Vikundi vya Ushauri ya Rika

Vikundi vya Ushauri ya Rika hutumia ushauri wa kiongozi kwa kiongozi pamoja na wafuasi binafsi wa Yesu, pamoja na makanisa rahisi, mashirika ya huduma, au hata mitandao ya makanisa rahisi. Vikundi hivi vinajumuisha watu wanaoongoza na kuanzisha Vikundi vya 3/3. Pia vinafuata muundo wa 3/3 na ni njia yenye nguvu ya kutathmini afya ya kiroho ya kazi ya Mungu katika eneo lako. Vikundi hivi vinafuata mfano wa huduma ya Yesu katika Maandiko, huulizana maswali, na kutoa mrejesho, yote yakitumia muundo uleule wa msingi wa muda kama Kikundi cha 3/3. Yesu alisema, “Amri mpya nawapa: pendaneni. Kama nilivyowapenda ninyi, nanyi mpendane vivyo hivyo. Kwa hili watu wote watajua ya kuwa ninyi mmekuwa wanafunzi wangu, mkiwa na upendo ninyi kwa ninyi.” Kusudi la Kikundi cha Ushauri ya Rika ni kutoa muundo rahisi wa kuwasaidia wafuasi wa Yesu kukua kupitia maombi, utii, matumizi ya yale wanayojifunza, na uwajibikaji. Kwa maneno mengine, ni “kupendana.”

Muundo Rahisi wa Kuongoza Kikundi cha Ushauri ya Rika:

ANGALIA NYUMA [1/3 ya muda wako]

Katika theluthi ya kwanza, tumieni muda katika maombi na kujali wengine kama ambavyo mngefanya katika Kikundi cha 3/3 cha kawaida. Kisha tumieni muda kutazama maono ya kikundi na uaminifu katika ahadi za awali: Je, mnakaa ndani ya Kristo kwa kiwango gani? [Maandiko, maombi, tumaini, utii, mahusiano muhimu?] Je, kikundi chenu kilikamilisha mipango ya hatua kutoka kikao kilichopita? Ipitieni.

TAZAMA JUU [1/3 ya muda wako]

Acha kikundi kijadili maswali haya rahisi:

• Mkoje katika kila sehemu ya mchoro wa Sehemu Nne?
• Ni nini kinafanya kazi vizuri? Changamoto zenu kubwa ni zipi?
• Pitia Ramani yako ya Kizazi ya sasa.
• Ni nini kimekupa changamoto au kilikuwa kigumu kuelewa?
• Mungu amekuwa akikuonyesha nini hivi karibuni?
• Je, kuna maswali yoyote kutoka kwa viongozi wenye uzoefu au washiriki wengine?

TAZAMA KWA MBELE [1/3 ya muda wako]

Tumieni muda katika maombi ya kimya, huku kila mmoja katika kikundi akimwomba Roho Mtakatifu amwonyeshe jinsi ya kujibu maswali haya:

• Ni mipango gani ya hatua au malengo gani ambayo Mungu angenitaka niweke katika vitendo kabla ya kukutana kwetu tena? [Tumia Chombo cha Sehemu nne kusaidia kulenga kazi yako]
• Mshauri wangu au washiriki wengine wa kikundi wanawezaje kunisaidia katika kazi hii?

Mwisho, tumieni muda kama kikundi kuzungumza na Mungu katika maombi. Acha kikundi kiishe kwa kumwombea kila mshiriki, na mwombe Mungu aandae mioyo ya wote ambao kikundi kitawafikia wakati mkiwa mmetengana. Ombeni Mungu awape kila mshiriki wa kikundi ujasiri na nguvu za kutekeleza na kutii yale ambayo Mungu amewafundisha katika kikao hiki. Ikiwa kiongozi mwenye uzoefu anahitaji kumwombea kwa namna ya pekee kiongozi mdogo zaidi, huu ni wakati mzuri kwa ombi hilo. Kwa kuwa vikundi hivi mara nyingi hukutana kwa umbali, huenda isiwe rahisi kusherehekea Meza ya Bwana au kushiriki chakula pamoja, lakini hakikisheni mnatoa muda wa kuulizana kuhusu afya, familia, na marafiki.