ການຝຶກອົບຮົມຊູເມແມ່ນຫຍັງ?

ໃນປີ 2015. ກຸ່ມນ້ອຍໆທີ່ມີຄວາມມຸ່ງໝັ້ນທີ່ຈະເຮັດໃຫ້ພຣະບັນຊາອັນຍິ່ງໃຫຍ່ຂອງພຣະເຢຊູໄດ້ຈັດການປະຊຸມຜູ້ນຳໂຄງການໂຈນາທານ. ພວກເຂົາອະທິຖານ ແລະ ສົນທະນາກ່ຽວກັບຄວາມທ້າທາຍໃນການທະວີຄູນສ້າງສາວົກທົ່ວໂລກ. ເມື່ອຄຳນຶງເຖິງຄວາມຈຳເປັນຂອງການເຂົ້າເຖິງ, ການສື່ສານໄດ້ຫຼາຍພາສາ ແລະ ການອົບຮົມທີ່ມີຄວາມຢືນຢຸ່ນເຊິ່ງກົງກັບສິ່ງທີ່ພຣະເຢຊູຊົງເອີ້ນຄົນທຳມະດາວ່າຈົ່ງເປັນເຊື້ອແປ້ງສຳລັບຣາຊອານາຈັກ, ແນວຄິດສຳລັບການຝຶກອົບຮົມວີດີໂອອອນລາຍກໍເກີດຂຶ້ນມາ. ໃນທີ່ສຸດແນວຄິດນີ້ກໍພັດທະນາໄປສູ່ສິ່ງທີ່ຮູ້ຈັກກັນໃນຊື່ຊູເມໃນປັດຈຸບັນ.

ຫຼັກການພື້ນຖານໃນການສ້າງສາວົກໃນການຝຶກອົບຮົມຊູເມມາຈາກພຣະຄຳພີໂດຍກົງ ແລະ ໄດ້ທົດລອງກັບທົ່ວໂລກມາແລ້ວຫຼາຍກວ່າ 30 ປີ. ຫຼັກການນີ້ໄດ້ເຮັດໃຫ້ຜູ້ທີ່ເຊື່ອໄດ້ກາຍເປັນສາວົກທີ່ໄປສ້າງສາວົກຕໍ່ອີກເທືຶ່ອໜຶ່ງ ຜົນຄືໄດ້ມີສາວົກຫຼາຍພັນລ້ານຄົນຂະຫຍາຍຣາຊອານາຈັກເຂົ້າໄປໃນບ່ອນທີ່ຍັງມືດບອດຝ່າຍວິນຍານ.

ເປົ້າໝາຍຄືການເຮັດໃຫ້ທົ່ວໂລກເຕັມອີ່ມໄປດ້ວຍການທະວີຄູນສາວົກໃນລຸ້ນຂອງພວກເຮົາ. ຫຼັກການໃນພຣະຄຳພີພົບໃນການຝຶກອົບຮົມນັ້ນລຽບງ່າຍ. ສັກກະພາບໃນການປ່ຽນແປງຂອງໂລກຢູ່ໃນການປະຕິບັດຫຼັກການເຫຼົ່ານີ້.

ວິໄສທັດຂອງຊູເມປຽບເໝືອນກັບເຊື້ອແປ້ງທີ່ເຮັດວຽກຜ່ານຕົວແປ້ງທັງໝົດ, ໂດຍກະຈາຍເຄື່ອງມືພື້ນຖານຂອງຣາຊາອານາຈັກໃຫ້ກັບເພື່ອນບ້ານໃນທົ່ວໂລກ.