የ3/3 ቡድን ስብሰባ ንድፍ

የ3/3 ቡድን (እንደ “Three-Thirds” ይነበባል) ማለት አብረው የሚያሳልፉትን ጊዜ በ3 ክፍሎች የሚከፍሉ ቡድን ነው። ይህ ንድፍ ቀደም ሲል ጌታ በመራንበት ነገር ታማኝ መሆንን፣ በአንድነት ከጌታ መስማትን፣ እና ጌታ በሚሰጠው መመሪያ መሠረት በቅርቡ መታዘዝን ማቀድን ላይ ያተኩራል።

ይህ የ3/3 ንድፍ ለቀላል ቤተክርስቲያን (ወይም የቤት ውስጥ ቤተክርስቲያን)፣ ለመሪዎች ሕዋስ ወይም ለእኩዮች የምክር ቡድን ሊያገለግል ይችላል።

የሚሰራውም እንዲህ ነው፦

• Look Back - የቡድኑ ጊዜ የመጀመሪያው ሦስተኛ ክፍል ከመጨረሻ ጊዜ ጀምሮ ምን እንደተፈጠረ ወደ ኋላ በመመልከት ይውላል።
• Look Up - የቡድኑ ጊዜ መካከለኛው ሦስተኛ ክፍል በቃሉ፣ በውይይት እና በጸሎት አማካኝነት ለእግዚአብሔር ጥበብና መመሪያ ወደ ላይ በመመልከት ይውላል።
• Look Forward - የቡድኑ ጊዜ የመጨረሻው ሦስተኛ ክፍል እያንዳንዳቸው የተማሩትን እንዴት በሕይወታቸው እንደሚተገብሩና እንደሚታዘዙ ወደ ፊት በመመልከት ይውላል።

የ3/3 ስብሰባ ንድፍ

LOOK BACK [1/3 of your time]

እንክብካቤ እና ጸሎት፦ እያንዳንዱ ሰው የሚያመሰግንበትን አንድ ነገር እንዲያካፍል ጊዜ ውሰዱ። ከዚያም እያንዳንዱ ሰው እየታገለበት ያለውን አንድ ነገር ያካፍል። በቀኙ ያለው ሰው ስላካፈሉት ነገሮች እንዲጸልይላቸው አድርጉ። አንድ ሰው ተጨማሪ ትኩረት የሚፈልግ ነገር ካለበት፣ ከስብሰባው በኋላ ቆይታችሁ ለዚያ ሰው እንክብካቤ አድርጉ።

ራእይ፦ አብራችሁ በመዘመር ጊዜ አሳልፉ እና የመዝሙሩን ቃላት እግዚአብሔርን ከመውደድ፣ ሌሎችን ከመውደድ፣ ለሌሎች ስለ ኢየሱስ ከማካፈል፣ አዲስ ቡድኖችን ከመጀመር፣ እና ሌሎችንም እንዲሁ እንዲያደርጉ ከመርዳት ጭብጦች ጋር አያይዙ። በአማራጭነት ሰዎች እነዚህን ጭብጦች የሚገልጹ የመጽሐፍ ቅዱስ ክፍሎችን ሊያካፍሉ ይችላሉ። ማጣራት፦ እያንዳንዱ ሰው ባለፈው ሳምንት ከጻፋቸው ቁርጠኝነቶች አንጻር እንዴት እንዳደረገ ያካፍል፦

• የተማራችሁትን እንዴት ታዘዛችሁ?
• የተማራችሁትን ለማን አሰለጠናችሁ?
• ምስክርነታችሁን ወይም የእግዚአብሔርን ታሪክ ከማን ጋር አካፈላችሁ?

ያደርጋሉ ብለው የገቡትን ቃል መፈጸም ከረሱ ወይም እድል ካላገኙ፣ ከባለፈው ሳምንት ያሉት ቁርጠኝነቶች በዚህ ሳምንት ቁርጠኝነቶች ላይ መጨመር አለባቸው። አንድ ሰው በግልጽ ከእግዚአብሔር የሰማውን ነገር ለመታዘዝ በቀጥታ እምቢ ካለ፣ ይህ እንደ ቤተ ክርስቲያን ተግሣጽ ጉዳይ ሊታይ ይገባል።

LOOK UP [1/3 of your time]

ጸልዩ፦ በቀላሉና በአጭሩ ከእግዚአብሔር ጋር ተነጋገሩ። ይህን ክፍል እንዲያስተምራችሁ እግዚአብሔርን ጠይቁ።

አንብቡ እና ተወያዩ፦ የዚህን ሳምንት ክፍል አንብቡ። በሚከተሉት ጥያቄዎች ላይ ተወያዩ፦

• በዚህ ክፍል ውስጥ የወደዳችሁት ምንድን ነው?
• በዚህ ክፍል ውስጥ አስቸጋሪ ወይም ለመረዳት ከባድ ሆኖ ያገኛችሁት ምንድን ነው?

የዚህን ሳምንት ክፍል እንደገና አንብቡ።

• ከዚህ ክፍል ስለ ሰዎች ምን መማር እንችላለን?
• ከዚህ ክፍል ስለ እግዚአብሔር ምን መማር እንችላለን?

LOOK FORWARD [1/3 of your time]

ታዘዙ። አሰልጥኑ። አካፍሉ። : ቢያንስ አምስት ደቂቃ በጸጥታ ጸሎት አሳልፉ። በቡድኑ ያለ ሁሉም ሰው እነዚህን ጥያቄዎች እንዴት እንደሚመልስ መንፈስ ቅዱስ እንዲያሳየው ይጸልይ፣ ከዚያም ቁርጠኝነት ይግባ። ሁሉም ሰው ለሰዎች በእውቀት እንዲጸልዩና እርስ በርስ ተጠያቂ እንዲያደርጉ ቁርጠኝነቶቹን መጻፍ አለበት። በየሳምንቱ ከእያንዳንዱ ጥያቄ ጋር የተያያዘ ነገር ላይሰሙ ይችላሉ። ከእግዚአብሔር እንደሰሙት እርግጠኛ ያልሆኑትን ነገር ካካፈሉ፣ ግን ጥሩ ሀሳብ ሊሆን ይችላል ብለው ካሰቡት፣ ተጠያቂነቱ በዚያ ሁኔታ በተለየ ደረጃ እንደሚያዝ ማስታወስ አለባቸው።

• ይህን ክፍል እንዴት በሕይወቴ እተገብራለሁ እና እታዘዛለሁ?
• ስለዚህ ክፍል ማንን አሰለጥናለሁ ወይም ከማን ጋር አካፍላለሁ?
• በዚህ ሳምንት ምስክርነቴን [testimony] እና/ወይም የእግዚአብሔርን ታሪክ ከማን ጋር እንዳካፍል እግዚአብሔር ይፈልጋል?

ተለማመዱ፦ በሁለት ወይም በሦስት ሰዎች ቡድን ሆናችሁ፣ በጥያቄ 5፣ 6 ወይም 7 ላይ ያደርጋላችሁ ብላችሁ የገባችሁትን ቃል ተለማመዱ። ለምሳሌ፣ አስቸጋሪ ውይይትን ወይም ፈተናን መጋፈጥን በሚያሳይ ሚና ተጫወቱ፤ የዛሬውን ክፍል ማስተማር ተለማመዱ፤ ወይም ወንጌልን ማካፈል ተለማመዱ።

ከእግዚአብሔር ጋር ተነጋገሩ፦ በዚያው በሁለት ወይም በሦስት ሰዎች ቡድን ውስጥ ለእያንዳንዱ አባል በግል ጸልዩ። በዚህ ሳምንት ስለ ኢየሱስ ለሚሰሙ ሰዎች ልብ እንዲዘጋጅ እግዚአብሔርን ጠይቁ። ለገባችሁት ቁርጠኝነት ለመታዘዝ ብርታትንና ጥበብን እንዲሰጣችሁ ጠይቁት። ይህ የስብሰባው መደምደሚያ ነው።