົ້າ​ໃຈ​ການ​ຕັດ​ສິນ​ໃຈ​ຂອງ​ພວກ​ເຂົາ​ແລ້ວ. ​ທ່ານ​ເຄີຍ​ຕ້ອນ​ຮັບ​ເອົາ​ພ​ຣະ​ເຢ​ຊູ​ຄຣິດເຈົ້າ​ເປັນ​ພ​ຣະ​ເຈົ້າ ແລະ ເປັນພ​ຣະ​ຜູ້​ຊ່ວຍໃຫ້ລອດຂອງ​ທ່ານ​ແລ້ວ​ບໍ? ທ່ານ​ຈະ​ເຊື່ອ​ຟັງ ແລະ ຮັບ​ໃຊ້​ພ​ຣະ​ເຢ​ຊູ​ໃນຖານະ​ກະ​ສັດ​ ຕະຫຼອດ​ຊີ​ວິດ​ຂອງ​ທ່ານ​ບໍ? ຖ້າ​ພວກ​ເຂົາ​ຕອບ​ວ່າ ແມ່ນ ທັງ​ສອງ​ຄຳ​ຖາມ, ແລ້ວໃຫ້​ທ່ານ​ກ່າວ​ບາງ​ຢ່າງ​ດັ່ງ​ນີ້: ເພາະ​ວ່າ​ທ່ານ​ໄດ້​ຍອມ​ຮັບ​ເອົາ​ຄວາມ​ເຊື່ອ​ຂອງ​ທ່ານ​ໃຫ້​ກັບ​ພ​ຣະ​ເຢ​ຊູ​ຄ​ຣິດ​ເຈົ້າ​ແລ້ວ, ຕອນ​ນີ້​ຂ້ອຍຈະ​ບັບ​ຕິ​ສະ​ມາ​ໃຫ້​ທ່ານ ​ໃນ​ພ​ຣະ​ນາມ​ຂອງ​ພ​ຣະ​ບິ​ດາ, ພ​ຣະ​ບຸດ ແລະ ພ​ຣະ​ວິນ​ຍານ​ບໍ​ຣິ​ສຸດ. ຊ່​ວຍ​ລາວຈຸ່ມລົງ​ໃນ​ນ້ຳ, ໃຫ້​ຖ້ວມ​ໂຕ ແລະ ດຶງ​ລາວ​ຂຶ້ນ​ມາ. ທ່າ​ນ​ໄດ້​ບັບ​ຕິ​ສະ​ມາ​ໃຫ້​ກັບ​ຜູ້​ຕິດ​ຕາມ​ພ​ຣະ​ເຢ​ຊູ​ຄົນ​ໃໝ່​ແລ້ວ - ເປັນໄພ່ພົນໃໝ່ຂອງ​ແຜ່ນ​ດິນ​ສະ​ຫວັນ - ເປັນບຸດ​ຄົນ​ໃໝ່ຂອງ​​ພ​ຣະ​ເຈົ້າຜູ້ຊົງພຣະຊົນຢູ່. ​ເປັນເວ​ລາ​​ແຫ່ງ​ການສະ​ເຫຼີມ​ສະຫຼອງ! ບັບ​ຕິ​ສະ​ມາ - ຄື​ພິທີ​ອັນ​ທຳ​ອິດ​ທີ່​ພ​ຣະ​ເຢ​ຊູ​ໄດ້​ມອບ​ໃຫ້​ກັບ​ຜູ້​ຕິດ​ຕາມ​ພ​ຣະ​ອົງ. ແລະ ​ເປັນຮາກ​ຖານຂອງ​ຊຸດ​ອຸ​ປະ​ກອນ​ຊູ​ເມ

​ຊຸດ​ອຸ​ປະ​ກອນ​ຊູ​ເມ ​ການເປັນ​ພະ​ຍານ 3 ນາ​ທີ ​ພ​ຣະ​ເຢ​ຊູ​ໄດ້​ກ່າວ​ກັບ​ຜູ້​ຕິດ​ຕາມຂອງ​ພ​ຣະ​ອົງ​ວ່າ - ​ພວກ​ເຈົ້າ​ກໍ​ເ​ປັນ​ພະ​ຍານ​ໃນ​ເລື່ອງ​ເຫຼົ່າ​ນີ້. ໃນ​ຖາ​ນະ​ຜູ້​ຕິດ​ຕາມຂອງ​ພ​ຣະ​ເຢ​ຊູ, ພວກເຮົາ​ກໍ​ເປັນ​ພະ​ຍານ​ເຊັ່ນ​ດຽວ​ກັນ ​ການ​ເປັນ​ພະ​ຍານ​ກ່ຽວ​ກັບ​ຜົນ​ກະ​ທົບທີ່ພ​ຣະ​ເຢ​ຊູ​ມີຕໍ່​ຊີ​ວິດ​ຂອງ​ພວກ​ເຮົາ. ເລື່ອງລາວ​​ຄວາມ​ສຳ​ພັນຂອງ​ທ່ານ​ກັບ​ພ​ຣະ​ເຈົ້າ ​ເອີ້ນ​ວ່າ​ຄຳ​ພະ​ຍານ​ຂອງ​ທ່ານ. ​ທຸກໆ​ຄົນ​ມີ​ເລື່ອ​ງ​ລາວຂອງຕົວເອງ. ​ນີ້​ຄື​ໂອ​ກາດ​ໃນ​ການ​ຝຶ​ກ​ຝົນ​ຂອງ​ທ່ານ. ເລືອກ​ຜູ້​ຕິດ​ຕາມ​ໜຶ່ງ ຫຼື ສອງຄົນ​ເພື່ອ​ຝຶກ​ຝົນ ແລະຫຼັງ​ຈາກ​ນັ້ນ​ເລືອກ 5 ລາຍ​ຊື່​ຈາກ 100 ລາຍ​ຊື່​ຂອງ​ທ່ານ. ກວ​ດ​ໃຫ້​​ໝັ້ນ​ໃຈ​ວ່າ​ທ່ານ​ເລືອກ​ຄົນ​ຈາກ​ໝວດ​ໝູ່ ​ທີ່ບໍ່​ແມ່ນ​ຄ​ຣິສ​ຕຽນ ຫຼື ບໍ່​ຮູ້​ຈັກ​ສະ​ຖາ​ນະ​ຝ່າຍ​ຈິດ​ວິນ​ຍານ. ຝຶກ​ຝົນ​ການ​ເປັນ​ພະ​ຍານ​ຂອງ​ທ່ານ - ເລື່ອງລາວ​​ຂອງ​ທ່ານກ່ຽວກັບພຣະເຢຊູ - ໂດຍໃຫ້​​ຄູ່​ຝຶກ​ຂອງທ່ານ​ສະ​ແດງເປັນ ໜຶ່ງໃນ 5 ຄົນ​ທີ່​ທ່ານ​ເລືອກ​ຈາກ​ລາຍ​ຊື່. ​ຝຶກສ້າງ​ເລື່ອງລາວ​ຂອງ​ທ່ານ​ໂດຍ​ສະ​ເພາະ​ເຈາະ​ຈົງ ຜູ້​ລະ​ເລື່ອງສຳ​ລັບ 5 ຄົນ ​ທ່ານ​​ສາ​ມາດແບ່ງ​ປັນ​​ເລື່ອງລາວຂອງທ່ານໃນຮູບແບບ​ສັ້ນໆ​ໄດ້ ​ພາຍໃນ​ເວ​ລາປະມານ 3 ນາ​ທີ. ​​ມີ​ຫຼາຍວິທີທາງ​ສຳ​ລັບການ​ສ້າງ​ເລື່ອງ​ລາວ​ຂອງ​ທ່ານ, ​ແຕ່​ມີ​ບາງວິ​ທີ​ທີ່​ພວກ​ເຮົາ​ເຫັນ​ວ່າ​ມັນ​ໄດ້​ຜົນ​ດີ​ຕໍ່​ຄົນ​ອື່ນ: ທ່ານ​ສາ​ມາດ​ແບ່ງປັນ​ດ້ວຍ​ຂໍ້​ຄວາມ​ງ່າຍໆ ​ກ່ຽວ​ກັບ​ເຫດ​ຜົນ​ທີ່​ທ່ານ​ເລືອກ​ຕິດ​ຕາມ​ພ​ຣະ​ເຢ​ຊູ. ​ວິ​ທີ​ນີ້​ໃຊ້​ໄດ້​ຜົ​ນ​ດີ​ກັບ​ຜູ້​ເຊື່ອໃໝ່. ທ່ານ​ສາ​ມາດ​ແບ່ງ​ປັນເລື່ອງລາວຂອງທ່ານ​ ''​ກ່ອນ'' ແລະ ''ຫຼັງ​'' - ຊີ​ວິດ​ຂອງ​ທ່ານ​ເປັນ​ແນວ​ໃດ​ກ່ອນ​ທີ່​ຈະ​ມາ​ຮູ້​ຈັກກັບ​ພ​ຣະ​ເຢ​ຊູ ​ແລະ ຊີ​ວິດ​ຂອງ​ທ່ານ​ຕອນ​ນີ້​ເປັນ​ແນວ​ໃດ. ງ່າຍ​ ແລະ ຊົງ​​ພະ​ລັງ. ທ່ານ​ສາ​ມາດ​ແບ່ງ​ປັນເລື່ອງລາວ ''ທີ່​ມີ'' ແລະ ''ບໍ່​ມີ'' ​ວ່າຊີ​ວິດ​ຂອງ​ທ່ານ​ເປັນ​ແນວ​ໃດ​ທີ່​ມີ​ພ​ຣະເຢ​ຊູ ​ແລະ ມັນ​ຈະ​ເປັນ​ແນວ​ໃດ​ຖ້າ​ບໍ່​ມີ​ພ​ຣະ​ອົງ. ​ດ້ວຍວິ​ທີ​ນີ້​ເລື່ອງ​ລາວ​ຂອງ​ທ່ານ​ກໍ​ຈະໄດ້​ຮັບ​ຜົນ​ດີ ​ຖ້າ​ທ່ານ​ມີຄວາມ​ເຊື່ອ​ໃນ​ຕອນ​ທີ່​ທ່ານ​ຍັງ​ໜຸ່ມ​ນ້ອຍ ​ເມື່ອ​ທ່ານ​ແບ່ງ​ປັນ​ຈົບ​ແລ້ວ, ​ປ່ຽນໃຫ້​ຄູ່​ຂອງ​ທ່ານ​ຝຶກ​ຕໍ່​ໃນ​ຮອບ​ຕໍ່​ໄປ. ​ສືບ​ຕໍ່​ເຮັດ​ສະລັບກັນໄປມາ​ເລື້ອຍໆ​ຈົນ​ກວ່າ​ພວກ​ທ່ານທັງສອງ​ຈະ​ສຳ​ເລັດ​ຄົບ 5 ຄົນ. ຕ້ອງ​ການ​ຢາກ​ເຮັດ​ໃຫ້​ຜົນ​ກະ​ທົບ​ຍິ່ງ​ໃຫ​ຍ່​ຂຶ້ນ​ຕື່ມ​ບໍ? ເມື່ອ​ທ່ານ​ແບ່ງ​ປັນ​ເລື່ອງລາວ​ຂອງ​ທ່ານ, ມັນຈະເປັນປະໂຫຍດທີ່ຈະ​ຄິດ​ວ່າ ​ມັນ​ເປັນ​ສ່ວນ​ໜຶ່ງ​ໃນ​ຂະ​ບວນ​ການ​ສາມ​​ສ່ວນ: ​ເລື່ອງລາວ​ຂອງ​ພວກ​ເຂົາ - ຂໍ​ໃຫ້​ຜູ້​ທີ່​ທ່ານ​ກຳ​ລັງ​ສົນ​ທະ​ນາ​ຢູ່​ໃຫ້​ລາວ​ແບ່ງ​ປັນ​ກ່ຽວ​ກັບ ​ການ​ເດີນ​ທາງ​ຝ່າຍ​ຈິດ​ວິນ​ຍານ​ຂອງ​ພວກ​ເຂົາ. ເລື່ອງ​ລາວຂອງ​ທ່ານ - ຈາກ​ນັ້ນ​ໃຫ້​ການ​ແບ່ງ​ປັນ​​​ຄໍ​າພະ​ຍານ​ຂອງ​ທ່ານທີ່ສອດຄ່ອງກັບ​ປະ​ສົບ​ການຂອງ​ພວກ​ເຂົາ. ເລື່ອງລາວ​ຂອງ​ພ​ຣະ​ເຈົ້າ - ທ້າຍ​ທີ່​ສຸດນີ້​ກໍ​ແບ່ງ​ປັນ​ເລື່ອງ​ລາວຂອງ​ພ​ຣະ​ເຈົ້າ ໃນ​ທາງ​ທີ່​ເຊື່ອມ​ຕໍ່​ກັບ​ມຸມມອງ​ຝ່າຍ​ໂລກ​ຂອງ​ພວກ​ເຂົາ, ​ຄຸນ​ຄ່າ ແລະ ລຽງ​ລຳ​ດັບ​ຄວາມ​ສຳ​ຄັນຂອງພວກເຂົາ. ​ແລະ ຖ້າ​ທ່ານ​ກັງ​ວົນ​ກ່ຽວ​ກັບ​ການ​ເລີ່ມ​ຕົ້ນ​ - ກໍ​ເຮັດ​ໃຫ້​ມັນ​ລຽບ​ງ່າຍ. ​ພຽງ​ແຕ່ບອກ​ເປັນ​ຂໍ້​ຄວາມ​ໃຫ້​​ພ​ວກ​ເຂົາ​ຟັງ​ວ່າ​ເປັນ​ຫຍັງ​ທ່ານ​ຈຶ່ງ​ເລືອກທີ່ຈະ​ຕິດ​ຕາມ​ພ​ຣະ​ເຢ​ຊູ. ພ​ຣະ​ເຈົ້າ​ສາ​ມາດ​ໃຊ້​ເລື່ອງ​ລາວຂອງ​ທ່ານ​ເພື່ອ​ປ່ຽນ​ແປງ​ຊີ​ວິດ​ໄດ້, ແຕ່​ໃຫ້​ຈື່​ໄວ້​ວ່າ ​ທ່ານ​ຄື​ຜູ້​ທີ່​ຈະ​ຕ້ອງ​ໄປ​ບອກ​ພວກ​ເຂົາ. ​ການ​ເປັນ​ພະ​ຍານ 3 ນາ​ທີ​ຂອງ​ທ່ານ ​ຄື​ອຸ​ປະ​ກອນ​ທີ່ງ່າຍ​​ໃນ​ຊຸດ​ອຸ​ປະ​ກອນ​ຊູ​ເມ.

ພື້ນຖານການເປັນພະຍານ 3 ຢ່າງ

ມີວິທີຫຼາຍຮູບແບບໃນການກໍານົດເລື່ອງລາວຂອງທ່ານ ແຕ່ຕໍ່ໄປນີ້ແມ່ນບາງວິທີທີ່ພວກເຮົາເຫັນວ່າມັນໄດ້ຜົນດີ:

• ຄໍາຊີ້ແຈງງ່າຍໆ - ທ່ານສາມາດແບ່ງປັນຄໍາຊີ້ແຈງງ່າຍໆວ່າຍ້ອນຫຍັງທ່ານຈຶ່ງເລືອກຕິດຕາມພຣະເຢຊູ. ວິທີນີ້ໃຊ້ໄດ້ກັບກຸ່ມຜູ້ເຊື່ອໃໝ່.
• ກ່ອນ ແລະ ຫຼັງ - ທ່ານສາມາດແບ່ງປັນເລື່ອງລາວ ກ່ອນ ແລະ ຫຼັງ ໄດ້ - ຊີວິດຂອງທ່ານເປັນແນວໃດກ່ອນທີ່ທ່ານຈະມາຮູ້ຈັກກັບພຣະເຢຊູ ແລະ ຊີວິດຂອງທ່ານຕອນນີ້ເປັນແນວໃດ. ສັ້ນໆ ແລະ ມີຄວາມໝາຍເລິກເຊິ່ງ.
• ມີ ແລະ ບໍ່ມີ - ທ່ານສາມາດແບ່ງປັນເລື່ອງລາວ ມີ ແລະ ບໍ່ມີ ໄດ້ - ຊີວິດຂອງທ່ານເປັນແນວໃດທີ່ມີພຣະເຢຊູ ແລະ ມັນຈະເປັນແນວໃດຖ້າບໍ່ມີພຣະເຢຊູ. ເລື່ອງລາວຂອງທ່ານໃນຮູບແບບນີ້ໄດ້ຜົນດີຖ້າທ່ານເຂົ້າມາເຊື່ອໃນອາຍຸທີ່ຍັງນ້ອຍ.

3 ສ່ວນໃນການແບ່ງປັນການເປັນພະຍານ

ເມື່ອທ່ານແບ່ງປັນເລື່ອງລາວຂອງທ່ານ. ມັນຈະເປັນປະໂຫຍດຫຼາຍເມື່ອຄິດວ່າມັນຄືສ່ວນໜຶ່ງຂອງຂັ້ນຕອນ 3 ຮູບແບບ

• ເລື່ອງລາວຂອງພວກເຂົາ - ຖາມບຸກຄົນທີ່ທ່ານກໍາລັງສົນທະນາຢູ່ເພື່ອແບ່ງປັນເລື່ອງລາວການເດີນທາງຝ່າຍຈິດວິນຍານຂອງພວກເຂົາ.
• ເລື່ອງລາວຂອງທ່ານ - ຫຼັງຈາກນັ້ນກໍແບ່ງປັນເລື່ອງລາວຂອງທ່ານຜ່ານຮູບແບບປະສົບການຕ່າງໆຂອງພວກເຂົາ.
• ເລື່ອງລາວຂອງພຣະເຈົ້າ - ສຸດທ້າຍກໍໃຫ້ແບ່ງປັນເລື່ອງລາວຂອງພຣະເຈົ້າໃນຮູບແບບທີ່ເຊື່ອມຕໍ່ກັບມຸມມອງທາງໂລກຂອງພວກເຂົາ, ຄຸນຄ່າ ແລະ ລໍາດັບຄວາມສໍາຄັນ.

ການເປັນພະຍານຂອງທ່ານບໍ່ຈໍາເປັນຕ້ອງໃຊ້ເວລາດົນ ຫຼື ບອກລາຍລະອຽດຫຼາຍເກີນໄປເພື່ອເຮັດໃຫ້ມີຜົນກະທົບ. ໃນຄວາມເປັນຈິງ, ຮັກສາການເລົ່າເລື່ອງຂອງທ່ານໃຫ້ຢູ່ປະມານ 3 ນາທີເພື່ອໃຫ້ມີເວລາໃນການຕັ້ງຄຳຖາມ ແລະ ການສົນທະນາທີ່ເລິກເຊິ່ງຂຶ້ນ. ຖ້າທ່ານກັງວົນວ່າຈະເລີ່ມຕົ້ນແນວໃດ - ເຮັດໃຫ້ມັນລຽບງ່າຍ ພຣະເຈົ້າສາມາດໃຊ້ເລື່ອງລາວຂອງທ່ານເພື່ອປ່ຽນແປງຊີວິດ ແຕ່ໃຫ້ຈື່ໄວ້ວ່າ - ທ່ານຄືຄົນທີ່ຕ້ອງບອກພວກເຂົາ.

ໃນບົດຮຽນນີ້ ເຮົາຈະເວົ້າເຖິງເລື່ອງພຣະພອນທີ່ຍິ່ງໃຫຍ່ຂອງພຣະເຈົ້າ ພຣະພອນທີ່ຍິ່ງໃຫຍ່ກວ່າ ແລະພຣະພອນທີ່ຍິ່ງໃຫຍ່ທີ່ສຸດ ແລະວິທີທີ່ທ່ານຈະແບ່ງປັນສິ່ງເຫຼົ່ານັ້ນໃຫ້ແກ່ຜູ້ອື່ນ

ເມື່ອມີຄົນເລືອກຕິດຕາມພຣະເຢຊູ​ເຈົ້າ ທ່ານຈະຊ່ວຍເຂົາໃຫ້ເດີນຢູ່ໃນທາງທີ່ຖືກຕ້ອງ​ໄດ້ແນວໃດ?

ທ່ານຈະຊ່ວຍເຂົາໃຫ້ກາຍມາເປັນຜູ້ຜະລິດ ບໍ່ແມ່ພຽງແຕ່ຜູ້ຊົມໃຊ້ໃນອານາຈັກຂອງພຣະເຈົ້າໄດ້ແນວໃດ?

ທ່ານຈະຊ່ວຍພວກເຂົາໃຫ້ໄດ້ຮັບພຣະພອນທຸກປະການທີ່ພຣະເຈົ້າຍິນດີຈະປະທານໃຫ້ໄດ້ແນວໃດ?

ຂ້າພະເຈົ້າເລີ່ມຕົ້ນໂດຍການບອກພວກເຂົາດັ່ງນີ້....

• ການເຊື່ອພຣະເຢຊູ​ເຈົ້າເປັນພຣະພອນ
• ການນຳຄົນອື່ນມາເຊື່ອພຣະເຢຊູ​ເຈົ້າເປັນພຣະພອນຍິ່ງໃຫຍ່
• ການສ້າງຄອບຄົວໃໝ່ຝ່າຍວິນຍານເປັນພຣະພອນທີ່ຍິ່ງໃຫຍ່​ກວ່າ
• ການຕຽມຄົນອື່ນໆ ໃຫ້ພ້ອມສ້າງຄອບຄົວໃໝ່ຝ່າຍຈິດວິນຍານເປັນພຣະພອນທີ່ຍິ່ງໃຫຍ່ທີ່ສຸດ

ທ່ານເລືອກເຊື່ອພຣະເຢຊູ​ເຈົ້າແລ້ວ ແລະພຣະເຈົ້າຊົງອວຍພອນທ່ານ

ຂ້າພະເຈົ້າຢາກໃຫ້ທ່ານໄດ້ຮັບທັງພຣະພອນທີ່ຍິ່ງໃຫຍ່ ພຣະພອນທີ່ຍິ່ງໃຫຍ່ກວ່າ ແລະພຣະພອນທີ່ຍິ່ງໃຫຍ່ທີ່ສຸດ ໃຫ້ຂ້າພະເຈົ້າບອກທ່ານໄດ້ບໍວ່າຕ້ອງເຮັດແນວໃດ?

ຖ້າຫາກພວກເຂົາຢາກຮູ້ຕື່ມ ຂ້າພະເຈົ້າຈະຂໍໃຫ້ພວກເຂົາຂຽນຊື່ຄົນທີ່ພວກເຂົາຮູ້ຈັກມາ 100 ຄົນ

ຫຼັງຈາກນັ້ນ ຂ້າພະເຈົ້າຈະໃຫ້ພວກເຂົາເລືອກ 5 ຄົນຈາກລາຍຊື່ທັງໝົດ - ຄື 5 ຄົນທີ່ຍັງບໍ່ທັນຮູ້ຈັກພຣະເຢຊູເຈົ້າ - 5 ຄົນທີ່ພວກເຂົາຢາກແບ່ງປັນເລື່ອງພຣະເຢຊູ​ເຈົ້າໃຫ້ຟັງທັນທີ

ການເຊື່ອພຣະເຢຊູ​ເຈົ້າເປັນພຣະພອນ ມີໃຜແດ່ທີ່ທ່ານຢາກແບ່ງປັນພຣະພອນໃຫ້ອີກ?

ຂ້າພະເຈົ້າສອນໃຫ້ພວກເຂົາເລົ່າຄຳພະຍານ ພຣະເຈົ້າຊົງເຮັດຫຍັງໃນຊີວິດຂອງພວກເຂົາແດ່ ຂ້າພະເຈົ້າສອນພວກເຂົາໃຫ້ປະກາດຂ່າວປະເສີດ ຄືສິ່ງທີ່ພຣະເຈົ້າໄດ້ຊົງກະທຳໃນໂລກນີ້ ຂ້າພະເຈົ້າສອນໃຫ້ພວກເຂົາເລົ່າເຖິງພຣະພອນຂອງພຣະເຈົ້າ ທັງພຣະພອນທີ່ຍິ່ງໃຫຍ່ ພຣະພອນທີ່ຍິ່ງໃຫຍ່ກວ່າ ແລະພຣະພອນທີ່ຍິ່ງໃຫຍ່ທີ່ສຸດ

ຂ້າພະເຈົ້າຈະໃຫ້ພວກເຂົາຝຶກເລົ່າເລືອງນີ້ໃຫ້ແຕ່ລະຄົນທີ່ພວກເຂົາເລືອກຟັງ ຄົນລະໜຶ່ງຮອບ ເລີ່ມຕົ້ນດ້ວຍເລື່ອງລາວຂອງພວກເຂົາ ຕໍ່ມາເປັນເລື່ອງລາວຂອງພຣະເຈົ້າແລະພຣະພອນຂອງພຣະເຈົ້າ

ໃນແຕ່ລະຮອບ ຂ້າພະເຈົ້າຈະສົມມຸດວ່າຕົນເອງເປັນຄົນໜຶ່ງໃນລາຍຊື່5ຄົນທີ່ພວກເຂົາເລືອກໄວ້

ໃນແຕ່ລະຮອບ ພວກເຂົາຈະເລົ່າເລື່ອງຕົນເອງ ເລື່ອງຂອງພຣະເຈົ້າແລະເຊີນຊວນໃຫ້ຂ້າພະເຈົ້າມາເຊື່ອພຣະເຢຊູເຈົ້ານຳກັນ ພວກເຂົາສອນເລື່ອງພຣະພອນທີ່ຍິ່ງໃຫຍ່ຂອງພຣະເຈົ້າ ພຣະພອນທີ່ຍິ່ງໃຫຍ່ກວ່າ ແລະພຣະພອນທີ່ຍິ່ງໃຫຍ່ທີ່ສຸດ

ໃນແຕ່ລະຮອບຂ້າພະເຈົ້າຈະຖາມຄຳຖາມຫຼືສະແດງຄວາມຄິດເຫັນທີ່ຂ້າພະເຈົ້າຄິດວ່າຄົນຜູ້ນັ້ນອາດຈະເວົ້າອອກມາ

ຫຼັງຈາກທີ່ເຮົາໄດ້ຝຶກຝົນແລ້ວ ຖ້າເປັນໄປໄດ້ ຂ້າພະເຈົ້າຈະຂໍພົບກັບພວກເຂົາອີກເທື່ອໜຶ່ງ ໃນສອງມື້ຕໍ່ມາ ເພື່ອເບິ່ງວ່າການແບ່ງປັນເປັນແນວໃດ

ຂ້າພະເຂົ້າຢາກໃຫ້ພວກເຂົາມີເວລາພຽງພໍທີ່ຈະພົບກັບ 5 ຄົນຈາກລາຍຊື່ຂອງເຂົາ ແຕ່ຂ້າພະເຈົ້າບໍ່ຢາກໃຫ້ພວກເຂົາມີເວລາຫຼາຍຈົນເລື່ອນໄປຫຼືຫຼົງລືມໄປ

ຂ້າພະເຈົ້າຈະຂໍເບີໂທລະສັບຫຼືອີເມວຫຼືວິທີອື່ນໆໄວ້ຕິດຕໍ່ກັນສະເໝີ

ຂ້າພະເຈົ້າອະທິຖານກັບພວກເຂົາ ຂໍໃຫ້ພຣະເຈົ້າປະທານຄຳເວົ້າທີ່ເໝາະສົມຄືກັນກັບຕອນທີ່ພວກເຂົາເລົ່າໃຫ້ຂ້າພະເຈົ້າຟັງ

ສອງມື້ຕໍ່ມາ ພວກເຮົາຈະພົບກັນອີກແລະໂອ້ລົມເຖິງການແບ່ງປັນວ່າ ເປັນແນວໃດແດ່

ຖ້າຫາກພວກເຂົາຍັງບໍ່ທັນໄດ້ເລົ່າ ຂ້າພະເຈົ້າຈະສະເໜີຕົວຝຶກຊ້ອມກັບພວກເຂົາຕື່ມ ຫຼືສະເໜີຕົວທີ່ຈະໄປກັບພວກເຂົາ ເພື່ອໄປຫາ 1 ໃນ 5 ຄົນທີ່ອາດຈະວ່າງໃຫ້ພົບໄດ້ ຂ້າພະເຈົ້າຈະເຮັດທຸກຢ່າງເທົ່າທີ່ເຮັດໄດ້ ເພື່ອຊ່ວຍໃຫ້ພວກເຂົາເລີ່ມຕົ້ນເລົ່າເລື່ອງ

ແຕ່ຂ້າພະເຈົ້າຍັງບໍ່ທັນເວົ້າເຖິງເລື່ອງໃໝ່ ຂ້າພະເຈົ້າຕ້ອງການໃຫ້ພວກເຂົາໃຊ້ໂອກາດນີ້ຢ່າງດີທີ່ສຸດທີ່ຈະສຳແດງຄວາມສັດ​ຊື່ໃນສິ່ງທີ່ພວກເຂົາໄດ້ຮຽນຮູ້ໄປ

ຖ້າຫາກພວກເຂົາປະຕິເສດຫຼືມີຂໍ້ອ້າງ ຂ້າພະເຈົ້າຈະຖາມພຣະເຈົ້າວ່ານີ້ຄື "ດິນດີ" ທີ່ຈະເກີດຜົນຫຼາຍໃນອານາຈັກຂອງພຣະອົງຫຼືບໍ່ ຫຼືມີບ່ອນອື່ນທີ່ຂ້າພະເຈົ້າຄວນໄປລົງທືນຫຼາຍກວ່າ

ຖ້າພວກເຂົາໄດ້ເລົ່າເລື່ອງແລ້ວ... ພວກເຮົາກໍ​ປິ​ຕິຍິນດີ!

ເຖິງແມ່ນວ່າຍັງບໍ່ມີໃຜເຊື່ອຈາກລາຍຊື່ຂອງພວກເຂົາ ແຕ່ຂ້າພະເຈົ້າກໍຕື່ນເຕັ້ນທີ່ພວກເຂົາໄດ້ຍິນ, ເຊື່ອຟັງ ແລະແບ່ງປັນ ນີ້ຄືຜູ້ທີ່ສັດຊື່

ແລະຍ້ອນພວກເຂົາສັດຊື່ໃນສິ່ງເລັກນ້ອຍ ຂ້າພະເຈົ້າຈຶ່ງຍິນດີທີ່ຈະແບ່ງປັນໃຫ້ພວກເຂົາຕື່ມອີກ

ຂ້າພະເຈົ້າຈະແບ່ງປັນກ່ຽວກັບການຮັບບັບຕິສະມາແລະໃຫ້ເຄື່ອງມືທີ່ພວກເຂົາຈະນຳໄປໃຊ້ໄດ້ເຊັ່ນ ການຍ່າງອະທິຖານ ຫຼື ໜ່ວຍທີ່ມີໜ້າທີ່ຮັບຜິດຊອບ

ຂ້າພະເຈົ້າຈະຂໍໃຫ້ພວກເຂົາເລືອກຈາກລາຍຊື່ 100 ຄົນ ອອກມາອີກຈຳນວນໜຶ່ງຄືຄົນທີ່ຍັງບໍ່ທັນຮູ້ຈັກຫຼືຍັງບໍ່ທັນເຊື່ອພຣະເຢຊູເຈົ້າ

ຈາກນັ້ນຂ້າພະເຈົ້າຈະຝຶກພວກເຂົາ ຄືກັບກ່ອນໜ້ານີ້ທີ່ພວກເຂົາເລົ່າເລື່ອງຂອງຕົນ ເລື່ອງລາວຂອງພຣະເຈົ້າແລະເລື່ອງພຣະພອນຈາກພຣະເຈົ້າ ແລ້ວພວກເຮົາກໍອະທິຖານນຳກັນ

ບັດນີ້ຖ້າພວກເຂົາໄດ້ແບ່ງປັນແລະມີບາງຄົນເຊື່ອ​ແລ້ວ ພວກເຮົາກໍສະຫຼອງກັນແທ້ໆ

ຄອບຄົວຂອງພຣະເຈົ້າກຳລັງຂະຫຍາຍໃຫຍ່ຂຶ້ນ

ຂ້າພະເຈົ້າມັກຖາມເລື້ອຍໆວ່າ ພວກເຂົາໄດ້ເລົ່າເຖິງພຣະພອນທີ່ຍິ່ງໃຫຍ່ ພຣະພອນທີ່ຍິ່ງໃຫຍ່ກວ່າ ແລະພຣະພອນທີ່ຍິ່ງໃຫຍ່ທີ່ສຸດຂອງພຣະເຈົ້າຫຼືບໍ່ ເພາະສິ່ງນີ້ແຫຼະທີ່ຈະເຮັດໃຫ້ຄອບຄົວຂອງພຣະເຈົ້າເຕີບໃຫຍ່ຂຶ້ນເລື້ອຍໆ

ຖ້າຫາກພວກເຂົາບໍ່ໄດ້ເລົ່າເຖິງພຣະພອນຍິ່ງໃຫຍ່ຂອງພຣະເຈົ້າ ພວກເຮົາກໍຈະລົມກັນອີກເທື່ອໜຶ່ງເລື່ອງພຣະພອນຂອງພຣະເຈົ້າ ຜູ້ເຊື່ອໃໝ່ຈະຂຽນລາຍຊື່ແນວໃດ ວິທີການເລົ່າເລື່ອງຂອງຕົນເອງ ການເລົ່າເລື່ອງຂອງພຣະເຈົ້າແລະພຣະພອນຕ່າງໆ ເພື່ອໃຫ້ຜູ້ເຊື່ອໃໝ່ໄດ້ຮຽນຮູ້ການແບ່ງປັນອີກດ້ວຍ

ຫຼັງຈາກທີ່ພວກເຮົາໄດ້ຝຶກຝົນນຳກັນແລ້ວ ຂ້າພະເຈົ້າຈະໃຫ້ພວກເຂົາກັບໄປຫາຜູ້ເຊື່ອໃໝ່ຄົນນັ້ນເພື່ອໃຫ້ພວກເຂົາສາມາດແບ່ງປັນຕໍ່ໄປ

ແຕ່ສຳລັບຄົນທີ່ໄດ້ເລົ່າເລື່ອງແລ້ວມີຄົນເຊື່ອແລະພວກເຂົາໄດ້ເລົ່າເຖິງພຣະພອນຕ່າງໆ ເດ?

ເມື່ອສິ່ງນີ້ເກີດຂຶ້ນ ຂ້າພະເຈົ້າກໍ່ດີໃຈຫຼາຍທີ່ສຸດ

ຄົນແບບນີ້ແຫຼະທີ່ພຣະຄຳຂອງພຣະເຈົ້າຮຽກວ່າ "ດິນດີ" - ຄົນທີ່ຈະເຮັດໃຫ້ຄອບຄົວຂອງພຣະເຈົ້າເຕີບໃຫຍ່ຂຶ້ນແບບທີ່ຂ້າພະເຈົ້າບໍ່ເຄີຍເຫັນມາກ່ອນ

ເມື່ອໃດກໍ່ຕາມຫາກຂ້າພະເຈົ້າໄດ້ເຈິຄົນແບບນີ້ ຂ້າພະເຈົ້າຈະວາງແຜນພົບປະກັບລາວເລື້ອຍໆ ຂ້າພະເຈົ້າຈະທຸ້ມເທລົງທືນເພື່ອພັດທະນາຈິດວິນຍານຂອງພວກເຂົາ

ຂ້າພະເຈົ້າຈະສອນບົດຮຽນໃໝ່ ເຊັ່ນ ບັບຕິສະມາແລະວິທີຕັ້ງໜ່ວຍ​ສ້າງ​ສາ​ວົກ ເພື່ອພວກເຂົາຈະສາມາດເລີ່ມຕົ້ນສ້າງຄອບຄົວຝ່າຍວິນຍານໄດ້ ໂດຍເລີ່ມຈາກກຸ່ມຄົນທີ່ເຂົານຳມາເຊື່ອໃນພຣະເຢຊູເຈົ້າ

ຍ້ອນວ່າພວກເຂົາມີຄວາມສັດຊື່ຫຼາຍ ຂ້າພະເຈົ້າຕື່ນເຕັ້ນທີ່ຈະແບ່ງປັນໃຫ້ພວກເຂົາໃຫ້ຫຼາຍທີ່ສຸດເທົ່າທີ່ຈະເຮັດໄດ້ ແລ້ວເບິ່ງວ່າພຣະເຈົ້າຈະຊົງເຮັດຫຍັງຕໍ່ໄປ ຄ່ອຍໆ ໄປແຕ່ລະບາດກ້າວ! ໃຫ້ໂອກາດພວກເຂົາໄດ້ຮຽນຮູ້ ໄດ້ເຊື່ອຟັງແລະແບ່ງປັນໃນສິ່ງທີ່ເຂົາຮູ້

ຂ້າພະເຈົ້າຍັງໄດ້ອະທິຖານເພື່ອພວກເຂົາອີກດ້ວຍ ຂອບຄຸນພຣະເຈົ້າທີ່ຊົງອະນຸຍາດໃຫ້ຂ້າພະເຈົ້າໄດ້ແບ່ງປັນແລະຮຽນຮູ້ໄປພ້ອມກັບພວກເຂົາແລະຂໍ​ຊົງໂຜດປະທານພຣະພອນທີ່ຍິ່ງໃຫຍ່ທີ່ສຸດໃຫ້ແກ່ພວກເຂົາເລື້ອຍໆ

ຍິນດີຕ້ອນຮັບກັບເຂົ້າສູ່ການອົບຮົມຊູເມ້

ໃນບົດຮຽນນີ້ ພວກເຮົາຈະມາຮຽນຮູ້ວ່າຝູງເປັດນ້ອຍທີ່ກຳລັງຮຽນຍ່າງເຕາະແຕະຈະຊ່ວຍພວກເຮົາໃຫ້ເຂົ້າໃຈຫຼັກການທີ່ສຳຄັນທີ່ສຸດສອງຂໍ້ໃນການສ້າງສາວົກໄດ້ແນວໃດ

ທ່ານເຄີຍເຫັນເປັດຍ່າງຕາມກົ້ນກັນບໍ?

ບໍ່ວ່າທ່ານຈະຢູ່ບ່ອນໃດຂອງໂລກນີ້ ທ່ານຈະເຫັນພາບດຽວກັນຄື

ແມ່ເປັດຍ່າງນຳໜ້າແລະລູກມັນຈະຍ່າງຕາມຫຼັງເປັນແຖວດຽວ

ແມ່ເປັດນຳໜ້າ ເປັດນ້ອຍຍ່າງຕາມຫຼັງ

ແຕ່ຖ້າຫາກທ່ານແນມເບິ່ງໃຫ້ດີ ທ່ານຈະເຫັນບາງຢ່າງທີ່ເກີດຂຶ້ນຄືກັນ

ແທ້ຈິງແລ້ວເປັດນ້ອຍແຕ່ລະໂຕກຳລັງເຮັດສອງບົດບາດໃນເວລາດຽວກັນ

ເປັດນ້ອຍແຕ່ລະໂຕເປັນຜູ້ຕາມ ເພາະມັນກຳລັງຕິດຕາມແມ່ຂອງມັນຫຼືຕາມເປັດນ້ອຍໂຕຍ່າງຢູ່ທາງໜ້າ

ແລະໃນເວລາດຽວກັນນັ້ນເອງ --

ເປັດນ້ອຍແຕ່ລະໂຕກໍ່ເປັນຜູ້ນຳອີກດ້ວຍ ເພາະມັນກຳລັງນຳເປັດນ້ອຍໂຕອື່ນທີ່ຕາມຫຼັງມາ

ເປັດນ້ອຍເຫຼົ່ານີ້ເປັນຜູ້ຕາມຫຼືຜູ້ນຳກັນແທ້

ຄຳຕອບກໍຄື ເປັນທັງສອງຢ່າງ!

ນີ້ຄືເຫດຜົນທີ່ວ່າເປັນຫຍັງການ "ຍ່າງເປັນແຖວ" ຂອງເປັດນ້ອຍຈຶ່ງມີຄວາມກ່ຽວຂ້ອງກັບການສ້າງສາວົກ

ພຣະເຈົ້າຕ້ອງການໃຫ້ຄອບຄົວຂອງພຣະອົງຂະຫຍາຍກວ້າງອອກໄປ ພຣະອົງຈຶ່ງຊົງຄາດຫວັງວ່າຜູ້ຕິດຕາມທຸກຄົນຈະເປັນຜູ້ນຳ ຜູ້ເຊື່ອທຸກຄົນຈະເປັນນັກແບ່ງປັນ ແລະສາວົກທຸກຄົນຈະເປັນຜູ້ສ້າງສາວົກໃນເວລາດຽວກັນ

ຂຸມແຮ້ວອັນໜຶ່ງທີ່ພວກເຮົາ​ໃນຖານະສາວົກແລະຜູ້ສ້າງສາວົກຕົກລົງໄປຄື ຄວາມເຊື່ອຜິດທີ່ວ່າ ເຮົາຕ້ອງຮູ້ທຸກຢ່າງ ຫຼືຢ່າງໜ້ອຍກໍ່ຕ້ອງຮູ້ໃຫ້ຫຼາຍໆ ກ່ອນທີ່ຈະບອກຫຼືສອນຄົນອື່ນໄດ້

ແຕ່ສາວົກບໍ່ແມ່ນແບບນັ້ນ

ສາວົກກໍເປັນເໝືອນເປັດນ້ອຍ ການຈະເປັນຜູ້ນຳໄດ້ບໍ່ໄດ້ໝາຍຄວາມວ່າຕ້ອງຮູ້ທຸກຢ່າງ ມັນກໍ່ພຽງແຕ່ຢູ່ທາງໜ້າເປັດໂຕອື່ນໜຶ່ງກ້າວເທົ່ານັ້ນ

ພຣະເຈົ້າຊົງຕ້ອງການໃຫ້ຄອບຄົວຂອງພຣະອົງເຕີບໃຫຍ່ໃນຄວາມສັດຊື່ - ຄືພຣະອົງຄາດຫວັງວ່າຜູ້ນຳທຸກຄົນຈະເປັນຜູ້ຕາມ ຜູ້ແບ່ງປັນທຸກຄົນເປັນຜູ້ເຊື່ອ ແລະຜູ້ສ້າງສາວົກທຸກຄົນແມ່ນສາວົກ - ໃນເວລາດຽວກັນ

ຂຸມແຮ້ວອີກຢ່າງໜຶ່ງທີ່ເຮົາໃນຖານະສາວົກແລະຜູ້ສ້າງສາວົກຕົກລົງໄປຄື ຄວາມເຊື່ອຜິດທີ່ວ່າ ມີໃຜຜູ້ໜຶ່ງທີ່ຢູ່ບ່ອນໃດບ່ອນໜຶ່ງ ທີ່ຮູ້ທຸກຢ່າງ ແລະຖ້າພວກເຮົາພຽງແຕ່ພົບແລະຕິດຕາມ​ເພິ່ນ ທຸກຢ່າງກໍຮຽບຮ້ອຍ

ແຕ່ການສ້າງສາວົກບໍ່ແມ່ນແນວນັ້ນ

ໃນອານາຈັກຂອງພຣະເຈົ້າ ມີ "ແມ່ເປັດ" ພຽງແຕ່ໂຕດຽວທີ່ເຮົາທຸກຄົນຕິດຕາມ -

ນັ້ນຄືພຣະເຢຊູຄຣິດ​ເຈົ້າ

ບໍ່ແມ່ນມິດຊັນນາລີ ບໍ່ແມ່ນສິດຍາພິບານ ບໍ່ແມ່ນອາຈານສອນໂຮງຮຽນ

ພຣະຄຳພີ ແຕ່ເປັນພຣະເຢຊູ​ເຈົ້າພຽງຜູ້ດຽວທີ່ສົມຄວນໃຫ້ເຮົາເຊື່ອຢ່າງໝົດໃຈ

ພວກເຮົາທີ່ເຫຼືອກຳລັງຢູ່ໃນຂະບວນການ

ເຮົາສາມາດຍ່າງຕາມຜູ້ທີ່ຢູ່ໃກ້ພຣະເຢຊູ​ເຈົ້າຫຼາຍກວ່າເຮົາ ເຮົາສາມາດນຳຜູ້ທີ່ຢູ່ທາງຫຼັງເຮົາໄດ້ ແຕ່ວ່າບໍ່ວ່າເຮົາຈະຢູ່ໃນຕຳແໜ່ງໃດ ຕາຂອງເຮົາແລະໃຈຂອງເຮົາ ຄວນຈ້ອງເບິ່ງທີ່ອົງພຣະເຢຊູ​ເຈົ້າສະເໝີ

ໃນພຣະຄຳພີ ອ.ໂປໂລ ຜູ້ຂຽນພຣະຄຳໃນພຣະຄຳພີໃໝ່ຫຼາຍເຫຼັ້ມແລະເປັນຜູ້ກໍ່ຕັ້ງຄຣິສຕະຈັກໃນຍຸກທຳອິດຫຼາຍແຫ່ງ ເພິ່ນບໍ່ໄດ້ຂຽນແຕ່ວ່າຈົ່ງຮຽນແບບຂ້າພະເຈົ້າເທົ່ານັ້ນ! ແຕ່ເພິ່ນຂຽນວ່າ "ຈົ່ງ​ປະຕິບັດ​ຕາມ​ແບບຢ່າງ​ຂອງເຮົາ ເໝືອນ​ເຮົາ​ປະຕິບັດ​ຕາມ​ແບບຢ່າງ​ຂອງ​ພຣະຄຣິດ.!"

ໂປໂລຮູ້ໃນສິ່ງທີ່ເປັດນ້ອຍທຸກໂຕຮູ້ ແລະສາວົກທຸກຄົນຄວນຮູ້ນັ້ນຄື ຜູ້ນຳທຸກຄົນໃນອານາຈັກຂອງພຣະເຈົ້າຈະຕ້ອງເປັນຜູ້ຕາມ ແລະເຮົາທັງໝົດຕິດຕາມພຣະເຢຊູ​ເຈົ້າ

ໃນພຣະຄຳພີ ໂປໂລຍັງໄດ້ຂຽນໄວ້ອີກວ່າ: "ຈົ່ງ​ມອບ​ຄຳສອນ​ທີ່​ເຈົ້າ​ໄດ້ຍິນ​ຈາກ​ເຮົາ ຕໍ່ໜ້າ​ພະຍານ​ຫລາຍ​ຄົນ ໄວ້​ກັບ​ຄົນ​ສັດຊື່​ທີ່​ສາມາດ​ສອນ​ຄົນອື່ນ​ໄດ້​ດ້ວຍ."

ໂປໂລຮູ້ໃນສິ່ງທີ່ເປັດນ້ອຍທຸກໂຕຮູ້ ແລະສາວົກທຸກຄົນຄວນຮູ້ນັ້ນຄື ຜູ້ຕາມທຸກຄົນໃນອານາຈັກຂອງພຣະເຈົ້າຈະຕ້ອງເປັນຜູ້ນຳອີກດ້ວຍ ແລະເຮົາທຸກຄົນຄວນນຳຕາມແບບຢ່າງພຣະເຢຊູ​ເຈົ້າ ຄືຍອມເສຍສະລະຊີວິດຂອງເຮົາເພື່ອຜູ້ອື່ນ

ຖ້າຫາກເຮົາຢາກເຫັນຄອບຄົວຂອງພຣະເຈົ້າຂະຫຍາຍອອກໄປ ແລະເຕີບໃຫຍ່ຂຶ້ນໃນຄວາມສັດຊື່ ເຮົາຕ້ອງເບິ່ງການສ້າງສາວົກເປັນເໝືອນກັບເປັດນ້ອຍ ຄື ເປັນຜູ້ຕາມແລະເປັນຜູ້ນຳໃນເວລາດຽວກັນ

ຍິນ​ດີ​ຕ້ອນ​ຮັບ​ກັ​ບ​ເຂົ້າ​ສູ່​ການ​ອົບ​ຮົມ​ຊູ​ເມ້

ໃນບົດຮຽນນີ້ ເຮົາຈະມາຮຽນຮູ້ວ່າສາວົກຈະເພີ່ມທະວີຈຳນວນຫຼາຍຂຶ້ນຢ່າງໄວວາໄດ້ແນວໃດ ເມື່ອເຂົາເຫັນວ່າຍັງມີບ່ອນໃດທີ່ອານາຈັກຂອງພຣະເຈົ້າຍັງບໍ່ໄດ້ຕັ້ງຢູ່

ໃນຄວາມຄິດຂອງມະນຸດ ພວກເຮົາຄິດ ​ມຸ້ງຄວາມສົນໃຈແລະເຮັດວຽກເພື່ອສິ່ງທີ່ເຮົາເບິ່ງເຫັນ ເຮົາເອີ້ນມັນວ່າຄວາມເປັນຈິງ ຕາມແບບທີ່ມັນເປັນ ແຕ່ແຜ່ນດິນຂອງພຣະເຈົ້າຂະຫຍາຍຕົວໄວກວ່າ ເມື່ອເຮົາສົນໃຈໃນສິ່ງທີ່ຕາເບິ່ງບໍ່ເຫັນ ສິ່ງທີ່ຍັງບໍ່ມີ ຫຼືສິ່ງທີ່ຍັງບໍ່ທັນໄດ້ເກີດຂຶ້ນເທື່ອ

ໃນຫຼາຍບ່ອນຫຼາຍແຫ່ງໃນໂລກອ້ອມຂ້າງຂອງພວກເຮົາທີ່ພຣະປະສົງຂອງພຣະເຈົ້າຍັງບໍ່ທັນສຳເລັດ

ເໝືອນກັບໃນສະຫວັນ ມີຊ່ອງວ່າງຂະໜາດໃຫຍ່ທີ່ແຕກສະຫຼາຍ ຄວາມເຈັບປວດ ການຂົ່ມເຫງ

ການທົນທຸກ ແລະແມ່ນແຕ່ຄວາມຕາຍໄດ້ເຂົ້າມາເປັນສ່ວນໜຶ່ງໃນຊີວິດປະຈຳວັນ

ສາວົກທຸກຄົນ ຄືທຸກຄົນທີ່ເຊື່ອພຣະເຢຊູ​ເຈົ້າຈຳເປັນຕ້ອງເບິ່ງໃຫ້ເຫັນທັງບ່ອນທີ່ອານາຈັກຂອງພຣະເຈົ້າຕັ້ງຢູ່ແລ້ວ ແລະບ່ອນທີ່ອານາຈັກຂອງພຣະເຈົ້າຍັງບໍ່ທັນມາຕັ້ງຢູ່

ການຂະຫຍາຍອານາຈັກຂອງພຣະເຈົ້າແມ່ນການເຂົ້າໄປໃນຊ່ອງວ່າງແລະບ່ອນມືດເຫຼົ່ານັ້ນແລ້ວທຳງານໂດຍການອັດຮອຍແຕກນັ້ນ ແລະນຳແສງສະຫວ່າງແລະຊີວິດເຂົ້າໄປໃນຂະນະທີ່ເຮົາຍັງຢູ່ເທິງໂລກນີ້

ມີສອງທາງທີ່ເຮົາຈະເບິ່ງເຫັນວ່າບ່ອນໃດທີ່ແຜ່ນດິນຂອງພຣະເຈົ້າຍັງບໍ່ໄດ້ມາຕັ້ງຢູ່ ນັ້ນຄື ຜ່ານທາງຄົນທີ່ເຮົາຮູ້ຈັກ ແລະຜ່ານທາງຄົນທີ່ເຮົາຍັງບໍ່ທັນເຄີຍພົບ

ທາງທຳອິດຄືຜ່ານທາງຄົນທີ່ເຮົາຮູ້ຈັກ ຄື - ຄວາມສຳພັນທີ່ຕໍ່ເນື່ອງລະຫວ່າງໝູ່ເພື່ອນ ຄອບຄົວ ເພື່ອນຮ່ວມງານ ໝູ່ເພື່ອນໃນຊັ້ນຮຽນ ເພື່ອນບ້ານແລະອື່ນໆ

ນີ້ແມ່ນວິທີຖ່າຍທອດເລື່ອງລາວຂອງພຣະເຈົ້າທີ່ໄວທີ່ສຸດ ເຮົາຮັກແລະຫ່ວງໃຍຄົນເຫຼົ່ານີ້ເພາະເຮົາຮູ້ຈັກພວກເຂົາແລ້ວ ເຊິ່ງຖືເປັນເລື່ອງທຳມະຊາດ

ພຣະເຢຊູ​ເຈົ້າໄດ້ເລົ່າເລື່ອງເສດຖີຜູ້ເຫັນແກ່ໂຕທີ່ຫຍິ່ງຈອງຫອງໃນຊີວິດແລະເວລານີ້ໄດ້ຮັບໂທດໃນນາລົກ ລາວອ້ອນວອນວ່າ ຂໍໃຊ້ລາຊະໂຣໄປຍັງເຮືອນພໍ່ຂອງຂ້ານ້ອຍ ເພາະວ່າຂ້ານ້ອຍມີອ້າຍນ້ອງຫ້າຄົນ ເພື່ອໃຫ້ລາຊະໂຣໄປຕັກເຕືອນພວກເຂົາ ເພາະຢ້ານວ່າເຂົາຈະເຂົ້າມາໃນບ່ອນທໍລະມານນີ້ເໝືອນກັນ

ພຣະເຢຊູ​ເຈົ້າສະແດງໃຫ້ເຮົາເຫັນວ່າ ແມ່ນແຕ່ຄົນເຫັນແກ່ໂຕ ແລະຄົນທີ່ກຳລັງທົນທຸກກໍມີຄວາມຮັກຄວາມຫວ່ງໃຍຕໍ່ຄົນທີ່ໃກ້ຊິດກັບພວກເຂົາ

ພຣະເຈົ້າຊົງຈັດວາງຄົນທີ່ເຮົາຮູ້ຈັກໄວ້ໃນຊີວິດຂອງເຮົາ ເພາະພຣະອົງຊົງຮັກເຮົາແລະຕ້ອງການໃຫ້ເຮົາຮັກພວກເຂົາ ເຮົາຕ້ອງເປັນຜູ້ເບິ່ງແຍງທີ່ດີໃນຄວາມສຳພັນເຫຼົ່ານັ້ນ ແລະກະທຳດ້ວຍຄວາມຮັກ ຄວາມອົດທົນແລະບໍ່ທໍ້ຖອຍ

ສາວົກຈະເພີ່ມທະວີຈຳນວນຫຼາຍຂຶ້ນເມື່ອພວກເຂົາຫ່ວງໃຍຜູ້ທີ່ພຣະເຈົ້ານຳໃຫ້ມາຢູ່ອ້ອມຂ້າງພວກເຂົາ ແລະກຽມທີ່ຈະເຮັດຫຍັງບາງຢ່າງ

ທ່ານສາມາດຊ່ວຍສາວົກໃຫ້ຫ່ວງໃຍຜູ້ອື່ນຫຼາຍຂຶ້ນ ແລະກຽມແຜນການງ່າຍໆເພື່ອເພີ່ມຈຳນວນສາວົກໄດ້ໃນສອງສາມຂັ້ນຕອນ

ດັ່ງຕໍ່ໄປນີ້ - ໃຫ້ເຂົາຂຽນລາຍຊື່ຄົນທີ່ເຂົາຮູ້ຈັກມາ 100 ຄົນ ແບ່ງລາຍຊື່ນັ້ນອອກເປັນສາມປະເພດຄື

• ຜູ້ທີ່ເຊື່ອພຣະເຢຊູ​ເຈົ້າ
• ຜູ້ທີ່ບໍ່ເຊື່ອພຣະເຢຊູເຈົ້າ
• ຜູ້ທີ່ຍັງບໍ່ທັນແນ່ໃຈວ່າຈະເຊື່ອພຣະເຢຊູເຈົ້າຫຼືບໍ່

ສຳລັບຜູ້ທີ່ເຊື່ອພຣະເຢຊູເຈົ້າ - ສາວົກສາມາດກຽມແລະໜຸນໃຈໃຫ້ພວກເຂົາເກີດຜົນແລະສັດຊື່ຍິ່ງຂຶ້ນ

ສຳລັບຜູ້ທີ່ຍັງບໍ່ທັນໄດ້ເຊື່ອພຣະເຢຊູເຈົ້າ - ສາວົກສາມາດຮຽນຮູ້ທີ່ຈະແບ່ງປັນແລະແນະນຳໃຫ້ພວກເຂົາຮູ້ຈັກພຣະເຈົ້າແຫ່ງຄວາມຮັກໄດ້

ສຳລັບຄົນທີ່ຍັງບໍ່ແນ່ໃຈວ່າຈະເຊື່ອພຣະເຢຊູເຈົ້າຫຼືບໍ່ - ໃຫ້ສາວົກໃຊ້ເວລາແລະສ້າງຄວາມຮູ້ຈັກກັບພວກເຂົາຫຼາຍຂຶ້ນ

ອີກວິທີໜຶ່ງທີ່ຈະເບິ່ງເຫັນວ່າອານາຈັກຂອງພຣະເຈົ້າຍັງບໍ່ໄດ້ມາຕັ້ງຢູ່ບ່ອນໃດ ຄືຜ່ານຄົນທີ່ເຮົາຍັງບໍ່ເຄີຍພົບ

ຄົນເຫຼົ່ານັ້ນແມ່ນຄົນທີ່ບໍ່ມີຄວາມສຳພັນໃດໆກັບພວກເຮົາ - ຄົນທີ່ເຮົາບໍ່ຮູ້ຈັກ

ເພື່ອນບ້ານທີ່ເຮົາເຄີຍພຽງແຕ່ຖາມສະບາຍດີ ນັກທຸລະກິດທີ່ພວກເຮົາຍ່າງຜ່ານຕາມທາງ ຄົນແປກໜ້າໃນໝູ່ບ້ານ ໃນເມືອງ ຫຼືແຂວງທີ່ເຮົາຍັງບໍ່ເຄີຍໄປ

ພຣະເຢຊູເຈົ້າກ່າວວ່າ - ຈົ່ງສັ່ງສອນຊົນທຸກຊາດໃຫ້ເປັນສາວົກ

ພຣະເຢຊູເຈົ້າກ່າວວ່າ - ພວກເຈົ້າ​ຈະ​ເປັນ​ພະຍານ​ໃຫ້​ແກ່​ເຮົາ ທັງໃນ​ນະຄອນ​ເຢຣູຊາເລັມ ຕະຫລອດ​ທົ່ວ​ແຂວງ​ຢູດາຍ ກັບ​ແຂວງ​ຊາມາເຣຍ ແລະ​ຈົນເຖິງ​ທີ່ສຸດ​ປາຍ​ແຜ່ນດິນ​ໂລກ."

ການເລົ່າໃຫ້ຄົນທີ່ຮູ້ຈັກຟັງເປັນການປະກາດເລື່ອງລາວຂອງພຣະເຈົ້າທີ່ໄວທີ່ສຸດ

ການເລົ່າໃຫ້ຄົນທີ່ເຮົາຍັງບໍ່ຮູ້ຈັກຟັງ ເປັນການປະກາດເລື່ອງລາວຂອງພຣະເຈົ້າອອກໄປໄກທີ່ສຸດ

ຖ້າຫາກເຮົາຮັກແລະຫ່ວງໃຍຄົນເຫຼົ່ານັ້ນທີ່ເຮົາບໍ່ຮູ້ຈັກ ນີ້ບໍ່ແມ່ນເລື່ອງທຳມະຊາດ ແຕ່ເປັນມາ

ຈາກພຣະເຈົ້າແລະສະແດງໃຫ້ເຫັນວ່າພຣະວິນຍານບໍລິສຸດເຈົ້າຊົງທຳງານໃນຊີວິດເຮົາ

ຄວາມໂປດປານຂອງພຣະເຈົ້າຢູ່ເໜືອຄົນເລັກນ້ອຍທີ່ສຸດ ຄົນສຸດທ້າຍ ແລະຄົນທີ່ຫຼົງຫາຍ ຄົນເຫຼົ່ານີ້ແມ່ນຄົນທີ່ພຣະເຈົ້າທຸ້ມເທໃຈໃຫ້ຫຼາຍຕໍ່ຫຼາຍຄັ້ງ

ຫາກເຮົາຕ້ອງການເປັນເໝືອນພຣະເຈົ້າ ເຮົາຕ້ອງລົງທຶນຊີວິດກັບຄົນເຫຼົ່ານີ້

ພຣະເຈົ້າຊົງບັນຊາໃຫ້ເຮົາອອກໄປປະກາດ ແລະການອອກໄປບໍ່ຈຳກັດສະເພາະຄົນທີ່ຢູ່ໃກ້ເຮົາເທົ່ານັ້ນ ແຕ່ລວມເຖິງຄົນເຫຼົ່ານັ້ນທີ່ຢູ່ໃນຄວາມຕົກຕ່ຳຝ່າຍວິນຍານ ຄົນທີ່ຍັງບໍ່ເຄີຍ​ໄດ້​ຍິນແມ່ນແຕ່​ນາມຊື່

ຂອງພຣະເຢຊູເຈົ້າ

ພ​ຣະຄຳຂອງພຣະເຈົ້າກ່າວວ່າ - "ພຣະເຈົ້າຊົງເປັນສັດຕູກັບຄົນເຫຼົ່ານັ້ນທີ່ຈອງຫອງ ແຕ່ພຣະອົງຊົງສຳແດງພຣະຄຸນແກ່ຄົນທີ່ອ່ອນນ້ອມຖ່ອມຕົນ"

ໃນຖານະຜູ້ເຊື່ອພຣະເຢຊູ​ເຈົ້າ ເຮົາຕ້ອງເຮັດຄືກັບພຣະເຈົ້າຊົງເຮັດຄື ສະແດງພຣະຄຸນແກ່ຄົນທີ່ຖ່ອມໃຈ ແລະຄົນທີ່ຫຼົງຫາຍ

ສາວົກຈະເພີ່ມທະວີຈຳນວນຫຼາຍຂຶ້ນພວກເຂົາຕ້ອງຫ່ວງໃຍຄົນທີ່ພຣະເຈົ້າຊົງນຳເຂົ້າມາໃນຊີວິດຂອງພວກເຂົາ

ສາວົກຈະເພີ່ມທະວີຈຳນວນຫຼາຍຂຶ້ນເມື່ອພວກເຂົາຫ່ວງໃຍຄົນທີ່ຢູ່ໄກອອກໄປ

ແຕ່ຢ່າງໃດກໍ່ດີ ພວກເຂົາຈຳເປັນຕ້ອງມີແຜນການ

ທ່ານສາມາດຊ່ວຍສາວົກໃຫ້ຫ່ວງໃຍຜູ້ອື່ນແລະວາງແຜນການງ່າຍໆເພື່ອເພີ່ມທະວີຈຳນວນສາວົກ ໂດຍການຝຶກພວກເຂົາໃຫ້ຊອກຫາຄົນທີ່ໄດ້ຮັບການຕຽມຈາກພຣະເຈົ້າ ເພື່ອໃຫ້ໄດ້ຍິນຂ່າວປະເສີດ

ພຣະເຢຊູ​ເຈົ້າກ່າວວ່າ -"ເມື່ອ​ພວກເຈົ້າ​ເຂົ້າ​ໄປ​ໃນ​ເຮືອນ​ຫລັງ​ໃດ ຈົ່ງ​ຄຳນັບ​ໄທ​ເຮືອນ​ນັ້ນ. ຖ້າ​ໄທ​ເຮືອນ​ນັ້ນ​ສົມຄວນ​ຮັບ​ພຣະພອນ ກໍ​ຂໍ​ໃຫ້​ສັນຕິສຸກ​ຂອງ​ເຈົ້າ​ຢູ່​ນຳ​ເຮືອນ​ນັ້ນ, ແຕ່​ຖ້າ​ໄທ​ເຮືອນ​ນັ້ນ​ບໍ່​ສົມຄວນ​ຮັບ​ພຣະພອນ ກໍ​ໃຫ້​ສັນຕິສຸກ​ນັ້ນ​ກັບຄືນ​ມາ​ສູ່​ພວກເຈົ້າ".

ພວກເຮົາຮຽກຄົນທີ່ໄດ້ຮັບການຕຽມຈາກພຣະເຈົ້າເພື່ອໃຫ້ໄດ້ຍິນຂ່າວປະເສີດວ່າ "ບຸກຄົນແຫ່ງສັນຕິສຸກ" - ຄືຄົນທີ່ຕອບສະໜອງຕໍ່ພຣະຄຳຂອງພຣະເຈົ້າແລະສັດຊື່ໃນການເຊື່ອຟັງແລະແບ່ງປັນໃຫ້ແກ່ຜູ້ອື່ນ

ໃນບ່ອນທີ່ເຮົາຮູ້ຈັກຄົນໜ້ອຍ ແທນທີ່ເຮົາຈະແບ່ງປັນກັບໝູ່ເພື່ອນ ຄອບຄົວ ເພື່ອນຮ່ວມງານ ເພື່ອນຮ່ວມຊັ້ນຮຽນ ແລະເພື່ອນບ້ານຂອງເຮົາ ເຮົາຈະຝຶກບຸກຄົນແຫ່ງສັນຕິສຸກໃຫ້ເປັນຜູ້ແບ່ງປັນແກ່ຄົນທີ່ຢູ່ອ້ອມຂ້າງຂອງພວກເຂົາແທນ

ຜົນໄດ້ຮັບທີ່ດີທີ່ສຸດຈະເກີດຂຶ້ນເມື່ອເຮົາໃຫ້ຄວາມສົນໃຈແກ່ຄົນທີ່ສັດຊື່

ກະລຸນາຈື່ໄວ້ວ່າຄວາມສັດຊື່ສຳແດງອອກດ້ວຍການເຊື່ອຟັງໃນສິ່ງທີ່ພຣະເຈົ້າຊົງບອກແລະແບ່ງປັນໃຫ້ຜູ້ອື່ນໄດ້ຮູ້

ຜູ້ສັດຊື່ທີ່ເຊື່ອຟັງແລະແບ່ງເປັນກໍເປັນເໝືອນດິນດີທີ່ພຣະເຢຊູເຈົ້າຊົງກ່າວໄວ້

ພຣະເຢຊູເຈົ້າກ່າວວ່າ - ເມັດພືດບາງສ່ວນທີ່ຕົກໃນດິນດີ ແລ້ວໃຫຍ່ຂຶ້ນ​ຈະເກີດຜົນ 30 ຕໍ່ 60 ຕໍ່ ແລະ 100 ຕໍ່

• ຈິດໃຈຂອງຄົນທີ່ສັດຊື່ບໍ່ແຂງກະດ້າງແລະປະຕິເສດພຣະຄຳຂອງພຣະເຈົ້າ
• ຄົນທີ່ສັດຊື່ບໍ່ລົ້ມລົງເມື່ອຖືກຂົ່ມເຫງຫຼືເມື່ອປະເຊີນກັບຄວາມຍາກລຳບາກ
• ຄົນສັດຊື່ຈະບໍ່ຄອນແຄນ ເພາະຄວາມກັງວົນທາງຝ່າຍໂລກ ຫຼືຄວາມຮັ່ງມີທີ່ບໍ່ຍືນຍົງ
• ຄົນທີ່ສັດຊື່ເປັນຄືກັບຜູ້ຊາຍທີ່ຖືກຜີເຂົ້າໃນເມືອງເກຣາຊາທີ່ເຊື່ອຟັງແລະເລົ່າສິ່ງທີ່ພຣະເຢຊູເຈົ້າຊົງສຳແດງແກ່ລາວ

ຄົນສັດຊື່ຄົນໜຶ່ງທີ່ເຊື່ອຟັງແລະແບ່ງປັນເຮັດໃຫ້ເກີດມີຄົນອີກຫຼວງຫຼາຍທີ່ຕ້ອງການຮູ້ຈັກພຣະເຢຊູ​ເຈົ້າເພີ່ມຫຼາຍຂຶ້ນ

ການເປີດຕາຂອງພວກເຮົາອອກ ເພື່ອເບິ່ງວ່າບ່ອນໃດທີ່ອານາຈັກຂອງພຣະເຈົ້າຍັງບໍ່ໄດ້ມາຕັ້ງຢູ່ ແລະການປະກາດຂ່າວປະເສີດຜ່ານທາງຄົນທີ່ພວກເຮົາຮູ້ຈັກແລະຄົນທີ່ເຮົາຍັງບໍ່ທັນຮູ້ຈັກ ເປັນວິທີທີ່ຈະເຮັດໃຫ້ສາວົກເພີ່ມທະວີຈຳນວນຫຼາຍຂຶ້ນແລະແຜ່ນດິນຂອງພຣະເຈົ້າຂະຫຍາຍອອກໄປໄກແລະໄວວາ

ຊຸດ​ອຸ​ປະ​ກອນ​ຊູ​ເມ ​ສິນ​ມະ​ຫາ​ສະ​ໜິດຂອງອົງພຣະຜູ້ເປັນເຈົ້າ ​ພ​ຣະ​ເຢ​ຊູ​ກ່າວ​ວ່າ ​ເຮົາ​ເປັນ​ເຂົ້າ​ຈີ່​ແຫ່ງ​ຊີ​ວິດ ທີ່​ໄດ້​ລົງ​ມາ​ຈາກ​ສະ​ຫວັນ. ຖ້າ​ຜູ້​ໃດ​ກິນ​ເຂົ້າ​ຈີ່​ນີ້​ແລ້ວ ຜູ້​ນັ້ນ​ຈະ​ມີ​ຊີ​ວິດ​ນິ​ຣັນ​ດອນ. ແຕ່​ເຂົ້າ​ຈີ່​ທີ່​ເຮົາ​ຈະ​ໃຫ້ນັ້ນ ແມ່ນ​ເນື້ອ​ກາຍ​ຂອງ​ເຮົາ​ເອງ, ຊຶ່ງ​ເຮົາ​ໃຫ້​ເພື່ອ​ວ່າ​ໂລກ​ຈະ​ໄດ້​ມີ​ຊີ​ວິດ​ຢູ່. ​ສິນ​ມະ​ຫາ​ສະ​ໜິດ​ອັນ​ບໍ​ຣິ​ສຸດ ຫຼືອາຫານ​ແລງ​ຂອງອົງ​ພ​ຣະຜູ້ເປັນ​ເຈົ້າ ​ແມ່ນວິທີ​ການ​ສະ​ເຫຼີມ​ສະ​ຫຼອງ​ການ​ເຊື່ອມ​ຕໍ​ຄວາມ​ສຳພັນທີ່ໃກ້​ຊິດ​ກັນ​ຂອງ​ພວກ​ເຮົາ ​ແລະ ຄວາມ​ສຳ​ພັນ​ທີ່​ຕໍ່​ເນື່ອງ​ກັບ​ພ​ຣະ​ເຢ​ຊູ. ນີ້​ຄື​ວິ​ທີ​ການ​ສະ​ເຫຼີມ​ສະຫຼອງ​ທີ່​ງ່າ​ຍໆ ​ເມື່ອ​ພວກ​ທ່ານ​ມາ​ລວມ​ກັນ​ໃນ​ຖາ​ນະ​ຜູ້​ຕິດ​ຕາມ​ພ​ຣະ​ເຢ​ຊູ, ​ໃຊ້​ເວ​ລາ​ໃນ​ການຕຶກຕອງຢ່າງ​ງຽບໆ, ​ພິ​ຈາ​ລະ​ນາ​ຢູ່​ໃນ​ຄວາມ​ງຽບ ແລະ ສາ​ລະ​ພາບ​ຄວາມ​ຜິດ​ບາບ​ຂອງ​ທ່ານ. ໃຫ້​ຄົນ​ໜຶ່ງ​ອ່ານ​ພ​ຣະ​ຄຳ​ພີ​ຂໍ້​ນີ້ -- ດ້ວຍ​ວ່າ​ນີ້​ແຫຼະ ແມ່ນ​ສິ່ງ​ທີ່​ເຮົາ​ໄດ້​ຮັບ​ຈາກ​ອົງ​ພ​ຣະ​ຜູ້​ເປັນ​ເຈົ້າ ແລະ ເຮົາ​ກໍ​ສົ່ງ​ຕໍ່​ສິ່ງ​ນັ້ນ​ໃຫ້​ແກ່​ພວກ​ເຈົ້າ ​ຄື​ໃນ​ຄືນ​ທີ່​ຢູ​ດາ​ໄດ້​ມອບ​ອົງ​ພ​ຣະ​ເຢ​ຊູ​ເຈົ້າ​ໄວ້​ນັ້ນ ​ພ​ຣະ​ອົງ​ໄດ້​ຈັບ​ເອົາ​ເຂົ້າ​ຈີ່ມາ ​ເມື່ອ​ໂມ​ທະ​ນາ​ຂອບ​ພ​ຣະ​ຄຸນ ​ແລ້ວ​ກໍ​ຫັກ​ເຂົ້າ​ຈີ່​ນັ້ນ ແລະ​ກ່າວ​ວ່າ ​ນີ້​ແຫຼະ ແມ່ນ​ກາຍ​ຂອງ​ເຮົາ ຊຶ່ງ​ໃຫ້​ສຳ​ລັບ​ພວກ​ເຈົ້າ ​ຈົ່ງ​ເຮັດ​ຢ່າງ​ນີ້​ໃຫ້​ເປັນ​ທີ່​ລະ​ນຶກ​ເຖິງ​ເຮົາ. (1 ໂກ​ຣິນ​ໂທ 11:23-24) ແຈກ​ເຂົ້າ​ໜົມ​ປັງ​ທີ່​ທ່ານ​ໄດ້​ກຽມ​ໄວ້​ສຳ​ລັບ​ກຸ່ມ​ຂອງ​ທ່ານ ແລະ ເລີ່ມ​ກິນ. ສືບ​ຕໍ່​ອ່ານ​ພ​ຣະ​ຄຳ ພ​ຣະ​ອົງ​ໄດ້​ຊົງ​ຈັບ​ເອົາ​ຈອກ​ດ້ວຍ​ອາ​ການ​ຢ່າງ​ດຽວ​ກັນ​ ໂດຍ​ຊົງ​ກ່າວ​ວ່າ ​ຈອກ​ນີ້ ຄື​ພັນ​ທະ​ສັນ​ຍາ​ໃໝ່​ໂດຍ​ເລືອດ​ຂອງເຮົ​າ ​ເມື່ອ​ເຈົ້າ​ດື່ມ​ຈາກ​ຈອກ​ນີ້​ເວ​ລາ​ໃດ ຈົ່ງ​ດື່ມ​ເປັ​ນ​ທີ່​ລະ​ນຶກ​​ເຖິງ​ເຮົາ (1 ໂກ​ຣິນ​ໂທ 11:25) ແຈກ​ນ້ຳ​ໝາກ​ໄມ້ ຫຼື ວາຍ​ທີ່​ທ່ານ​ໄດ້​ກຽມ​ໄວ້​ສຳ​ລັບ​ກຸ່ມ​ຂອງ​ທ່ານ​ ແລະ ເລີ່ມ​ດື່ມ. ສຳ​ເລັດ​ການ​ອ່ານ ດ້ວຍ​ວ່າ ທຸກ​ເທື່ອ​ທີ່ພວກ​ເຈົ້າ​ກິນ​ເຂົ້າ​ຈີ່​ນີ້ ແລະ ດື່ມ​ຈາກ​ຈອກ​ນີ້​ເວ​ລາ​ໃດ ​ພວກ​ເຈົ້າ​ກໍ​ປະ​ກາດ​ການ​ຕາຍ​ຂອງ​ອົງ​ພ​ຣະ​ຜູ້​ເປັນ​ເຈົ້າ ຈົນ​ກວ່າ​ພ​ຣະ​ອົງ​ຈະ​ສະ​ເດັດ​ມາ. (1 ໂກ​ຣິນ​ໂທ 11:26) ທ່ານ​ໄດ້​ແບ່ງ​ປັນ​ສິນມະຫາສະໜິດ​ຂອງ​ອົງພ​ຣະຜູ້ເປັນ​ເຈົ້າ​. ສະ​ເຫຼີມ​ສະຫຼອງ​ດ້ວຍ​ການ​ອະ​ທິ​ຖານ ຫຼື ການ​ຮ້ອງ​ເພງ - ທ່ານ​ເປັນ​ຂອງ​ພ​ຣະ​ເຈົ້າ ແລະ ພ​ຣະ​ອົງ​ກໍ​ເປັນ​ຂອງ​ທ່ານ! ສິນ​ມະ​ຫາ​ສະ​ໜິດຂອງອົງພຣະຜູ້ເປັນເຈົ້າ ເປັນພິ​ທີ​ສິນ​ລະ​ນຶກ​​ອັນ​ບໍ​ຣິ​ສຸດສັກສິດ​ຈາກ​ຄ​ຣິສ​ຕະ​ຈັກແຫ່ງ​ທຳ​ອິດ ​ແລະ ເປັນ​ສ່ວນ​ທີ່​ຈຳ​ເປັນ​ໃນ​ຊຸດ​ອຸ​ປະ​ກອນ​ຂອງ​ຊູ​ເມ.

ເມື່ອທ່ານລວມຕົວກັນໃນຖານະຜູ້ຕິດຕາມພຣະເຢຊູ:

1. ໃຊ້ເວລາຕຶກຕອງໃນຄວາມງຽບ, ພິຈາລະນາຢູ່ໃນຄວາມສະຫງົບ ແລະ ສາລະພາບຄວາມຜິດບາບຂອງທ່ານ.
2. ເມື່ອທ່ານພ້ອມແລ້ວ ໃຫ້ຄົນໜຶ່ງອ່ານຂໍ້ຄວາມນີ້ໃນພຣະຄໍາພີ -- ດ້ວຍວ່ານີ້ແຫຼະ ແມ່ນສິ່ງທີ່ເຮົາໄດ້ຮັບຈາກອົງພຣະຜູ້ເປັນເຈົ້າ ແລະ ເຮົາກໍສົ່ງຕໍ່ສິ່ງນັ້ນໃຫ້ແກ່ພວກເຈົ້າ ຄືໃນຄືນທີ່ຢູດາໄດ້ມອບອົງພຣະເຢຊູເຈົ້າໄວ້ນັ້ນ ພຣະອົງໄດ້ຈັບເອົາເຂົ້າຈີ່ມາ ເມື່ອໂມທະນາຂອບພຣະຄຸນແລ້ວກໍຫັກເຂົ້າຈີ່ນັ້ນ ແລະ ກ່າວວ່າ ນີ້ແຫຼະແມ່ນກາຍຂອງເຮົາຊຶ່ງໃຫ້ສຳລັບພວກເຈົ້າ ຈົ່ງເຮັດຢ່າງນີ້ໃຫ້ເປັນທີ່ລະນຶກເຖິງເຮົາ.(1ໂກຣິນໂທ11:23-24)
3. ຫັກເຂົ້າຈີ່ທີ່ທ່ານໄດ້ກຽມໄວ້ສໍາລັບກຸ່ມຂອງທ່ານ ແລ້ວກິນ.
4. ສືບຕໍ່ອ່ານ -- ເມື່ອຮັບປະທານເຂົ້າແລງແລ້ວ ພຣະອົງໄດ້ຊົງຈັບເອົາຈອກດ້ວຍອາການຢ່າງດຽວກັນໂດຍຊົງກ່າວວ່າ ຈອກນີ້ຄືພັນທະສັນຍາໃໝ່ໂດຍເລືຶອດຂອງເຮົາ ເມື່ອເຈົ້າດື່ມຈາກຈອກນີ້ເວລາໃດ ຈົ່ງດື່ມເປັນທີ່ລະນຶກເຖິງເຮົາ.(1ໂກຣິນໂທ11:25)
5. ແບ່ງປັນນໍ້າໝາກໄມ້ ຫຼື ວາຍທີ່ທ່ານໄດ້ກຽມໄວ້ສໍາລັບກຸ່ມຂອງທ່ານ ແລ້ວດື່ມ.
6. ຈົບການອ່ານ: ດ້ວຍວ່າ ທຸກເທື່ອທີ່ພວກເຈົ້າກິນເຂົ້າຈີ່ນີ້ ແລະ ດື່ມຈາກຈອກນີ້ເວລາໃດພວກເຈົ້າກໍປະກາດການຕາຍຂອງອົງພຣະຜູ້ເປັນເຈົ້າ ຈົນກວ່າພຣະອົງຈະສະເດັດມາ. (1ໂກຣິນໂທ11:26)

ສະເຫຼີມສະຫຼອງດ້ວຍການອະທິຖານ ຫຼື ການຮ້ອງເພງ. ທ່ານໄດ້ແບ່ງປັນສິນມະຫາສະໜິດຂອງອົງພຣະຜູ້ເປັນເຈົ້າແລ້ວ. ທ່ານເປັນຂອງພຣະເຈົ້າ ແລະ ພຣະເຈົ້າກໍເປັນຂອງທ່ານ!

​ຊຸດອຸ​ປະ​ກອນ​ຊູ​ເມ ​ການ​ຍ່າງ​ອະ​ທິ​ຖານ ​ພ​ຣະ​ຄໍາ​ຂອງ​ພ​ຣະ​ເຈົ້າ​ກ່າວ​ວ່າ​ພວກເຮົາ​ຄວນ​ທີ່​ຈະ ຮ້ອງ​ຂໍ, ອະ​ທິ​ຖານ, ວິງວອນ ​ແລະ ຂອບ​ພ​ຣ​ະ​ຄຸນພຣະເຈົ້າ​ສຳ​ລັບ​ຄົນ​ທັງ​ປວງ, ສຳລັບກະສັດ ແລະຜູ້ມີອຳນາດທຸກຄົນເພື່ອ ທີ່​ພວກ​ເຮົາ​​​ຈະ​ໄດ້ໃຊ້ຊີວິດຢູ່​​ຢ່າງ​ສະ​ຫງົບ​ສຸກ ແລະ ມີ​ຊີ​ວິດ​ທີ່​ມິດ​ງຽບ ໃນ​ຄວາມ​ຊົງເປັນ​ພ​ຣະ​ຜູ້​ເປັນ​ເຈົ້າ ແລະ ຄວາມບໍ​ຣິ​ສຸດ​ທັງ​ໝົດ. ນີ້ເປັນສິ່ງທີ່​​ດີ ແລະ ເປັນ​ທີ່​ພໍ​ພ​ຣະ​ໄທ​ຂອງ​ພ​ຣະ​ເຈົ້າ​ຜູ້​ຊົງ​ໄຖ່​ພວກ​ເຮົາ, ຜູ້​ທີ່ຊົງ​ຕ້ອງ​ການ​ໃຫ້​ມະ​ນຸດທຸກຄົນ​ໄດ້​ຮັບ​ຄວາມ​ລອດ​ ​ແລະ ມາເຖິງ​ຄວາມ​ຮູ້​ແຫ່ງຄວາມ​ຈິງ. ​ການ​ຍ່າງ​ອະ​ທິ​ຖານ​ແມ່ນ​ວິ​ທີ​ທີ່​ງ່າຍ​ດາຍ ​ໃນ​ການ​ເຊື່ອ​ຟັງ​ພ​ຣະ​ບັນ​ຊາ​ຂອງ​ພ​ຣະ​ເຈົ້າ​ທີ່ຈະ​ອະ​ທິ​ຖານ​ເພື່ອ​ຜູ້​ອື່ນ. ການ​ຍ່າງ​ອະ​ທິ​ຖານ​ເໝືອນ​ກັບ​ວ່າ ​ກຳ​ລັງອະ​ທິ​ຖານ​ຕໍ່ພ​ຣະ​ເຈົ້າ​ໃນ​ຂະ​ນະ​ທີ່​ຍ່າງ​ຢູ່. ແທນ​ທີ່​ຈະຫຼັບ​ຕາ ແລະ ກົ້ມ​ຫົວ​ລົງ, ພວກ​ເຮົາ​ກັບມືນຕາ​ເພື່ອເຫັນ​ສິ່ງ​ອ້ອມ​ຮອບ​ຕົວຂອງ​ພວກ​ເຮົາ​ ແລະ ກົ້ມ​ຫົວໃຈ​ຂອງ​ພວກ​ເຮົາ​ລົງ​ເພື່ອ​​ທູນ​ຂໍ​ກັບ​ພ​ຣະ​ເຈົ້າ​ດ້ວຍ​ຄວາມ​ຖ່ອມ​ຕົວ​ເພື່ອ​ໃຫ້​ພ​ຣະ​ເຈົ້າ​ໄດ້​ເຂົ້າ​ມາ​ມີ​ສ່ວນ. ທ່ານ​ສາ​ມາດ​ເຮັດ​ການ​ຍ່າງ​ອະ​ທິ​ຖານ​ໄດ້​ໃນ​ກຸ່ມນ້ອຍ​ຂອງ​ທ່ານຈັກ 2 ຫຼື 3 ຄົນ ຫຼື ທ່ານ​ສາ​ມາດ​ເຮັດ​ໄດ້ດ້ວຍ​ຕົວ​ທ່ານ​ເອງ. ຖ້າ​ທ່ານ​ໄປ​ຮ່ວມ​ໃນ​ກຸ່ມ - ໃຫ້​ທຸກໆ​ຄົນ​ອະ​ທິ​ຖານ​ອອກ​ມາ​ດັງໆ, ສົນ​ທະ​ນາ​ກັບ​ພ​ຣະ​ເຈົ້າ​ກ່ຽວ​ກັບ​ສິ່ງ​ທີ່​ທຸກໆ​ຄົນ​ກຳ​ລັງ​ເຫັນ​ຢູ່​ນັ້ນ ​ແລະ ສິ່ງ​ຈຳ​ເປັນ​ທີ່​ພ​ຣະ​ອົງ​ໄດ້​ຊົງ​ນຳ​ມາ​ສູ່​ຫົວ​ໃຈ​ຂອງ​ພວກ​ເຂົາ. ຖ້າ​ທ່ານ​ໄປ​ດ້ວຍ​ຕົນ​ເອງ - ໃຫ້​ອະ​ທິ​ຖານ​ຢູ່​ງຽບໆ ຫຼື ອອກສຽງ​ດັງ​ຖ້າ​ທ່ານ​ອະ​ທິ​ຖານ​ກັບ​ບາງ​ຄົນ​ທີ່​ທ່ານ​ພົບ​ໃນ​ລະ​ຫວ່າງ​ທາງ. ນີ້​ຄື 4 ວິ​ທີ​ທາງ​ທີ່​ທ່ານ​ຈະ​ສາ​ມາດ​ຮູ້​ໄດ້​ວ່າ​ຈະ​ອະ​ທິ​ຖານ​ເພື່ອ​ສິ່ງ​ໃດ​ແດ່ ​ໃນ​ລະ​ຫວ່າງ​ການ​ຍ່າງ​ອະ​ທິ​ຖານ: ການ​ສັງ​ເກດ -- ທ່ານ​ເຫັນ​ຫຍັງ​ແດ່? ຖ້າ​ທ່ານ​ເຫັນ​ຂອງຫຼິ້ນ​ເດັກ​ນ້ອຍ​ຢູ່​ໃນ​ສວນ, ທ່ານ​ອາດ​ຈະ​ຕ້ອງ​ອະ​ທິ​ຖານ​ເພື່ອ​ລູກໆ​ຂອງ​ເພື່ອນ​ບ້ານ, ເພື່ອ​ຄອບ​ຄົວ ຫຼື ເພື່ອ​ໂຮງ​ຮຽນ​ໃນ​ພື້ນ​ທີ່ເຂດນັ້ນ. ຄົ້ນ​ຫາ -- ທ່ານ​ຮູ້​ຫຍັງ​ແດ່? ຖ້າ​ທ່ານ​ໄດ້​ອ່ານ​ກ່ຽວ​ກັບ​ເພື່ອນ​ບ້ານ, ທ່ານ​ອາດ​ຈະ​ຮູ້​ບາງ​ຢ່າງ​ທີ່​ກ່ຽວ​ກັບ​ຄົນ​ທີ່​ອາ​ໄສ​ຢູ່​ໃນ​ທີ່​ນັ້ນ, ຫຼື ຖ້າ​ໃນ​ພື້ນ​ທີ່​ທີ່​ມີ​ຄວາມ​ເຈັບ​ປວດ​ຈາກ​ອາ​ຊະ​ຍາ​ກຳ ຫຼື ຄວາມ​ບໍ່​ຍຸດ​ຕິ​ທຳ. ​ອະ​ທິ​ຖານ​ເພື່ອ​ສິ່ງ​ເຫຼົ່າ​ນີ້ ແລະ ທູນ​ຂໍ​ກັບ​ພ​ຣະ​ເຈົ້າ​ເພື່ອ​ໃຫ້​ພ​ຣະ​ອົງ​ກະທຳ​ການ. ​ການ​ເປີດ​ເຜີຍ -- ພ​ຣະ​ວິນ​ຍານ​ບໍ​ຣິ​ສຸດ​ອາດ​ຈະ​ສະ​ກິດ​ຫົວ​ໃຈ​ຂອງ​ທ່ານ ຫຼື ນຳ​ເອົາ​ຄວາມ​ຄິດ​ເຂົ້າ​ມາ​ໃນ​ຈິດໃຈ​ເພື່ອ​ຄວາມ​ຕ້ອງ​ການ​ໂດຍ​ສະ​ເພາະ ຫຼື ພື້ນ​ທີ່​ຂອງ​ການ​ອະ​ທິ​ຖານ. ຟັງ - ແລະ ອະ​ທິ​ຖານ! ພ​ຣະ​ຄຳ​ພີ - ທ່ານ​ອາດ​ຈະ​ໄດ້​ອ່ານ​ບາງ​ສ່ວນຂອງ​ພ​ຣະ​ຄຳ​ຂອງ​ພ​ຣະ​ເຈົ້າ ໃນ​ການ​ກະ​ກຽມ​ສຳ​ລັບ​ການ​ຍ່າງ​ຂອງ​ທ່ານ ຫຼື ໃນ​ຕອນ​ທີ່​ທ່ານ​ຍ່າງ, ພ​ຣະ​ວິນ​ຍານ​ບໍ​ຣິ​ສຸດ​ອາດ​ຈະ​ນຳ​ເອົາ​ພ​ຣະ​ຄຳ​ນັ້ນ​ເຂົ້າ​ມາ​ໃນ​ຄວາມຄິດທ່ານ. ອະ​ທິ​ຖານ​ເພື່ອ​ພຣະຄຳຕອນນັ້ນ ​ແລະ ເພື່ອໃຫ້ມັນ​ມີ​ຜົນ​ປ່ຽນແປງຄົນນັ້ນໃນເລື່ອງດັ່ງກ່າວດ້ວຍ. ນີ້​ຄື 5 ພື້ນ​ທີ່​ທີ່​ມີ​ອິດ​ທະ​ພົນ ​ທີ່​ທ່ານ​ສາ​ມາດ​ຈົດ​ຈໍ່​ໃນ​ຂະ​ນະ​ທີ່​ກຳ​ລັງ​ຍ່າງ​ອະ​ທິ​ຖານ​ຢູ່​ນັ້ນ: ລັດ​ຖະ​ບານ - ຊອກ​ຫາ ແລະ ອະ​ທິ​ຖານ​ເພື່ອ​ສູນ​ກາງ​ລັດ​ຖະ​ບານ​ເຊັ່ນ: ສານ​ຕັດ​ສິນ, ຕຶກ​ຄະ​ນະ​ກຳ​ມະ​ການ ຫຼື ສຳ​ນັກ​ງານ​ບັງ​ຄັບ​ໃຊ້​ກົດ​ໝາຍ. ອະ​ທິ​ຖານ​ເພື່ອ​ພື້​ນ​ທີ່​ທີ່​ຢູ່​ໃນ​ເຂດນັ້ນໃຫ້ໄດ້ຮັບການປົກ​ປ້ອງຮັກສາ​, ເພື່ອ​ຄວາມ​ຍຸດ​ຕິ​ທຳ ແລະ ໃຫ້ຜູ້ນຳທັງຫຼາຍມີ​ສະ​ຕິ​ປັນ​ຍາ​ຂອງ​ພ​ຣະ​ເຈົ້າ. ທຸ​ລະ​ກິດ ແລະ ການ​ຄ້າ - ຊອກ​ຫາ ແລະ ອະ​ທິ​ຖານ​ເພື່ອ​ສູນ​ກາງ​ການ​ຄ້າ ​ເຊັ່ນ​ສະ​ຖານ​ທີການ​ເງີນ ຫຼື ບ່ອ​ນ​ຊ໋ອບ​ປິ້ງ​. ອະ​ທິ​ຖານ​ເພື່ອ​​ການ​ລົງ​ທຶນ​ທີ່​ຊອບ​ທຳ ແລະ ມີ​ການ​ດູ​ແລຊັບ​ພະ​ຍາ​ກອນ​ທີ່​ດີ. ອະ​ທິ​ຖານ​ເພື່ອຄວາມ​ຍຸດ​ຕິ​ທຳທາງ​ເສດ​ຖະ​ກິດ ແລະ ໂອ​ກາດ​ຕ່າງໆ ​ແລະ ເພື່ອ​ຜູ້​ທີ່​ມີ​ໃຈ​ເອື້ອ​ເຟື້ອ​ເພື່ອ​ແພ່ ແລະ ເປັນ​ຜູ້​ໃຫ້​ຕາມ​ພ​ຣະ​ເຈົ້າ ​ຊຶ່ງຄຳນຶ່ງເຖິງ​ຜູ້​ຄົນຫຼາຍກວ່າຜົນ​ກຳ​ໄລ. ການ​ສຶກ​ສາ - ຊອກ​ຫາ ແລະ ອະ​ທິ​ຖານ​ເພື່ອ​​ສູນ​ກາງການ​ສຶກ​ສາ ​ເຊັ່ນໂຮງ​ຮຽນ ແລະ ຕຶກ​ບໍ​ລິ​ຫານ, ສູນ​ຝຶກ​ອົບ​ຮົມ​ວິ​ຊາ​ຊີບ, ວິ​ທະ​ຍາ​ໄລ​ຊູມ​ຊົນ ແລະ ມະ​ຫາ​ວິ​ທະ​ຍາ​ໄລ ​ອະ​ທິ​ຖານ​ເພື່ອການສຶກສາທີ່ຊອບ​​​ທໍ​າ​​ທີ່​​ຈະສອນ​ຄວາມ​ຈິງ​ຂອງ​ພ​ຣະ​ເຈົ້າ ​ແລະ ປົກປ້ອງ​​ຄວາມ​ຄິດ​ຂອງ​​ນັກ​ຮຽນຂອງພວກເຂົາ. ຂໍອະ​ທິ​ຖານ​​ໃຫ້​ພ​ຣະ​ເຈົ້າ​ໄດ້​ເຂົ້າ​ມາ​ມີ​ສ່ວນ​ໃນ​ທຸກໆ​ຄວາມ​ພະ​ຍາ​ຍາມ ​ທີ່ກໍໃຫ້ເກີດ​ການ​ຕົວະ ຫຼື ຄວາມ​ສັບ​ສົນ. ອະ​ທິ​ຖານ​ເພື່ອ​ໃຫ້​ສະ​ຖານ​ທີ່​ເຫຼົ່າ​ນີ້​ໄດ້​ສົ່ງ​ພົນ​ລະ​ເມືອງ​ທີ່​ສະຫຼາດ​ອອກ​ໄປ ຜູ້​ທີ່​ມີ​ຫົວ​ໃຈ​ໃນ​ການ​ຮັບ​ໃຊ້ ແລະ ນຳ​ພາ. ການ​ສື່​ສານ ​ຊອກ​ຫາ ແລະ ອະ​ທິ​ຖານ​ເພື່ອ​ສູນ​ກາງ​ການ​ສື່​ສານ ​ເຊັ່ນ​ສະ​ຖາ​ນີ​ວິ​ທະ​ຍຸ, ໂທ​ລະ​ທັດ ແລະ ສຳ​ນັກ​ພິມໜັງ​ສືພິມ​. ອະ​ທິ​ຖານ​ເພື່ອ​ໃຫ້​ເລື່ອງລາວ​ຂອງ​ພ​ຣະ​ເຈົ້າ ແລະ ການ​ເປັນ​ພະ​ຍານ​ຂອງ​ຜູ້​ຕິດ​ຕາມ​ພ​ຣະ​ອົງ ​ໃຫ້​ກະ​ຈາຍ​ອອກ​ໄປ​ທົ່ວ​ທັງ​ຕົວ​ເມືອງ ແລະ ທົ່ວ​ໂລກ. ອະ​ທິ​ຖານ​ຂໍໃຫ້​ຂໍ້ຄວາມ​ຂອງ​ພ​ຣະ​ອົງຖືກ​ສົ່ງ​ອອກ​ໄປ ໂດຍຜ່ານ​ສື່ກາງ​ຂອງ​ພ​ຣະ​ອົງ​ເຖິງ​ຝູງ​ຊົນ​ຂອງ​ພ​ຣະ​ອົງ ​ແລະ ເພື່ອ​ໃຫ້​ຄົນ​ຂອງ​ພ​ຣະ​ເຈົ້າ​ໃນ​ທຸກໆ​ບ່ອນ​ໄດ້​ເຫັນ​ງານ​ທີ່​ພ​ຣະ​ອົງ​ໄດ້​ຊົງ​ກະ​ທຳ. ຈິດ​ວິນ​ຍານ - ຊອກ​ຫາ ແລະ ອະ​ທິ​ຖານ​ເພື່ອ​ສູນ​ກາງ​ຈິດ​ວິນ​ຍານ ​ເຊັ່ນ​ອາ​ຄານ​ໂບດ, ​ມັດ​ສະ​ຍິດ ຫຼື ວັດ. ອະ​ທິ​ຖານ​ເພື່ອ​ໃຫ້​ຜູ້​ທີ່​ຊອກ​ຫາ​ຈິດ​ວິນ​ຍານ​ໄດ້​ພົບ​ກັບ​ສັນ​ຕິ​ສຸກ ແລະ ​ການປອບ​ໂຍນ​ໃນ​ພ​ຣະ​ເຢ​ຊູ ​ແລະ ບໍ່ໃຫ້​ມີ​ການ​ລົບ​ກວນ ຫຼື ເກີດ​ຄວາມ​ສັບ​ສົນ​ຈາກ​ຂໍ້​ຄວາມ​ເທັດ​ຂອງ​ສາ​ສະ​ໜາ​ອື່ນ. ສຸດ​ທ້າຍນີ້, ນີ້​ຄື 5 ວິ​ທີ​ທີ່​ທ່ານ​ສາ​ມາດ​ອະ​ທິ​ຖານ​ເພື່ອ​ຜູ້​ຄົນ​ທີ່​ທ່ານ​ພົບ​ເຫັນ ​ໃນ​ລະຫວ່າງ​ທີ່​ທ່ານ​ກຳ​ລັງ​ຍ່າງ​ອະ​ທິ​ຖານ: ໃນຂະນະ​ທີ່​ທ່ານ​ຍ່າງ ແລະ ອະ​ທິ​ຖານ​ໄປ, ຈົ່ງ​ຕື່ນ​ຕົວ​ຕໍ່​ໂອ​ກາດ ​ແລະ ຟັງ​ສຽງ​ສະ​ກິດເຕືອນ​ຈາກ​ພ​ຣະ​ວິນ​ຍານ​ຂອງ​ພ​ຣະ​ເຈົ້າ ​ໃຫ້​ອະ​ທິ​ຖານ​ເພື່ອ​ບຸກ​ຄົນ ຫຼື ກຸ່ມ​ຄົນ​ທີ່​ທ່ານ​ໄດ້​ພົບ​ຕາມ​ຫົນ​ທາງ. ທ່ານ​ສາ​ມາດ​ເວົ້າ​ວ່າ ພວກ​ເຮົາກຳລັງ​ອະ​ທິ​ຖານ​ເພື່ອ​ຊຸມ​ຊົນ​ນີ້, ມີ​ຫຍັງແດ່​ເປັນພິເສດທີ່​ພວກ​ເຮົາສາມາດ​ອະ​ທິ​ຖານ​ເພື່ອ​ທ່ານ​ບໍ? ຫຼື ເວົ້າ​ວ່າ ຂ້ອຍ​ກຳ​ລັງ​ອະ​ທິ​ຖານ​ເພື່ອ​ສະ​ຖານ​ທີ່​ນີ້. ທ່ານ​ຮູ້​ອັນ​ໃດ​ເປັນ​ພິ​ເສດ​ທີ່​ພວກ​ເຮົາ​ຄວນ​ອະ​ທິ​ຖານ​ເພື່ອ​ບໍ? ຫຼັງ​ຈາກ​ໄດ້​ຟັງ​ການ​ຕອບ​ສະ​ໜອງ​ຂອງ​ພວກ​ເຂົາ​ແລ້​ວ ທ່ານ​ສາ​ມາດ​ຖາມ​ເຖິງ​ສິ່ງ​ທີ່​ພວກ​ເຂົາ​ຕ້ອງ​ການ​ໄດ້. ຖ້າ​ພວກ​ເຂົາ​ແບ່​ງ​ປັ​ນ, ໃຫ້ອະ​ທິ​ຖານ​ເພື່ອ​ພວກ​ເຂົາ​ເລີຍ. ​ຖ້າ​ພ​ຣະ​ເຈົ້າ​ນຳ​ພາ, ທ່ານ​ສາ​ມາດ​ອະ​ທິ​ຖານ​ເພື່ອ​ຄວາມ​ຕ້ອງ​ການ​ອື່ນໆ​ໄດ້​ເຊັ່ນ​ດຽວ​ກັນ. ໃຊ້​ຄ​ຳວ່າ ອວຍພອນ ​ເພື່ອ​ຊ່ວຍ​ໃຫ້​ທ່ານ​ຈື່​ຈຳ 5 ວິ​ທີ​ທີ່ແຕກ​ຕ່າງກັນ​ທີ່​ທ່ານ​ສາ​ມາດ​ອະ​ທິ​ຖາ​ນ: ຮ່າງ​ກາຍ (ສຸ​ຂະ​ພາບ) ອາ​ຊີບ (ວຽກ​ງານ ແລະ ການ​ເງິນ) ອາ​ລົມ​ຄວາມ​ຮູ້​ສຶກ (ສິນ​ລະ​ທຳ) ​ສັງ​ຄົມ (ຄວາມ​ສຳ​ພັນ) ຈິດ​ວິນ​ຍານ ໃນກໍ​ລະ​ນີສ່ວນຫຼາຍ, ຜູ້​ຄົນຈະ​​ຮູ້​ສຶກ​ຂອບ​ໃຈ​ທີ່​ທ່ານ​ໃສ່​ໃຈ ແລະ​ອະ​ທິ​ຖານເພື່ອ. ຖ້າ​ບຸກ​ຄົນ​ນັ້ນ​ບໍ່​ແມ່ນ​ຄ​ຣິ​ສ​ຕຽນ, ຄຳ​ອະ​ທິ​ຖານ​ຂອງ​ທ່ານ​ອາດຈະ​ເປີດ​ປະ​ຕູ​ສູ່ການ​ສົນ​ທະ​ນາ​ຝ່າຍ​ຈິດ​ວິນ​ຍານ ​ແລະ ເປັນໂອ​ກາດ​ທີ່​ທ່ານ​ຈະ​ແບ່ງ​ປັນ​ເລື່ອງລາວ​ຂອງ​ທ່ານ ແລະ ເລື່ອງລາວ​ຂອງ​ພ​ຣະ​ເຈົ້າ. ທ່ານ​ສາ​ມາດ​ຊວນ​ພວກ​ເຂົາ​ໃຫ້​ມີ​ສ່ວນ​ໃນ​ການ​ຮຽນ​ພ​ຣະ​ຄຳພີ​ໄດ້ ຫຼື ຈັດ​ຢູ່​ບ້ານ​ຂອງ​ພວກ​ເຂົາ​ເທື່ອ​ໜຶ່ງ. ຖ້າ​ບຸກ​ຄົນ​ນັ້ນ​ເປັນ​ຄ​ຣິ​ສ​ຕຽນ ​ທ່ານ​ສາ​ມາດ​ຊວນ​ພວກ​ເຂົາ​ໃຫ້​ເຂົ້າ​ຮ່ວມ​ການ​ຍ່າງ​ອະ​ທິ​ຖານ ຫຼື ຝຶກ​ຝົນ​​ວິ​ທີ​ການ​ຍ່າງ​ອະ​ທິ​ຖານ​ໃຫ້​ກັບພວກ​ເຂົາ ​ແລະ ໃຊ້​ຂັ້ນ​ຕອນ​ງ່າຍໆ​ເຊັ່ນ​ການ​ອະ​ທິ​ຖານ​ເພື່ອ​ສະ​ຖານ​ທີ່​ທີ່​ມີ​ອິດ​ທິ​ພົນ ຫຼື ການ​ອະ​ທິ​ຖານອວຍ​ພອນ​ເພື່ອ​ໃຫ້​ເຕີບ​ໃຫຍ່​ໃນ​ຄອບ​ຄົວ​ຂອງ​ພ​ຣະ​ເຈົ້າຫຼາຍ​ຂຶ້ນ. ການ​ຍ່າງ​ອະ​ທິ​ຖານ ​ຊຸດ​ອຸ​ປະ​ກອນ​ອີກ​ໜຶ່ງ​ຊະ​ນິດ​ທີ່​ງ່າຍ​ໃນ​ຊຸດ​ອຸ​ປະ​ກອນ​ຂອງ​ຊູ​ເມ.

ຍິນດີຕ້ອນຮັບກັບເຂົ້າສູ່ການອົບຮົມ ຊູເມ້

ໃນບົດຮຽນກ່ອນໆ ພວກເຮົາໄດ້ເວົ້າເຖິງບຸກຄົນແຫ່ງສັນຕິສຸກ ໃນບົດຮຽນນີ້ ເຮົາຈະມາເບິ່ງໃນລາຍລະອຽດວ່າຄົນຜູ້ນັ້ນຈະແມ່ນໃຜ ແລະທ່ານຈະຮູ້ໄດ້ແນວໃດວ່າທ່ານພົບລາວແລ້ວ ບຸກຄົນແຫ່ງສັນຕິສຸກສາມາດສ້າງສາວົກໄດ້ຢ່າງໄວວາ ເຖິງແມ່ນວ່າຈະຢູ່ໃນບ່ອນທີ່ມີຜູ້ເຊື່ອພຣະເຢຊູ​ເຈົ້າໜ້ອຍແລະຢູ່ຢ່າງກະແຈກກະຈາຍກໍຕາມ

ພຣະເຢຊູ​ເຈົ້າຊົງສົ່ງສາວົກຂອງພຣະອົງອອກໄປທີ່ເມືອງຕ່າງໆ ເພື່ອສ້າງສາວົກ ຄຳສັ່ງຂອງພຣະອົງນັ້ນບໍ່ໄດ້ຫຍຸ້ງຍາກແຕ່ມີເປົ້າໝາຍ

ພຣະເຢຊູ​ເຈົ້າກ່າວວ່າ -- "ຢ່າ​ຖື​ຄຳ ຫລື​ເງິນ ຫລື​ທອງແດງ​ໃສ່​ຖົງ​ໄປ​ນຳ; ຢ່າ​ເອົາ​ຖົງ​ໄປ​ໃສ່​ເຄື່ອງ​ຂອງ​ຕາມ​ທາງ ຫລື​ເຄື່ອງນຸ່ງຫົ່ມ​ໄປ ຫລື​ເກີບ ຫລື​ໄມ້ເທົ້າ​ໄປ​ນຳ, ເພາະ​ຄົນງານ​ກໍ​ສົມຄວນ​ໄດ້​ຮັບ​ອາຫານ​ກິນ." "ເມື່ອ​ພວກເຈົ້າ​ໄປ​ໃນ​ເມືອງ​ໃດ​ຫລື​ບ້ານ​ໃດ ຈົ່ງ​ເຂົ້າ​ໄປ​ຫາ​ຜູ້​ທີ່​ສົມຄວນ​ຈະ​ຕ້ອນຮັບ​ພວກເຈົ້າ ແລະ​ໃຫ້​ອາໄສ​ຢູ່​ກັບ​ເຂົາ​ຈົນກວ່າ​ຈາກ​ໄປ.

ແຕ່ທັງໝົດນີ້ໝາຍເຖິງຫຍັງ?

ເມື່ອເຮົາຄິດເຖິງການສ້າງສາວົກ ເຮົາອາດຄິດເຖິງສິ່ງເຫຼົ່ານີ້ກ່ອນ ຄືຕ້ອງຈັດຕຽມເລື່ອງເງິນໃຫ້ຮຽບຮ້ອຍ ເລືອກກຸ່ມເປົ້າໝາຍ ແລະວາງແຜນການດຳເນີນງານທີ່ຊັດເຈນ ຫາກພຣະເຢຊູເຈົ້າເວົ້າວ່າ - "ໄປ!" ເຮົາກໍຄວນຈະໄປ "ໄປ" ແລະຢ່າຢຸດ ປະກາດກັບທຸກຄົນ! ທຸກບ່ອນ! ແລະທຸກເວລາ!

ແຕ່ຄຳສັ່ງຂອງພຣະເຢຊູ​ເຈົ້າ ເບິ່ງຄືວ່າພຣະອົງຈະບໍ່ເປັນຫ່ວງເລື່ອງເງິນແລະແຜນການຫຼາຍ ແຕ່ຊົງເປັນຫ່ວງເລື່ອງເປົ້າໝາຍຫຼາຍກວ່າ

ພຣະເຢຊູ​ເຈົ້າຕ້ອງການໃຫ້ສາວົກຂອງພຣະອົງຊອກຫາ ແລະລົງທືນກັບບຸກຄົນແຫ່ງສັນຕິສຸກ

ເມື່ອທ່ານຕ້ອງການສ້າງສາວົກໃນບ່ອນທີ່ມີຜູ້ເຊື່ອບໍ່ຫຼາຍ ຫຼືອາດຈະບໍ່ມີເລີຍ ການຊອກຫາບຸກຄົນແຫ່ງສັນຕິສຸກອາດຈະເປັນສິ່ງສຳຄັນທີ່ສຸດທີ່ທ່ານຄວນເຮັດ

ບຸກຄົນແຫ່ງສັນຕິສຸກແມ່ນ:

• ຄົນທີ່ເປີດໃຈຟັງເລື່ອງລາວຂອງທ່ານ ເລື່ອງລາວຂອງພຣະເຈົ້າແລະຂ່າວປະເສີດຂອງພຣະເຢຊູ​ເຈົ້າ
• ຄົນທີ່ມີນ້ຳໃຈຮັບຮອງແຂກແລະຍິນດີຕ້ອນຮັບທ່ານເຂົ້າມາໃນເຮືອນຫຼືບ່ອນເຮັດວຽກ ຫຼືຍິນດີເຊີນທ່ານໄປໃນງານຂອງຄອບຄົວຫຼືຂອງໝູ່ເພື່ອນຂອງພວກເຂົາ
• ບາງຄົນຮູ້ຈັກຫຼາຍຄົນ (ຫຼືມີຫຼາຍຄົນຮູ້ຈັກລາວ) ແລະຕື່ນເຕັ້ນທີ່ຈະທຳຄວາມຮູ້ຈັກກັນແລະກັນຕັ້ງແຕ່ໃນກຸ່ມນ້ອຍໆ ໄປຈົນເຖິງກຸ່ມໃຫຍ່
• ຄົນທີ່ສັດຊື່ແລະບອກເລົ່າສິ່ງທີ່ພວກເຂົາຮູ້ແກ່ຄົນອື່ນ ເຖິງແມ່ນວ່າທ່ານບໍ່ຢູ່ແລ້ວ

ໃນພຣະຄຳພີ ເຮົາເຫັນພຣະເຢຊູ​ເຈົ້າແລະສາວົກຂອງພຣະອົງໄດ້ພົບກັບຫຼາຍຄົນທີ່ເປັນບຸກຄົນແຫ່ງສັນຕິສຸກທັງໃນເຫດການທີ່ບໍ່ຄາດຄິດອີກດ້ວຍ

ໃນເມືອງເກຣາຊາ ພຣະເຢຊູເຈົ້າໄດ້ພົບກັບຊາຍທີ່ຖືກຜີເຂົ້າ ລາວຢູ່ຄົນດຽວແລະຖືກລ່າມໂສ້ ເຮົາຄົງບໍ່ຄາດຄິດວ່າຄົນຜູ້ນີ້ຈະເປັນບຸກຄົນແຫ່ງສັນຕິສຸກ ແຕ່ລາວເປີດໃຈຟັງພຣະເຢຊູ​ເຈົ້າ ລາວຍອມໃຫ້ພຣະເຢຊູ​ເຈົ້າເຂົ້າໃນໃນບ່ອນທີ່ລາວອາໄສຢູ່ ລາວເປັນທີ່ສົນໃຈແລະສາມາດດຶງດູດປະຊາຊົນເຂົ້າມາຫາລາວໄດ້ ເຖິງແມ່ນຍ້ອນການກະທຳອັນຮຸນແຮງຂອງລາວກໍ່ຕາມ ແລະພຣະເຢຊູເຈົ້າຊົງເຫັນວ່າ ລາວເປັນຄົນສັດຊື່ປະກາດເລື່ອງລາວຂອງພຣະອົງໃຫ້ແກ່ຄົນໃນຄອບຄົວ ໃນພື້ນທີ່ແລະໃນປະເທດຂອງລາວໄດ້ຟັງ ຈົນເມື່ອພຣະເຢູ​ເຈົ້າກັບໄປບ່ອນນັ້ນອີກເທື່ອໜຶ່ງ ຝູງຊົນໄດ້ມາໂຮມກັນ ທັງຕື່ນເຕັ້ນທີ່ໄດ້ເຫັນຜູ້ຊາຍທີ່ພວກເຂົາໄດ້ຍິນເລື່ອງລາວເລົ່າລືກັນຢ່າງຫຼວງຫຼາຍ

ໃນສະມາເຣຍ ພຣະເຢຊູເຈົ້າໄດ້ພົບກັບແມ່ຍິງຄົນໜຶ່ງທີ່ນ້ຳສ້າງ ນາງເປີດໃຈຮັບຟັງພຣະອົງ ສະແດງນ້ຳໃຈແລະຕ້ອນຮັບຄຳຂໍດື່ມນ້ຳຂອງພຣະເຢຊູ​ເຈົ້າ ເຮົາໄດ້ຮູ້ວ່າຍິງຄົນນີ້ມີຜົວ 5 ຄົນແລ້ວ ແລະໄດ້ກິນຢູ່ກັບຜູ້ຊາຍອີກຄົນໜຶ່ງ ສຳລັບເມືອງນ້ອຍໆ ນີ້ເຮົາແນ່ໃຈໄດ້ເລີຍວ່າມີຄົນຮູ້ຈັກລາວຢ່າງແນ່ນອນ ຫຼັງຈາກທີ່ພຣະເຢຊູ​ເຈົ້າໄດ້ສົນທະນາກັບລາວແລ້ວ ລາວກໍສະແດງຄວາມສັດຊື່ແລະຮີບໄປເລົ່າໃຫ້ຫຼາຍໆຄົນຟັງ ຈົນປະຊາຊົນທັງຫຼາຍມາຂໍໃຫ້ພຣະເຢຊູ​ເຈົ້າພັກຢູ່ກັບພວກເຂົາແລະສອນພວກເຂົາ ແລະພຣະອົງກໍຕອບສະໜອງ

ດັ່ງນັ້ນ ຖ້າຫາກວ່າບຸກຄົນແຫ່ງສັນຕິສຸກສາມາດຢູ່ໃສກໍໄດ້ ເຮັດອາຊີບຫຍັງກໍໄດ້ ແລະອາດຈະເປັນໃຜກໍໄດ້ທີ່ເຮົາຮູ້ຈັກຫຼືພົບພໍ້ເຮົາຈະຊອກຫາເຂົາພົບໄດ້ແນວໃດ?

ຕໍ່ໄປນີ້ເປັນວິທີງ່າຍໆ ສາມປະການ

ເຮົາຂໍຄຳແນະນຳຈາກຄົນໃນຊຸມຊົນເຊັ່ນ ຄົນທີ່ໄດ້ຮັບຄວາມໄວ້ວາງໃຈຢູ່ບ່ອນນີ້ແມ່ນໃຜ? ຢູ່ບ່ອນນີ້ມີໃຜທີ່ຄິດເຖິງຄົນອື່ນກ່ອນຕົນເອງ? ຫາກມີຊື່ໃຜທີ່ເຮົາໄດ້ຍິນເລື້ອຍໆ ກໍໃຫ້ເຮົາຫາທາງໄປພົບພວກເຂົາ ເລົ່າເລື່ອງຄວາມຄິດຝ່າຍວິນຍານໃຫ້ເຂົາຟັງແລະເບິ່ງວ່າພວກເຂົາຈະເປີດໃຈຟັງຄຳແບ່ງປັນຫຼືບໍ່

ເຮົາສະເໝີໂຕທີ່ຈະອະທິຖານເພື່ອຄົນທີ່ເຮົາພົບ ໃນຂະນະທີ່ຍ່າງອະທິຖານ ໃນບ່ອນເຮັດວຽກ ໃນການແຂ່ງກິລາ ຫຼືບ່ອນໃດກໍຕາມທີ່ມີໂອກາດ ຈາກນັ້ນກໍໃຫ້ການອະທິຖານນຳເຂົ້າສູ່ການໂອ້ລົມກັນເລື່ອງຈິດວິນຍານ

ເຮົາເວົ້າເຖິງເລື່ອງຝ່າຍວິນຍານທຸກຄັ້ງທີ່ເຮົາໂອ້ລົມກັບຄົນອື່ນ ແລະເບິ່ງວ່າພຣະເຈົ້າຈະຊົງທຳການໃນຊີວິດຂອງຄົນນັ້ນຫຼືບໍ່ ຖ້າຫາກພວກເຂົາເປີດໃຈ ເຮົາຈະຖາມວ່າເຂົາຍິນດີຈະຮວບຮວມຄົນ

ເພື່ອມາໂອ້ລົມກັນເພີ່ມເຕີມອີກຫຼືບໍ່

ຂໍຄຳແນະນຳ ສະເໜີໂຕອະທິຖານເພື່ອ ເວົ້າເຖິງເລື່ອງຝ່າຍວິນຍານ ນີ້ແມ່ນວິທີທີ່ເຮົາຈະເລີ່ມຕົ້ນຄົ້ນຫາບຸກຄົນແຫ່ງສັນຕິສຸກ

ແລະບໍ່ວ່າເຮົາຈະພົບພວກເຂົາໄດ້ດ້ວຍວິທີໃດ ຢ່າລືມວ່າພຣະເຢຊູເຈົ້າໄດ້ກ່າວວ່າບຸກຄົນແຫ່ງສັນຕິສຸກເປັນຄົນທີ່ເຮົາຄວນຈະທຸ້ມເທເວລາໃນການສ້າງສາວົກໃຫ້ຫຼາຍທີ່ສຸດ

ເຮົາມັກຈະຄິດວ່າ ການໃຊ້ເວລາຂອງເຮົາຢ່າງ "ຍຸດຕິທຳ" ທີ່ສຸດຄືການໃຫ້ເວລາເລັກໆ ນ້ອຍໆ ກັບທຸກຄົນຢ່າງເທົ່າທຽມກັນ ແຕ່ພຣະເຢຊູເຈົ້າກ່າວແລະສະແດງໃຫ້ພວກເຮົາເຫັນວ່າ ພຣະອົງບໍ່ໄດ້ຕ້ອງການໃຫ້ເຮົາມີຄວາມສຳພັນແບບຜິວເຜີນກັບທຸກຄົນແຕ່ໃຫ້ມີຄວາມສຳພັນທີ່ເລິກເຊິ່ງກັບບາງຄົນ

ຫຼາຍຄັ້ງທີ່ຝູງຊົນມາເຝົ້າພຣະເຢຊູ​ເຈົ້າ ແຕ່ພຣະຄຳພີໄດ້ບັນທຶກຫຼາຍໆຄັ້ງວ່າ ພຣະອົງຊົງຫຼີກລ່ຽງຝູງຊົນເພື່ອໃຊ້ເວລາສ່ວນໃຫຍ່ກັບສາວົກສິບສອງຄົນທີ່ໃກ້ຊິດພຣະອົງຫຼາຍທີ່ສຸດ

ຍັງມີຫຼາຍຄັ້ງທີ່ພຣະເຢຊູ​ເຈົ້າຊົງໃຊ້ເວລາກັບສາວົກພຽງແຕ່ສາມຄົນຫຼາຍກວ່າສາວົກຄົນອື່ນໆ

ພຣະເຢຊູເຈົ້າຊົງມີລິດອຳນາດ ມີກຳລັງ ມີສິດອຳນາດ ມີລະບຽບ ສະຕິປັນຍາ ຄວາມຮອບຮູ້ ຄວາມເຂົ້າໃຈ ແລະພຣະເມດຕາທີ່ເໜືອກວ່າພວກເຮົາຫຼາຍ ແຕ່ພຣະອົງຍັງເລືອກທີ່ຈະລົງທຶນໃຊ້ເວລາຢ່າງເລິກເຊິ່ງກັບຄົນບໍ່ພໍເທົ່າໃດຄົນແລະສອນໃຫ້ສາວົກເຮັດຄືກັນ ດັ່ງນັ້ນ ບໍ່ຄວນບໍທີ່ເຮົາຈະເຊື່ອຟັງແລະແບ່ງປັນເຖິງແບບຢ່າງທີ່ດີເລີດນີ້?

ບຸກຄົນແຫ່ງສັນຕິສຸກ

ບໍ່ແມ່ນວ່າເຮົາຈະຫາພວກເຂົາພົບຢ່າງ່າຍດາຍ ໃນໜຶ່ງພັນຄົນອາດມີພຽງແຕ່ຄົນດຽວ ພວກເຂົາເປັນ

ເໝືອນຊັບສົມບັດທີ່ເຊື່ອງໄວ້ທີ່ສົມຄວນແກ່ການຄົ້ນຫາ ເພາະວ່າຄຸນຄ່າທີ່ພວກເຂົາມີຕໍ່ການຂະຫຍາຍຄອບຄົວຂອງພຣະເຈົ້ານັ້ນປະເມີນຄ່າບໍ່ໄດ້ເລີຍ.

ຮູບແບບການອະທິຖານອວຍພອນ

ຮູບແບບການອະທິຖານອວຍພອນມີ 5 ແບບທີ່ສາມາດເຮັດເພື່ອຄົນທີ່ທ່ານພົບໃນທຸກໆເວລາ ໂດຍສະເພາະສໍາລັບການຍ່າງອະທິຖານ.

• ຮ່າງກາຍ - ສຸຂະພາບ
• ອາຊີບ - ວຽກງານ ແລະ ການເງິນ
• ອາລົມຄວາມຮູ້ສຶກ - ສິນລະທຳ
• ** ສັງຄົມ** - ຄວາມສໍາພັນ
• ຈິດວິນຍານ - ຮູ້ຈັກ ແລະ ຮັກພຣະເຈົ້າຫຼາຍຂຶ້ນ

4 ແຫຼ່ງຂໍ້ມູນທີ່ສາມາດຊ່ວຍນໍາພາທ່ານໃນການອະທິຖານໄດ້:

1. ການສັງເກດ ທ່ານເຫັນຫຍັງບໍ? ຖ້າທ່ານເຫັນຂອງຫຼິ້ນເດັກປະໄວ້ຢູ່ເດີ່ນໜ້າ. ທ່ານອາດຈະຖືກກພຕຸ້ນໃຫ້ອະທິຖານເພື່ອເດັກນ້ອຍຂອງເພື່ອນບ້ານ, ເພື່ອຄອບຄົວ ຫຼື ເພື່ອໂຮງຮຽນໃນພື້ນທີ່ນັ້ນ.
2. ການຊອກຫາ ທ່ານຮູ້ຈັກຫຍັງແດ່? ຖ້າທ່ານອ່ານເລື່ອງກ່ຽວກັບຂອບເຂດເພື່ອນບ້ານຂອງທ່ານ ທ່ານອາດຮູ້ຈັກບາງຢ່າງກ່ຽວກັບຄົນທີ່ອາໄສຢູ່ທີ່ນັ້ນ ຫຼື ຖ້າສະຖານທີ່ນັ້ນມີຄວາມເຈັບປວດຈາກອາຊະຍາກໍາ ຫຼື ຄວາມບໍ່ຍຸດຕິທໍາ.​ອະທິຖານເພື່ອສິ່ງເຫຼົ່ານີ້ ແລະ ທູນຂໍຕໍ່ພຣະເຈົ້າໃຫ້ທໍາງານທ່າມກາງທີ່ນີ້.
3. ການເປີດເຜີຍ ພຣະວິນຍານບໍຣິສຸດອາດດົນໃຈທ່ານ ຫຼື ນໍາເອົາຄວາມຄິດບາງຢ່າງມາສູ່ຈິດໃຈຂອງທ່ານເພື່ອຄວາມຕ້ອງການສະເພາະເຈາະຈົງ ຫຼື ພື້ນທີ່ສໍາລັບການອະທິຖານ. ໃຫ້ຟັງ - ແລະ ອະທິຖານ!
4. ພຣະຄໍາພີ ທ່ານອາດຈະເຄີຍອ່ານພຣະຄໍາຂອງພຣະເຈົ້າບາງສ່ວນໃນການກະກຽມເພື່ອການຍ່າງຂອງທ່ານ ຫຼື ໃນຂະນະທີ່ທ່ານຍ່າງຢູ່ ພຣະວິນຍານບໍຣິສຸດອາດຈະນໍາເອົາຂໍ້ພຣະຄໍາພີມາສູ່ຄວາມຄິດຂອງທ່ານ. ອະທິຖານເພື່ອພຣະຄຳຕອນນັ້ນ ແລະ ເພື່ອໃຫ້ມັນມີຜົນປ່ຽນແປງຄົນນັ້ນໃນເລື່ອງດັ່ງກ່າວດ້ວຍ.

5 ພື້ນທີ່ທີ່ມີອິດທິພົນຄືບ່ອນທີ່ຄວນຈົດຈໍ່ອະທິຖານ:

1. ລັດຖະບານ ເບິ່ງ ແລະ ອະທິຖານເພື່ອສູນກາງລັດຖະບານເຊັ່ນ: ສານຕັດສິນ,ຕຶກ​ຄະນະກໍາມະການ ຫຼື ສໍານັກງານບັງຄັບໃຊ້ກົດໝາຍ. ອະທິຖານຂໍການປົກປັກຮັກສາໃຫ້ກັບສະຖານທີ່ນັ້ນ, ເພື່ອຄວາມຍຸດຕິທໍາ ແລະ ເພື່ອສະຕິປັນຍາຂອງພຣະເຈົ້າມາສູ່ຜູ້ນໍາ.
2. ທຸລະກິດ ແລະ ການຄ້າ ເບິ່ງ ແລະ ອະທິຖານເພື່ອສູນກາງການຄ້າເຊັ່ນ: ສະຖານທີການເງິນ ຫຼື ບ່ອນຊ໋ອບປິ້ງ, ອະທິຖານເພື່ອການລົງທຶນທີ່ຊອບທໍາ ແລະ ການເບິ່ງແຍງຊັບພະຍາກອນທີ່ດີ. ອະທິຖານເພື່ອຄວາມຍຸດຕິທໍາທາງເສດຖະກີດ ແລະ ໂອກາດຕ່າງໆ ແລະ ເພື່ອຜູ້ທີ່ມີຫົວໃຈກວ້າງຂວາງ ແລະ ເໝືອນກັບພຣະເຈົ້າທີ່ໃຫ້ມະນຸດຫຼາຍກວ່າຜົນກຳໄລ່.
3. ການສຶກສາ ເບິ່ງ ແລະ ອະທິຖານເພື່ອສູນກາງການສຶກສາເຊັ່ນໂຮງຮຽນ ແລະ ຕຶກບໍລິຫານ, ສູນຝຶກອົບຮົມວິຊາຊີບ ວິທະຍາໄລຊຸມຊົນ ແລະ ມະຫາວິທະຍາໄລ. ອະທິຖານເພື່ອການສຶກສາທີ່ຊອບທໍາທີ່ຈະສອນຄວາມຈິງຂອງພຣະເຈົ້າ ແລະ ປົກປ້ອງຄວາມຄິດຂອງນັກຮຽນຂອງພວກເຂົາ. ອະທິຖານຂໍໃຫ້ພຣະເຈົ້າໄດ້ເຂົ້າມາມີສ່ວນໃນທຸກໆຄວາມພະຍາຍາມ ທີ່ກໍໃຫ້ເກີດການຕວົະ ຫຼື ຄວາມສັບສົນ. ອະທິຖານເພື່ອໃຫ້ສະຖານທີ່ເຫຼົ່ານີ້ສົ່ງພົນລະເມືອງທີ່ສະຫຼາດອອກໄປຜູ້ທີ່ມີຫົວໃຈໃນການຮັບໃຊ້ ແລະ ນໍາພາ.
4. ການສື່ສານ ເບິ່ງ ແລະ ອະທິຖານເພື່ອສູນກາງການສື່ສານເຊັ່ນສະຖານີວິທະຍຸ, ໂທລະທັດ ແລະ ສໍານັກງານໜັງສືພິມ. ອະທິຖານເພື່ອໃຫ້ເລື່ອງລາວຂອງພຣະເຈົ້າ ແລະ ການເປັນພະຍານຂອງຜູ້ຕິດຕາມພຣະອົງໃຫ້ກະຈາຍອອກໄປທົ່ວທັງຕົວເມືອງ ແລະ ທົ່ວໂລກ. ອະທິຖານຂໍໃຫ້ຂໍ້ຄວາມຂອງພຣະເຈົ້າຖືກສົ່ງອອກໄປໂດຍຜ່ານສື່ກາງຂອງພຣະອົງເຖິງຝູງຊົນຂອງພຣະອົງ ແລະເພື່ອໃຫ້ຄົນຂອງພຣະເຈົ້າໃນທຸກໆບ່ອນໄດ້ເຫັນງານທີ່ພຣະອົງໄດ້ຊົງກະທໍາ.
5. ຝ່າຍຈິດວິນຍານ ເບິ່ງ ແລະ ອະທິຖານເພື່ອສູນກາງຈິດວິນຍານເຊັ່ນອາຄານໂບດ, ມັດສະຍິດ ແລະ ວັດ. ອະທິຖານເພື່ອໃຫ້ຈິດວິນຍານທຸກດວງໄດ້ພົບກັບສັນຕິສຸກ ແລະ ຄວາມຮັກໃນພຣະເຢຊູ ແລະ ບໍ່ໃຫ້ມີກາານລົບກວນ ຫຼື ເກີດຄວາມສັບສົນຈາກຂໍ້ຄວາມເທັດຂອງສາສະໜາອື່ນ.

ໃນບົດຮຽນນີ້ ເຮົາຈະມາຮຽນຮູ້ວ່າຄວາມສັດຊື່ແມ່ນເຄື່ອງວັດແທກຄວາມເປັນຜູ້ໃຫຍ່ຝ່າຍວິນຍານທີ່ຍິ່ງໃຫຍ່ກວ່າຄວາມຮູ້ແລະການຝຶກຝົນ ໃນທຸກມື້ນີ້ ມີຄວາມຄິດສອງຢ່າງທີ່ສ້າງປັນຫາຫຼວງຫຼາຍໃນຄຣິສຕະຈັກ

ຄວາມຄິດທຳທິດຄື ຄວາມເປັນຜູ້ໃຫຍ່ຝ່າຍຈິດວິນຍານແມ່ນຂຶ້ນຢູ່ກັບຄວາມຮູ້ໃນພຣະຄຳ

ຂອງພຣະເຈົ້າ

ພວກເຂົາເຮັດຄືກັບວ່າຄວາມເຊື່ອທີ່ຖືກຕ້ອງຫຼືຫຼັກຂໍ້ເຊື່ອ ເປັນໂຕວັດແທກຄວາມເຊື່ອທີ່ດີ

ຄວາມຄິດທີສອງແມ່ນ ຄວາມສາມາດໃນການເປັນຜູ້ນຳເກີດຈາກການໄດ້ "ຮຽນຮູ້ແລະຝຶກຝົນຢ່າງເຕັມທີ່" ກ່ອນຈະເລີ່ມເຮັດພັນທະກິດໄດ້ ພວກເຂົາເຮັດຄືກັບວ່າ ຄວາມຮູ້ທີ່ຄົບຖ້ວນ ເປັນຕົວວັດແທກຄວາມສາມາດໃນການຮັບໃຊ້ທີ່ດີ

ປັນຫາຂອງຄວາມຄິດທຳອິດທີ່ເຊື່ອຖືໃນຫຼັກຂໍ້ເຊື່ອ ຫຼື "ຄວາມເຊື່ອທີ່ຖືກຕ້ອງ" ຄື ມານຊາຕານເອງມັນກໍ່ຮູ້ຈັກພຣະຄຳຫຼາຍກວ່າມະນຸດທຸກຄົນ ພຣະຄຳພີບອກວ່າ "ຝ່າຍພວກເຈົ້າກໍເຊື່ອວ່າມີພຣະເຈົ້າແຕ່ອົງດຽວນັ້ນກໍດີຢູ່ແລ້ວ ສ່ວນຜີມານຮ້າຍກໍເຊື່ອເໝືອນກັນ ແລະ​ມັນ​ກໍ່ຢ້ານຈົນຕົວສັ່ນ"

ເຄື່ອງວັດແທກທີ່ດີກວ່າທີ່ຈະບອກວ່າໃຜເປັນຜູ້ໃຫຍ່ຝ່າຍຈິດວິນຍານຄືການປະຕິບັດທີ່ຖືກຕ້ອງ

​ພວກເຮົາຄວນໃຫ້ຄວາມສຳຄັນເລື່ອງຄວາມສັດຊື່ໃນການເຊື່ອຟັງແລະການປະກາດຫຼາຍກວ່າທີ່ຈະວັດແທກຄວາມເປັນຜູ້ໃຫຍ່ຈາກຄວາມຮູ້ເທົ່ານັ້ນ

ສ່ວນຄວາມຄິດທີສອງທີ່ບອກວ່າ ຄົນທີ່ຈະເປັນຜູ້ນຳໄດ້ກໍ່ຕໍ່ເມື່ອໄດ້ຮຽນແລະໄດ້ຝຶກມາຢ່າງເຕັມທີ່ເສຍກ່ອນເທົ່ານັ້ນ ປັນຫາຄື ບໍ່ມີໃຜທີ່ຈະຮຽນຮູ້ແລະຝຶກຝົນໄດ້ຢ່າງເຕັມທີ່

ພຣະເຢຊູເຈົ້າຊົງເຮັດໃຫ້ພວກເຮົາເຫັນເປັນຕົວຢ່າງ ໂດຍການສົ່ງຄົນໜຸ່ມທີ່ຍັງຕ້ອງຮຽນຮູ້ອີກຫຼາຍຢ່າງໃຫ້ອອກໄປເຮັດວຽກທີ່ສຳຄັນທີ່ສຸດ

ພຣະຄຳພີກ່າວວ່າ "ເມື່ອ​ພຣະເຢຊູເຈົ້າ​ຊົງ​ເອີ້ນ​ສາວົກ​ສິບສອງ​ຄົນ​ຂອງ​ພຣະອົງ​ມາ​ພ້ອມ​ກັນ​ແລ້ວ, ພຣະອົງ​ໃຫ້​ສິດ​ອຳນາດ​ແກ່​ພວກເພິ່ນ ເພື່ອ​ຂັບໄລ່​ຜີຊົ່ວຮ້າຍ​ອອກ ແລະ​ເພື່ອ​ໃຫ້​ພະຍາດໂຣຄາ​ທັງ​ການ​ເຈັບໄຂ້​ໄດ້ປ່ວຍ​ທຸກຢ່າງ​ດີ​ໄດ້."

ຄົນໜຸ່ມເຫຼົ່ານີ້ຖືກສົ່ງອອກໄປກ່ອນທີ່ເປໂຕຈະ​ສະແດງຄວາມເຊື່ອວ່າພຣະເຢຊູເຈົ້າເປັນພຣະຜູ້ຊ່ວຍໃຫ້ພົ້ນຊ້ຳອີກ ໃນຂະນະທີ່ເຮົາມັກຄິດວ່າ ສິ່ງນີ້ຄວນເປັນກ້າວທຳອິດຂອງຄວາມເຊື່ອແລະເຖິງແມ່ນຫຼັງຈາກຖືກສົ່ງອອກໄປແລ້ວ ພຣະເຢຊູເຈົ້າຍັງຊົງຕຳໜິເປໂຕອີກຫຼາຍເທື່ອເມື່ອລາວເຮັດຜິດ ແລະຕໍ່ມາເປໂຕກໍຍັງປະຕິເສດວ່າບໍ່ຮູ້ຈັກພຣະເຢຊູເຈົ້າ ສ່ວນສາວົກຄົນອື່ນໆ ກໍຖຽງກັນວ່າໃຜຈະເປັນໃຫຍ່ທີ່ສຸດ ແລະໃຜຈະມີຕຳແໜ່ງອັນໃດໃນແຜ່ນດິນຂອງພຣະເຈົ້າ

ພວກເຂົາຍັງຕ້ອງຮຽນຮູ້ອີກຫຼາຍ ແຕ່ພຣະເຢຊູເຈົ້າກໍຊົງໃຫ້ພວກເຂົາອອກໄປເລົ່າແລະປະກາດໃນສິ່ງທີ່ພວກເຂົາຮູ້ແລ້ວ

ຄວາມສັດຊື່ເໜືອກວ່າຄວາມຮູ້ ແມ່ນສິ່ງທີ່ເລີ່ມຕົ້ນທັນທີເມື່ອມີຄົນເລີ່ມ

ເຊື່ອພຣະເຢຊູເຈົ້າ

ຄວາມສັດຊື່ເໜືອກວ່າການຝຶກຝົນມາ ແມ່ນວັດແທກໄດ້ໂດຍການຕອບສະໜອງແນວໃດຕໍ່ສິ່ງທີ່ເຮົາໄດ້ຮັບຮູ້

ຫາກເຮົາເຊື່ອຟັງແລະປະກາດແບ່ງປັນ ສິ່ງທີ່ເຮົາໄດ້ຍິນໃຫ້ແກ່ຜູ້ອື່ນ ເຮົາກໍເປັນຄົນທີ່ສັດຊື່

ຖ້າຫາກເຮົາໄດ້ຍິນ ແລະປະຕິເສດທີ່ຈະເຊື່ອຟັງແລະແບ່ງປັນຕໍ່ ເຮົາກໍເປັນຄົນບໍ່ສັດຊື່

ໃນຂະນະທີ່ເຮົາເພີ່ມທະວີຈຳນວນສາວົກ ໃຫ້ເຮົາແນ່ໃຈວ່າເຮົາກຳລັງວັດແທກຜົນໃນສິ່ງທີ່ຖືກຕ້ອງ

ຍິນດີຕ້ອນຮັບກັບເຂົ້າສູ່ການອົບຮົມຊູເມ້ ໃນບົດຮຽນນີ້ເຮົາຈະໄດ້ຮຽນຮູ້ວ່າ ​ໜ່ວຍ​ສ້າງ​ສາ​ວົກ ເປັນວິທີທີ່ຈະເຮັດໃຫ້ຜູ້ເຊື່ອພຣະເຢຊູ​ເຈົ້າໄດ້ຊ່ວຍເຫຼືອເຊິ່ງກັນແລະກັນໃຫ້ຕິດຕາມພຣະເຢຊູ​ເຈົ້າຢ່າງໃກ້ຊິດຫຼາຍຍິ່ງຂຶ້ນແນວໃດ

ພຣະເຢຊູ​ເຈົ້າກ່າວວ່າ -- "ດ້ວຍວ່າ, ມີ​ສອງ​ຫລື​ສາມ​ຄົນ​ມາ​ຮ່ວມ​ປະຊຸມ​ກັນ​ໃນ​ນາມ​ຂອງເຮົາ​ຢູ່​ບ່ອນ​ໃດ ເຮົາ​ກໍ​ຢູ່​ທ່າມກາງ​ພວກເຂົາ​ໃນ​ບ່ອນ​ນັ້ນ​ແຫຼະ" ນີ້ຄືພຣະສັນຍາອັນໜັກແໜ້ນແລະເປັນສິ່ງທີ່ຜູ້ເຊື່ອ​ໃນພຣະເຢຊູເຈົ້າທຸກຄົນຄວນໃຊ້ໃຫ້ເກີດປະໂຫຍດ ແຕ່ຄຳຖາມກໍ່ຄືໃນຂະນະທີ່ທ່ານ​ປະ​ຊຸມ​ໜ່ວຍທ່ານຄວນຈະໃຊ້ເວລາແນວໃດ?

​ໜ່ວຍ​ສ້າງ​ສາ​ວົກ ແມ່ນການແບ່ງເວລາອອກເປັນສາມຊ່ວງ ເພື່ອຈະໄດ້ຝຶກການເຊື່ອຟັງສິ່ງທີ່ສຳຄັນທີ່ສຸດທີ່ພຣະເຢຊູ​ເຈົ້າໄດ້ບັນຊາໄວ້

ນີ້ແມ່ນວິທີ​ປະ​ຊຸມ​ໜ່ວຍ:

• ເວລາຊ່ວງທຳອິດຈ ະເປັນການເບິ່ງຍ້ອນກັບໄປທວນຄືນວ່າເກີດຫຍັງຂຶ້ນແດ່ ຫຼັງຈາກທີ່ໄດ້ພົບກັນຄັ້ງທີ່ຜ່ານມາ ຊ່ວງທີສອງແມ່ນການເບິ່ງຂຶ້ນເທິງສູ່ພຣະປັນຍາແລະການຊົງນຳຂອງພຣະເຈົ້າຜ່ານທາງພຣະຄຳ ການສົນທະນາແລະການອະທິຖານ ຊ່ວງສຸດທ້າຍ ແມ່ນການເບິ່ງໄປທາງໜ້າວ່າສະມາຊິກແຕ່ລະຄົນຈະນຳ​ເອົາສິ່ງທີ່ໄດ້ຮຽນຮູ້ໄປໃຊ້ແລະປະຕິບັດຕາມໄດ້ແນວໃດ
• ໃນຊົ່ວໂມງນີ້ ​ໜ່ວຍຂອງ ທ່ານຈະໄດ້ທົດລອງການເຂົ້າໜ່ວຍ​ສ້າງ​ສາ​ວົກ ແບບຫຍໍ້ໆ ເພື່ອ​ຈະຊ່ວຍຕຽມທ່ານສຳລັບການນຳໄປປະຕິບັດເຕັມຮູບແບບໃນຊີວິດຈິງ
• ຈື່ບົດຮຽນທີ່ພວກ ເຮົາຮຽນເລື່ອງການຫາຍໃຈຝ່າຍວິນຍານໄດ້ບໍ່? ການຫາຍໃຈເຂົ້າແມ່ນການ

ຟັງພຣະເຈົ້າ ການຫາຍໃຈອອກແມ່ນການເຊື່ອຟັງສິ່ງທີ່ໄດ້ຍິນແລະແບ່ງປັນຕໍ່ໃຫ້ຄົນອື່ນ ນັ້ນແຫຼະຄື

ເປົ້າໝາຍຂອງໜ່ວຍ​ສ້າງ​ສາ​ວົກ

ການປະ​ຊຸມໜ່ວຍ​ສ້າງ​ສາ​ວົກ ແບ່ງເວລາອອກເປັນສາມຊ່ວງ ເພື່ອໃຫ້ສະມາຊິກຈະໄດ້ຝຶກການຟັງພຣະເຈົ້າ ລວມທັງການເຊື່ອຟັງແລະແບ່ງປັນສິ່ງສຳຄັນທີ່ພຣະເຢຊູ​ເຈົ້າໄດ້ບັນຊາໄວ້

ການຝຶກ​ປະ​ຊຸມໜ່ວຍ​ສ້າງ​ສາ​ວົກ ຂອງເຮົາໃນມື້ນີ້ຈະໃຊ້ເວລາຊົ່ວໂມງປາຍ ແລະເຮົາຈະໃຊ້ເວລາໃນແຕ່ລະຂັ້ນຕອນຢ່າງຫຍໍ້ໆ ຖ້າຫາກໜ່ວຍຂອງທ່ານຫຼືສະມາຊິກບາງຄົນມັກສົນທະນາແບບລົງລາຍລະອຽດ ທ່ານອາດຈະຕ້ອງຂໍໃຫ້ຄົນໜຶ່ງໃນໜ່ວຍເປັນຄົນຮັກສາເວລາໃນແຕ່ລະຊ່ວງໃຫ້ເໝາະສົມ

ໃນການ​ປະ​ຊຸມ​ໜ່ວຍຕົວຈິງ ເຮົາຈະໃຊ້ເວລາກັບແຕ່ລະຂັ້ນຕອນຫຼາຍກວ່ານີ້ ແຕ່ໃນການຝຶກມື້ນີ້ ຂໍໃຫ້ພວກເຮົາລະວັງຢ່າໃຊ້ເວລາຫຼາຍເກີນໄປ ແລະຢ່າຂ້າມຂັ້ນຕອນໃດຂັ້ນຕອນໜຶ່ງ - ເພາະທຸກຂັ້ນຕອນມີຄວາມສຳຄັນ

ການ​ປະ​ຊຸມໜ່ວຍ​ສ້າງ​ສາ​ວົກ ມີເປົ້າໝາຍແຕກຕ່າງຈາກການສຶກສາພຣະຄຳພີ! ຂໍໃຫ້ທ່ານໃຊ້ປະສົບການນີ້ເປັນໂອກາດເພື່ອຮຽນຮູ້ວິທີການ​ປະ​ຊຸມ​ໜ່ວຍແບບໃໝ່ ເພື່ອຈະ​ໄດ້ເຫັນວ່າພຣະເຈົ້າຊົງຈັດຕຽມສິ່ງດີຫຍັງໄວ້ໃຫ້ໃນການ​ປະ​ຊຸມ​ໜ່ວຍຂອງທ່ານ

ພ້ອມແລ້ວບໍ່? ໃຫ້​ພວກເຮົາເລີ່ມກັນເລີຍ!

ເບິ່ງຍ້ອນກັບ

ພວກເຮົາຈະໃຊ້ເວລາຊ່ວງທຳອິດໃນການເບິ່ງຍ້ອນກັບ ໂດຍການສະແດງຄວາມເອົາໃຈໃສ່ກັນແລະກັນຜ່ານທາງການຂອບພຣະຄຸນພຣະເຈົ້າ ການເລົ່າເຖິງປັນຫາແລະການອະທິຖານເຜື່ອສະມາຊິກໃນ​ໜ່ວຍ ເຮົາຈະຖາມສະມາຊິກແຕ່ລະຄົນວ່າໄດ້ມີໂອກາດເຊື່ອຟັງແລະແບ່ງປັນສິ່ງທີ່ໄດ້ຮຽນຮູ້ຈາກການ​ປະ​ຊຸມ​ໜ່ວຍໃນຄັ້ງທີ່ຜ່ານມາຫຼືບໍ່?

ຂັ້ນ​ຕອນທີ 1 - "ການຂອບພຣະຄຸນ"

ໃຫ້ເວລາແຕ່ລະຄົນໄດ້ເວົ້າເຖິງສິ່ງທີ່ພວກເຂົາຢາກຂອບຄຸນພຣະເຈົ້າ ຈົ່ງກົດຢຸດວີດິໂອຄ້າງໄວ້ບ່ອນນີ້ກ່ອນ...ກົດຫຼືຍັງ? ກົດຢຸດເລີຍ... ເພື່ອໃຫ້ທຸກຄົນໃນໜ່ວຍໄດ້ແບ່ງປັນສິ່ງທີ່ຢາກຂອບຄຸນພຣະເຈົ້າ ເມື່ອແລ້ວແລ້ວຈົ່ງກົດຫຼິ້ນວີດິໂອຕໍ່

ຂັ້ນ​ຕອນທີ 2 - "ການເລົ່າແບ່ງປັນປັນຫາ" ແລະ "ການອະທິຖານເຜື່ອກັນແລະກັນ"

ໃຫ້ສະມາຊິກແຕ່ລະຄົນເລົ່າເຖິງປັນຫາຂອງພວກເຂົາແບບຫຍໍ້ໆ ໂດຍບໍ່ຕ້ອງລົງເລິກລາຍລະອຽດຫຼາຍ ຈົບແລ້ວໃຫ້ຈັກຄົນໜຶ່ງໃນ​ໜ່ວຍອະທິຖານເພື່ອເລື່ອງດັ່ງກ່າວ ກົດຢຸດວີດິໂອ ເພື່ອແບ່ງປັນແລະອະທິຖານເພື່ອເລີຍ

ຂັ້ນ​ຕອນທີ 3 - "ການທົບທວນເປົ້າໝາຍຂອງໜ່ວຍ"

ທຸກຄັ້ງທີ່ມີການ​ປະ​ຊຸມ​ໜ່ວຍ ທ່ານຄວນໃຊ້ເວລາທົບທວນຄືນເປົ້າໝາຍຂອງການປະ​ຊຸມ​ໜ່ວຍ ຮ່ວມກັນ ນັ້ນຄື - ເພື່ອທຸກຄົນຈະຮັກພຣະເຈົ້າ ຮັກຜູ້ອື່ນ ເລົ່າເລື່ອງພຣະເຢຊູ​ເຈົ້າ ແລະຊ່ວຍຄົນອື່ນໃນການປະກາດຂ່າວປະເສີດ

ມີຫຼາຍວິທີທີ່ທ່ານສາມາດໃຊ້ເພື່ອທວນຄືນຈຸດມຸ້ງໝາຍຂອງ​ໜ່ວຍ ແຕ່ໃນການຝຶກຄັ້ງນີ້ ເຮົາຈະຂໍໃຫ້ຄົນໜຶ່ງໃນ​ໜ່ວຍອ່ານຈາກພຣະຄຳມັດທາຍ 22:37-38 ໃຫ້ທຸກຄົນຟັງ ກົດຢຸດວີດິໂອ

ຂັ້ນ​ຕອນທີ 4 - "ການສຳຫຼວດ"

ຂັ້ນຕອນນີ້ເປັນຂັ້ນຕອນທີ່ຫຼາຍຄົນຢາກຈະຂ້າມ ເພາະວ່າຕ້ອງຖາມຄຳຖາມທີ່ບໍ່ຢາກຖາມ

ຂໍຢ່າຂ້າມຂັ້ນຕອນນີ້

ພຣະເຢຊູ​ເຈົ້າຊົງຮັກບັນດາຜູ້ເຊື່ອພຣະອົງຫຼາຍພຽງພໍທີ່ຈະຖາມຄຳຖາມທີ່ຍາກໆ ຖ້າຫາກພວກເຮົາຕ້ອງການເປັນເໝືອນພຣະເຢຊູເຈົ້າ ພວກເຮົາຄວນຮັກເຊິ່ງກັນແລະກັນຫຼາຍພໍທີ່ຈະຖາມຄຳຖາມນັ້ນເຊັ່ນກັນ

ໃນຂັ້ນຕອນນີ້ ໃຫ້ສະມາຊິກທຸກຄົນໃນ​ໜ່ວຍລາຍງານຜົນວ່າພວກເຂົາໄດ້ເຊື່ອຟັງແລະເຮັດຕາມສິ່ງທີ່ພຣະເຈົ້າບອກກັບພວກເຂົາໃນການເຂົ້າໜ່ວຍຄັ້ງທີ່ຜ່ານມາຫຼືບໍ່

ໃນການອົບຮົມຊູເມ້ແຕ່ລະຕອນ ເຮົາມີການເວົ້າເຖິງຄຳໝັ້ນສັນຍາຫຼືສິ່ງທີ່ເຮົາຕັ້ງໃຈຈະເຮັດເອົາໄວ້ໃນຂັ້ນຕອນຂອງການເບິ່ງໄປທາງໜ້າ ໂດຍຂໍໃຫ້ທ່ານເຊື່ອຟັງ ແບ່ງປັນແລະອະທິຖານ ແລະເວົ້າເຖິງຄວາມຮັບຜິດຊອບໃນຄຳໝັ້ນສັນຍາເຫຼົ່ານັ້ນ ໂດຍການສຳຫຼວດວ່າເຮົາໄດ້ປະຕິບັດຕາມຄຳໝັ້ນສັນຍາທີ່ຕັ້ງໄວ້ຫຼືບໍ່ໃນຂັ້ນຕອນຂອງການເບິ່ງຍ້ອນກັບຫຼັງ

ນັບຕັ້ງແຕ່ເລີ່ມການອົບຮົມນີ້ ຖ້າຫາກທ່ານຍັງບໍ່ເຄີຍໄດ້ໃຊ້ເວລາຫຼາຍໃນຂັ້ນຕອນນີ້ ນີ້ເປັນໂອກາດທີ່ຈະເລີ່ມຕົ້ນ

ການຮັກພຣະເຈົ້າແມ່ນການເຊື່ອຟັງສິ່ງທີ່ພຣະອົງຊົງບອກພວກເຮົາ ການຮັກຜູ້ອື່ນໝາຍເຖິງການຊ່ວຍເຫຼືອໃຫ້ຄົນເຫຼົ່ານັ້ນເຊື່ອຟັງສິ່ງທີ່ພຣະເຈົ້າບອກກັບພວກເຂົາ

ການຮັກຄື ການຈິງຈັງຕໍ່ຄຳໝັ້ນສັນຍາຂອງຄົນໃດໜຶ່ງ - ແລະສະແດງຄວາມຮັກແກ່ພວກເຂົາດ້ວຍໃຈເມດຕາໃນເວລາດຽວກັນ

ກົດຢຸດວີດິໂອໄວ້ກ່ອນ ເພື່ອຖາມຄຳຖາມຕໍ່ໄປນີ້:

• ທ່ານເຊື່ອຟັງສິ່ງທີ່ໄດ້ຮຽນຮູ້ໄປແລ້ວແນວໃດແດ່?
• ທ່ານໄດ້ນຳເອົາສິ່ງທີ່ທ່ານໄດ້ຮຽນຮູ້ໄປສອນໃຜແດ່?
• ທ່ານໄດ້ເລົ່າເລື່ອງລາວຂອງທ່ານ ຫຼືເລື່ອງຂອງພຣະເຈົ້າໃຫ້ໃຜຟັງແດ່ ນັບຕັ້ງແຕ່ທ່ານເຂົ້າຮ່ວມໜ່ວຍນີ້?

ກ່ອນທີ່ຈະຈົບຊ່ວງການເບິ່ງຍ້ອນກັບ ຂ້າພະເຈົ້າມີຄຳແນະນຳທີ່ເປັນປະໂຫຍດໃຫ້​ແກ່​ໜ່ວຍຂອງທ່ານ:

ຄຳແນະນຳສຳລັບຜູ້ສອນການອົບຮົມ

ໃນການປະຊຸມໜ່ວຍ ບາງຄັ້ງອາດຈະມີຄົນໜຶ່ງທີ່ເວົ້າຫຼາຍກວ່າຄົນອື່ນ ຈົ່ງຢ່າປ່ອຍໃຫ້ເປັນແບບນັ້ນ ທຸກຄົນມີຄວາມສຳຄັນ ດັ່ງນັ້ນຈົ່ງໃຫ້ທຸກຄົນມີໂອກາດແບ່ງປັນ ຫາກມີຄົນທີ່ຍັງບໍ່ມີໂອກາດໄດ້ເວົ້າ ຂໍໃຫ້ຄ່ອຍໆເຕືອນຄົນທີ່ເວົ້າຫຼາຍກວ່າຄົນອື່ນວ່າໃຫ້ໂອກາດຄົນອື່ນໄດ້ເວົ້າແດ່

ເບິ່ງຂຶ້ນເທິງ

ໃນຊ່ວງເວລາທີສອງຂອງການປະ​ຊຸມ​ໜ່ວຍ ພວກເຮົາຂໍພຣະວິນຍານບໍລິສຸດ​ເຈົ້າຂອງພຣະເຈົ້ານຳເຮົາທຸກຄົນໃຫ້ມີຄວາມເຂົ້າໃຈໃນພຣະຄຳຂອງພຣະເຈົ້າຫຼາຍຍິ່ງຂຶ້ນ

ພວກເຮົາຈະອ່ານພຣະຄຳພີອອກສຽງ ຈາກນັ້ນຖາມຄຳຖາມໃຫ້ທຸກຄົນຊ່ວຍກັນຕອບເພື່ອຄົ້ນຫາແລະເຂົ້າໃຈພຣະປະສົງຂອງພຣະເຈົ້າແລະແຜນການຂອງພຣະເຈົ້າ

ຂັ້ນຕອນທີ 1 - ທູນຂໍໃຫ້ພຣະວິນຍານບໍລິສຸດ​ເຈົ້າຂອງພຣະເຈົ້າຊົງນຳ

ໃຊ້ເວລາຈັກບຶດໜຶ່ງອະທິຖານໂອລົມກັບພຣະເຈົ້າຢ່າງງ່າຍດາຍແລະສັ້ນໆ ຂໍພຣະວິນຍານບໍລິສຸດເຈົ້າຂອງພຣະອົງຊົງສອນທ່ານກ່ຽວກັບຂໍ້ພຣະຄຳທີ່ທ່ານຈະອ່ານນຳກັນ ກົດຢຸດວີດິໂອແລະອະທິຖານ

ຂັ້ນ​ຕອນທີ 2 - ອ່ານພຣະຄຳຂອງພຣະເຈົ້າແລະຖາມຄຳຖາມ

ໃຫ້ຄົນໜຶ່ງໃນ​ໜ່ວຍອ່ານອອກສຽງ ຈາກພຣະຄຳລູກາ 18 : 9 - 14 ເມື່ອອ່ານຈົບແລ້ວ ໃຫ້ທຸກຄົນຊ່ວຍກັນຕອບຄຳຖາມດັ່ງຕໍ່ໄປນີ້:

• ທ່ານມັກຫຍັງໃນພຣະຄຳຕອນນີ້?
• ມີຫຍັງທີ່ທ້າຍທາຍຫຼືເຂົ້າໃຈຍາກບໍ່?

ຖ້າຫາກໃນ​ໜ່ວຍຂອງທ່ານມີຄົນໜຶ່ງທີ່ອ່ານໜັງສືບໍ່ເກັ່ງ - ຫຼືມີຄົນທີ່ຮຽນຮູ້ດ້ວຍການຟັງເທົ່ານັ້ນ - ຂໍໃຫ້ອ່ານພຣະຄຳຕອນນີ້ຢ່າງໜ້ອຍສອງຮອບ

ກົດຢຸດວີດິໂອເພື່ອອ່ານແລະຕອບຄຳຖາມ

ໃຫ້ຄົນໜຶ່ງໃນ​ໜ່ວຍອ່ານພຣະຄຳຕອນເດີມອີກເທື່ອໜຶ່ງ ແລ້ວໃຫ້​ໜ່ວຍຕອບຄຳຖາມດັ່ງຕໍ່ໄປນີ້:

• ພວກເຮົາໄດ້ຮຽນຮູ້ຫຍັງກ່ຽວກັບຄົນທີ່ຢູ່ໃນພຣະຄຳຕອນນີ້?
• ເຮົາໄດ້ຮູ້ຫຍັງກ່ຽວກັບພຣະເຈົ້າຈາກພຣະຄຳຕອນນີ້?

ຂໍໃຫ້ຍຶດພຣະຄຳເປັນຫຼັກແລະສົນທະນາແບບງ່າຍໆ!

ກ່ອນຈະຈົບຂັ້ນຕອນຂອງການເບິ່ງຂຶ້ນເທິງ ຂ້າພະເຈົ້າມີຄຳແນະທີ່ຈະເປັນປະໂຫຍດໃຫ້ກັບ​ໜ່ວຍຂອງທ່ານ:

ຄຳແນະນຳສຳລັບຜູ້ສອນການອົບຮົມ

ເມື່ອທ່ານສຶກສາພຣະຄຳຂອງພຣະເຈົ້າ ຂໍໃຫ້ມຸ້ງຄວາມສົນໃຈໄປທີ່ພຣະຄຳ ບໍ່ແມ່ນໜັງສືອື່ນໆ ຫຼືຜູ້ສອນອື່ນໆ ຫຼືແນວຄິດອື່ນໆ ແທນທີ່ຈະຖາມວ່າ "ທ່ານຄິດວ່າພຣະຄຳຕອນນີ້ໝາຍຄວາມວ່າແນວໃດ?" ໃຫ້ຖາມວ່າ "ພຣະຄຳຕອນນີ້ເວົ້າເຖິງຫຍັງ?"

ຖ້າຫາກມີບາງຄົນໃນ​ໜ່ວຍຂອງ​ທ່ານມັກສອນຄົນອື່ນ ໃຫ້ທ່ານຄ່ອຍໆເຕືອນລາວຍ່າງສຸພາບວ່າ ພຣະວິນຍານບໍລິສຸດ​ເຈົ້າຂອງພຣະເຈົ້າ ແລະພຣະຄຳຂອງພຣະອົງຈະເປັນຜູ້ສອນ​ໜ່ວຍພວກເຮົາ ພວກເຮົາທຸກຄົນມາເພື່ອຮຽນຮູ້ຮ່ວມກັນ ແລະ ຖ້າບໍ່ມີໃຜເວົ້າຫຼືການສົນທະນາຈະຢຸດໄປແດ່ ກໍ່ບໍ່ຕ້ອງຢ້ານ ພຣະເຈົ້າຊົງທຳງານຂອງພຣະອົງແມ່ນແຕ່ເວລາທີ່ບໍ່ມີໃຜເວົ້າຫຍັງກໍ່ຕາມ

ຂໍໃຫ້ສຸມໃສ່ແຕ່ພຣະຄຳຂອງພຣະເຈົ້າ ຍຶດພຣະຄຳເປັນຫຼັກແລະວາງໃຈວ່າພຣະເຈົ້າຈະຈັດການທຸກຢ່າງເອງ

ເບິ່ງໄປໜ້າ

ໃນຊ່ວງທີສາມເປັນຊ່ວງສຸດທ້າຍຂອງການປະ​ຊຸມ​ໜ່ວຍ ພວກເຮົາຈະມຸ້ງຄວາມສົນໃຈໃນການເບິ່ງໄປທາງໜ້າ ເພື່ອຄົ້ນຫາວ່າເຮົາຈະເຊື່ອຟັງແລະສອນຄົນອື່ນດ້ວຍສິ່ງທີ່ເຮົາຮຽນຮູ້ຈາກພ​ຣະຄຳຂອງພຣະເຈົ້າໄດ້ແນວໃດ

ສະມາຊິກແຕ່ລະຄົນໃນໜ່ວຍຈະອະທິຖານແລະຖາມຄຳຖາມພຣະເຈົ້າຈັກ 2-3 ຄຳຖາມສັ້ນໆ ແລ້ວຖ້າຟັງຄຳຕອບຈາກພຣະອົງ ຫຼັງຈາກນັ້ນພວກເຮົາຈະແບ່ງປັນແລະຝຶກປະຕິບັດຕາມຄຳໝັ້ນສັນຍາຂອງພວກເຮົາ ຈາກນັ້ນກໍອະທິຖານຈົບການປະ​ຊຸມ​ໜ່ວຍ

ຂັ້ນ​ຕອນທີ 1 - ການອະທິຖານຂໍເປົ້າໝາຍຈາກພຣະເຈົ້າ

ໃຫ້ແຕ່ລະຄົນອະທິຖານງຽບໆ ແລະຖາມພຣະເຈົ້າດ້ວຍຄຳຖາມດັ່ງຕໍ່ໄປນີ້:

• ຂ້າແຕ່ພຣະເຈົ້າ ຂ້ານ້ອຍຈະເຊື່ອຟັງແລະນຳສິ່ງທີ່ພຣະອົງສອນຂ້ານ້ອຍໄປໃຊ້ໄດ້ແນວໃດ?
• ຂ້ານ້ອຍຈະນຳເອົາສິ່ງທີ່ໄດ້ຮຽນຮູ້ຈາກພຣະຄຳຕອນນີ້ໄປສອນໃຜ ເພື່ອເຂົາຈະໄດ້ເຊື່ອແລະຮັກພຣະອົງຫຼາຍຍິ່ງຂຶ້ນ?
• ພຣະເຈົ້າຊົງຕ້ອງການໃຫ້ຂ້ານ້ອຍແບ່ງປັນເລື່ອງລາວຂອງຕົນເອງ ຄຳພະຍານ ເລື່ອງລາວຂອງພຣະເຈົ້າຫຼືຂ່າວປະເສີດໃຫ້ໃຜຟັງ?

ກົດຢຸດວີດິໂອແລະໃຊ້ເວລາອະທິຖານ

ທູນຂໍໃຫ້ພຣະວິນຍານບໍລິສຸດ​ເຈົ້າຂອງພຣະເຈົ້າປະທານຄຳຕອບທີ່ເຈາະຈົງ ເຊັ່ນຊື່ຄົນ ວິທີການຫຼືຂັ້ນຕອນທີ່ທ່ານຈະເຮັດໄດ້ໃນລະຫວ່າງຫຼັງຈາກເລີກການປະ​ຊຸມ​ໜ່ວຍມື້ນີ້ໄປຈົນເຖິງການປະ​ຊຸມ​ໜ່ວຍຄັ້ງຕໍ່ໄປ

**ຂັ້ນ​ຕອນທີ 2 - ສະຫຼຸບຄຳໝັ້ນສັນຍາ (ສິ່ງທີ່ຕັ້ງໃຈໜັກແໜ້ນວ່າຈະເຮັດ) **

ໃຫ້ສະມາຊິກແຕ່ລະຄົນແບ່ງປັນຄຳຕອບທີ່ພວກເຂົາໄດ້ຍິນຈາກພຣະເຈົ້າໃນການຖາມຄຳຖາມ

ບາງຄົນອາດຈະບໍ່ໄດ້ຍິນຄຳຕອບຈາກພຣະເຈົ້າສຳລັບຄຳຖາມໃດໜຶ່ງ ຫຼືທັງສາມຄຳຖາມ ກໍ່ໃຫ້ລາວບອກໂດຍກົງວ່າລາວບໍ່ໄດ້ຍິນຄຳຕອບ

ແຕ່ຢ່າງໃດກໍ່ດີ ຢ່າລືມວ່າ​ໜ່ວຍຂອງທ່ານຄວນຈະໄດ້ຍິນຄຳຕອບຈາກພຣະເຈົ້າ ພຣະເຢຊູ​ເຈົ້າກ່າວວ່າ - "ແກະຂອງເຮົາຍ່ອມຟັງສຽງຂອງເຮົາ" ແລະຍິ່ງຂັ້ນຕອນການເຊື່ອຟັງຂອງທ່ານເຈາະຈົງຫຼາຍເທົ່າໃດ ການເຊື່ອຟັງແລະການປະຕິບັດຕາມກໍ່ຈະງ່າຍຂຶ້ນເທົ່ານັ້ນ

ກົດຢຸດວີດິໂອແລະແບ່ງປັນສິ່ງທີ່ທ່ານໄດ້ຍິນ

ຂັ້ນຕອນທີ 3 - ການຝຶກປະຕິບັດຕາມແຜນ

ກ່ອນຈົບການປະ​ຊຸມ​ໜ່ວຍ ໃຫ້ແບ່ງເປັນ​ໜ່ວຍຍ່ອຍ​ໜ່ວຍລະ 2 - 3 ຄົນ ເພື່ອຝຶກປະຕິບັດສິ່ງທີ່ພຣະເຈົ້າບອກໃຫ້ແຕ່ລະຄົນເຮັດ

ຈົ່ງຈື່ໄວ້ວ່າ - ການຝຶກນີ້ ບໍ່ແມ່ນການເຊື່ອຟັງ ການສອນ ຫຼືການແບ່ງປັນ ແຕ່ມັນຈະຊ່ວຍຕຽມທ່ານໃຫ້ພ້ອມເຮັດສິ່ງເຫຼົ່ານັ້ນໄດ້ດີຍິ່ງຂຶ້ນ

ໃຫ້​ໜ່ວຍຍ່ອຍອະທິຖານປິດການຝຶກປະຕິບັດໃນ​ໜ່ວຍຍ່ອຍຂອງຕົນເອງ ອະທິຖານເພື່ອຄົນແລະແຜນງານທີ່ພຣະເຈົ້າໃສ່ໄວ້ໃນໃຈຂອງສະມາຊິກແຕ່ລະຄົນ

ຖ້າຫາກໃນ​ໜ່ວຍຂອງທ່ານມີຄົນທີ່ອ່ານໜັງສືບໍ່ໄດ້ ຂໍໃຫ້ຈັດເວລາເຜື່ອໄວ້ ສຳລັບການອ່ານພຣະຄຳຊ້ຳອີກເທື່ອໜຶ່ງ ເພື່ອຊ່ວຍໃຫ້ທຸກຄົນໃນໜ່ວຍມີຄວາມໝັ້ນໃຈຫຼາຍຂຶ້ນ ທີ່ຈະແບ່ງປັນກັບຄົນທີ່ພວກເຂົາພົບໃນລະຫວ່າງກ່ອນປະ​ຊຸມ​ໜ່ວຍ ຄັ້ງຕໍ່ໄປ

ກົດຢຸດວີດິໂອ ເພື່ອແບ່ງປັນໃນ​ໜ່ວຍຍ່ອຍ ຝຶກປະຕິບັດແລະອະທິຖານ ຖ້າຫາກໃຜບໍ່ມີຄຳໝັ້ນສັນຍາທີ່ເຈາະຈົງກໍ່ໃຫ້ຝຶກເລົ່າຄຳພະຍານຫຼືເລົ່າຂ່າວປະເສີດຂອງພຣະເຈົ້າແທນ

ເມື່ອແບ່ງປັນໃນ​ໜ່ວຍຍ່ອຍຈົບແລ້ວ ໃຫ້ທຸກຄົນກັບມາຮວມ​ໜ່ວຍໃຫຍ່ເພື່ອໃຊ້ເວລາຈັກໜ້ອຍໜຶ່ງຂອບຄຸນພຣະເຈົ້າຮ່ວມກັນ ທ່ານໄດ້ຝຶກຂັ້ນຕອນການເບິ່ງໄປທາງໜ້າສຳເລັດແລ້ວ ແລະການຝຶກ​ປະ​ຊຸມ​ໜ່ວຍ​ສ້າງ​ສາ​ວົກ ຂອງທ່ານ ກໍ່ຄົບຖ້ວນສົມບູນແລ້ວ

​ໜ່ວຍຂອງທ່ານຈະໄດ້ຝຶກແບບນີ້ໃນຊົ່ວໂມງຕໍ່ໆໄປ ໂດຍບໍ່ມີວີດິໂອນຳແບບນີ້ອີກ ຂໍໃຫ້ທຸກຄົນໃນ​ໜ່ວຍໄດ້ສະຫຼັບກັນເປັນຜູ້ນຳ ທ່ານບໍ່ຈຳເປັນຕ້ອງເປັນອາຈານທີ່ມີຂອງປະທານດ້ານການສອນ ຂໍພຽງແຕ່ເຮັດຕາມຂັ້ນຕອນງ່າຍໆ ທີ່ໄດ້ຮຽນຮູ້ໄປນັ້ນ

ກ່ອນຈະຈາກກັນໄປ ຂ້າພະເຈົ້າມີຄຳແນະນຳທີ່ຈະເປັນປະໂຫຍດຕໍ່ການປະ​ຊຸມ​ໜ່ວຍຂອງທ່ານ:

ຄຳແນະນຳສຳລັບຜູ້ສອນການອົບຮົມ

​ໜ່ວຍ​ສ້າງ​ສາ​ວົກ ຫຼາຍໜ່ວຍມັກຈະມີ​ການຮັບ​ພິ​ທີມະຫາສະໜິດຮ່ວມກັນ ຫຼືອາດຈະກິນເຂົ້າຮ່ວມກັນແລະໂອ້ລົມກັນຢ່າງເປັນກັນເອງ

ພຣະເຈົ້າໄດ້ຊົງປະທານການສາມັກຄີທຳແບບນີ້ໃຫ້ແກ່ພວກເຮົາ -- ຄືການທີ່ພວກເຮົາມີຄວາມຕັ້ງໃຈທີ່ຈະຮຽນຮູ້ແລະເຕີບໃຫຍ່ ຕັ້ງໃຈທີ່ຈະໃຊ້ຊີວິດ ແລະມີຄວາມສຳພັນເພື່ອຊ່ວຍເສີມກຳລັງ ໜຸນໃຈແລະສ້າງພວກເຮົາໃຫ້ເປັນເໝືອນພຣະເຢຊູເຈົ້າພຣະບຸດຂອງພຣະເຈົ້າຫຼາຍຍິ່ງຂຶ້ນ

ແລະແລ້ວ - ຕອນນີ້​ໜ່ວຍຂອງທ່ານກໍ່ໄດ້ຝຶກການໃຊ້ເວລາທັງສາມຊ່ວງໄປແລ້ວ -- ທັງການເບິ່ງຍ້ອນກັບເພື່ອສຳຫຼວດສິ່ງທີ່ພວກເຮົາເຮັດສຳເລັດຫຼັງຈາກການປະ​ຊຸມ​ໜ່ວຍຄັ້ງທີ່ຜ່ານມາ ການເບິ່ງຂຶ້ນເທິງ ເພື່ອເຂົ້າໃຈໃນສິ່ງທີ່ພຣະເຈົ້າຈັດຕຽມໄວ້ໃຫ້ເຮົາຮຽນຮູ້ຮ່ວມກັນ ແລະການເບິ່ງໄປທາງໜ້າ ເພື່ອນຳສິ່ງທີ່ພຣະເຈົ້າໃສ່ໄວ້ໃນໃຈຂອງພວກເຮົາປ່ຽນ​ມາເປັນການກະທຳໃນລະຫວ່າງທີ່ພວກເຮົາແຍກຈາກກັນໄປ

​ໜ່ວຍ​ສ້າງ​ສາ​ວົກ - ແມ່ນວິທີການປະ​ຊຸມ​ໜ່ວຍທີ່ງ່າຍແລະເກີດຜົນເປັນຈິງທີ່ຈະຊ່ວຍໃຫ້ພວກເຮົາເປັນເໝືອນພຣະເຢຊູ​ເຈົ້າຫຼາຍຍິ່ງຂຶ້ນ

ໃນບົດຮຽນນີ້ ເຮົາຈະທຳຄວາມຮູ້ຈັກກັບວົງຈອນການຮຽນຮູ້ ເຊິ່ງຈະຊ່ວຍເພີ່ມທະວີຈຳນວນສາວົກ ຈາກໜຶ່ງຄົນເພີ່ມເປັນຫຼາຍຄົນ ແລະເຮັດໃຫ້ພາລະກິດຫັນໄປສູ່ການຂັບເຄື່ອນ

ທ່ານເຄີຍຮຽນຂີ່ລົດຖີບຫຼືບໍ່? ທ່ານເຄີຍຊ່ວຍສອນຄົນອື່ນຂີ່ລົດຖີບບໍ່? ຖ້າເຄີຍ ທ່ານຄົງຮູ້ກ່ຽວກັບ

ວົງຈອນການຮຽນຮູ້

ມັນຄືການວາງແບບຢ່​າງ, ຊ່ວຍເຂົາເຮັດ, ເບິ່ງເຂົາເຮັດ ​ແລະອອກໄປບ່ອນໃຫມ່

ໃຫ້ຄິດຍ້ອນຫຼັງກັບໄປເບິ່ງກ່ອນທີ່ທ່ານຈະຂີ່ລົດຖີບເປັນ ທ່ານອາດຈະເຄີຍເຫັນຄົນອື່ນຂີ່ເປັນກ່ອນແລ້ວ ນັ້ນແມ່ນການວາງແບບຢ່​າງ

ວາງແບບຢ່​າງ , ຊ່ວຍເຂົາເຮັດ, ເບິ່ງເຂົາເຮັດ ​ແລະອອກໄປບ່ອນໃຫມ່

ວາງແບບຢ່​າງ ກໍ່ຄືການເຮັດ​ໃຫ້​ເບິ່ງເປັນຕົວຢ່າງວ່າຕ້ອງເຮັດແນວໃດ ເມື່ອເດັກນ້ອຍໄດ້ເຫັນຄົນອື່ນຂີ່ລົດຖີບເທື່ອທຳອິດ ພວກເຂົາກໍ່ເຂົ້າໃຈໄດ້ທັນທີ ນັ້ນແຫຼະຄືການວາງແບບຢ່​າງ ການວາງແບບຢ່​າງ ນີ້ບໍ່ຈຳເປັນຕ້ອງເຮັດເລື້ອຍໆ ສ່ວນຫຼາຍແລ້ວແມ່ນເຮັດໃຫ້ເບິ່ງເທື່ອດຽວກໍ່ພໍ

ລອງຄິດຍ້ອນກັບໄປເຖິງການຂີ່ລົດຖີບຄັ້ງທຳອິດ ທ່ານຕ້ອງການພຽງແຕ່ເບິ່ງເທົ່ານັ້ນຫຼືບໍ່? ຫຼືທ່ານຕື່ນເຕັ້ນທີ່ຈະລອງຂີ່ດ້ວຍຕົນເອງ? ແລະຖ້າບໍ່ມີໃຜໄດ້ໃຫ້ທ່ານລອງຂີ່ເດ?

ການເຮັດໃຫ້ເບິ່ງຫຼາຍຈົນເກີນໄປ ອາດຈະສົ່ງຜົນເສຍຕໍ່ຂະບວນການຮຽນຮູ້ໄດ້ ການວາງແບບຢ່​າງ ແມ່ນການສະແດງໃຫ້ເຫັນພຽງເລັກໜ້ອຍ ແລ້ວໃຫ້ພວກເຂົາລອງເຮັດເອງ ແລ້ວເກີດຫຍັງຂຶ້ນໃນການຂີ່ລົດຖີບເທືຶ່ອທຳອິດ? ພວກເຂົາໄດ້ເອົາລົດຖີບປະໃຫ້ທ່ານແລ້ວກໍ່ຍ່າງໜີບໍ?

ຄົງບໍ່ແມ່ນແບບນັ້ນ ສ່ວນຫຼາຍແລ້ວເວລາຮຽນຂີ່ລົດຖີບ ຈະມີບາງຄົນເຝົ້າຊ່ວຍໃນການຮຽນຄັ້ງທຳອິດ ລາວຈະຍ່າງໄປນຳທາງຂ້າງ ແລະຊ່ວຍເຫຼືອທ່ານ

ນັ້ນແມ່ນການຊ່ວຍເຫຼືອ ວາງແບບຢ່​າງ, ຊ່ວຍເຂົາເຮັດ , ເບິ່ງເຂົາເຮັດ ອອກໄປບ່ອນໃຫມ່

ການຊ່ວຍເຂົາເຮັດ ແມ່ນ ການໃຫ້ຜູ້ຮຽນໄດ້ຝຶກຄວາມຊ່ຽວຊານ ແຕ່ຈະເຝົ້າເບິ່ງບໍ່ໃຫ້ຜູ້ທີ່ຝຶກລົ້ມລົງແຮງຈົນເກີນໄປ

ການຊ່ວຍເຂົາເຮັດ ໃຊ້ເວລາຫຼາຍກວ່າການວາງແບບຢ່​າງ ແຕ່ຈະບໍ່ດົນຈົນເກີນໄປ ອາດຈະຕ້ອງມີການຈູງມື ບອກທິດທາງ ແລະການແນະນຳວິທີປະຕິບັດຂັ້ນພື້ນຖານແດ່ ແຕ່ຈະບໍ່ແມ່ນການຝຶກໃຫ້ເກັ່ງສົມບູນ ພຽງແຕ່ໃຫ້ພວກເຂົາໄດ້ລົງມືປະຕິບັດ

ທ່ານສາມາດຈິນຕະນາການໄດ້ບໍວ່າເວລາທີ່ມີຄົນແລ່ນຢູ່ທາງຂ້າງທ່ານ ໃນຂະນະທີ່ທ່ານເລີ່ມຮຽນຂີ່ລົດຖີບໄປໄດ້ໜ້ອຍໜຶ່ງແລະເລີ່ມຖີບໄວຂຶ້ນ? ຂັ້ນຕອນນີ້ຈະບໍ່ໃຊ້ເວລາດົນ ບໍ່ດັ່ງນັ້ນທ່ານຈະຄຶງລົດຖີບບໍ່ໄດ້ຈັກເທື່ອ

ການຊ່ວຍເຂົາເຮັດ ແມ່ນ ການເຮັດໃຫ້ຄົນຜູ້ໜຶ່ງໄດ້ເລີ່ມຕົ້ນ ແລະຍອມໃຫ້ເຂົາໄດ້ລົງມືປະຕິບັດດ້ວຍຕົນເອງ ແລະເມື່ອພວກເຂົາເລີ່ມເຄື່ອນທີ່ໄປທາງໜ້າ ພວກເຂົາກໍ່ກຳລັງເຮັດໃຫ້ຄົນອື່ນໄດ້ເບິ່ງເປັນຕົວຢ່າງ

ເຖິງແມ່ນວ່າຈະບໍ່ມີໃຜຊ່ວຍຈັບລົດຖີບເອົາໄວ້ ກໍ່ບໍ່ໄດ້ໝາຍຄວາມວ່າທ່ານຢູ່ຄົນດຽວ ເຊິ່ງໂດຍປົກກະຕິແລ້ວຈະມີຄົນເຝົ້າເບິ່ງທ່ານຢູ່ຫ່າງໆ

ນັ້ນແມ່ນການເບິ່ງເຂົາເຮັດ ວາງແບບຢ່​າງ, ຊ່ວຍເຂົາເຮັດ, ເບິ່ງເຂົາເຮັດ ​ແລະອອກໄປບ່ອນໃຫມ່

ການເບິ່ງເຂົາເຮັດ ແມ່ນການສ້າງກຳລັງໃຈໃຫ້ຜູ້ຮຽນຈົນກວ່າເຂົາຈະສາມາດປະຕິບັດໄດ້ດ້ວຍຕົນເອງຢ່າງເປັນທີ່ເພິ່ງພໍໃຈ ໂດຍບໍ່ຕ້ອງເຂົ້າໄປຊ່ວຍຫຼືໄປຄວບຄຸມ ໃນການຂີ່ລົດຖີບ ບາງຄົນອາດຈະລຸກຂຶ້ນມາຮຽນແລະຂີ່ເປັນຢ່າງໄວວາ ແຕ່ກໍ່ບໍ່ໄດ້ໝາຍຄວາມວ່າພວກເຂົາຮູ້ກົດທຸກຂໍ້ໃນການຂັບຂີ່ເທິງຖະໜົນຫົນທາງ

ການເບິ່ງເຂົາເຮັດ ແມ່ນ ການເບິ່ງໃຫ້ແນ່ໃຈວ່າຄົນຜູ້ນັ້ນຈະປອດໄພ ເຖິງແມ່ນວ່າຈະບໍ່ມີໃຜຢູ່ກັບເຂົາ ການເບິ່ງເຂົາເຮັດ ບໍ່ແມ່ນພຽງແຕ່ເພື່ອໃຫ້ແນ່ໃຈວ່າເຂົາຮູ້ວ່າຕ້ອງເຮັດຫຍັງເທົ່ານັ້ນ ແຕ່ຕ້ອງແນ່ໃຈວ່າເຂົາຈະລົງມືເຮັດ ເຖິງແມ່ນບໍ່ມີໃຜເຝົ້າເບິ່ງຢູ່ກໍ່ຕາມ

ໃນຂັ້ນຕອນການຮຽນຮູ້ນີ້ ຜູ້ຮຽນຈະຕ້ອງເຕີບໃຫຍ່ຂຶ້ນແລະສອນຄົນອື່ນໃຫ້ເຕີບໃຫຍ່ນຳ...ເພື່ອທີ່ຄົນເຫຼົ່ານັ້ນຈະສອນຄົນອື່ນໆ ອີກໃຫ້ເຕີບໃຫຍ່ດ້ວຍ...ເປັນແບບນີ້ຕໍ່ໄປເລື້ອຍໆ

ສາວົກຈະສ້າງສາວົກ ທີ່ສ້າງສາວົກ ທີ່ສ້າງສາວົກໄປເລື້ອຍໆ ຈົນມີສາວົກໄປເຖິງລຸ້ນທີສາມລຸ້ນທີສີ່

ການເບິ່ງເຂົາເຮັດ ແມ່ນການເບິ່ງໃຫ້ແນ່ໃຈວ່າຜູ້ຮຽນມີຄວາມເປັນຜູ້ໃຫຍ່ແລະບໍ່ແມ່ນພຽງແຕ່ເຕັມໃຈແຕ່ຍັງສາມາດຊ່ວຍເຫຼືອຄົນອື່ນໄດ້ອີກດ້ວຍ ການເບິ່ງເຂົາ​ເຮັດຕ້ອງໃຊ້ເວລາຈັກໄລຍະໜຶ່ງ ອາດຈະດົນກວ່າການວາງ​ແບບ​ຢ່າງແລະຊ່ວຍ​ເຂົາ​ເຮັດມາຮວມກັນຈັກສິບເທົ່າ ຫຼືອາດຈະດົນກວ່ານັ້ນ ແຕ່ການລໍຄອຍເຫຼົ່ານີ້ມັກຈະໃຫ້ຜົນທີ່ຄຸ້ມຄ່າສະເໝີ

ໃນທີ່ສຸດ ຜູ້ຮຽນກໍ່ຂີ່ລົດຖີບເປັນເອງໄດ້

ແລ້ວກໍ່ມາເຖິງເວລາຂອງການອອກໄປບ່ອນໃຫມ່ ວາງແບບ​ຢ່າງ, ຊ່ວຍເຂົາເຮັດ, ເບິ່ງເຂົາເຮັດ ​ແລະອອກໄປບ່ອນໃຫມ່

ອອກໄປບ່ອນໃຫມ່ ເປັນຄືກັບການຮຽນຈົບ ຈາກນັກຮຽນກໍ່ກ້າວຂຶ້ນມາເປັນຄູ ຈາກລູກນ້ອງກ້າວຂຶ້ນມາເປັນເພື່ອນຮ່ວມງານ ຈາກສາວົກຂຶ້ນມາເປັນເພື່ອນ ໃນການຂີ່ລົດຖີບ ຄົນທີ່ສອນທ່ານຈະບໍ່ຖີບລົດໄປກັບທ່ານທຸກໆຄັ້ງ ບາງຄັ້ງເຂົາອາດຈະຖີບລົດໄປກັບທ່ານ ບາງຄັ້ງທ່ານອາດຈະແຍກຈາກເຂົາຫຼື ຖີບລົດໄປກັບຄົນອື່ນ ຫຼືຖີບລົດໄປຄົນດຽວ

ການອອກໄປບ່ອນໃຫມ່ ຖືເປັນການໃຫ້ຂອງຂວັນ​ສິ່ງສຸດທ້າຍແກ່ຄົນທີ່ທ່ານຮັກ ຄືຂອງຂວັນແຫ່ງອິດສະຫຼະພາບ ການອອກໄປບ່ອນໃຫມ່ ແມ່ນການຕຽມຄົນໃຫ້ພ້ອມທີ່ຈະໄປບ່ອນທີ່ທ່ານເຄີຍໄປມາແລ້ວ ແລະຈະໜຸນໃຈພວກເຂົາໃຫ້ໄປບ່ອນທີ່ທ່ານຍັງບໍ່ເຄີຍໄປອີກດ້ວຍ

ວາງແບບ​ຢ່າງ, ຊ່ວຍເຂົາເຮັດ, ເບິ່ງເຂົາເຮັດ ແລະອອກໄປບ່ອນໃຫມ່ ວົງຈອນການຮຽນຮູ້

ຈາກຄົນໜຶ່ງເປັນຫຼາຍຄົນ ຈາກພາລະກິດໄປສູ່ການຂັບເຄື່ອນ

ເບິ່ງຄືນຫຼັງ

ຂັ້ນຕອນທີ 1 - ຂອບພຣະຄຸນ

ໃຊ້ເວລາເພື່ອໃຫ້ແຕ່ລະຄົນແບ່ງປັນສິ່ງທີ່ພວກເຂົາຢາກຂອບພຣະຄຸນ.

ຂັ້ນຕອນທີ 2 - ແບ່ງປັນໃນສິ່ງທີ່ທ່ານຍັງຕໍ່ສູ້ຢູ່ ແລະ ອະທິຖານເພື່ອກັນ ແລະ ກັນ.

ໃຫ້ແຕ່ລະບຸກຄົນພາຍໃນກຸ່ມແບ່ງປັນບາງສິ່ງທີ່ພວກເຂົາກຳລັງປະສົບກັບຄວາມຫຍຸ້ງຍາກໂດຍຫຍໍ້. ໃຫ້ອີກຄົນໜຶ່ງອະທິຖານເພື່ອພວກເຂົາໃນສິ່ງທີ່ພວກເຂົາແບ່ງປັນ.

ຂັ້ນຕອນທີ 3 - ຈົດຈໍ່ຢູ່ພາຍໃນກຸ່ມ

ໃຊ້ເວລາ ແລະ ຈົດຈໍາວ່າຍ້ອນຫຍັງພວກທ່ານຈຶ່ງຢູ່ຮ່ວມກັນ - ເພື່ອຮັກພຣະເຈົ້າ, ຮັກຄົນອື່ນ, ເພື່ອແບ່ງປັນເລື່ອງລາວຂອງພຣະເຢຊູ ແລະ ຊ່ວຍຜູ້ອື່ນໃຫ້ແບ່ງປັນດ້ວຍເຊັ່ນກັນ.

ຂັ້ນຕອນທີ 4 - ເຊັກອິນ

ໃຫ້ແຕ່ລະຄົນຕອບຄໍາຖາມຕໍ່ໄປນີ້:

• ທ່ານໄດ້ເຊື່ອຟັງສິ່ງຕ່າງໆທີ່ທ່ານໄດ້ຮຽນຮູ້ມານັ້ນແນວໃດ?
• ແມ່ນໃຜທີ່ທ່ານໄດ້ຝຶກຝົນໃຫ້ໃນສິ່ງທີ່ທ່ານໄດ້ຮຽນຮູ້ມາ?
• ແມ່ນໃຜທີ່ທ່ານໄດ້ແບ່ງປັນເລື່ອງລາວຂອງທ່ານ ຫຼື ເລື່ອງລາວຂອງພຣະເຈົ້າຕັ້ງແຕ່ທີ່ພວກເຮົາໄດ້ມາຢູ່ຮ່ວມກັນເປັນກຸ່ມ?

ເບິ່ງຂຶ້ນເທິງ

ຂັ້ນຕອນທີ 1 - ເຊື້ອເຊີນໃຫ້ພຣະວິນຍານບໍຣິສຸດຂອງພຣະເຈົ້າໃຫ້ເປັນຜູ້ນໍາພາ

ໃຊ້ເວລາໜ້ອຍໜຶ່ງໃນການອະທິຖານ. ໂອ້ລົມກັບພຣະເຈົ້າຢ່າງງ່າຍໆ ແລະ ກະທັດຫັດ. ຂໍໃຫ້ອົງພຣະວິນຍານບໍຣິສຸດສອນທ່ານຈາກຂໍ້ພຣະຄຳພີທີ່ທ່ານກໍາລັງຈະອ່ານນັ້ນ.

ຂັ້ນຕອນທີ 2 - ອ່ານພຣະຄໍາຂອງພຣະເຈົ້າ ແລະ ຖາມຄໍາຖາມ

ໃຫ້ຄົນໜຶ່ງໃນກຸ່ມອ່ານພຣະຄໍາ. ເມື່ອອ່ານຈົບແລ້ວ ພາຍໃນກຸ່ມຕ້ອງຕອບຄໍາຖາມ 2 ຂໍ້ນີ້:

• ທ່ານມັກຫຍັງກ່ຽວກັບຂໍ້ພຣະຄຳພີນີ້?
• ແມ່ນຫຍັງທີ່ທ່ານພົບວ່າມັນທ້າທາຍ ແລະ ເຂົ້າໃຈຍາກ?

ອ່ານພຣະຄໍາຂໍ້ເດີມອີກຄັ້ງໜຶ່ງ ແລ້ວໃຫ້ພາຍໃນກຸ່ມຕອບຄໍາຖາມ 2 ຂໍ້ນີ້:

• ແມ່ນຫຍັງທີ່ພວກເຮົາໄດ້ຮຽນຮູ້ກ່ຽວກັບຜູ້ຄົນຈາກພຣະຄໍາຂໍ້ນີ້?
• ແມ່ນຫຍັງທີ່ພວກເຮົາໄດ້ຮຽນຮູ້ກ່ຽວກັບພຣະເຈົ້າຈາກພຣະຄໍາຂໍ້ນີ້?

ຈື່ຂໍ້ພຣະຄຳນີ້ ແລະ ເຮັດໃຫ້ມັນລຽບງ່າຍ

ເບິ່ງໄປທາງໜ້າ

ຂັ້ນຕອນທີ 1 - ອະທິຖານເພື່ອພຣະປະສົງຂອງພຣະເຈົ້າ

ໃຫ້ແຕ່ລະຄົນໃນກຸ່ມອະທິຖານຢ່າງງຽບໆ ແລະ ທູນຂໍພຣະເຈົ້າດ້ວຍຄໍາຖາມເຫຼົ່ານີ້:

• ພຣະເຈົ້າ ຂ້ານ້ອຍຈະເຊື່ອຟັງ ແລະ ນຳສິ່ງທີ່ພຣະອົງຊົງສອນຂ້ານ້ອຍໄປໃຊ້ໄດ້ແນວໃດ?
• ແມ່ນໃຜທີ່ຂ້ານ້ອຍຄວນຈະຝຶກຝົນຈາກຂໍ້ພຣະຄຳພີນີ້ເພື່ອໃຫ້ພວກເຂົາສາມາດຮຽນຮູ້ທີ່ຈະເຊື່ອຟັງ ແລະ ຮັກພຣະອົງຫຼາຍຂຶ້ນ?
• ແມ່ນໃຜທີ່ພຣະອົງຕ້ອງການໃຫ້ຂ້ານ້ອຍແບ່ງປັນການເປັນພະຍານ ຫຼື ຂ່າວປະເສີດຂອງພຣະອົງ?

ອະທິຖານຕໍ່ກັບພຣະວິນຍານບໍຣິສຸດທູນຂໍພຣະອົງມອບຄໍາຕອບທີ່ສະເພາະເຈາະຈົງໃຫ້ທ່ານ,​ ຊື່ທີ່ເຈາະຈົງ ແລະ ຂັ້ນຕອນສະເພາະເຈາະຈົງທີ່ທ່ານສາມາດດຳເນີນການໄດ້ໃນລະຫວ່າງຕອນນີ້ ແລະ ຕອນທີ່ກຸ່ມຂອງທ່ານຈະໄດ້ມາພົບກັນອີກຄັ້ງ.

ຂັ້ນຕອນທີ 2 - ຮວບຮວມຄວາມມຸ່ງໝັ້ນ

ຖາມແຕ່ລະຄົນພາຍໃນກຸ່ມໃຫ້ແບ່ງປັນສິ່ງທີ່ພວກເຂົາໄດ້ຍິນຈາກພຣະເຈົ້າສໍາລັບແຕ່ລະຄໍາຖາມເຫຼົ່ານັ້ນ. ບາງຄົນອາດຈະບໍ່ໄດ້ຍິນຫຍັງເລີຍຈາກພຣະເຈົ້າໃນຄຳຖາມຂໍ້ 1, ຂໍ້ 2 ຫຼື ອາດບໍ່ໄດ້ຍິນທັງ 3 ຂໍ້ເລີຍ. ພວກເຂົາສາມາດລາຍງານໄດ້ວ່າພວກເຂົາບໍ່ໄດ້ຍິນ.

ແຕ່ໃຫ້ຈື່ໄວ້ວ່າ, ໃນກຸ່ມຄວນຟັງສຽງຂອງພຣະເຈົ້າ. ພຣະເຢຊູກ່າວວ່າ ແກະຂອງເຮົາກໍຟັງສຽງຂອງເຮົາ. ແລະ ຍິ່ງທ່ານເຮັດຕາມຂັ້ນຕອນການເຊື່ອຟັງທີ່ເຈາະຈົງຫຼາຍເທົ່າໃດ ທ່ານກໍຈະເຊື່ອຟັງໄດ້ງ່າຍຂຶ້ນກ່ອນທີ່ພວກເຮົາຈະມາພົບກັນອີກ.

ຂັ້ນຕອນທີ 3 - ຝຶກຝົນແຜນການຂອງທ່ານ

ກ່ອນທີ່ທ່ານຈະສິ້ນສຸດເວລາຂອງທ່ານຮ່ວມກັນ, ໃຫ້ກຸ່ມ 3/3 ຂອງທ່ານແຍກເປັນກຸ່ມນ້ອຍໆ ກຸ່ມລະ 2 ຫຼື 3 ຄົນ ແລ້ວຝຶກຝົນສິ່ງທີ່ທ່ານໄດ້ຍິນວ່າພຣະເຈົ້າຂໍໃຫ້ທ່ານເຮັດສິ່ງໃດ.

ໃນບົດຮຽນນີ້ ພວກເຮົາຈະມາຮຽນຮູ້ວ່າໜ່ວຍສ້າງຜູ້ນຳຈະຊ່ວຍຕຽມຜູ້ເຊື່ອໃນໄລຍະເວລາອັນສັ້ນ ໃຫ້ພ້ອມເປັນຜູ້ນຳຕະຫຼອດຊີວິດໄດ້ແນວໃດ

ຈາກໜຶ່ງເປັນສອງ ຈາກສອງເປັນສີ່ ຈາກສີ່ເປັນແປດ ການເພີ່ມຈຳນວນແບບທະວີຄູນ ການເພີ່ມຜູ້ເຊື່ອຕາມກຸ່ມອາຍຸ ການເຕີບໃຫຍ່ຢ່າງວ່ອງໄວ

ນີ້ຄືຮູບແບບທີ່ພຣະເຈົ້າຊົງໃສ່ໄວ້ໃນການຊົງສ້າງຂອງພຣະອົງ ນີ້ຄືຮູບແບບທີ່ພຣະເຈົ້າຊົງຕັ້ງໃຈໄວ້ສຳລັບຄອບຄົວຂອງພຣະອົງ ພວກເຮົາໄດ້ຮຽນຮູ້ຮູບແບບ​ໜ່ວຍ​ສ້າງ​ສາ​ວົກໄປແລ້ວ ຄືການປ່ຽນຜູ້ຊົມໃຊ້ໃຫ້ເປັນຜູ້ຜະລິດ ປ່ຽນຜູ້ຮຽນໃຫ້ເປັນຜູ້ນຳ ແລະປ່ຽນສາວົກໃຫ້ເປັນຜູ້ສ້າງສາວົກ

ເບິ່ງກັບຫຼັງ - ເບິ່ງຂຶ້ນເທິງ - ເບິ່ງໄປໜ້າ ຮຽນຮູ້ - ເຊື່ອຟັງ - ແບ່ງປັນ

ການ​ປະ​ຊຸມ​ໜ່ວຍແບບນີ້ຈະເຮັດໃຫ້ຜູ້ເຊື່ອແຕ່ລະຄົນເຕີບໃຫຍ່ຝ່າຍຈິດວິນຍານຢ່າງຕໍ່ເນື່ອງ ແລະຈະເກີດການເຕີບໃຫຍ່ຂອງຜູ້ເຊື່ອໃໝ່ໃນ​ບັນ​ດາຜູ້ເຊື່ອພຣະເຢຊູ​ເຈົ້າຢ່າງຕໍ່ເນື່ອງອີກດ້ວຍ ຮູບແບບນີ້ຈະຊ່ວຍເພີ່ມຈຳນວນສາວົກແບບທະວີຄູນ

ແຕ່ຖ້າການປະ​ຊຸມ​ໜ່ວຍໃຊ້ພຽງແຕ່ຊ່ວງເວລາສັ້ນໆ ເດ? ພວກເຂົາຍັງຈະສາມາດເຕີບໃຫຍ່ແລະຂະຫຍາຍອານາຈັກຂອງພຣະເຈົ້າໄດ້ຫຼືບໍ່? ​ໜ່ວຍ​ສ້າງຜູ້ນຳຄືວິທີທາງໜຶ່ງທີ່ຈະນຳເອົາຮູບແບບ​ໜ່ວຍ​ສ້າງສາ​ວົກມາໃຊ້ ເມື່ອທ່ານຮູ້ວ່າທ່ານມີເວລາຈຳກັດໃນການປະ​ຊຸມ​ໜ່ວຍ

​ໜ່ວຍ​ສ້າງຜູ້ນຳເປັນການຕຽມຜູ້ເຊື່ອແຕ່ລະຄົນໃນໄລຍະເວລາອັນສັ້ນ ເພື່ອໃຫ້ພວກເຂົາຮຽນຮູ້ຮູບແບບການສ້າງຜູ້ເຊື່ອໃໝ່ທີ່ຍາວນານ ​ໜ່ວຍ​ສ້າງຜູ້ນຳຈະຊ່ວຍໃຫ້ຜູ້ຮຽນກາຍເປັນຜູ້ນຳທີ່ສ້າງ​ຕັ້ງ​ໜ່ວຍໃໝ່ຂຶ້ນ ຝຶກອົບຮົມຄຣິສຕະຈັກໃໝ່ ແລະ​ກໍ່ຕັ້ງໜ່ວຍ​ສ້າງຜູ້ນຳໃໝ່ຂຶ້ນເລື້ອຍໆ ເພື່ອຂະຫຍາຍຄອບຄົວຂອງພຣະເຈົ້າ

ໜ່ວຍ​ສ້າງຜູ້ນຳຈະເກີດຜົນດີກັບກຸ່ມຄົນທີ່ບໍ່ຢູ່ຄົງທີ່

ຄົນ​ທີ່ທີ່ຢູ່ບໍ່ເປັນຫຼັກເປັນແຫຼ່ງ ນັກຮຽນ ນັກສຶກສາ ທະຫານ ຄົນເຮັດວຽກຕາມລະດູການທີ່ເຊື່ອ

ພ​ຣະເຢຊູ​ເຈົ້າແລ້ວ ຄົນເຫຼົ່ານີ້ເໝາະສົມກັບໜ່ວຍ​ສ້າງຜູ້ນຳຫຼາຍ ເນື່ອງຈາກວັດທະນະທຳ ອາຊີບຫຼືຊ່ວງເວລາແຫ່ງຊີວິດຂອງພວກເຂົາ ອາດຈະເຮັດໃຫ້ຍາກໃນການຕັ້ງໜ່ວຍພົບປະກັບເປັນປະຈຳ ແຕ່ພວກເຂົາກໍ່ສາມາດຮຽນຮູ້ແລະຝຶກການຕັ້ງ​ໜ່ວຍໃນທຸກໆ ບ່ອນທີ່ພວກເຂົາໄປອາໄສຢູ່ໄດ້

ນອກຈາກນີ້ ໜ່ວຍ​ສ້າງຜູ້ນຳຈະເກີດຜົນດີຖ້າຫາກສະມາຊິກໃນ​ໜ່ວຍ​ທີ່ເປັນຜູ້ມາເຊື່ອພຣະເຢຊູເຈົ້າພ້ອມກັນບໍ່ວ່າຈະເປັນຄອບຄົວ ກຸ່ມໝູ່ເພື່ອນ ຫຼືໝູ່ບ້ານນ້ອຍໆ ກໍ່ສາມາດຮຽນຮູ້ແລະຮັບການຝຶກຝົນໄດ້ໃນໄລຍະເວລາອັນສັ້ນ ເພື່ອຈະກາຍເປັນຜູ້ສ້າງສາວົກຕະຫຼອດຊີວິດ ເຖິງແມ່ນວ່າພວກເຂົາຈະບໍ່ມີພີ່ລ້ຽງທີ່ເຝົ້າຕິດຕາມຜົນຫຼືໃຫ້ຄຳແນະນຳຝ່າຍຈິດວິນຍານກໍ່ຕາມ

ໃນບົດຮຽນກ່ອນໜ້ານີ້ ພວກເຮົາໄດ້ຮຽນຮູ້ແລະຝຶກສອງສ່ວນສຸດທ້າຍຂອງຮູບແບບ​ໜ່ວຍ​ສ້າງ​ສາ​ວົກໄປແລ້ວ ຕອນນີ້ - ພວກເຮົາຈະ​ມາຝຶກທັງສາມສ່ວນ - ນັ້ນຄື ເບິ່ງກັບຫຼັງ,ເບິ່ງຂຶ້ນເທິງ,ແລະເບິ່ງໄປໜ້າ

ເບິ່ງຄືນຫຼັງ

ຂັ້ນຕອນທີ 1 - ຂອບພຣະຄຸນ

ໃຊ້ເວລາເພື່ອໃຫ້ແຕ່ລະຄົນແບ່ງປັນສິ່ງທີ່ພວກເຂົາຢາກຂອບພຣະຄຸນ.

ຂັ້ນຕອນທີ 2 - ແບ່ງປັນໃນສິ່ງທີ່ທ່ານຍັງຕໍ່ສູ້ຢູ່ ແລະ ອະທິຖານເພື່ອກັນ ແລະ ກັນ.

ໃຫ້ແຕ່ລະບຸກຄົນພາຍໃນກຸ່ມແບ່ງປັນບາງສິ່ງທີ່ພວກເຂົາກຳລັງປະສົບກັບຄວາມຫຍຸ້ງຍາກໂດຍຫຍໍ້. ໃຫ້ອີກຄົນໜຶ່ງອະທິຖານເພື່ອພວກເຂົາໃນສິ່ງທີ່ພວກເຂົາແບ່ງປັນ.

ຂັ້ນຕອນທີ 3 - ຈົດຈໍ່ຢູ່ພາຍໃນກຸ່ມ

ໃຊ້ເວລາ ແລະ ຈົດຈໍາວ່າຍ້ອນຫຍັງພວກທ່ານຈຶ່ງຢູ່ຮ່ວມກັນ - ເພື່ອຮັກພຣະເຈົ້າ, ຮັກຄົນອື່ນ, ເພື່ອແບ່ງປັນເລື່ອງລາວຂອງພຣະເຢຊູ ແລະ ຊ່ວຍຜູ້ອື່ນໃຫ້ແບ່ງປັນດ້ວຍເຊັ່ນກັນ.

ຂັ້ນຕອນທີ 4 - ເຊັກອິນ

ໃຫ້ແຕ່ລະຄົນຕອບຄໍາຖາມຕໍ່ໄປນີ້:

• ທ່ານໄດ້ເຊື່ອຟັງສິ່ງຕ່າງໆທີ່ທ່ານໄດ້ຮຽນຮູ້ມານັ້ນແນວໃດ?
• ແມ່ນໃຜທີ່ທ່ານໄດ້ຝຶກຝົນໃຫ້ໃນສິ່ງທີ່ທ່ານໄດ້ຮຽນຮູ້ມາ?
• ແມ່ນໃຜທີ່ທ່ານໄດ້ແບ່ງປັນເລື່ອງລາວຂອງທ່ານ ຫຼື ເລື່ອງລາວຂອງພຣະເຈົ້າຕັ້ງແຕ່ທີ່ພວກເຮົາໄດ້ມາຢູ່ຮ່ວມກັນເປັນກຸ່ມ?

ເບິ່ງຂຶ້ນເທິງ

ຂັ້ນຕອນທີ 1 - ເຊື້ອເຊີນໃຫ້ພຣະວິນຍານບໍຣິສຸດຂອງພຣະເຈົ້າໃຫ້ເປັນຜູ້ນໍາພາ

ໃຊ້ເວລາໜ້ອຍໜຶ່ງໃນການອະທິຖານ. ໂອ້ລົມກັບພຣະເຈົ້າຢ່າງງ່າຍໆ ແລະ ກະທັດຫັດ. ຂໍໃຫ້ອົງພຣະວິນຍານບໍຣິສຸດສອນທ່ານຈາກຂໍ້ພຣະຄຳພີທີ່ທ່ານກໍາລັງຈະອ່ານນັ້ນ.

ຂັ້ນຕອນທີ 2 - ອ່ານພຣະຄໍາຂອງພຣະເຈົ້າ ແລະ ຖາມຄໍາຖາມ

ໃຫ້ຄົນໜຶ່ງໃນກຸ່ມອ່ານພຣະຄໍາ. ເມື່ອອ່ານຈົບແລ້ວ ພາຍໃນກຸ່ມຕ້ອງຕອບຄໍາຖາມ 2 ຂໍ້ນີ້:

• ທ່ານມັກຫຍັງກ່ຽວກັບຂໍ້ພຣະຄຳພີນີ້?
• ແມ່ນຫຍັງທີ່ທ່ານພົບວ່າມັນທ້າທາຍ ແລະ ເຂົ້າໃຈຍາກ?

ອ່ານພຣະຄໍາຂໍ້ເດີມອີກຄັ້ງໜຶ່ງ ແລ້ວໃຫ້ພາຍໃນກຸ່ມຕອບຄໍາຖາມ 2 ຂໍ້ນີ້:

• ແມ່ນຫຍັງທີ່ພວກເຮົາໄດ້ຮຽນຮູ້ກ່ຽວກັບຜູ້ຄົນຈາກພຣະຄໍາຂໍ້ນີ້?
• ແມ່ນຫຍັງທີ່ພວກເຮົາໄດ້ຮຽນຮູ້ກ່ຽວກັບພຣະເຈົ້າຈາກພຣະຄໍາຂໍ້ນີ້?

ຈື່ຂໍ້ພຣະຄຳນີ້ ແລະ ເຮັດໃຫ້ມັນລຽບງ່າຍ

ເບິ່ງໄປທາງໜ້າ

ຂັ້ນຕອນທີ 1 - ອະທິຖານເພື່ອພຣະປະສົງຂອງພຣະເຈົ້າ

ໃຫ້ແຕ່ລະຄົນໃນກຸ່ມອະທິຖານຢ່າງງຽບໆ ແລະ ທູນຂໍພຣະເຈົ້າດ້ວຍຄໍາຖາມເຫຼົ່ານີ້:

• ພຣະເຈົ້າ ຂ້ານ້ອຍຈະເຊື່ອຟັງ ແລະ ນຳສິ່ງທີ່ພຣະອົງຊົງສອນຂ້ານ້ອຍໄປໃຊ້ໄດ້ແນວໃດ?
• ແມ່ນໃຜທີ່ຂ້ານ້ອຍຄວນຈະຝຶກຝົນຈາກຂໍ້ພຣະຄຳພີນີ້ເພື່ອໃຫ້ພວກເຂົາສາມາດຮຽນຮູ້ທີ່ຈະເຊື່ອຟັງ ແລະ ຮັກພຣະອົງຫຼາຍຂຶ້ນ?
• ແມ່ນໃຜທີ່ພຣະອົງຕ້ອງການໃຫ້ຂ້ານ້ອຍແບ່ງປັນການເປັນພະຍານ ຫຼື ຂ່າວປະເສີດຂອງພຣະອົງ?

ອະທິຖານຕໍ່ກັບພຣະວິນຍານບໍຣິສຸດທູນຂໍພຣະອົງມອບຄໍາຕອບທີ່ສະເພາະເຈາະຈົງໃຫ້ທ່ານ,​ ຊື່ທີ່ເຈາະຈົງ ແລະ ຂັ້ນຕອນສະເພາະເຈາະຈົງທີ່ທ່ານສາມາດດຳເນີນການໄດ້ໃນລະຫວ່າງຕອນນີ້ ແລະ ຕອນທີ່ກຸ່ມຂອງທ່ານຈະໄດ້ມາພົບກັນອີກຄັ້ງ.

ຂັ້ນຕອນທີ 2 - ຮວບຮວມຄວາມມຸ່ງໝັ້ນ

ຖາມແຕ່ລະຄົນພາຍໃນກຸ່ມໃຫ້ແບ່ງປັນສິ່ງທີ່ພວກເຂົາໄດ້ຍິນຈາກພຣະເຈົ້າສໍາລັບແຕ່ລະຄໍາຖາມເຫຼົ່ານັ້ນ. ບາງຄົນອາດຈະບໍ່ໄດ້ຍິນຫຍັງເລີຍຈາກພຣະເຈົ້າໃນຄຳຖາມຂໍ້ 1, ຂໍ້ 2 ຫຼື ອາດບໍ່ໄດ້ຍິນທັງ 3 ຂໍ້ເລີຍ. ພວກເຂົາສາມາດລາຍງານໄດ້ວ່າພວກເຂົາບໍ່ໄດ້ຍິນ.

ແຕ່ໃຫ້ຈື່ໄວ້ວ່າ, ໃນກຸ່ມຄວນຟັງສຽງຂອງພຣະເຈົ້າ. ພຣະເຢຊູກ່າວວ່າ ແກະຂອງເຮົາກໍຟັງສຽງຂອງເຮົາ. ແລະ ຍິ່ງທ່ານເຮັດຕາມຂັ້ນຕອນການເຊື່ອຟັງທີ່ເຈາະຈົງຫຼາຍເທົ່າໃດ ທ່ານກໍຈະເຊື່ອຟັງໄດ້ງ່າຍຂຶ້ນກ່ອນທີ່ພວກເຮົາຈະມາພົບກັນອີກ.

ຂັ້ນຕອນທີ 3 - ຝຶກຝົນແຜນການຂອງທ່ານ

ກ່ອນທີ່ທ່ານຈະສິ້ນສຸດເວລາຂອງທ່ານຮ່ວມກັນ, ໃຫ້ກຸ່ມ 3/3 ຂອງທ່ານແຍກເປັນກຸ່ມນ້ອຍໆ ກຸ່ມລະ 2 ຫຼື 3 ຄົນ ແລ້ວຝຶກຝົນສິ່ງທີ່ທ່ານໄດ້ຍິນວ່າພຣະເຈົ້າຂໍໃຫ້ທ່ານເຮັດສິ່ງໃດ.

ໃນບົດຮຽນນີ້ ເຮົາຈະມາຮຽນຮູ້ວິທີການຢຸດນິດໄສຂອງການຄິດແບບໃນເສັ້ນຊື່ເປັນຂັ້ນຕອນ ເພື່ອເປັນວິທີການເລັ່ງການຂັບເຄື່ອນການຂະຫຍາຍແຜ່ນດິນຂອງພຣະເຈົ້າ ໃນການສ້າງສາວົກທີ່ສາມາດສ້າງສາວົກເພີ່ມໄດ້ຢ່າງໄວວານັ້ນ ເຮົາຈະຕ້ອງຈື່ໄວ້ສະເໝີວ່າ ຫຼາຍໆ ສິ່ງສາມາດມາດເກີດຂຶ້ນໃນເວລາດຽວກັນໄດ້ ແລະບໍ່ຈຳເປັນຕ້ອງມີລຳດັບທີ່ແນ່ນອນວ່າສິ່ງໃດຕ້ອງມາກ່ອນມາຫຼັງ

ພວກເຮົາຕ້ອງຮຽນຮູ້ພະລັງຂອງການເຕີບໃຫຍ່ແບບບໍ່ເປັນຂັ້ນຕອນ ເມື່ອຄິດເຖິງການເພີ່ມທະວີຈຳນວນສາວົກ ພວກເຮົາມັກຄິດວ່າເປັນຂະບວນການທີ່ດຳເນີນໄປເທື່ອລະຂັ້ນຕອນ

ຂັ້ນຕອນທຳອິດ ແມ່ນອະທິຖານ ຈາກນັ້ນ ການຕຽມການ ຕໍ່ມາເລົ່າຂ່າວປະເສີດຂອງພຣະເຈົ້າ ຕໍ່ຈາກນັ້ນສ້າງສາວົກ ແລ້ວຈຶ່ງສ້າງຄຣິສຕະຈັກ ຈາກນັ້ນກໍ່ພັດທະນາຜູ້ນຳ ແລ້ວກໍ່ເລີ່ມຕັ້ງແຕ່ຂັ້ນຕອນທຳອິດ​ອີກ

ເມື່ອພວກເຮົາຮຽນຮູ້ວິທີການນີ້ ການເຕີບໃຫຍ່ຂອງແຜ່ນດິນຂອງພຣະເຈົ້າເບິ່ງຄືວ່າເປັນຂະບວນການທີ່ປະຕິບັດຕາມໄດ້ງ່າຍ ເຊິ່ງເປັນເສັ້ນຊື່ ແລະເປັນໄປຕາມລຳດັບ ປັນຫາກໍ່ມີຢູ່ວ່າ ມັນບໍ່ໄດ້ເປັນແບບນັ້ນສະເໝີໄປ ປັນຫາທີ່ໃຫຍ່ກວ່າຄື ຫຼາຍຄັ້ງມັນບໍ່ແມ່ນວິທີທີ່ໄດ້ຜົນທີ່ສຸດ

ເສັ້ນນີ້ສະແດງເຖິງຊີວິດຂອງຄົນ ນີ້ແມ່ນຕອນເກີດ ນີ້ແມ່ນຕອນທີ່ລາວໄດ້ຍິນຂ່າວປະເສີດເປັນຄັ້ງທຳອິດ ນີ້ແມ່ນຕອນທີ່ລາວເລືອກເຊື່ອພຣະເຢຊູ​ເຈົ້າ ນີ້ແມ່ນຕອນທີ່ລາວ​ເລີ່ມເລົ່າເລື່ອງຂອງ​ລາວເອງແລະເລື່ອງລາວຂອງພຣະເຈົ້າເປັນເທື່ອທຳອິດ ແລະເລີ່ມຕົ້ນທີ່ຈະເພີ່ມຈຳນວນຫຼາຍຂຶ້ນ ແລະນີ້ແມ່ນຕອນທີ່ຊີວິດຂອງລາວສິ້ນສຸດລົງ

ຈາກຈຸດນີ້ເຖິງຈຸດນີ້ ຕັ້ງແຕ່ເທື່ອທຳອິດທີ່ໄດ້ຍິນເລື່ອງລາວຂອງພຣະເຢຊູ​ເຈົ້າ ໄປຈົນເຖິງເທື່ອທຳອິດທີ່ເລົ່າເລື່ອງລາວຂອງພຣະອົງ ພວກເຮົາຈະເອີ້ນຊ່ວງເວລານີ້ວ່າເປັນຊ່ວງເວລາດ້ານຈິດວິນຍານ

ໄລຍະເວລາກ່ອນທີ່ຈະເລີ່ມສ້າງສາວົກ ໄລຍະເວລາກ່ອນທີ່ຄອບຄົວຂອງພຣະເຈົ້າຈະເຕີບໃຫຍ່ຂຶ້ນ ນີ້ແມ່ນວິທີການສ້າງສາວົກ ແຕ່ເມື່ອເຮົາໃຊ້ຮູບແບບຂອງ "ພຣະພອນທີ່ຍິ່ງໃຫຍ່ທີ່ສຸດ" ມາເບິ່ງວ່າເກີດຫຍັງຂຶ້ນ

ຕອນນີ້ ສາວົກໃໝ່ເລີ່ມເພີ່ມທະວີຈຳນວນໄດ້ທັນທີ ເປັນການຫຼຸດຊ່ວງເວລາດ້ານຈິດວິນຍານໃຫ້ສັ້ນເຂົ້າ ມີຄົນໄດ້ຍິນຂ່າວປະເສີດໄວຂຶ້ນ ຄອບຄົວຂອງພຣະເຈົ້າເຕີບໃຫຍ່ໄວຂຶ້ນ ມີຄົນໄດ້ຮັບຄວາມພົ້ນມີຊີວິດນິລັນດອນຫຼາຍຂຶ້ນ

ທັງໝົດນີ້ ເຮັດໄດ້ໂດຍການຫຼຸດຊ່ວງເວລາຂອງການເພີ່ມທະວີຈຳນວນສາວົກໃຫ້ສັ້ນເຂົ້າມາ ແຕ່ຖ້າພວກເຮົາເຮັດແບບນີ້ຕໍ່ໄປເລື້ອຍໆ ເດ? ຖ້າມີບາງຄົນເລີ່ມເພີ່ມທະວີຈຳນວນສາວົກໄດ້ໄວກວ່ານັ້ນເດ? ຖ້າພວກເຂົາເລີ່ມແບ່ງປັນຕັ້ງແຕ່ເທື່ອທຳອິດທີ່ພວກເຂົາໄດ້ຍິນແທນທີ່ຈະຖ້າໃຫ້ພວກເຂົາເຊື່ອກ່ອນລະ?

ມີບາງຄົນຍິນດີທີ່ຈະຕັ້ງກຸ່ມເພື່ອບອກເລົ່າສິ່ງທີ່ພວກເຂົາໄດ້ຮຽນຮູ້ຈາກພຣະຄຳຂອງພຣະເຈົ້າໃຫ້ແກ່ໝູ່ເພື່ອນແລະຄອບຄົວ ກ່ອນທີ່ພວກເຂົາຈະ​ມາ "​ຮັບ​ເຊື່ອ" ກັບພຣະເຢຊູ​ເຈົ້າອີກຊ້ຳ ຖ້າຫາກພວກເຮົາສອນຄົນເຫຼົ່ານີ້ໃຫ້ຮູ້ວິທີຕັ້ງກຸ່ມ(ໜ່ວຍ) ແລະວິທີແບ່ງປັນສິ່ງທີ່ພວກເຂົາໄດ້ຮູ້ ແລະສອນຄົນອື່ນໃຫ້ເຮັດແບບດຽວກັນ ຄອບຄົວຂອງພຣະເຈົ້າກໍ່ຈະເຕີບໃຫຍ່ໄວຍິ່ງຂຶ້ນ ບັດນີ້ການເປັນສາວົກແມ່ນທາງທີ່ນຳໄປເຖິງພຣະເຢຊູ​ເຈົ້າ ບໍ່ແມ່ນພຽງແຕ່ສິ່ງທີ່ເຮົາຕ້ອງບອກເລົ່າໃຫ້ແກ່ຜູ້ອື່ນຫຼັງຈາກຮັບຄວາມພົ້ນແລ້ວ

ນີ້ແມ່ນຫົນທາງທີ່ຈະນຳຄອບຄົວ ໝູ່ເພື່ອນ ຫຼືແມ່ນແຕ່ຄົນທັງໝູ່ບ້ານໃຫ້ມາເຊື່ອພຣະເຢຊູ​ເຈົ້າໄດ້ ແລ້ວຖ້າມີບາງຄົນສາມາດເພີ່ມທະວີຈຳນວນສາວົກໄດ້ໄວກວ່ານັ້ນອີກເດ? ຖ້າມີຄົນທີ່ສາມາດເລົ່າເຖິງຫົນທາງຂອງພຣະເຈົ້າໃຫ້ຄົນອື່ນຟັງ ກ່ອນທີ່ໂຕພວກເຂົາເອງຈະໄດ້ພົບພຣະບຸດຂອງພຣະເຈົ້າເດ?

ບາງຄັ້ງ ບາງຄົນອາດຈະເຮັດບໍ່ໄດ້ຫຼືບໍ່ພ້ອມທີ່ຈະຟັງຂ່າວປະເສີດຂອງພຣະເຈົ້າໃນທັນທີ

ແຕ່ຄົນກຸ່ມນີ້ສາມາດຮຽນຮູ້ແບບແຜນຂອງພຣະເຈົ້າໄດ້ຜ່ານກິດຈະກຳຕ່າງໆເຊັ່ນ ການພັດທະນາຊຸມຊົນຫຼືການອົບຮົມຜູ້ນຳ ຄົນກຸ່ມນີ້ສາມາດເລີ່ມເຜີຍແຜ່ແບບແຜນຂອງພຣະເຈົ້າ ຮຽນຮູ້ ເຊື່ອຟັງ ແບ່ງປັນ ແລະສອນຜູ້ອື່ນໃຫ້ເຮັດແບບດຽວກັນໄດ້ ກ່ອນທີ່ພວກເຂົາຈະໄດ້ຍິນເລື່ອງລາວຂອງພຣະເຢຊູ​ເຈົ້າອີກຊ້ຳ

ຫາກເປັນແບບນີ້ ຫົນທາງຂອງພຣະເຈົ້າກໍ່ຈະປະທັບຢູ່ໃນຫົວໃຈທີ່ພ້ອມ ວິທີການຂອງພຣະອົງຈະຖືກປະສົມປະສານເຂົ້າໄປໃນຊຸມຊົນແລະຊີວິດຂອງປະຊາຊົນ ຈາກນັ້ນ ເມື່ອພຣະອົງຊົງຕຽມທາງ

ຂອງພຣະອົງໄວ້ແລ້ວ ຂ່າວປະເສີດຂອງພຣະເຈົ້າກໍ່ຈະເປີດເຜີຍຄວາມຈິງທີ່ພວກເຂົາໄດ້ຮັບຕະຫຼອດເວລາທີ່ຜ່ານມາ ນີ້ແມ່ນວິທີການທີ່ຈະນຳສະຖານທີ່ສຶກສາ ຊຸມຊົນ ຫຼືແມ່ນແຕ່ຄົນທັງປະເທດມາເຊື່ອພຣະເຢຊູ​ເຈົ້າ

ແຕ່ໃນການເຕີບໃຫຍ່ແບບບໍ່ເປັນຂັ້ນຕອນ ເຮົາຍັງຈຳເປັນຕ້ອງຖາມຄຳຖາມວ່າ "ສິ່ງທີ່ສຳຄັນແມ່ນຫຍັງ" ບໍ່ວ່າຈະດ້ວຍວິທີການໃດ ຄຳຖາມສຳຄັນທີ່ສຸດຍັງຄືເກົ່າຄື ໃຜແມ່ນດິນດີທີ່ເປັນຄົນສັດຊື່? ໃຜແມ່ນຄົນທີ່ຈະຮຽນຮູ້ ຝຶກຝົນ ແລະບອກເລົ່າເຖິງຫົນທາງຂອງພຣະເຈົ້າ?

ການເປີດເຜີຍໃຫ້ເຫັນດິນດີ ການຄົ້ນພົບຫົວໃຈດີງາມເຫຼົ່ານີ້ ເປັນສິ່ງທີ່ຄຸ້ມຄ່າກັບເວລາ ພະລັງງານແລະຄວາມພະຍາຍາມທັງໝົດຂອງພວກເຮົາ ຄົນເຫຼົ່ານີ້ແມ່ນຄົນທີ່ພວກເຮົາທຸ້ມເທໃຈໃຫ້ ຄົນເຫຼົ່ານີ້ແມ່ນຄົນທີ່ພວກເຮົາທຸ້ມເທຊີວິດໃຫ້ ຄົນເຫຼົ່ານີ້ແມ່ນຄົນທີ່ຂະຫຍາຍອານາຈັກຂອງພຣະເຈົ້າໄດ້ດີທີ່ສຸດ

ໃນບົດຮຽນນີ້ເຮົາຈະມາຮຽນຮູ້ວ່າຍ້ອນຫຍັງການເພີ່ມທະວີຈຳນວນສາວົກຈຶ່ງສຳຄັນ ແລະຍ້ອນຫຍັງການເພີ່ມທະວີຈຳນວນຢ່າງໄວວາຈຶ່ງເປັນເລື່ອງສຳຄັນຍິ່ງກວ່າ ບົດຮຽນນີ້ເປັນເລື່ອງຂອງການຂັບເຄື່ອນ ການຂັບເຄື່ອນກ່ຽວຂ້ອງກັບເວລາ ມັນກຳນົດວ່າສິ່ງຕ່າງໆ ຈະເກີດຂຶ້ນຢ່າງວ່ອງໄວຫຼືຢ່າງຊ້າໆ ການຂັບເຄື່ອນມີຄວາມສຳຄັນ ເພາະບ່ອນທີ່ພວກເຮົາທຸກຄົນຈະໄດ້ໃຊ້ຊີວິດນິລັນດອນຫຼັງຈາກຄວາມຕາຍເຊິ່ງຢູ່ເໜືອການເວລາ ຄືໄດ້ຖືກກຳນົດໄວ້ໃນຊ່ວງເວລາສັ້ນໆທີ່ເອີ້ນວ່າ "ຊີວິດ"

ພຣະຄຳຂອງພຣະເຈົ້າໄດ້ບອກພວກເຮົາວ່າ ພຣະເຈົ້າຊົງອົດທົນກັບພວກເຮົາ ພຣະອົງບໍ່ຕ້ອງການໃຫ້ໃຜຈັກຄົນຈິບຫາຍ ແຕ່ຊົງປາດຖະໜາໃຫ້ທຸກຄົນຫັນກັບມາຫາພຣະອົງ ພຣະເຈົ້າຊົງໃຫ້ເວລາກັບພວກເຮົາຫຼາຍ ເພາະຊົງຮູ້ວ່າພວກເຮົາມີເວລາຈຳກັດທີ່ຈະເຮັດສິ່ງທີ່ພຣະອົງຊົງເອີ້ນໃຫ້ພວກເຮົາເຮັດ ແລະປະກາດກັບຜູ້ທີ່ພຣະອົງຊົງບອກໃຫ້ເຮົາໄປປະກາດ

ເຮົາຕ້ອງປະກາດໃຫ້ແກ່ຜູ້ອື່ນຢ່າງວ່ອງໄວ ເພື່ອພວກເຮົາຈະໄດ້ຕິດຕາມ

ພຣະເຢຊູ​ເຈົ້າຢ່າງໃກ້ຊິດຍິ່ງຂຶ້ນ ພວກເຮົາບໍ່ອາດຈະຊັກຊ້າ ​ພວກເຮົາຕ້ອງເລັ່ງຈັງຫວະການຂັບເຄື່ອນຂອງພວກເຮົາ

ຄຣິສຕະຈັກທົ່ວໂລກ ຄືຜູ້ເຊື່ອພຣະເຢຊູ​ເຈົ້າທັງໝົດ ມີຈຳນວນຫຼາຍ ທີ່ບໍ່ເຄີຍມີມາ​ກ່ອນ ຄຣິສຕະຈັກທົ່ວໂລກ ແມ່ນ ຜູ້ທີ່ເຊື່ອພຣະເຢຊູ​ເຈົ້າທັງໝົດຮວມກັນແລ້ວເປັນສ່ວນໃຫຍ່ຂອງປະຊາກອນໂລກຫຼາຍກວ່າທີ່ເຄີຍມີມາກ່ອນ ແຕ່ເຖິງແມ່ນວ່າຈະມີຈຳນວນຫຼວງຫຼາຍປານນັ້ນ ຄຣິສຕະຈັກທົ່ວໂລກກໍ່ຍັງເຕີບໃຫຍ່ຊ້າກວ່າຈຳນວນປະຊາກອນທົ່ວໂລກ

ນັ້ນໝາຍຄວາມວ່າ ໃນຂະນະທີ່ມີພວກເຮົາທີ່ເຊື່ອພຣະເຢຊູ​ເຈົ້າເປັນຈຳນວນຫຼາຍກວ່າທີ່ເຄີຍມີມາກ່ອນ ແຕ່ຍັງມີຄົນອີກເປັນຈຳນວນຫຼວງຫຼາຍກວ່າທີ່ບໍ່ໄດ້ເຊື່ອ​ໃນພຣະເຢຊູ​ເຈົ້າ ແລະພວກເຂົາເຫຼົ່ານັ້ນຈະໃຊ້ຊີວິດນິລັນດອນທີ່ແຍກຈາກພຣະອົງຫຼາຍກວ່າທີ່ເຄີຍເປັນມາກ່ອນອີກດ້ວຍ

ການສ້າງສາວົກ ທີ່ສ້າງສາວົກຕໍ່ ເປັນເລື່ອງສຳຄັນ ເລີ່ມຕົ້ນດ້ວຍສາວົກພຽງໜຶ່ງຄົນ ຖ້າຫາກພວກເຂົາເພີ່ມທະວີຈຳນວນແລະສ້າງສາວົກໃໝ່ໜຶ່ງຄົນໃນທຸກໆ 18 ເດືອນ ຫຼືໜຶ່ງປີເຄິ່ງ ແລ້ວສາວົກໃໝ່ທຸກຄົນກໍ່ເຮັດແບບດຽວກັນພາຍໃນເວລາ 10 ປີ ຈະມີຜູ້ເຊື່ອພຣະເຢຊູ​ເຈົ້າໃໝ່ 64 ຄົນ

64 ຄົນນີ້ຈະດຳເນີນຊີວິດອັນຕະຫຼອດໄປຂອງພວກເຂົາກັບພຣະເຈົ້າຜູ້ປ່ຽມດ້ວຍຄວາມຮັກ

ແຕ່ຖ້າຫາກພວກເຂົາເຮັດວຽກໃຫ້ໄວຂຶ້ນອີກຈັກໜ່ອຍເດ? ຖ້າພວກເຂົາເລັ່ງຈັງຫວະການຂັບເຄື່ອນໃຫ້ໄວຂຶ້ນເດ?

ຫາກພວກເຂົາເພີ່ມຈຳນວນໄດ້ພາຍໃນ 4 ເດືອນ ຫຼື1ສ່ວນ4 ແທນທີ່ຈະເປັນ18 ເດືອນ ແລະສາວົກທຸກຄົນກໍ່ເຮັດແບບດຽວກັນ ໃນໄລຍະເວລາ 10 ປີ ຈະມີຜູ້ເຊື່ອພຣະເຢຊູເຈົ້າໃໝ່ເຖິງ 1,000 ລ້ານຄົນ

ລອງຄິດເບິ່ງນຳກັນ ແທນທີ່ຈະບໍ່ເຖິງ 100 ຄົນ ແຕ່ພັດຫຼາຍກວ່າ 1,000 ລ້ານຄົນ

ທັງໝົດນີ້ເກີດຈາກການເລັ່ງການຂັບເຄື່ອນ

ການຫຼຸດໄລຍະເວລາ 18 ເດືອນເຫຼືອ 4 ເດືອນ ໝາຍຄວາມວ່າເຮົາຈະເຄື່ອນທີ່ໄປໄວກວ່າເດີມສີ່ເທົ່າເຄິ່ງ ແຕ່ຖ້າສາວົກທຸກຄົນເລັ່ງມືໄປພ້ອມກັນພາຍໃນໄລຍະເວລາ 10 ປີ ນັ້ນໝາຍຄວາມວ່າ ຄອບຄົວຂອງພຣະເຈົ້າຈະເຕີບໃຫຍ່ໄວກວ່າເດີມເຖິງ 15 ລ້ານເທົ່າ

ບໍ່ເຖິງໜຶ່ງຮ້ອຍ ຫຼາຍກວ່າໜຶ່ງພັນລ້ານ

ການຂັບເຄື່ອນມີຄວາມສຳຄັນ

ການເລົ່າເລື່ອງຂອງເຮົາແລະເລື່ອງລາວຂອງພຣະເຈົ້າແລະນຳຄົນມາເຊື່ອ​ໃນພຣະເຢຊູ​ເຈົ້າແມ່ນການຂະຫຍາຍຄອບຄົວຂອງພຣະເຈົ້າ ການສອນຜູ້ເຊື່ອໃໝ່ເຮັດແບບດຽວກັນ ຈະເຮັດໃຫ້ຄອບຄົວຂອງພຣະເຈົ້າເຕີບໃຫຍ່ປານກັບໄຟໄໝ້ປ່າທີ່ແຜ່ຂະຫຍາຍໄປຢ່າງໄວວາ

ຄືກັບຢີດຫຼືເຊື້ອແປ້ງທີ່ກະຈາຍໄປທົ່ວເຂົ້າຈີ່

ຄືກັບຊູເມ້

ທັງໝົດນີ້ເກີດຈາກ ການຂັບເຄື່ອນ

ໃນບົດຮຽນນີ້ ພວກເຮົາຈະໄດ້ຮຽນຮູ້ວ່າຜູ້ເຊື່ອພຣະເຢຊູ​ເຈົ້າຈະຕ້ອງເຮັດແນວໃດຈຶ່ງຈະສາມາດເປັນສ່ວນໜຶ່ງຂອງສອງຄຣິສຕະຈັກໄດ້ ເພື່ອຂັບເຄື່ອນການເຕີບໃຫຍ່ແລະຊ່ວຍໃຫ້ຄອບຄົວຝ່າຍຈິດວິນຍານທີ່ສັດຊື່ ກາຍເປັນກຸ່ມຜູ້ເຊື່ອທີ່ແຜ່ຂະຫຍາຍອອກໄປເລື້ອຍໆ ຈົນທົ່ວເມືອງ

ໃນພຣະຄຳຂອງພຣະເຈົ້າ ພວກເຮົາໄດ້ຮູ້ວ່າພຣະເຈົ້າມີແຜນການອັນສົມບູນແບບສຳລັບເຮົາ ນັ້ນຄື ໃຫ້ພວກເຮົາໃຊ້ຊີວິດຮ່ວມກັນເປັນຄອບຄົວຝ່າຍຈິດວິນຍານ ພຣະຄຳພີເວົ້າເຖິງຄອບຄົວໃນຖານະເປັນຄຣິສຕະຈັກໄວ້ສາມແບບຄື:

• ຄຣິສຕະຈັກສາກົ ນ ຄື ການຮວມຕົວຂອງຜູ້ເຊື່ອທັງຈາກອາດີດ ປະຈຸບັນແລະອະນາຄົດ
• ຄຣິສຕະຈັກທ້ອງຖິ່ ນຫຼືຄຣິສຕະຈັກໃນເມືອງ ຄື ການຮວມຕົວຂອງຜູ້ເຊື່ອໃນເມືອງຫຼືພື້ນທີ່ໃດພື້ນທີ່ໜຶ່ງໃນປະເທດ
• ຄຣິສຕະຈັກ​ລຽບ​ງ່າຍ ຄື ການຮວມຕົວກັນຂອງຜູ້ເຊື່ອທີ່ມາຮວມກັນເປັນກຸ່ມນ້ອຍໆ ໃນອາຄານຫຼືເຮືອນ

ກຸ່ມທີ່ນ້ອຍທີ່ສຸດທີ່ເປັນຄຣິສຕະຈັກນີ້ ປະກອບໄປດ້ວຍຄອບຄົວຝ່າຍວິນຍານທີ່ດຳເນີນຊີວິດຮ່ວມກັນ ແລະເກີດຜົນຫຼາຍເມື່ອມີການພົບກັນແລະເຮັດວຽກຮ່ວມກັນເປັນເວລາຫຼາຍເດືອນຫຼືຫຼາຍປີໃນແຕ່ລະຄັ້ງ

ໃນເວລາດຽວກັນພຣະເຢຊູ​ເຈົ້າ ສອນຜູ້ເຊື່ອພຣະອົງວ່າພວກເຂົາຄວນສ້າງຄອບຄົວຝ່າຍຈິດວິນຍານໃໝ່ຢູ່ສະເໝີ ໃຫ້ຄອບຄົວເຫຼົ່ານັ້ນເຕີບໃຫຍ່ເປັນເໝືອນພຣະເຢຊູ​ເຈົ້າຍິ່ງຂຶ້ນ ແລະຊ່ວຍພວກເຂົາຮຽນຮູ້ການສ້າງຄອບຄົວໃໝ່ຝ່າຍຈິດວິນຍານຕໍ່ໄປອີກດ້ວຍ

ພຣະເຢຊູ​ເຈົ້າໄດ້ບອກພວກເຮົາວ່າ "ເຫດສະນັ້ນ ພວກເຈົ້າ​ຈົ່ງ​ອອກ​ໄປ ຈົ່ງ​ເຮັດ​ໃຫ້​ຄົນ​ທຸກ​ຊາດ​ເປັນ​ລູກສິດ ໃຫ້​ພວກເຂົາ​ຮັບ​ບັບຕິສະມາ​ໃນ​ພຣະນາມ​ແຫ່ງ​ພຣະບິດາ, ພຣະບຸດ ແລະ ພຣະວິນຍານ​ບໍຣິສຸດເຈົ້າ ສັ່ງສອນ​ພວກເຂົາ​ໃຫ້​ຖື​ຮັກສາ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ພວກເຈົ້າ​ໄວ້​ແລ້ວ​ນັ້ນ" ແລ້ວສອງສິ່ງນີ້ຈະມີສ່ວນຮ່ວມກັນໄດ້ແນວໃດ ເຮົາຈະເປັນສ່ວນໜຶ່ງຂອງຄຣິສຕະຈັກ ແລະຮ່ວມໃນຂະບວນການສ້າງຄຣິສຕະຈັກໃໝ່ໃນເວລາດຽວກັນໄດ້ແນວໃດ?

ເຮົາລອງຄຶດພາບຄຣິສຕະຈັກແຫ່ງໜຶ່ງທີ່ຢູ່ໃນລະດັບຂັ້ນພື້ນຖານ ທີ່ມີສະມາຊິກພຽງສີ່ຄອບຄົວ ໃນ

ໜຶ່ງຄອບຄົວຈະສະແດງໃຫ້ເຫັນຄວາມແຕກຕ່າງໃນການນຳພາຄອບຄົວຂອງພວກເຂົາ ຫົວໜ້າຄອບຄົວທຸກຄົນເປັນສ່ວນໜຶ່ງຂອງຄຣິສຕະຈັກ ເຊິ່ງເປັນຄອບຄົວຝ່າຍຈິດວິນຍານທີ່ພວກເຂົາເປັນສະມາຊິກປະຈຳ ເປັນໜ່ວຍທີ່ພວກເຂົາດຳເນີນຊີວິດດ້ວຍກັນ ເປັນພີ່ນ້ອງທີ່ໜຸນໃຈເຊິ່ງກັນແລະກັນດ້ວຍຄວາມຮັກແລະການກະທຳຄວາມດີ

ແຕ່ຫົວໜ້າຄອບຄົວໃໝ່ເຫຼົ່ານີ້ຕ່າງກໍ່ກຳລັງສ້າງຄອບຄົວໃໝ່ຝ່າຍຈິດວິນຍານຢູ່ ເຊິ່ງບົດບາດການມີສ່ວນຮ່ວມຂອງພວກເຂົາຈະບໍ່ຄືກັນກັບໃນຄຣິສຕະຈັກທີ່ຢູ່ໃນລະດັບພື້ນຖານຂອງພວກເຂົາເອງ ແຕ່ພວກເຂົາກຳລັງຊ່ວຍໂດຍການວາງ​ແບບ​ຢ່າງ ແລະ ຊ່ວຍ​ເຂົາ​ເຮັດໃນຂະນະທີ່ຄອບຄົວໃໝ່ຝ່າຍຈິດວິນຍານເກີດຂຶ້ນມາແລະເຕີບໃຫຍ່ຂຶ້ນ

ລອງຄິດເບິ່ງນຳກັນຄື ໜຶ່ງຄຣິສຕະຈັກສາມາດຕັ້ງຄຣິສຕະຈັກໃໝ່ໄດ້ເຖິງ 4 ແຫ່ງໃນເວລາດຽວກັນ ພຣະເຈົ້າສາມາດຂະຫຍາຍຄອບຄົວຂອງພຣະອົງໄດ້ຢ່າງໄວວາເຊັ່ນນີ້ ດັ່ງນັ້ນຄຣິສຕະຈັກຄວນເລັ່ງການຂັບເຄື່ອນໃຫ້ທັນ

ໃນບົດຮຽນກ່ອນໜ້ານີ້ ພວກເຮົາໄດ້ຮຽນຮູ້ເລື່ອງວົງຈອນການຮຽນຮູ້ ມີຄື ການວາງແບບ​ຢ່າງ, ຊ່ວຍເຂົາເຮັດ,ເບິ່ງເຂົາເຮັດ ແລະອອກໄປບ່ອນໃຫມ່ ແລະເຮົາຮູ້ວ່າ 2 ຊ່ວງເວລາທຳອິດຄືວາງ​ແບບ​ຢ່າງ ແລະ ຊ່ວຍ​ເຂົາ​ເຮັດນັ້ນ ຄວນເລີ່ມແລະຈົບຢ່າງວ່ອງໄວ ເພື່ອຜູ້ເຊື່ອໃໝ່ຈະເຂັ້ມແຂງແລະເຕີບໃຫຍ່ໃນຄວາມເຊື່ອ

ແລ້ວຈະເກີດຫຍັງຂຶ້ນກັບຄຣິສຕະຈັກທຳອິດແລະຄຣິສຕະຈັກສີ່ແຫ່ງທີ່ພວກເຂົາຫາກໍ່ເລີ່ມສ້າງຕັ້ງຂຶ້ນມາໃໝ່ນັ້ນ?

ຫຼັງຈາກທີ່ຫົວໜ້າຄອບຄົວ ຈາກຄຣິສຕະຈັກທຳອິດ ໄດ້ຕັ້ງ​ໜ່ວຍໃໝ່ຂຶ້ນໂດຍການ ວາງ​ແບບ​ຢ່າງ ແລະ ຊ່ວຍ​ເຂົາ​ເຮັດ ນັ້ນກໍ່ໝາຍຄວາມວ່າພວກເຂົາໄດ້ຊ່ວຍຄຣິສຕະຈັກໃໝ່ລຸ້ນທີ່ 1 ໃຫ້ເລີ່ມວາງ​ແບບ​ຢ່າງ ແລະ ຊ່ວຍ​ເຂົາ​ເຮັດ​ແກ່ ຄຣິສຕະຈັກລຸ້ນທີ 2 ນຳອີກດ້ວຍ

ໃນຕອນນີ້ ສຳລັບຄຣິສຕະຈັກລຸ້ນທີ 1 ທັງສີ່ແຫ່ງ ຫົວໜ້າຄອບຄົວຈາກຄຣິສຕະຈັກທຳອິດ ຈະຢູ່ໃນໄລຍະເຝົ້າເບິ່ງຄວາມກ້າວໜ້າຂອງຄຣິສຕະຈັກລຸ້ນທີ 1 ແລະ​ລໍຖ້າໃຫ້ຄຳແນະນຳພວກເຂົາໃນການ​ວາງ​ແບບ​ຢ່າງແລະຊ່ວຍ​ເຫຼືອຄຣິສຕະຈັກລຸ້ນທີ 2 ທີ່ພວກເຂົາຕັ້ງຂຶ້ນມາ

ຄົນສ່ວນໃຫຍ່ຈະບໍ່ສາມາດວາງ​ແບບ​ຢ່າງແລະຊ່ວຍເຫຼືອ ຄອບຄົວຝ່າຍຈິດວິນຍານຄັ້ງລະຫຼາຍກວ່າໜຶ່ງຄອບຄົວໄດ້ ແຕ່ພວກເຂົາສາມາດເບິ່ງເຂົາ​ເຮັດແລະຊ່ວຍ​ເຂົາ​ເຮັດ​ແກ່ຄຣິສຕະຈັກຫຼາຍແຫ່ງໄດ້ ແລະຊ່ວຍໃຫ້ພວກເຂົາຕິດຕໍ່ກັບໜ່ວຍພີ່ລ້ຽງໃຫ້​ຄຳ​ປຶກ​ສາໄດ້ໃນຂັ້ນຕອນຂອງການເຕີບໃຫຍ່

ນັ້ນກໍ່ໝາຍຄວາມວ່າ ຄອບຄົວຝ່າຍຈິດວິນຍານໜຶ່ງຄອບຄົວຫຼືຄຣິສຕະຈັກນ້ອຍ ກໍ່ສາມາດເປັນສ່ວນໜຶ່ງໃນການຕັ້ງຄຣິສຕະຈັກນ້ອຍໆ ອີກຫຼາຍແຫ່ງໄດ້ໃນເວລາດຽວກັນ ນັ້ນແມ່ນການເກີດຜົນຫຼວງຫຼາຍ

ແລ້ວຈະເກີດຫຍັງຂຶ້ນກັບຄຣິສຕະຈັກເຫຼົ່ານີ້ທີ່ເຕີບໃຫຍ່ແລະສ້າງຄຣິສຕະຈັກໃຫຍ່ໄປເລື້ອຍໆ? ພວກເຂົາຈະຮັກສາຄວາມສຳພັນທີ່ມີຕໍ່ກັນໄວ້ໄດ້ແນວໃດ? ພວກເຂົາຈະດຳເນີນຊີວິດໃນຂະນະທີ່ຂະຫຍາຍຄອບຄົວຝ່າຍຈິດວິນຍານໄດ້ແນວໃດ?

ຄຳຕອບກໍ່ຄື ຄຣິສຕະຈັກທີ່ມີຮູບແບບທີ່ລຽບງ່າຍເຫຼົ່ານີ້ເປັນຄືກັບເຊວໃນຮ່າງກາຍທີ່ກຳລັງເຕີບໃຫຍ່ ພວກເຂົາເຊື່ອມໂຍງສຳພັນກັນ ເກີດເປັນເຄືອຂ່າຍຄຣິສຕະຈັກໃນເມືອງຫຼືຄຣິສຕະຈັກທ້ອງຖິ່ນ

ຄຣິສຕະຈັກຕ່າງໆ ເຊື່ອມໂຍງກັນ ພວກເຂົາມີດີເອນເອຝ່າຍຈິດວິນຍານດຽວກັນ ພວກເຂົາຜູກພັນກັນ ເພາະມາຈາກຄອບຄົວທີ່ເພີ່ມຈຳນວນຄືກັນ

ແລະບັດນີ້ ໂດຍການແນະນຳບາງຢ່າງ ພວກເຂົາກໍ່ມາຮວມກັນເປັນ​ໜ່ວຍທີ່ໃຫຍ່ກວ່າເກົ່າເພື່ອເກີດຜົນຫຼາຍກວ່າເກົ່າ

​ຊຸດ​ອຸ​ປະ​ກອນ​ຊູ​ເມ ​​ລາຍການກວດ​ກາ​ການ​ຝຶກ​ສອນ ​ພ​ຣະ​ເຢ​ຊູ​ກ່າວ​ວ່າ ບໍ່​ມີ​ຜູ້​ໃດ​ມີ​ຄວາມ​ຮັກໃຫຍ່ກວ່າ​ນີ້ ຄື​ການ​ທີ່ຜູ້​ໜຶ່ງ​ໄດ້​ສະ​ຫລະ​ຊີ​ວິດ ເພື່ອ​ມິດ​ສະ​ຫາຍ​ຂອງ​ຕົນ. ​ພ​ຣະ​ເຢ​ຊູໄດ້​ຊົງ​ບອກ​​ພວກ​ເຮົາ ແລ້ວ​ຊົງ​ສະ​ແດງ​ໃຫ້​ເຫັນ ຫຼາຍ​ຕໍ່ຫຼາຍ​ຄັ້ງ ​ວ່າ​ຄອບ​ຄົວ​ຂອງ​ພ​ຣະ​ເຈົ້າ​ເຕີບ​ໃຫຍ່​ດີ​ທີ່​ສຸດ ​ເມື່ອ​ພວກ​ເຮົາ​ຍິນ​ດີທີ່ຈະປະຖິ້ມ​ຄວາມ​ຕ້ອງ​ການ​ຂອງ​ພວກ​ເຮົາ​ເພື່ອ​ເຮັດຕາມພຣະປະສົງຂອງ​ພ​ຣະ​ເຈົ້າ. ລາຍ​ການກວດ​ກາ​ການ​ຝຶກ​ສອນ ​ແມ່ນ​ອຸ​ປະ​ກອນ​ທີ່​ງ່າຍ​ໆ​ທີ່​ທ່ານ​ສາ​ມາດ​ໃຊ້​ເພື່ອ​ຊ່ວຍ​ແນະນຳທ່ານ ​ໃນຂະນະ​ທີ່​ທ່ານ​ຊ່ວຍ​ເຫຼືອ​ຜູ້​ອື່ນ​ຜ່ານ​ສ່ວນ​ຕ່າງໆ​ຂອງ​ການ​ຝຶ​ກ​ອົບ​ຮົມ​ຂອງ​ຊູ​ເມ ​ເຊັ່ນ​ວົງ​ຈອນ​ການ​ຝຶກ​ອົບ​ຮົມ ຫຼື 100 ລາຍ​ຊື່​ຂອງ​ພວກ​ເຂົາ. ທ່ານ​ເຫັນ​ຜູ້ອື່ນພັດທະນາທັກສະຫຍັງແດ່? ຂົງເຂດ​ໃດ​ທີ່​ຍັງ​ຕ້ອງ​ການ​ການ​ພັດ​ທະ​ນາ​ຕື່ມ? ການ​ມີ​ລາຍ​ການກວດ​ກາ​ການ​ຝຶກ​ສອນ​ຈະ​ຊ່ວຍ​ໃຫ້​ທ່ານ​ຈົດ​ຈໍ່​ໄດ້ ແລະ ມີ​ສ່ວນ​ຮ່ວມ​ໃນ​ຂະ​ນະ​ທີ່​ທ່ານ​ພັດ​ທະ​ນາ​ຜູ້​ຕິດ​ຕາມຂອງ​ພ​ຣະ​ເຢ​ຊູ ເຂົ້າ​ສູ່​​ການ​ເປັນ​ຜູ້​ນຳ​ໃນ​ຄອບ​ຄົວ​ຂອງ​ພ​ຣະ​ເຈົ້າ, ທຸກໆ​ບ່ອນ​ທີ່​ທ່ານ​ໄປ. ແມ່ນ​ແລ້ວ, ມັນ​ໃຊ້​ເວ​ລາ ແລະ ຄວາມ​ພະ​ຍາ​ຍາມ. ແມ່ນ​ແລ້ວ, ມັນ​ຄື​ການ​ເສຍ​ສະຫຼະ ​ແລະ ປະ​ຖິ້ມ​ຄວາມ​ມັກ​ຮັກ​ຂອງ​ພວກເຮົາ​ສຳ​ລັບ​ແຜນ​ການ​ທີ່​ສົມ​ບູນ​ແບບ​ຂອງ​ພ​ຣະ​ເຈົ້າ. ແລະ ແມ່ນ​ແລ້ວ, ຫຼາຍກວ່າ​ສິ່ງ​ນັ້ນ. ມັນ​ຄຸ້ມ​ຄ່າຫຼາຍ. ລາຍ​ການກວດ​ກາ​ການ​ຝຶກ​ສອນ ​ແມ່ນ​ອຸ​ປະ​ກອນ​ຊະ​ນິດ​ໜຶ່ງ​ທີ່​ງ່າຍ​​ຈາກ​ຊຸດ​ອຸ​ປະ​ກອນ​ຂອງ​ຊູ​ເມ ​ເພື່ອ​ຊ່ວຍ​ໃຫ້​ທ່ານ​ຢູ່​ໃນ​ເກມ​ທີ່​ຍິ່ງ​ໃຫຍ່​​ທີ່​ສຸດ​ໃນ​ຊີ​ວິດ -- ​ວຽກງານ​ຂອງ​ພ​ຣະ​ເຈົ້າ.

ຍິນດີຕ້ອນຮັບກັບເຂົ້າສູ່ບົດຮຽນ ຊູມີ ໃນບົດນີ້ພວກເຮົາຈະໄດ້ຮຽນຮູ້ວ່າ ຄວາມເປັນຜູ້ນໍາແບບເຄືອຂ່າຍຈະຊ່ວຍໃຫ້ຄຣິສຕະຈັກໜ່ວຍນ້ອຍເຮັດວຽກຮ່ວມກັນ, ເສີມສ້າງຜູ້ນໍາໃຫມ່ ແລະ ເກີດຜົນຫຼາຍຂຶ້ນໃນສິ່ງທີ່ດີ. ທີ່ພຣະເຈົ້າຕຽມໄວ້ໃຫ້ຄົນຂອງພຣະອົງໄວ້ແນວໃດ? ເມື່ອຄຣິສຕະຈັກເຕີບໃຫຍ່ ແລະ ສ້າງໃຫມ່ໄປເລື້ອຍໆພວກເຂົາຈະເປັນແນວໃດຕໍ່ໄປ ພວກເຂົາຈະເຊື່ອມໂຍງກັນແນວໃດ? ພວກເຂົາຈະດໍາເນີນຊີວິດເປັນຄອບຄົວຝ່າຍຈິດວິນຍານທີ່ຂະຫຍາຍອອກໄປໄດ້ແນວໃດ? ຄຳຕອບຄື ຄຣິສຕະຈັກທີ່ງ່າຍດາຍເຫຼົ່ານີ້ເປັນຄືກັບເຊວຕ່າງໆໃນຮ່າງກາຍທີ່ກໍາລັງເຕີບໃຫຍ່. ພວກເຂົາປະສານຂຶ້ນເປັນຄຣິສຕະຈັກໃນເມືອງ ຫຼື ຄຣິສຕະຈັກທ້ອງຖິ່ນ. ຄຣິສຕະຈັກເຫຼົ່ານີ້ມີຄວາມສໍາພັນກັນ ມີດີເອັນເອຝ່າຍຈິດວິນຍານດຽວກັນ ພວກເຂົາທັງໝົດເຕີບໃຫຍ່ມາຈາກຄອບຄົວດຽວກັນແຕ່ທໍາອິດ. ເປັນຄອບຄົວທີ່ເລີ່ມຕົ້ນຈາກການເພີ່ມຈໍານວນ ແຕ່ບາດນີ້ໂດຍການແນະນໍາບາງຢ່າງພວກເຂົາຮ່ວມກັນເປັນກຸ່ມທີ່ໃຫຍ່ຂຶ້ນເພື່ອຈະໃຫ້ເກີດຜົນທີ່ຍິ່ງກວ່າເກົ່າ. ໃນລະດັບເມືອງ ແລະ ລະດັບທ້ອງຖິ່ນພຣະຄໍາຂອງພຣະເຈົ້າບອກເຮົາວ່າ ກຸ່ມຜູ້ທີ່ກໍາລັງເຕີບໃຫຍ່ຂຶ້ນນີ້ມີຜູ້ນໍາຄົນໃຫມ່ ໃນພຣະສັນຍາໃຫມ່ ຄຣິສຕະຈັກເອີ້ນຜູ້ຮັບໃຊ້ເຫຼົ່ານີ້ວ່າ ຜູ້ປົກຄອງ ແລະ ມັກຄານາຍົກ, ຜູ້ລ້ຽງແກະ ແລະ ຜູ້ເບິ່ແຍງຝູງແກະ. ພວກເຮົາຮຽນຮູ້ຈາກພຣະຄໍາຂອງພຣະເຈົ້າວ່າຄຣິສຕະຈັກຕາມບ້ານຈໍານວນຫຼວງຫຼາຍຕາມບ້ານເຢຣູຊາເລັມ ມີກຸ່ມຜູ້ເບິ່ງແຍງ ຫຼື ມັກຄານາຍົກ 7 ຄົນ. ພວກເຮົາຮຽນຮູ້ຈາກພຣະຄໍາຂອງພຣະເຈົ້າວ່າ ຄຣິສຕະຈັກຕາມບ້ານຫຼາຍແຫ່ງໃນເມືອງເອເຟໂຊໄດ້ຮັບການເບິ່ງແຍງຈາກຜູ້ປົກຄອງກຸ່ມນ້ອຍໆ ເຊິ່ງເປັນຜູ້ລ້ຽງແກະທີ່ເຮັດຕາມແບບຢ່າງຂອງຜູ້ລ້ຽງທີດີຄືພຣະເຢຊູ ແລະ ພວກເຂົາອຸທິດຊີວິດເພື່ອຝູງແກະ. ນອກຈາກນີ້ພວກເຮົາຍັງເຫັນຂອງປະທານສໍາລັບການເປັນຜູ້ນໍາ 5 ຢ່າງ. ພຣະຄໍາຂອງພຣະເຈົ້າກ່າວວ່າ ພຣະຄຣິດຊົງໃຫ້ລາງຄົນເປັນອັກຄະສາວົກ, ລາງຄົນເປັນຜູ້ປະກາດພຣະຄໍາ, ລາງຄົນເປັນຜູ້ປະກາດຂ່າວປະເສີດ, ລາງຄົນເປັນສິດຍາພິບານ ແລະ ອາຈານ ເພື່ອຈັດຕຽມໄພ່ພົນທັງຫຼາຍຂອງພຣະອົງໃຫ້ເປັນຜູ້ຮັບໃຊ້ທີ່ເໝາະສົມເພື່ອເສີມສ້າງພຣະກາຍຂອງພຣະຄຣິດໃຫ້ຈະເລີນຂຶ້ນ. ພຣະເຈົ້າບໍ່ໄດ້ປະທານຂອງປະທານຝ່າຍວິນຍານເຫຼົ່ານີ້ໃຫ້ແກ່ກຸ່ມຄົນນ້ອຍໆເພື່ອໃຫ້ເຂົາເຮັດວຽກທຸກຢ່າງໃນຄຣິສຕະຈັກ ແຕ່ພວກເຂົາຮັບໃຊ້ ແລະ ຕຽມຜູ້ເຊື່ອໃນພຣະເຢຊູເພື່ອໃຫ້ພ້ອມເຮັດວຽກ ເພື່ອກຸ່ມຜູ້ເຊື່ອທັງໝົດຈະສາມາດເຮັດວຽກຮ່ວມກັນເພື່ອບັນລຸຕາມນໍ້າພຣະໄທຂອງພຣະເຈົ້າທຸກປະການ. ສໍາລັບຜູ້ນໍາເຫຼ່ົານີ້ ນອກເໜືອຈາກການພົບປະກັບຄອບຄົວຝ່າຍຈິດວິນຍານຂອງຕົນເອງແລ້ວ ພວກເຂົາຈະພົບປະກັນ ອະທິຖານ, ສາມັກຄີທໍາ, ໜູນໃຈກັນ ແລະ ກັນ ແບບດຽວກັນກັບຄຣິສຕະຈັັກຕາມບ້ານ. ໃນການປະຊຸມອົບຮົມຜູ້ນໍາ ແລະ ກຸ່ມພີ່ລ້ຽງທີ່ຈະໃຊ້ຮູບແບບກຸ່ມສາມສ່ວນສາມ. ເຄື່ອງມືການເຮັດວຽກຂອງຜູ້ນໍາ 4 ຮູບແບບ ໃຊ້ສໍາລັບການວາງແຜນ, ການປະເມີນຜົນ, ການໜູນໃຈ, ການສອນໃນລະດັບທີ່ສູງຂຶ້ນໄປເຊັ່ນດຽວກັບທີ່ໃຊ້ໃນລະດັບທ້ອງຖີ່ນ. ເມື່ອຜູ້ນໍາມາພົບກັນ ພວກເຂົາເລົ່າ ແບ່ງປັນສິ່ງທີ່ເກີດຂຶ້ນກັບຕົວຂອງພວກເຂົາແຕ່ລະຄົນ ແລະ ສິ່ງທີ່ເກີດຂຶ້ນກັບກຸ່ມເຄືອຂ່າຍຂອງພວກເຂົາ. ພວກເຂົາເປັນຕົວແທນຂອງກຸ່ມຄອບຄົວ ເລົ່າເຖິງຄວາມເປັນຢູ່ຂອງຜູ້ທີ່ພວກເຂົາຮັບໃຊ້ຢູ່. ສະຖານທີ່ທີ່ດີຈະໃຊ້ເປັນສູນກາງເຄືອຂ່າຍຄອບຄົວຝ່າຍຈິດວິນຍານຈະເປັນບ່ອນທີ່ເຄືອຂ່າຍນັ້ນເລີ່ມກໍ່ຕັ້ງຂຶ້ນ. ເຄືອຂ່າຍໃດຄຣິສຕະຈັກໃນເມືອງໃດເມືອງໜຶ່ງກໍຄວນຈະກໍ່ຕັ້ງຄຣິສຕະຈັກທ້ອງຖິ່ນຢູ່ໃນເມືອງນັ້ນ. ເມື່ອກຸ່ມຂອງພວກເຂົາຂະຫຍາຍອອກໄປຮັບໃຊ້ທົ່ວເມືອງນັ້ນແລ້ວ ພວກເຂົາກໍເປັນຕົວແທນຂອງເຄືອຂ່າຍລະດັບແຂວງ. ເມື່ອພວກເຂົາສົ່ງຄົນອອກໄປຮັບໃຊ້ທົ່ວປະເທດ ແລະ ທົ່ວໂລກ. ງານຂອງພວກເຂົາກໍຈະເປັນງານຮັບໃຊ້ລະດັບປະເທດ ລະດັບນານາຊາດ. ພຣະເຢຊູກ່າວວ່າຄົນທີ່ສັດຊື່ໃນສິ່ງເລັກນ້ອຍຈະສັດຊື່ໃນສິ່ງຫຼວງຫຼາຍດ້ວຍ. ຄຣິສຕະຈັກໃນເຄືອຂ່າຍເຫຼົ່ານີ້ຈະເຊື່ອມໂຍງກັນດ້ວຍດີເອັນເອຝ່າຍຈິດວິນຍານ ແລະ ດ້ວຍຈຸດກໍາເນີດດຽວກັນ. ບາງຄັ້ງເຄືອຂ່າຍເຫຼົ່ານີ້ອາດແຍກຕົວອອກເປັນຫຼາຍເຄືອຂ່າຍຕາມພາສາ, ໂອກາດພົບກັນ ຫຼື ໂດຍເຫດຜົນອື່ນໆ. ນີ້ເປັນສ່ວນໜຶ່ງຂອງການເຕີບໃຫຍ່ ເຊິ່ງບໍ່ແມ່ນປັນຫາ. ຄວາມເຕັມໃຈໃນການຮຽນຮູ້, ເຊື່ອຟັງ ແລະ ແບ່ງປັນພຣະຄໍາຂອງພຣະເຈົ້າແບບງ່າຍດາຍ ແລະ ສາວົກແຕ່ລະຄົນແມ່ນດີເອັນເອຝ່າຍຈິດວິນຍານຂອງການຮັບໃຊ້. ເຊິ່ງຖ້າຫາກໄດ້ຮັບການສືບຖອດຈາກລຸ້ນໜຶ່ງໄປສູ່ອີກລຸ້ນໜຶ່ງ, ຈາກຄຣິສຕະຈັກສູ່ຄຣິສຕະຈັກ ແລະ ຈາກຜູ້ເຊື່ອໄປສູ່ຜູ້ເຊື່ອແລ້ວ ຄອບຄົວຝ່າຍຈິດວິນຍານ ແລະ ບັນດາຜູ້ເຊື່ອໃນພຣະເຢຊູທຸກຄົນກໍພ້ອມທີ່ຈະເລີ່ມພັນທະກິດເພີ່ມທະວີສາວົກໄດ້. ເມື່ອພັນທະກິດສ້າງພັນທະກິດ ພວກເຮົາເອງຈະເຫັນການປູກກ້ອນເຂົ້າຈີ່ ເຊິ່ງໝາຍເຖິງເຄືອຂ່າຍຄຣິສຕະຈັກໃນເມືອງ ໃນແຂວງ ຫຼືແມ່ນແຕ່ໃນປະເທດ. ນີ້ຄືການທີ່ແຜ່ນດິນຂອງພຣະເຈົ້າຕັ້ງຢູ່ເທິງໂລກນີ້້ເຊັ່ນດຽວກັນກັບແຜ່ນດິນສະຫວັນ ແລະ ນີ້ຄືວິທີທີ່ເຮົາຈະສາມາດສ້າງສາວົກຈາກຄົນທຸກຊາດຕາມພຣະມະຫາບັນຊາຂອງພຣະເຢຊູ

​ຊຸດ​ອຸ​ປະ​ກອນ​ຊູ​ເມ ​ກຸ່ມ​ເພື່ອນ​ທີ່​ປຶກ​ສາ ​ພ​ຣະ​ເຢ​ຊູ​ກ່າວ​ວ່າ ບັດ​ນີ້ ເຮົາ​ມອບ​ກົດ​ບັນ​ຍັດ​ຂໍ້​ໃໝ່​ໃຫ້​ພວກ​ເຈົ້າ​ຄື: ຈົ່​ງ​ຮັກ​ຊຶ່ງ​ກັນ ແລະ ກັນ ​ເຮົາ​ຮັກ​ພວກ​ເຈົ້າ​ຢ່າງ​ໃດ ພວກ​ເຈົ້າ​ກໍ​ຈົ່ງ​ຮັກ​ຊຶ່ງ​ກັນ ແລະ ກັນ​ຢ່າງ​ນັ້ນ. ​ຖ້າ​ພວກ​ເຈົ້າ​ຮັກຊຶ່ງ​ກັນ ແລະ ກັນ ທຸກ​ຄົນ​ກໍ​ຈະ​ຮູ້​ວ່າ ​ພວກ​ເຈົ້າ​ເປັນ​ສາ​ວົກ​ຂອງ​ເຮົາ. ​ກຸ່ມ​ເພື່ອນ​ທີ່​ປຶກ​ສາ ​ເປັນ​ກຸ່ມ​ທີ່​ປະ​ກອບ​ໄປ​ດ້ວຍ​ຄົນ​ທີ່​ເປັ​ນ​ຜູ້​ນຳ ​ແລະ ຜູ້ລິເລີ່ມ​ກຸ່ມ 3/3. ນອກ​ຈາກ​ນີ້​ຍັງ​ເປັນ​ໄປ​ຕາມ​ຮູບ​ແບບ 3/3 ແລະ ເປັນ​ວິ​ທີ​ທີ່​ມີ​ປະ​ສິດ​ທິ​ພາບ ​ເພື່ອ​ປະ​ເມີນ​ສຸ​ຂະ​ພາບ​ຝ່າຍຈິດ​ວິນ​ຍານ​ຂອງ​​ວຽກງານ​ຂອງ​ພ​ຣະ​ເຈົ້າ​ໃນ​ພື້ນ​ທີ່​ຂອງ​ທ່ານ. ກຸ່ມ​ເພື່ອນ​ທີ່​ປຶກ​ສາ​ໃຊ້​ເພື່ອໃຫ້ຄຳປຶກສາແບບ​ຜູ້​ນຳ-ຕໍ່-ຜູ້​ນຳ ​ກັບ​ບຸກ​ຄົນ​ທີ່​ຕິດ​ຕາມ​ພ​ຣະ​ເຢ​ຊູ, ກັບ​ຄ​ຣິສ​ຕະ​ຈັກ​ທີ່​ລຽບ​ງ່າຍ, ກັບ​ອົງ​ກອນ​ພັນ​ທະ​ກິດ​​ຕ່າງໆ ຫຼື ແມ່ນ​ແຕ່​ກັບ​​ເຄືອ​ຂ່າຍຄ​ຣິສ​ຕະ​ຈັກ​ທີ່​ລຽບ​ງ່າຍ​ໃນ​ທົ່ວ​ໂລກ ​ທີ່​ໄປ​ທົ່ວ​ທັງ​ໂລກ. ​ກຸ່ມ​ເພື່ອນ​ທີ່​ປຶກ​ສາ ຈະເຮັດ​ຕາມ​ແບບ​ຢ່າງ​ພັນ​ທະ​ກິດ​ຂອງ​ພ​ຣະ​ເຢ​ຊູ​ຈາກ​ພ​ຣະ​ຄຳ​ພີ, ​ຖາມ​ຄຳ​ຖາມເຊິ່ງ​ກັນ ແລະ ກັນ ແລ້ວ​ໃຫ້​ຂໍ້​ສະ​ເໜີ​ແນະ​ -- ໂດຍໃຊ້​ຮູບ​ແບບ​ພື້ນ​ຖານ​ດຽວ​ກັນ​ໃນ​ໂຄງ​ສ້າງ​ກຸ່ມ 3/3. ຈຸດ​ປະ​ສົງ​ຂອງ​ກຸ່ມ​ເຫຼົ່ານີ້​ບໍ່​ແມ່ນ​ເພື່ອ​ຕັດ​ສິນ, ​ເພື່ອ​ຍົກ​ສະ​ມາ​ຊິກ​ຜູ້​ໜຶ່ງ​ຂຶ້ນ ແລະ ກົດ​ສະ​ມາ​ຊິກ​ຄົນ​ໜຶ່ງ​ໃຫ້​ຕ່ຳ​ລົງ. ພ​ຣະ​ເຢ​ຊູ​ກ່າວ​ວ່າ ຢ່າ​ຕັດ​ສິນ​ຄົນ​ອື່ນ ເພ​ື່ອວ່າ​ພ​ຣະ​ເຈົ້າ​ຈະ​ບໍ່​ຕັດ​ສິນ​ເຈົ້າ. ດ້ວຍ​ວ່າ ເຈົ້າ​ຈະ​ຕັດ​ສິນ​ຄົນ​ອື່ນ​ຢ່າງ​ໃດ ພ​ຣະ​ເຈົ້າ​ກໍ​ຈະ​ຕັດ​ສິນ​ເຈົ້າ​ຢ່າງ​ນັ້ນ ​ແລະ ເຈົ້າ​ຈະ​ຕວງ​ໃຫ້​ເຂົາ​ດ້ວຍ​ເຄື່ອງ​ຜອງ​ອັນ​ໃດ ພ​ຣະ​ເຈົ້າ​ກໍ​ຈະ​ຕ​ວງ​ໃຫ້​ເຈົ້າ​ດ້ວຍ​ເຄື່ອງ​ຜອງ​ອັນ​ນັ້ນ. ​ ຈຸດ​ປະ​ສົງ​ຂອງ​ກຸ່ມ​ເພື່ອນ​ທີ່​ປຶກ​ສາ ​ຄື​ເພື່ອ​ຈັດ​ກຽມ​ຮູບ​ແບບ​ງ່າຍ​ໆ​ໃນ​ການ​ຊ່ວຍ​ເຫຼືອ​ຜູ້​ຕິດ​ຕາມ​ຂອງພ​ຣະ​ເຢ​ຊູ ​ເຕີບ​ໃຫຍ່​ຜ່ານ​ການ​ອະ​ທິ​ຖານ, ​ການ​ເຊື່ອ​ຟັງ, ການນຳມາໃຊ້ ແລະ ມີ​ຄວາມ​ຮັບ​ຜິດ​ຊອບ. ເວົ້າ​ອີກ​ຢ່າງ​ໜຶ່ງວ່າ ເພື່ອ​ຮັກ​ເຊິ່ງ​ກັນ ແລະ ກັນ. ນີ້​ຄື​ການ​ເຮັດ​ວຽກ​ຂອງ​ມັນ: ​ເບິ່ງ​ຄືນຫຼັງ ​ໃນ​ລ​ະ​ຫວ່າງ​ສາມ​ຮອບ​ທຳ​ອິດ ​​ໃຊ້​ເວ​ລາ​ໃນ​ການ​ອະ​ທິ​ຖານ ແລະ ໃສ່​ໃຈ​ເໝືອນ​ກັບ​ທ່ານ​ຢູ່​ໃນ​ກຸ່ມ​ພື້ນ​ຖານ 3/3. ຈາກ​ນັ້ນ​ກໍໃຊ້​ເວ​ລາ​ເບິ່ງວິ​ໄສ​ທັດ​ຂອງ​ກຸ່ມ - ພວກ​ເຮົາ​ແຕ່ລະຄົນປະຕິບັດຕາມພ​ຣະ​ເຢ​ຊູ​​ໄດ້​ດີ​ພຽງໃດ ​ເມື່ອ​ພວກ​ເຮົາ​ອ່ານ​ພ​ຣະ​ຄຳ​ພີ, ​ອະ​ທິ​ຖານ, ໄວ້ວາງ​ໃຈ ແລະ ເຊື່ອ​ຟັງ​ພ​ຣະ​ເຈົ້າ, ແລະ ໃຊ້​ຊີ​ວິດ​ໃນ​ຄວາມ​ສຳ​ພັນ​ທີ່​ສຳ​ຄັນ? ສຸດ​ທ້າຍ ໃນ​ລະ​ຫວ່າງ​ສາມ​ຮອບ​ທຳ​ອິດ​ນີ້, ​ໃຫ້​ກຸ່​ມ​ໄດ້​ທົບທວນຄືນ ແລະ ຕອບ​ສະ​ໜອງ​ຕໍ່​​ ແຜນການ​ປະ​ຕິ​ບັດງານ ແລະ ຄວາມ​ມຸ່ງ​ໝັ້ນຂອງ​ແຕ່​ລະ​ບຸກ​ຄົນ ທີ່ໄດ້ເຮັດ​ໃນ​ພາກ​ສຸດ​ທ້າຍ. ​ເບິ່ງ​ຂຶ້ນ​ເທິງ ​ເວລາທີສາມ​ສ່ວນເຄິ່ງ​ກາງ​​ຂອງ​ກຸ່ມ ​ຄື​ການ​ແນມ​ຂຶ້ນ​ເທິງ​ເພື່ອ​ຊອກ​ຫາ​ສະ​ຕິ​ປັ​ນ​ຍາ​ຂອງ​ພ​ຣະ​ເຈົ້າ ແລະ ການ​ນຳ​ທາງຂອງ​ພ​ຣະ​ອົງ ​ຜ່ານ​ກາ​ນ​ອ່ານ​ພ​ຣະ​ຄຳພີ, ການສົນ​ທະ​ນາ ແລະ ການ​ອະ​ທິ​ຖານ. ນຳສະເໜີຄຳອະ​ທິ​ຖານ​ສັ້ນໆ ແລະ ລຽບ​ງ່າຍ, ​ທູນ​ຂໍ​ກັບ​ພ​ຣະ​ເຈົ້າ​ໃຫ້​ພ​ຣະ​ອົງ​ຊົງ​ສອນ​ພ​ຣະ​ປະ​ສົງ​ຂອງ​ພ​ຣະ​ອົງ​ໃຫ້​ກັບ​ທ່ານ ​ແລະ ວິທີທາງ​ຂອງ​ພ​ຣະ​ອົງໂດຍ​ຜ່ານ​ພ​ຣະ​ຄຳ​ຂອງ​ພ​ຣະ​ເຈົ້າ. ທູນ​ຂໍ​ໃຫ້​ພ​ຣະ​ວິນ​ຍານ​ບໍ​ຣິ​ສຸດ​ນຳ​ພາ​ການ​ໃຊ້​ເວ​ລາ​ຂອງ​ທ່ານ. ສະ​ມາ​ຊິກ​ໃນ​ກຸ່ມ​ຄວນ​ຈະ​ແບ່ງ​ປັນ ​ໃນ​ສິ່ງ​ທີ່​ພວກ​ເຂົາ​ໄດ້​ຮຽນ​ຮູ້​ຈາກ​ພ​ຣະ​ເຈົ້າ ​ກ່ຽວ​ກັບ​ພື້ນ​ທີ່​ການ​ເປັນ​ຜູ້ນ​ຳ​ຂອງ​ພວກ​ເຂົາ - ພ້ອມ​ກັບ​ພ​ຣະ​ຄຳ​ຂອງ​ພ​ຣະ​ເຈົ້າ, ການ​ອະ​ທິ​ຖານ ຫຼື ຈາກ​ຜູ້​ຕິດ​ຕາມ​ຄົນ​ອື່ນໆ. ໃຫ້​ກຸ່​ມ​ສົນ​ທະ​ນາ​ກັນ​ຕາມ​ຄຳ​ຖາມ​ງ່າຍໆ​ຕໍ່ໄປນີ້: ໜຶ່ງ ​ທ່ານ​ເປັນ​ແນວ​ໃດ​ໃນ​ພາກ​ການ​ຮຽນ​ກ່ຽວ​ກັບ​ນາ​ສີ່​ທົ່ງ? ສອງ ​ການ​ເຮັດ​ວ​ຽກ​ດີ​ແມ່ນ​ຫຍັງ? ຄວາມ​ທ້າ​ທາຍ​ທີ່​ໃຫຍ່​ທີ່​ສຸດ​ສຳ​ລັບ​ທ່ານ​ແມ່ນ​ຫຍັງ? ສາມ ​ກວດຄືນ​ແຜນ​ທີ່​ຮຸ່ນ​ປັດ​ຈຸ​ບັນ​ຂອງ​ທ່ານ. ​ສີ່ ​ແມ່ນ​ຫຍັງ​ທີ່​ທ້າ​ທາຍ​ທ່ານ ຫຼື ແມ່ນ​ຫຍັງ​ທີ່​ທ່ານ​ເຫັນ​ວ່າ​ເຂົ້າ​ໃຈ​ຍາກຫຼາຍ? ຫ້າ ​ພ​ຣະ​ເຈົ້າ​ກຳລັງສຳ​ແດງ​ຫຍັງ​ໃຫ້​ທ່ານ​ເຫັນເມື່ອ​ບໍ່​ດົນ​ມາ​ນີ້? ຫົກ ​ມີ​ຄຳ​ຖາມ ຫຼື ຂໍ້​ສະ​ເໜີ ​ຈ​າ​ກ​ຜູ້​ນຳ​ທີ່​ມີປະສົບການຫຼາຍ ຫຼື ຈາກ​ຜູ້​ເຂົ້າ​ຮ່ວມ​ຄົນ​ອື່ນໆບໍ? ​ການ​ເບິ່ງໄປ​ທາງ​ໜ້າ ​ເວລາທີສາມ​ສ່ວນ​ສຸດ​ທ້າຍ​​ຂອງ​ກຸ່ມ​ຄື​ການເບິ່ງ​ໄປ​ທາງ​ໜ້າ​ ເພື່ອ​ພວກ​ເຮົາ​ຈະ​ສາ​ມາດ​ໃຊ້ ແລະ ເຊື່ອ​ຟັງ​ໃນ​ສິ່ງ​ທີ່​ພວກ​ເຮົາ​ໄດ້​ຮຽນ​ຮູ້. ໃຊ້​ເວ​ລ​າ​ອະ​ທິ​ຖານ​ຢູ່​ໃນ​ຄວາມ​ສະ​ຫງົບ​ກັບ​ທຸກ​ຄົນ​ໃນ​ກຸ່ມ ​ທ​ູນ​ຂໍ​ກັບ​ພ​ຣະ​ວິນ​ຍານ​ບໍ​ຣິ​ສຸດ​ໃຫ້​ສຳ​ແດງ​ຕໍ່​ພວກ​ເຂົາເຫັນວ່າຈະ ​ຕອບ​ຄຳ​ຖາມ​ເຫຼົ່າ​ນີ້​ແນວ​ໃດ: ເຈັດ ແຜນ​ການປະ​ຕິ​ບັດ ຫຼື ເປົ້າ​ໝາຍ​ທີ່​ພ​ຣະ​ເຈົ້າ​ໄດ້​ໃຫ້​ຂ້ອຍ​ຝຶກ​ຝົນ ​ກ່ອນ​ທີ່​ພວກ​ເຮົາ​ຈະ​ມາ​ພົບ​ກັນ​ອີກ​ໃນ​ຄັ້ງ​ຕໍ່​ໄປ​ແມ່ນ​ຫຍັງ? (ໃຊ້​ນາ​ສີ່​ທົ່ງ​ເພື່ອ​ຊ່ວຍໃຫ້ທ່ານຈົດ​ຈໍ່​ວຽກງານ​ຂອງ​ທ່ານ) ແປດ ​ທີ່​ປຶກ​ສາ​ຂອງ​ຂ້ອຍ ຫຼື ສະ​ມາ​ຊິ​ກ​ກຸ່ມ​ອື່ນໆ​ຈະ​ສາ​ມາດ​ຊ່ວຍ​ຂ້ອຍໃນການ​ເຮັດ​ວຽກ​ງານນີ້​ໄດ້​ແນວ​ໃດ? ສຸດ​ທ້າຍ ໃຫ້ໃຊ້​ເວ​ລາ​ຮ່ວມກັນເປັນ​ກຸ່ມ​ເພື່ອ​ໂອ້​ລົມ​ກັນ​ໃນ​ການ​ອະ​ທິ​ຖານ​ກັບ​ພ​ຣະ​ເຈົ້າ. ໃຫ້​ກຸ່ມ​ອະ​ທິ​ຖານ​ເພື່ອ​ສະ​ມາ​ຊິກ​ແຕ່​ລະ​ຄົນ ​ແລະ ທູນ​ຂໍ​ກັບ​ພ​ຣະ​ເຈົ້າ​ໃຫ້​ຈັດ​ຕຽມ​ຫົວ​ໃຈ​ຂອງ​ທຸກ​ຄົນ​ໃນ​ກຸ່ມ ເພື່ອ​ຈະ​ມາ​ພົບ​ກັນ​ອີກ​ໃນ​ລະ​ຫວ່າງ​ທີ່​ແຍກ​ຍ້າຍ​ກັນ. ອະ​ທິ​ຖານຂໍ​ກັບ​ພ​ຣະ​ເຈົ້າຊົງ​ປະ​ທານ​ຄວາມ​ກ້າ​ຫານ ແລະ ຄວາມ​ເຂັ້ມ​ແຂງ​ໃຫ້​ກັບ​ສະມາຊິກແຕ່​ລະ​ຄົນໃນກຸ່ມ ​ເພື່ອ​ນຳ​ໄປ​ໃຊ້ ແລະ ເຊື່ອ​ຟັງ​ໃນ​ສິ່ງ​ທີ່​ພ​ຣະ​ເຈົ້າ​ຊົງສັ່ງສອນ​ພວກ​ເຂົາ​ໃນ​​ພາກຮຽນນີ້. ຖ້າ​ຜູ້​ນຳ​ທີ່​ມີປະສົບການຫຼາຍ​ຕ້ອງ​ການ​​ອະ​ທິ​ຖານ​ເພື່ອໂດຍສະເພາະສຳລັບຜູ້​ນຳ​ທີ່​ຍັງ​ໜຸ່ມ​ນ້ອຍກວ່າ, ​ຕອນນີ້​ຄື​ເວ​ລາ​ທີ່​ເໝາະ​ສົມ​ໃນ​ການ​ອະ​ທິ​ຖານ​ເພື່ອ. ເນື່ອງ​ຈາກ​ກຸ່ມ​ເຫຼົ່ານີ້​​ມັກຈະ​ພົບ​ກັນ​​ໃນ​ໄລ​ຍະ​ໄກ ​ທ່ານ​ຈຶ່ງບໍ່​ສາມາດໄດ້​ສະ​ເຫຼີ​ມ​ສະ​ຫຼອງ​ສິນມະຫາສະໜິດ​ຂອງ​ອົງພ​ຣະຜູ້ເປັນ​ເຈົ້າ ຫຼື ຮັບປະທານ​ອາ​ຫານແລງຮ່ວມກັນໄດ້, ແຕ່​ຢ່າ​ລືມ​ຈັດເວ​ລາ​ເພື່ອ​ກວດ​ກາເບິ່ງ​ສຸ​ຂະ​ພາບ, ຄອບ​ຄົວ ແລະ ໝູ່​ເພື່ອນ. ພ​ຣະ​ເຢ​ຊູ​ໄດ້​ຊົງ​ສຳ​ແດງ​ໃຫ້​ພວກ​ເຮົາ​ເຫັນ​ແລ້ວ​ເຫັນ​ອີກ ​ເຖິງ​ແມ່ນ​ວ່າ​ພ​ຣະ​ອົງ​ຊົງ​ເຮັດ​ໃຫ້​ພ​ຣະ​ລາ​ຊະ​ກິດ​ທີ່​ສຳ​ຄັນ​ສຳ​ເລັດ​ແລ້ວກໍຕາມ, ພ​ຣະ​ອົງ​ຊົງຈັດ​​ເວ​ລາ​ສຳ​ລັບ​ຄົນ​ທີ່​ພ​ຣະ​ອົງ​ຊົງ​ຮັກຢ່າງສົມດຸນ​ສະ​ເໝີ. ​ກຸ່ມ​ເພື່ອນ​ທີ່​ປຶກ​ສາ ​ຄື​ອຸ​ປະ​ກອນ​ທີ່​ງ່າຍ​ແຕ່​ມີ​ກົນ​ລະ​ຍຸດ​ຈາກ​ຊຸດ​ອຸ​ປະ​ກອນ​ຊູ​ເມ ​ເພື່ອ​ພັດ​ທະ​ນາ​ຜູ້​ນຳ​ໃຫ້​ເຂັ້ມ​ແຂງ​ຂຶ້ນ.

ຮູບແບບການດໍາເນີນກຸ່ມເພື່ອນທີ່ປຶກສາ:

ເບິ່ງຄືນຫຼັງ - 1/3 ໃນເວລາຂອງທ່ານ

ໃນລະຫວ່າງຊ່ວງທໍາອິດຂອງສາມຊ່ວງ - ໃຊ້ເວລາໃນການອະທິຖານ ແລະ ໃສ່ໃຈເໝືອນກັບທີ່ທ່ານເຮັດໃນກຸ່ມ 3/3 ຂັ້ນພື້ນຖານ. ຈາກນັ້ນໃຊ້ເວລາເບິ່ງວິໄສທັດ ແລະ ຄວາມສັດຊື່ຂອງກຸ່ມໃນຄໍາໝັ້ນສັນຍາກ່ອນໜ້ານີ້: ທ່ານຢູ່ໃນພຣະຄຣິດໄດ້ດີພຽງໃດ? [ພຣະຄໍາພີ,​ ການອະທິຖານ, ຄວາມໄວ້ວາງໃຈ, ການເຊື່ອຟັງ, ຄວາມສໍາພັນທີ່ສຳຄັນ?] ກຸ່ມຂອງທ່ານໄດ້ເຮັດສໍາເລັດຕາມແຜນຈາກພາກຮຽນທີ່ແລ້ວບໍ? ທົບທວນຄືນ

ເບິ່ງຂຶ້ນເທິງ - 1/3 ໃນເວລາຂອງທ່ານ

ໃຫ້ກຸ່ມສົນທະນາກັນຕາມຄໍາຖາມງ່າຍໆຕໍ່ໄປນີ້:

• ທ່ານເປັນແນວໃດໃນພາກການຮຽນກ່ຽວກັບນາສີ່ທົ່ງ?
• ການເຮັດວຽກດີແມ່ນຫຍັງ? ຄວາມທ້າທາຍທີ່ໃຫຍ່ທີ່ສຸດສໍາລັບທ່ານແມ່ນຫຍັງ?
• ກວດຄືນແຜນທີ່ຮຸ່ນປັດຈຸບັນຂອງທ່ານ.
• ແມ່ນຫຍັງທີ່ທ້າທາຍທ່ານ ຫຼື ແມ່ນຫຍັງທີ່ທ່ານເຫັນວ່າເຂົ້າໃຈຍາກຫຼາຍ?
• ພຣະເຈົ້າກຳລັງສໍາແດງຫຍັງໃຫ້ທ່ານເຫັນເມື່ອບໍ່ດົນມານີ້?
• ມີຄໍາຖາມຈາກຜູ້ນໍາທີ່ມີປະສົບການຫຼາຍ ຫຼື ຈາກຜູ້ເຂົ້າຮ່ວມຄົນອື່ນໆບໍ?

ການເບິ່ງໄປທາງໜ້າ -1/3 ໃນເວລາຂອງທ່ານ

ໃຊ້ເວລາອະທິຖານຢູ່ໃນຄວາມສະຫງົບຮ່ວມກັບທຸກຄົນໃນກຸ່ມ ອະທິຖານທູນຂໍກັບພຣະວິນຍານບໍຣິສຸດໃຫ້ສໍາແດງຕໍ່ພວກເຂົາເຫັນວ່າຈະຕອບຄໍາຖາມເຫຼົ່ານີ້ແນວໃດ:

• ແຜນການປະຕິບັດ ຫຼື ເປົ້າໝາຍທີ່ພຣະເຈົ້າໄດ້ໃຫ້ຂ້ອຍຝຶກຝົນກ່ອນທີ່ພວກເຮົາຈະມາພົບກັນອີກໃນຄັ້ງຕໍ່ໄປແມ່ນຫຍັງ? [ໃຊ້ນາສີ່ທົ່ງເພື່ອຊ່ວຍໃຫ້ທ່ານຈົດຈໍ່ວຽກງານຂອງທ່ານ]
• ທີ່ປຶກສາຂອງຂ້ອຍ ຫຼື ສະມາຊິກກຸ່ມອື່ນໆຈະສາມາດຊ່ວຍຂ້ອຍໃນການເຮັດວຽກງານນີ້ໄດ້ແນວໃດ?

ສຸດທ້າຍໃຫ້ໃຊ້ເວລາຮ່ວມກັນເປັນກຸ່ມເພື່ອໂອ້ລົມກັນໃນການອະທິຖານກັບພຣະເຈົ້າ. ໃຫ້ກຸ່ມອະທິຖານເພື່ອສະມາຊິກແຕ່ລະຄົນ ແລະ ທູນຂໍກັບພຣະເຈົ້າໃຫ້ຈັດຕຽມຫົວໃຈຂອງທຸກຄົນໃນກຸ່ມເພື່ອຈະມາພົບກັນອີກໃນລະຫວ່າງທີ່ແຍກຍ້າຍກັນ. ອະທິຖານຂໍກັບພຣະເຈົ້າຊົງປະທານຄວາມກ້າຫານ ແລະ ຄວາມເຂັ້ມແຂງໃຫ້ກັບສະມາຊິກແຕ່ລະຄົນໃນກຸ່ມເພື່ອນຳໄປໃຊ້ ແລະ ເຊື່ອຟັງໃນສິ່ງທີ່ພຣະເຈົ້າຊົງສັ່ງສອນພວກເຂົາໃນພາກຮຽນນີ້. ຖ້າຜູ້ນໍາທີ່ມີປະສົບການຫຼາຍຕ້ອງການອະທິຖານເພື່ອໂດຍສະເພາະສຳລັບຜູ້ນໍາທີ່ຍັງໜຸ່ມນ້ອຍກວ່າ. ຕອນນີ້ຄືເວລາທີ່ເໝາະສົມໃນການອະທິຖານເພື່ອ.ເນື່ອງຈາກກຸ່ມເຫຼົ່ານີ້ມັກຈະພົບກັນໃນໄລຍະໄກ ທ່ານຈຶ່ງບໍ່ສາມາດໄດ້ສະເຫຼີມສະຫຼອງສິນມະຫາສະໜິດຂອງອົງພຣະຜູ້ເປັນເຈົ້າ ຫຼື ຮັບປະທານອາຫານແລງຮ່ວມກັນໄດ້, ແຕ່ຢ່າລືມຈັດເວລາເພື່ອກວດກາເບິ່ງສຸຂະພາບ, ຄອບຄົວ ແລະ ໝູ່ເພື່ອນ.