ਚੇਲੇ ਅਤੇ ਚਰਚ ਦੀ ਸਾਧਾਰਨ ਪਰਿਭਾਸ਼ਾ

ਇਹ ਜਾਣਨ ਲਈ ਕਿ ਮਸੀਹ ਵਿੱਚ ਅਸੀਂ ਕੌਣ ਹਾਂ ਅਤੇ ਕਿਵੇਂ ਮਸੀਹ ਵਿੱਚ ਹੋਰਨਾਂ ਨਾਲ ਸਾਨੂੰ ਸੰਬੰਧਤ ਹੋਣ ਦੀ ਉਮੀਦ ਕਰਨੀ ਚਾਹੀਦੀ ਹੈ,  “ਚੇਲਾ” ਅਤੇ “ਚਰਚ” ਦੀ ਇੱਕ ਸਾਧਾਰਨ ਪਰਿਭਾਸ਼ਾ ਦਾ ਹੋਣਾ ਮਹੱਤਵਪੂਰਣ ਹੈ।

ਇੱਕ ਚੇਲਾ ਕੀ ਹੈ?

ਸ਼ਬਦ ਚੇਲੇ ਦਾ ਅਰਥ ਇੱਕ ਪਿੱਛੇ ਚੱਲਣ ਵਾਲਾ ਹੈ। ਇੱਕ ਚੇਲਾ ਪਰਮੇਸ਼ੁਰ ਦੇ ਪਿੱਛੇ ਚੱਲਣ ਵਾਲਾ ਹੁੰਦਾ ਹੈ। ਯਿਸੂ ਨੇ ਆਖਿਆ, “ਸਵਰਗ ਅਤੇ ਧਰਤੀ ਦਾ ਸਾਰਾ ਇਖ਼ਤਿਆਰ ਮੈਨੂੰ ਦਿੱਤਾ ਗਿਆ ਹੈ।” ਇਸ ਲਈ ਪਰਮੇਸ਼ੁਰ ਦੇ ਰਾਜ ਵਿੱਚ, ਯਿਸੂ ਸਾਡਾ ਰਾਜਾ ਹੈ। ਅਸੀਂ ਉਸ ਦੇ ਨਾਗਰਿਕ ਹਾਂ, ਉਸ ਦੀ ਇੱਛਾ ਦੇ ਅਧੀਨ। ਉਸ ਦੀਆਂ ਇੱਛਾਵਾਂ, ਮਕਸਦ, ਇਰਾਦੇ, ਪ੍ਰਾਥਮਿਕਤਾਵਾਂ ਅਤੇ ਮੁੱਲ ਸਰਬਉੱਚ ਅਤੇ ਉੱਤਮ ਹਨ। ਉਸ ਦਾ ਵਚਨ ਸ਼ਰਾ ਹੈ। ਰਾਜ ਦੀ ਸ਼ਰਾ ਕੀ ਹੈ? ਯਿਸੂ ਆਪਣੇ ਨਾਗਰਿਕਾਂ ਨੂੰ ਕੀ ਕਰਨ ਲਈ ਆਖਦਾ ਹੈ? ਯਿਸੂ ਨੇ ਸਿਖਾਇਆ ਕਿ ਪਰਮੇਸ਼ੁਰ ਦੇ ਹੁਕਮਾਂ ਨੂੰ ਸਿਖਾਇਆ, ਜਿਵੇਂ ਕਿ, ਸਾਰੀ ਸ਼ਰਾ ਅਤੇ ਨਬੀਆਂ ਦੇ ਵਚਨ, ਇਨ੍ਹਾਂ ਦੋਹਾਂ ਗੱਲਾਂ ਵਿੱਚ ਸਾਰ ਦਿੱਤਾ ਜਾ ਸਕਦੇ ਹਨ: ਪਰਮੇਸ਼ੁਰ ਨੂੰ ਪਿਆਰ ਕਰੋ ਅਤੇ ਲੋਕਾਂ ਨੂੰ ਪਿਆਰ ਕਰੋ। ਯਿਸੂ ਨੇ ਸਾਨੂੰ ਚੇਲੇ ਬਣਾਉਣ ਅਤੇ ਉਨ੍ਹਾਂ ਨੂੰ ਸਾਰੇ ਹੁਕਮਾਂ ਦੀ ਪਾਲਨਾ ਕਰਨ ਦਾ ਹੁਕਮ ਦਿੱਤਾ ਸੀ। ਕਿਉਂਜੋ ਚੇਲੇ ਬਣਾਉਣ ਵਿੱਚ ਉਨ੍ਹਾਂ ਨੂੰ ਉਹ ਸਭ ਸਿਖਾਉਣਾ ਹੈ ਜੋ ਯਿਸੂ ਨੇ ਹੁਕਮ ਦਿੱਤਾ ਸੀ, ਤਾਂ ਨਵਾਂ ਨੇਮ ਇਸ ਇੱਕ ਗੱਲ ਵਿੱਚ ਸਾਰ ਦਿੱਤਾ ਜਾ ਸਕਦਾ ਹੈ: ਚੇਲੇ ਬਣਾਓ। ਇਸ ਲਈ, ਇੱਕ ਚੇਲਾ ਯਿਸੂ ਦਾ ਇੱਕ ਅਨੁਯਾਈ ਹੈ ਜਿਹੜਾ ਪਰਮੇਸ਼ੁਰ ਨੂੰ ਪਿਆਰ ਕਰਦਾ, ਲੋਕਾਂ ਨੂੰ ਪਿਆਰ ਕਰਦਾ ਅਤੇ ਚੇਲੇ ਬਣਾਉਂਦਾ ਹੈ।

ਇੱਕ ਚਰਚ ਕੀ ਹੁੰਦਾ ਹੈ?

ਹੋ ਸਕਦਾ ਤੁਸੀਂ ਸੋਚਦੇ ਹੋਵੋਗੇ ਕਿ ਚਰਚ ਇੱਕ ਇਮਾਰਤ ਹੈ – ਇੱਕ ਸਥਾਨ ਜਿੱਥੇ ਅਸੀਂ ਜਾਂਦੇ ਹਾਂ। ਪਰ ਪਰਮੇਸ਼ੁਰ ਦਾ ਵਚਨ ਲੋਕਾਂ ਦੇ ਇਕੱਠ ਨੂੰ ਚਰਚ ਆਖਦਾ ਹੈ – ਲੋਕ ਜਿੰਨਾ ਨਾਲ ਤੁਸੀਂ ਸੰਬੰਧਤ ਹੁੰਦੇ ਹੋ। ਸ਼ਬਦ “ਚਰਚ” ਬਾਈਬਲ ਵਿੱਚ ਤਿੰਨ ਅਲੱਗ-ਅਲੱਗ ਢੰਗਾਂ ਵਿੱਚ ਇਸਤੇਮਾਲ ਕੀਤਾ ਗਿਆ ਹੈ:

• ਵਿਸ਼ਵਵਿਆਪੀ ਚਰਚ – ਸਾਰੇ ਲੋਕ ਜਿਹੜੇ ਯਿਸੂ ਦੇ ਚੇਲੇ ਸਨ, ਹੈ ਅਤੇ ਕਦੇ ਹੋਣਗੇ।
• ਸ਼ਹਿਰੀ ਜਾਂ ਖੇਤਰੀ ਚਰਚ – ਸਾਰੇ ਲੋਕ ਜਿਹੜੇ ਸੰਸਾਰ ਦੇ ਇੱਕ ਖਾਸ ਹਿੱਸੇ ਵਿੱਚ ਜਾਂ ਆਲੇ-ਦੁਆਲੇ ਰਹਿੰਦੇ ਅਤੇ ਯਿਸੂ ਦੇ ਪਿੱਛੇ ਚੱਲਦੇ ਹਨ।
• ਘਰ ਵਿੱਚ ਚਰਚ – ਸਾਰੇ ਲੋਕ ਜਿਹੜੇ ਯਿਸੂ ਦੇ ਪਿੱਛੇ ਚੱਲਦੇ ਅਤੇ ਉਨ੍ਹਾਂ ਵਿੱਚ ਜਿੱਥੇ ਇੱਕ ਜਾਂ ਜ਼ਿਆਦਾ ਰਹਿੰਦੇ ਉੱਥੇ ਮਿਲਦੇ ਹਨ।

ਸਾਧਾਰਨ ਕਲੀਸਿਯਾਵਾਂ ਆਤਮਿਕ ਪਰਿਵਾਰ ਹਨ ਜਿੰਨਾ ਦਾ ਯਿਸੂ ਕੇਂਦਰ ਅਤੇ ਉਨ੍ਹਾਂ ਦਾ ਰਾਜਾ ਹੈ। ਉਹ ਆਤਮਿਕ ਪਰਿਵਾਰ ਹਨ ਜਿਹੜੇ ਪਰਮੇਸ਼ੁਰ ਨੂੰ ਪਿਆਰ ਕਰਦੇ, ਹੋਰਨਾਂ ਨੂੰ ਪਿਆਰ ਕਰਦੇ ਅਤੇ ਚੇਲੇ ਬਣਾਉਂਦੇ ਹਨ। ਜਦੋਂ ਸਾਧਾਰਨ ਕਲੀਸਿਯਾਵਾਂ ਦੇ ਇਹ ਸਮੂਹ ਕੁਝ ਵੱਡਾ ਕਰਨ ਲਈ ਇਕੱਠਾ ਹੁੰਦੀਆਂ ਹਨ, ਉਹ ਇੱਕ ਸ਼ਹਿਰੀ ਜਾਂ ਖੇਤਰੀ ਚਰਚ ਨੂੰ ਆਕਾਰ ਦੇ ਸਕਦੀਆਂ ਹਨ। ਵਿਸ਼ਵ-ਵਿਆਪੀ ਚਰਚ ਉਨ੍ਹਾਂ ਸਾਧਾਰਨ ਕਲੀਸਿਯਾ ਦੇ ਨੈਟਵਰਕ ਨਾਲ ਬਣਦਾ ਜਿਹੜੇ ਇਲਾਕੇ ਵਿੱਚ ਇਕੱਠੇ ਨੈਟਵਰਕ ਵਿੱਚ ਇਕੱਠੇ ਹੁੰਦੇ ਅਤੇ ਇਤਹਾਸ ਵਿੱਚ ਵਿਸਥਾਰ ਕਰਦੇ ਹਨ.