እንዴት አንድ ሰዓት በጸሎት ውስጥ ማሳለፍ እንደሚቻል

የጸሎት ዑደት በእራስዎ ሊጠቀሙበት እና ለማንኛውም የኢየሱስ ተከታይ ሊያካፍሉት የሚችሉት ለጸሎት ልምምድ የሚረዳ ቀላል መሳሪያ ነው። በ12 ቀላል ደረጃዎች - እያንዳንዳቸው 5 ደቂቃ - የጸሎት ዑደት መጽሐፍ ቅዱስ እንድንጸልይ የሚያስተምረንን 12 መንገዶች ያሳያችኋል። በመጨረሻ ላይ አንድ ሰዓት ጸልያችሁ ትሆናላችሁ። መጽሐፍ ቅዱስም -- “ሳታቋርጡ ጸልዩ።” ይለናል። ብዙዎቻችን ይህን እናደርጋለን ማለት አንችልም። ነገር ግን ከዚህ የአንድ ሰዓት ጸሎት በኋላ - አንድ እርምጃ ወደዚያ ቀርባችኋል።

በ12 ቀላል ደረጃዎች - እያንዳንዳቸው 5 ደቂቃ - ይህ የጸሎት ዑደት መጽሐፍ ቅዱስ እንድንጸልይ የሚያስተምረንን 12 መንገዶች ውስጥ ይመራችኋል። በመጨረሻ ላይ አንድ ሰዓት ጸልያችሁ ትሆናላችሁ። **አመስግኑ** - የጸሎት ሰዓታችሁን ጌታን በማመስገን ጀምሩ። አሁን በልባችሁ ላይ ስላሉ ነገሮች አመስግኑት። ባለፈው ሳምንት በሕይወታችሁ ውስጥ ስላደረገው አንድ ልዩ ነገር አመስግኑት። ለቤተሰባችሁ ስላደረገው ቸርነት አመስግኑት። **ጠብቁ** - ጌታን በመጠበቅ ጊዜ አሳልፉ። ዝም በሉ እና ለእናንተ የሚሆኑ ሐሳቦችን እንዲሰበስብላችሁ ፍቀዱለት። **ኑዛዜ ግቡ** - መንፈስ ቅዱስ በሕይወታችሁ ውስጥ እርሱን ደስ የማያሰኝ ማንኛውንም ነገር እንዲያሳያችሁ ጠይቁት። የተሳሳቱ አመለካከቶችን እንዲሁም እስካሁን ኑዛዜ ያልገባችሁባቸውን የተወሰኑ ተግባራት እንዲያሳያችሁ ጠይቁት። አሁንም እንድትነጹ ይህን ለጌታ ተናዘዙ። **ቃሉን አንብቡ** - በመዝሙር መጽሐፍ፣ በነቢያት መጻሕፍት ወይም በአዲስ ኪዳን ውስጥ ስለ ጸሎት የሚናገሩ ክፍሎችን በማንበብ ጊዜ አሳልፉ። **ለምኑ** - ስለ እራሳችሁ የሚሆኑ ልመናዎችን አቅርቡ። **ምልጃ** - ስለ ሌሎች የሚሆኑ ልመናዎችን አቅርቡ። **ቃሉን ጸልዩ** - የተወሰኑ የመጽሐፍ ቅዱስ ክፍሎችን ጸልዩ። በተለይም የመጽሐፍ ቅዱስ ጸሎቶች እና ብዙ መዝሙሮች ለዚህ ዓላማ በጣም ይረዳሉ። **አመስግኑ** - በሕይወታችሁ ውስጥ ስላሉ ነገሮች፣ ስለ ቤተሰባችሁ እና ስለ ቤተ ክርስቲያናችሁ ጌታን አመስግኑት። **ዘምሩ** - የምስጋና ወይም የአምልኮ መዝሙሮችን ወይም ሌላ መንፈሳዊ መዝሙር ዘምሩ። **አሰላስሉ** - ጌታ እንዲናገራችሁ ጠይቁት። የሚሰጣችሁን ሐሳብ ለመመዝገብ ብዕርና ወረቀት ዝግጁ አድርጉ። **አድምጡ** - ያነበባችሁትን፣ የጸለያችሁትን እና የዘመራችሁትን ነገር አንድ ላይ በማድረግ ጌታ እነዚህን ሁሉ እንዴት በአንድ ላይ አድርጎ እንደሚናገራችሁ ተመልከቱ። **አመስግኑ** - ከእርሱ ጋር ለቆያችሁት ጊዜ እና ስለሰጣችሁ ሐሳቦች ጌታን አመስግኑት። ስለ ክቡር ባሕርያቱ አመስግኑት። ከዲክ ኢስትማን The Hour that Changes the World © 2002 by Dick Eastman, Chosen Books, Grand Rapids, MI, used by permission.