आत्मिक साँस लिहल परमेश्वर के सुनल अउर उनकर आज्ञा मानल बा

आत्मिक साँस लिहल परमेश्वर के सुनल अउर उनकर आज्ञा मानल बा ... दिन भर, हर दिन।

साँस भीतर लें

राज्य में हमनी के साँस भीतर तब लेंनी जब हम परमेश्वर से ई तरीका से सुनत बानी जा:

• उनकर वचन - बाइबल
• प्रार्थना - उनकरा साथ हमनी के बातचीत
• उनकर देह - कलीसिया, यीशु के दोसरा अनुयायी
• उनकर काम - घटना, अनुभव, आ कभी-कभी उ सताव आ दुखो जवना से ऊ अपना लइकन के गुजरल देलें

यीशु के हर अनुयायी खातिर खुशखबरी ई बा कि जब हमनी साँस भीतर लेके परमेश्वर से सुनत बानी जा, अउर जब हमनी साँस बाहर छोड़ के जे सुननी ओकर आज्ञा मानत बानी जा आ जे सुननी ओकरा के दूसरन से साझा करत बानी जा — तब परमेश्वर अउरी साफ तरीका से बोलिहें।

साँस बाहर छोड़ीं

राज्य में हमनी साँस बाहर तब छोड़त बानी जा जब हम परमेश्वर से सुनल बात पर काम करत बानी जा। हमनी साँस बाहर तब छोड़त बानी जा जब हम आज्ञा मानत बानी जा। कई बेर आज्ञा माने खातिर साँस बाहर छोड़े के मतलब होला कि हम आपन सोच, आपन बात चाहे आपन काम बदल दीं ताकि ऊ यीशु आ उनकर इच्छा के अनुसार हो जाव। कई बेर आज्ञा माने खातिर साँस बाहर छोड़े के मतलब होला कि यीशु हमनी से जवन बात साझा कइले बाड़ें, ओकरा के दूसरन से साझा करीं — जे ऊ हमनी के दिहले बाड़ें ओकरा के आगे बढ़ाईं — ताकि जइसे परमेश्वर हमनी के आशीष देत बाड़ें, ओइसहीं दूसरो लोग आशीष पावो। यीशु के एगो अनुयायी खातिर ई साँस भीतर लेवे अउर साँस बाहर छोड़े के लय बहुत जरूरी बा। ई हमनी के असली जिनगी हऽ।