Makundi ya Uwajibikaji

Kila mfuasi wa Yesu atawajibishwa, kwa hiyo kila mfuasi wa Yesu anapaswa kufanya uwajibikaji pamoja na wengine. Yesu alishiriki hadithi nyingi kuhusu uwajibikaji na alitufundisha kweli nyingi kuhusu jinsi tutakavyowajibika kwa yale tunayofanya na kusema. Kwa hiyo makundi ya uwajibikaji ni njia ya asili ya ndugu na dada kutembea pamoja katika kweli na upendo. Makundi ya Uwajibikaji yanaundwa na watu wawili au watatu wa jinsia moja - wanaume pamoja na wanaume, wanawake pamoja na wanawake - wanaokutana mara moja kwa wiki kujadili maswali yanayosaidia kufunua maeneo ambayo mambo yanaenda sawa na maeneo mengine yanayohitaji marekebisho. Wanaweza hata kukutana kwa simu kama hawawezi kukutana ana kwa ana.

Maswali ya Uwajibikaji - Orodha ya 1

1. Ombeni kwamba tuwe kama Yesu.
2. Unaendeleaje? Maisha yako ya maombi yakoje?
3. Je, una dhambi yoyote ya kuungama? [Mahusiano, Ngono, Fedha, Kiburi, Uadilifu, Kunyenyekea kwa mamlaka, n.k.]
4. Je, ulitii kile Mungu alikuambia mara ya mwisho? Shiriki maelezo.
5. Je, uliwaombea “Wasioamini” kwenye orodha yako ya mahusiano wiki hii? Je, ulipata nafasi ya kushiriki na yeyote kati yao? Shiriki maelezo.
6. Je, ulihifadhi aya mpya kichwani wiki hii? Itaje.
7. Je, ulisoma angalau sura 25 za Bibilia wiki hii?
8. Mungu alikuambia nini wiki hii kupitia Neno?
9. Utafanya nini hasa kuhusu hilo?
10. Je, ulikutana na kikundi chako cha 3/3 wiki hii? Kiliendaje?
11. Je, ulionyesha mfano au kumsaidia mtu kuanzisha kikundi kipya cha 3/3 wiki hii? Shiriki maelezo.
12. Je, unaona jambo lolote linalozuia mwenendo wangu pamoja na Kristo?
13. Je, ulipata nafasi ya kushiriki injili wiki hii? Shiriki maelezo.
14. Fanyeni mazoezi ya ushuhuda wa dakika 1-3 na injili sasa hivi.
15. Ni nani unaweza kumwalika kwenye kikundi wiki ijayo? Ikiwa kikundi kina watu wanne au zaidi, kizidishe.
16. Fungeni kwa maombi kuhusu yale yaliyoshirikiwa.

Maswali ya Uwajibikaji - Orodha ya 2

1. Ufahamu wako kutoka kwenye usomaji wa wiki iliyopita umebadilishaje namna unavyofikiri na kuishi?
2. Ni nani uliyemshirikisha ufahamu wako wa wiki iliyopita na ulipokelewaje?
3. Umemwona Mungu akitenda kwa namna gani?
4. Je, wiki hii umekuwa ushuhuda wa ukuu wa Yesu Kristo kwa maneno yako na matendo yako?
5. Je, umejikuta kwenye vitu vinavyochochea tamaa ya ngono au kuruhusu akili yako kuburudika na mawazo yasiyofaa ya kingono?
6. Je, umetambua umiliki wa Mungu katika jinsi unavyotumia fedha?
7. Je, umetamani kitu chochote kwa tamaa?
8. Je, umeumiza sifa au hisia za mtu kwa maneno yako?
9. Je, umekuwa mwongo katika neno au tendo, au umepindukia ukweli?
10. Je, umejiingiza katika tabia ya uraibu [au uvivu au kukosa nidhamu]?
11. Je, umekuwa mtumwa wa mavazi, marafiki, kazi, au mali?
12. Je, umeshindwa kumsamehe mtu?
13. Ni wasiwasi gani au hofu gani unakabiliana nayo? Je, umelalamika au kunung'unika?
14. Je, umeendelea kuwa na moyo wa kushukuru?
15. Je, umekuwa mwenye heshima, uelewa, na ukarimu katika mahusiano yako muhimu?
16. Ni majaribu gani katika mawazo, maneno, au matendo umekutana nayo, na ulijibuje?
17. Umetumiaje nafasi za kuwatumikia au kuwabariki wengine, hasa waumini?
18. Je, umeona majibu maalum ya maombi?
19. Je, ulikamilisha usomaji wa wiki hii?