ຮູບແບບການອະທິຖານອວຍພອນ

ຮູບແບບການອະທິຖານອວຍພອນ BLESS ໃຫ້ 5 ວິທີທີ່ທ່ານສາມາດອະທິຖານເພື່ອຜູ້ຄົນທີ່ທ່ານພົບໄດ້ທຸກເວລາ, ແຕ່ເປັນພິເສດໃນຂະນະທີ່ຍ່າງອະທິຖານ.

ໃນຂະນະທີ່ທ່ານຍ່າງ ແລະ ອະທິຖານ, ຈົ່ງຕື່ນຕົວສຳລັບໂອກາດຕ່າງໆ ແລະ ຟັງການຊົງນຳຂອງພຣະວິນຍານຂອງພຣະເຈົ້າໃຫ້ອະທິຖານເພື່ອບຸກຄົນ ແລະ ກຸ່ມຄົນທີ່ທ່ານພົບລະຫວ່າງທາງ. ທ່ານອາດເວົ້າວ່າ “ພວກເຮົາກຳລັງອະທິຖານເພື່ອຊຸມຊົນນີ້, ມີຫຍັງເປັນພິເສດບໍທີ່ພວກເຮົາສາມາດອະທິຖານເພື່ອທ່ານໄດ້?” ຫຼື ເວົ້າວ່າ “ຂ້ອຍກຳລັງອະທິຖານເພື່ອບໍລິເວນນີ້. ທ່ານຮູ້ບໍວ່າມີຫຍັງເປັນພິເສດທີ່ພວກເຮົາຄວນອະທິຖານເພື່ອ?”

ຫຼັງຈາກຟັງຄຳຕອບຂອງພວກເຂົາ ທ່ານສາມາດຖາມເຖິງຄວາມຕ້ອງການສ່ວນຕົວຂອງພວກເຂົາໄດ້. ຖ້າພວກເຂົາແບ່ງປັນ ກໍອະທິຖານເພື່ອພວກເຂົາໃນທັນທີ. ຖ້າອົງພຣະຜູ້ເປັນເຈົ້າຊົງນຳ ທ່ານອາດອະທິຖານເຖິງຄວາມຕ້ອງການອື່ນໆດ້ວຍ. ໃຊ້ຄຳວ່າ B.L.E.S.S. ເພື່ອຊ່ວຍໃຫ້ທ່ານຈື່ຈຳ 5 ວິທີທີ່ແຕກຕ່າງກັນໃນການອະທິຖານ:

• B = Body - ສຸຂະພາບ
• L = Labor - ວຽກງານ ແລະ ການເງິນ
• E = Emotional - ກຳລັງໃຈ
• S = Social - ຄວາມສຳພັນ
• S = Spiritual - ການຮູ້ຈັກ ແລະ ຮັກພຣະເຈົ້າຫຼາຍຂຶ້ນ

ໃນຫຼາຍກໍລະນີ, ຜູ້ຄົນຮູ້ສຶກຂອບໃຈທີ່ທ່ານໃສ່ໃຈພໍທີ່ຈະອະທິຖານເພື່ອພວກເຂົາ. ຖ້າຄົນນັ້ນບໍ່ແມ່ນຄຣິສຕຽນ, ຄຳອະທິຖານຂອງທ່ານອາດເປີດປະຕູໄປສູ່ການສົນທະນາຝ່າຍວິນຍານ ແລະ ເປັນໂອກາດໃນການແບ່ງປັນເລື່ອງຂອງທ່ານ ແລະ ເລື່ອງລາວຂອງພຣະເຈົ້າ. ທ່ານສາມາດເຊີນພວກເຂົາໃຫ້ເປັນສ່ວນໜຶ່ງຂອງການສຶກສາພຣະຄຳພີ ຫຼື ແມ່ນແຕ່ເປີດບ້ານຂອງຕົນເພື່ອເປັນເຈົ້າພາບກໍໄດ້.

ຖ້າຄົນນັ້ນເປັນຄຣິສຕຽນ, ທ່ານສາມາດເຊີນພວກເຂົາໃຫ້ມາຮ່ວມການຍ່າງອະທິຖານກັບທ່ານ ຫຼື ຝຶກພວກເຂົາວ່າພວກເຂົາຈະຍ່າງອະທິຖານ ແລະ ໃຊ້ຂັ້ນຕອນງ່າຍໆ ເຊັ່ນ ການອະທິຖານເພື່ອບ່ອນທີ່ພວກເຂົາມີອິດທິພົນ ຫຼື ການອະທິຖານອວຍພອນ B.L.E.S.S. ເພື່ອຊ່ວຍໃຫ້ຄອບຄົວຂອງພຣະເຈົ້າເຕີບໃຫຍ່ຫຼາຍຂຶ້ນ.