زُومیٹریننگ کیہ اے؟
زُومی، خمیر واسطے یونانی لفظ اے تے ایہدے بڑے اہم معنی نیں۔ متی 13: 33 وِچ، خُداوند یسوع نے آسمان دی بادشاہی دا موازنہ اوس خمیر دے نال کِیتا جیہڑا تھوڑا جیہا لے کے آٹے چے رلایا گیا تے اوہنے پُوری تَون خمیری کر دِتی۔ ایہہ تمثیل دسدی اے کہ کیویں عام لوک عام وسائل نُوں ورتدے ہوئے رب دی بادشاہی لئی تیزی نال اثر کر سکدے نیں۔
زُومی ٹریننگدُنیا نُوں ساڈی نسل وِچ وادھا کرن والےشاگرداں نال بھرن لئی موجود اے۔
2015 وِچ خُداوند یسوع دے ارشادِ اعظم دا مینڈیٹ پورا کرن لئی پُر عزم چھوٹے گروپ نے جوناتھن پروجیکٹ لیڈر شِپ اجلاس بُلایا۔ اوہناں نے پوری دُنیا تے وادھا کرن والے شاگرداں وِچ مشکلاں واسطے دُعا تے نالے گل بات کیتی، قابل رسائی، متعدد بولیاں تے لچکدار ٹریننگ نُوں تسلیم کردےہویاں جیہڑی خُداوند یسوع ولوں عامل لوکاں واسطے بادشاہی لئی خمیر بنن دے بُلاوے نال میل کھاندی اے، آن لائن ویڈیو تے منبی ٹریننگ دا خیال پیدا ہویا۔ آخر ایہہ خیال ایس ٹریننگ وِچ تبدیل ہوگیا جِنہوں ہُن اسی زُومی دے ناں توں جاننے آں۔
زُومی ٹریننگ وِچ شاگرد بنان دے بُنیادی اصول سِدھے سانویں بائبل توں آندے نیں تے تِیس سال تو ں چوکھے چِرتوں عالمی سطح تے آزمائے گئے نیں۔ ایہہ اصول عام اِیمانداراں نُوں شاگرد بنن دا اِختیار دینندے نیں جیہڑے اگو ں ہوراں نُوں شاگرد بناندے نیں جِس دے نتیجے وِچ لکھاں شاگرد روحانی طور تے تاریک تھاواں تے بادشاہی نُوں اغاں ودھاندے نیں۔
14 فروری 2017 نُوں بادشاہی دے تعاون نال شروع کِیتی گئی زُومی ٹریننگ، باقاعدہ تنظیمی کنٹرول یاں وکھرے وجود دے بغیر اِک کھُلااقدام اے۔ چونکہ زُومی کِسے تنظیم ولوں نئیں چلایا جانندا ایس لئی کوئی رسمی عقیدے دی گل نئیں کِیتی جاندی۔ تاہم، ایہدے وِچ شریک ہون والے سارے لوک "لاؤسن معاہدہ" دے تحت متفق ہون گے۔
مقصد اے کہ اپنی پِیڑھی دے وِچ دُنیا نُوں وادھا کرن والے شاگرداں دے نال بھر دِتا جاوے۔ ایس ٹریننگ وِچ پائے جان والے بائبل دے اصول سادہ تے سوکھے نیں۔ ایہناں اصولاں دے عمل وِچ دُنیا نُوں بدلن دی صلاحیت موجود اے۔
زُومی دی رویا آٹے دی پوری تَون نُوں خمیر کرنا اے، جیہڑا پوری دُنیا دے محلیاں وِچ بادشاہی دے بُنیادی آلات نُوں پھیلاندا اے۔
زُوم دے ویژن دے دو حصے نیں:
1 ٹریننگ
شمالی امریکہ وِچ ہر 000، 5 لوکاں مغر اِک شاگرد بنان والا تے عالمی سطح تے ہر 000، 50 لوکاں مغر اِک شاگرد بنان والا تیار کرن لئی۔
2 سادہ کلیسیاواں
تربیت یافتہ شاگرد بنان والیاں دی ذِمہ داری اے کہ گھٹ توں گھٹ شمالی امریکہ وِچ ہر 000، 5 لوکاں مغر 2 سادہ تے وادھا کرن والیاں کلیسیاواں تے عالمی طور تے 000، 50 لوکاں مغر 2 سادہ تے وادھا کرن والیاں کلیسیاواں پیدا کرن۔
ایہناں چھوٹیاں شروعاتاں دے نال۔۔۔جِنہاں نُوں بائبل خمیر کہندی اے۔۔۔اسی دُنیا نُوں وادھا کرن والے شاگرداں تے کلیسیا دے نال بھریا ویکھاں گے۔ زُومی ٹریننگ دی کھوج کرو تے لبھو کیویں!
زُومی ٹریننگ کیہ کم کر دی اے؟
مُفت رجسٹریشن تہانوں سارے تربیتی مواد تے آن لائن کوچنگ تک پوری رسائی دیندا اے۔
ہدایتی ویڈیوز وادھا کرن والے شاگرداں دی بُنیادی اصولاں نُوں سمجھن وِچ مدد کر دیاں نیں۔
گروپ چے تبادلہ خیال سوچن چے گروپ دی مدد کردے نیں کہ کیہ سکھایا جا رہیا اے۔
سادہ مشقاں تہاڈے گروپ دی مدد کردیاں نیں کہ جو کچھ سِکھیا جا رہیا اے اوہنُوں عمل چے لیا سکو۔
سیشن چیلنجز تہاڈے گروپ نُوں سیشناں دے وچکار سِکھدے تے ودھدے رہن وِچ مدد دیندے نیں۔
شروع کرن توں پہلوں۔
زُومی ہوراں ٹریننگاں ورگی نئیں!
اول:
زُومی نُوں گروپ دے طور تے کم کرن لئی بنایاگیا اے۔ گروپ دِیاں مشقاں، تبادلہ خیال، تے مہارتاں دی مشق سب دُوجیاں دے نال بہتر ہون گے، ایس لئی جے ممکن ہووے تے اِک گروپ کٹھا کرو۔
دوم:
زُومی صرف علم حاصل کرن دے بارے نئیں بلکہ مہارتاں نُوں ترقی دین تے قابلیت دی تعمیر دے بارے وی اے۔ ہر سیشن وِچ مقصد نتیجہ خیز عمل ہوندا اے۔ تربیت دا چوکھا ودھیا نتیجہ اِک بدلیا ہویا طرزِ زندگی تے تہاڈے اِیمان وِچ ودھی ہوئی طاقت دا تجربہ ہووے گا۔
کیہ شَے لوڑی دی اے
ٹریننگ واسطے لوڑی دی اے:
- گھٹ توں گھت 3 تے، ودھ توں ودھ 12 لوک۔
- کورس وِچ تصورات تے ٹُولز نُوں سِکھن تے مشق کرنے تے 20 گھنٹے لان دا عزم۔
- میٹنگ دے وقت تے تھاں دی سہولت دین والا بندہ (ممکن طور تے) گل بات دے فالو اَپ تے کاروائی دی سہولت دین دے لئی اے۔
ٹریننگ واسطے کیہ نئیں چاہی دا:
- اپنے گرو پ دے باقی لوکاں توں بہتے علم یا تجربے دے لوڑ نئیں۔ جےتُسی اگلا قدم چُک سکدے او تے تُسی زُومی ٹریننگ دی اگوائی کر سکدے او۔
- ٹریننگ دی اگوائی کرن لئی خصوصی اجازت دی لوڑ نئیں! زُومی اپنی مدد آپ دے تحت شروع کِیتا گیا اے تے تُسی اج ای شروع کر سکدے او۔
کوچ نال رابطہ
زُومی برادرے ایس گل دی خواہش مند اے کہ سارے سفر وِچ ٹریننگ نُوں کامیابی نال لاگُو کرن تے کوچ فراہم کرن وِچ تہاڈی مدد کردی رہوے۔ سوال یاں خدشے لے کے رابطہ کرن توں نئیں شرمانا!
اِک کوچ حاصل کرو