Macho ya Kuona penye Ufalme Hauko

Kila mwanafunzi anahitaji kuwezeshwa kuona penye Ufalme hauko. Kuna maeneo pande zote zinazotuzunguka ambapo mapenzi ya Mungu hayafanywi duniani kama ilivyo mbinguni. Kuna mapengo makubwa ambapo kuvunjika, maumivu, dhuluma, mateso, na hata kifo ni sehemu ya kawaida ya maisha ya kila siku. Mapengo hayo ndiyo tunapaswa kujitahidi kuyafunga katika kazi zetu kwa ajili ya Ufalme wakati tukiwa duniani.

Kufungua macho yetu kuona penye Ufalme hauko na kuwafikia watu tunaowajua na watu ambao bado hatujawajua ndiko kunakofanya wanafunzi kuzidiana na Ufalme wa Mungu kukua mbali na haraka.

Tunahitaji kuona mapengo kati ya mapenzi ya Mungu yanavyofanyika kikamilifu duniani na hali iliyopo sasa. Hii inahitaji kutokea katika nyanja mbili:

Mahusiano ya Kudumu

Nyanja ya kwanza ni mahusiano yetu ya kudumu. Haya yanajumuisha marafiki wetu, familia, wafanyakazi wenzetu, wanafunzi wenzetu darasani, na labda majirani. Hivi ndivyo Injili husafiri kwa haraka zaidi. Kuwa na mzigo kwa watu hawa ni jambo la kawaida. Katika Luka 16:19-31 tunaona jinsi hata yule tajiri aliyekuwa anaungua jehanamu bado alikuwa na aina hiyo ya upendo na kujali kwa familia yake. Watu hawa wamewekwa katika maisha yetu na Mungu, na tunahitaji kusimamia mahusiano hayo vizuri kwa upendo, uvumilivu, na ustahimilivu.

Unaweza kuwasaidia wafuasi wa Kristo kuwa macho kwa kundi hili la watu kwa kuwaambia wajaribu kuandika orodha ya watu 100 wanaowajua. Wahimize wawagawanye katika makundi matatu: wale wanaomfuata Kristo, wale wasiomfuata Kristo, na wale ambao hali yao ya kiroho haijulikani.

Kisha wanaweza kutafuta njia za kuwawezesha na kuwahimiza wale wanaomfuata Kristo ili wawe na matunda zaidi na waaminifu zaidi. Wanaweza pia kuanza kutafuta njia za kuwafanya wanafunzi wale ambao bado hawamfuati Kristo kuingia katika Ufalme.

Mawasiliano na Mahusiano Nje ya Mahusiano ya Kudumu

Nyanja ya pili ya kuona penye Ufalme hauko inahusu wale walio nje ya mahusiano yetu ya kudumu au mawasiliano yetu ya kawaida. Yesu aliwaagiza wanafunzi wake kufanya wanafunzi wa kila kundi la watu duniani.

Aliwaagiza kufanya wanafunzi mahali walipokuwapo wakati huo, katika maeneo ya karibu, kati ya watu waliokuwa tofauti nao, na hata hadi miisho ya dunia. Hivi ndivyo Injili husafiri mbali zaidi. Hili si jambo la kawaida. Hili ni la kimiujiza. Huu ni ushahidi wa Roho Mtakatifu katika maisha yetu.

Mungu ana waliowapenda kwa namna ya pekee. Anaowapenda kwa namna ya pekee ni waliopotea, wa mwisho, na walio wadogo. Kwa hiyo tunapaswa kuyawekeza maisha yetu katika kuwahudumia si wale walio karibu nasi tu, bali pia wale walio katika pembe zenye giza la kiroho zaidi ulimwenguni. Mungu huwapinga wenye kiburi lakini huwapa neema wanyenyekevu. Tunapaswa kuwahudumia wale waliokata tamaa. Mara nyingi waliokata tamaa ndio walio wanyenyekevu zaidi. Kwa watu wa aina hiyo, tunahitaji kuwatafuta hasa na kuwekeza katika wale ambao ni waaminifu.

Kumbuka kwamba uaminifu huonekana katika kutii kile Mungu anachofunua na katika kukishiriki na wengine. Watu hawa ni kama udongo mzuri katika mfano wa Yesu. Hao ndio wanaozalisha mara 30, 60, au 100. Hao si wenye mioyo migumu wanaokataa ujumbe. Hao si wale wanaoanguka wanapopatwa na mateso. Hao si wale wanaokengeushwa na shughuli za dunia au mali. Wao ni kama yule mtu aliyekuwa amepagawa na pepo huko Gerasa, aliyemjibu Yesu kwa kumtii na kuwashirikisha wengine yale Mungu aliyokuwa amemtendea. Kwa hiyo, Yesu aliporudi katika eneo hilo baadaye, makutano mengi yalikuwa yakimtafuta.