ಪ್ರಾರ್ಥನಾ ನಡಿಗೆ ಮತ್ತು ಅದನ್ನು ಮಾಡುವುದು ಹೇಗೆ

ಪ್ರಾರ್ಥನಾ ನಡಿಗೆ ಎಂದರೆ ಅದು ಹೀಗೆ ಅರ್ಥಕೊಡುತ್ತದೆ - ನಡೆಯುವಾಗ ದೇವರಲ್ಲಿ ಪ್ರಾರ್ಥಿಸುವುದು. ನಮ್ಮ ಕಣ್ಣುಗಳನ್ನು ಮುಚ್ಚಿ ಮತ್ತು ತಲೆಬಾಗುವ ಬದಲು, ನಾವು ನಮ್ಮ ಸುತ್ತಲೂ ಕಾಣುವ ಅಗತ್ಯಗಳಿಗೆ ನಮ್ಮ ಕಣ್ಣುಗಳನ್ನು ತೆರೆದುಕೊಳ್ಳುತ್ತೇವೆ ಮತ್ತು ದೇವರು ಮಧ್ಯಪ್ರವೇಶಿಸುವಂತೆ ನಮ್ರತೆಯಿಂದ ಕೇಳಲು ನಮ್ಮ ಹೃದಯಗಳನ್ನು ತಗ್ಗಿಸುತ್ತೇವೆ. ನೀವು ಎರಡು ಅಥವಾ ಮೂರು ಚಿಕ್ಕ ಗುಂಪುಗಳಲ್ಲಿ ಪ್ರಾರ್ಥನೆ ನಡೆಸಬಹುದು ಅಥವಾ ನೀವೇ ಪ್ರಾರ್ಥನೆ ಮಾಡಬಹುದು.

ನೀವು ನಡೆಯುವಾಗ ಮತ್ತು ಪ್ರಾರ್ಥಿಸುವಾಗ, ಅವಕಾಶಗಳಿಗಾಗಿ ಎಚ್ಚರದಿಂದಿರಿ ಮತ್ತು ದಾರಿಯುದ್ದಕ್ಕೂ ನೀವು ಭೇಟಿಯಾಗುವ ವ್ಯಕ್ತಿಗಳು ಮತ್ತು ಗುಂಪುಗಳಿಗಾಗಿ ಪ್ರಾರ್ಥಿಸಲು ದೇವರ ಆತ್ಮನ ಪ್ರೇರಣೆಗಳಿಗೆ ಕಿವಿಗೊಡಿ. ದೇವರ ವಾಕ್ಯವು ಹೇಳುವುದೇನೆಂದರೆ, “ಎಲ್ಲಾದಕ್ಕಿಂತ ಮೊದಲು ಮನುಷ್ಯರೆಲ್ಲರಿಗೋಸ್ಕರ ದೇವರಿಗೆ ವಿಜ್ಞಾಪನೆಗಳನ್ನೂ ಪ್ರಾರ್ಥನೆಗಳನ್ನೂ ಮನವಿಗಳನ್ನೂ ಕೃತಜ್ಞತಾಸ್ತುತಿಗಳನ್ನೂ ಮಾಡಬೇಕೆಂದು ಬೋಧಿಸುತ್ತೇನೆ.

ನಮಗೆ ಸುಖಸಮಾಧಾನಗಳು ಉಂಟಾಗಿ ನಾವು ಪೂರ್ಣಭಕ್ತಿಯಿಂದಲೂ ಗೌರವದಿಂದಲೂ ಕಾಲಕ್ಷೇಪ ಮಾಡುವಂತೆ ಅರಸುಗಳಿಗಾಗಿಯೂ ಎಲ್ಲಾ ಅಧಿಕಾರಿಗಳಿಗಾಗಿಯೂ ವಿಜ್ಞಾಪನೆಗಳನ್ನು ಮಾಡಬೇಕು. ಹಾಗೆ ಮಾಡುವದು ನಮ್ಮ ರಕ್ಷಕನಾದ ದೇವರ ಸನ್ನಿಧಿಯಲ್ಲಿ ಮೆಚ್ಚಿಕೆಯಾಗಿಯೂ ಯೋಗ್ಯವಾಗಿಯೂ ಅದೆ. ಎಲ್ಲಾ ಮನುಷ್ಯರು ರಕ್ಷಣೆಯನ್ನು ಹೊಂದಿ ಸತ್ಯದ ಜ್ಞಾನಕ್ಕೆ ಸೇರಬೇಕೆಂಬದು ಆತನ ಚಿತ್ತವಾಗಿದೆ.” ಇತರರಿಗಾಗಿ ಪ್ರಾರ್ಥಿಸುವ ದೇವರ ಆಜ್ಞೆಗೆ ವಿಧೇಯರಾಗಲು ಪ್ರಾರ್ಥನಾ ನಡಿಗೆ ಒಂದು ಸರಳ ಮಾರ್ಗವಾಗಿದೆ. ಮತ್ತು ಹೊರಗೆ ನಡೆಯುವಾಗ ದೇವರಲ್ಲಿ ಪ್ರಾರ್ಥಿಸುವುದು ಎಂದು ಇದು ಅರ್ಥಕೊಡುತ್ತದೆ.

ನಿಮ್ಮ ಪ್ರಾರ್ಥನೆಗೆ ಮಾರ್ಗದರ್ಶನ ಕೊಡುವ ನಾಲ್ಕು ಮೂಲಗಳು:

1. ವೀಕ್ಷಣೆ - ನೀವು ಏನನ್ನು ನೋಡುತ್ತೀರಿ? ನೀವು ಅಂಗಳದಲ್ಲಿ ಮಗುವಿನ ಆಟಿಕೆಯನ್ನು ನೋಡಿದರೆ, ನೆರೆಹೊರೆಯ ಮಕ್ಕಳಿಗಾಗಿ, ಕುಟುಂಬಗಳಿಗಾಗಿ ಅಥವಾ ಆ ಪ್ರದೇಶದ ಶಾಲೆಗಳಿಗಾಗಿ ಪ್ರಾರ್ಥಿಸಲು ನಿಮ್ಮನ್ನು ಪ್ರೇರೇಪಿಸಬಹುದು.
2. ಸಂಶೋಧನೆ -  ನಿಮಗೆ ಏನು ತಿಳಿದಿದೆ? ನೀವು ನೆರೆಹೊರೆಯ ಬಗ್ಗೆ ಓದಿದ್ದರೆ, ಅಲ್ಲಿ ವಾಸಿಸುವ ಜನರ ಬಗ್ಗೆ ನಿಮಗೆ ಏನಾದರೂ ತಿಳಿದಿರಬಹುದು ಅಥವಾ ಆ ಪ್ರದೇಶವು ಅಪರಾಧ ಅಥವಾ ಅನ್ಯಾಯದಿಂದ ನರಳುತ್ತಿದ್ದರೆ. ಈ ವಿಷಯಗಳ ಬಗ್ಗೆ ಪ್ರಾರ್ಥಿಸಿ ಮತ್ತು ಕಾರ್ಯನಿರ್ವಹಿಸಲು ದೇವರನ್ನು ಕೇಳಿರಿ.
3. ಪ್ರಕಟನೆ - ಪವಿತ್ರಾತ್ಮನು ನಿಮ್ಮ ಹೃದಯವನ್ನು ಕೆಲವು ಸಂಗತಿಗಳ ಕಡೆಗೆ ನಡೆಸಬಹುದು ಅಥವಾ ಪ್ರಾರ್ಥನೆಯ ನಿರ್ದಿಷ್ಟ ಅಗತ್ಯತೆ ಅಥವಾ ಪ್ರದೇಶಕ್ಕಾಗಿ ಆಲೋಚನೆಯನ್ನು ಮನಸ್ಸಿಗೆ ತರಬಹುದು. ಕಿವಿಗೊಡಿ  ಮತ್ತು ಪ್ರಾರ್ಥಿಸಿ!
4. ವಾಕ್ಯ - ನಿಮ್ಮ ನಡಿಗೆಯ ಸಿದ್ಧತೆಯಲ್ಲಿ ನೀವು ದೇವರ ವಾಕ್ಯದ ಭಾಗವನ್ನು ಓದಿರಬಹುದು ಅಥವಾ ನೀವು ನಡೆಯುವಾಗ, ಪವಿತ್ರಾತ್ಮನು ವಾಕ್ಯವನ್ನು ಮನಸ್ಸಿಗೆ ತರಬಹುದು. ಆ ಭಾಗದ ಬಗ್ಗೆ ಮತ್ತು ಆ ಪ್ರದೇಶದ ಜನರ ಮೇಲೆ ಅದು ಹೇಗೆ ಪರಿಣಾಮ ಬೀರಬಹುದು ಎಂಬುದನ್ನು ಕುರಿತು ಪ್ರಾರ್ಥಿಸಿ.

ಪ್ರಾರ್ಥನೆಯನ್ನು ಕೇಂದ್ರೀಕರಿಸಲು ಪ್ರಭಾವ ಬೀರುವ ಐದು ಕ್ಷೇತ್ರಗಳು:

1. ಸರ್ಕಾರ - ನ್ಯಾಯಾಲಯಗಳು, ಆಯೋಗದ ಕಟ್ಟಡಗಳು ಅಥವಾ ಕಾನೂನು ಜಾರಿ ಕಚೇರಿಗಳಂತಹ ಸರ್ಕಾರಿ ಕೇಂದ್ರಗಳನ್ನು ನೋಡಿ ಮತ್ತು ಪ್ರಾರ್ಥಿಸಿ. ಆ ಕ್ಷೇತ್ರದ ರಕ್ಷಣೆಗಾಗಿ, ನ್ಯಾಯಕ್ಕಾಗಿ ಮತ್ತು ಅದರ ನಾಯಕರಿಗೆ ದೈವಿಕ ಜ್ಞಾನಕ್ಕಾಗಿ ಪ್ರಾರ್ಥಿಸಿ.
2. ವ್ಯಾಪಾರ ಮತ್ತು ವಾಣಿಜ್ಯ - ಆರ್ಥಿಕ ಜಿಲ್ಲೆಗಳು ಅಥವಾ ಮಾರುಕಟ್ಟೆ ಕ್ಷೇತ್ರದಂತಹ ವಾಣಿಜ್ಯ ಕೇಂದ್ರಗಳನ್ನು ನೋಡಿ ಮತ್ತು ಪ್ರಾರ್ಥಿಸಿ. ನೀತಿವಂತ ಹೂಡಿಕೆಗಳು ಮತ್ತು ಸಂಪನ್ಮೂಲಗಳ ಉತ್ತಮ ಉಸ್ತುವಾರಿಕೆಗಾಗಿ ಪ್ರಾರ್ಥಿಸಿ. ಆರ್ಥಿಕ ನ್ಯಾಯ ಮತ್ತು ಅವಕಾಶಕ್ಕಾಗಿ ಮತ್ತು ಲಾಭಕ್ಕಿಂತ ಮೊದಲು ಜನರಿಗೆ ಆಧ್ಯತೆ ಕೊಡವ ಉದಾರ ಮತ್ತು ದೈವಿಕ ದಾನಿಗಳಿಗಾಗಿ ಪ್ರಾರ್ಥಿಸಿ.
3. ಶಿಕ್ಷಣ - ಶಾಲೆಗಳು ಮತ್ತು ಆಡಳಿತ ಕಟ್ಟಡಗಳು, ವೃತ್ತಿಪರ ತರಬೇತಿ ಕೇಂದ್ರಗಳು, ಸಮುದಾಯ ಕಾಲೇಜುಗಳು ಮತ್ತು ವಿಶ್ವವಿದ್ಯಾನಿಲಯಗಳಂತಹ ಶೈಕ್ಷಣಿಕ ಕೇಂದ್ರಗಳನ್ನು ನೋಡಿ ಮತ್ತು ಪ್ರಾರ್ಥಿಸಿ. ದೇವರ ಸತ್ಯವನ್ನು ಕಲಿಸಲು ಮತ್ತು ಅವರ ವಿದ್ಯಾರ್ಥಿಗಳ ಮನಸ್ಸನ್ನು ರಕ್ಷಿಸಲು ನೀತಿವಂತ ಶಿಕ್ಷಕರಿಗೆ ಪ್ರಾರ್ಥಿಸಿ. ಸುಳ್ಳು ಅಥವಾ ಗೊಂದಲವನ್ನು ಉತ್ತೇಜಿಸುವ ಪ್ರತಿಯೊಂದು ಪ್ರಯತ್ನದಲ್ಲೂ ದೇವರು ಮಧ್ಯಪ್ರವೇಶಿಸಲಿ ಎಂದು ಪ್ರಾರ್ಥಿಸಿ. ಸೇವೆ ಮಾಡಲು ಮತ್ತು ಮುನ್ನಡೆಸಲು ಹೃದಯವನ್ನು ಹೊಂದಿರುವ ಬುದ್ಧಿವಂತ ನಾಗರಿಕರನ್ನು ಈ ಕ್ಷೇತ್ರಗಳು ಕಳುಹಿಸಲಿ ಎಂದು ಪ್ರಾರ್ಥಿಸಿ.
4. ಸಂಭಾಷಣೆ - ರೇಡಿಯೋ ಕೇಂದ್ರಗಳು, ಟಿವಿ ಕೇಂದ್ರಗಳು ಮತ್ತು ವೃತ್ತಪತ್ರಿಕೆ ಪ್ರಕಾಶಕರಂತಹ ಸಂಭಾಷಣೆಯ ಕೇಂದ್ರಗಳನ್ನು ನೋಡಿ ಮತ್ತು ಪ್ರಾರ್ಥಿಸಿ. ದೇವರ ಕಥೆ ಮತ್ತು ಆತನ ಹಿಂಬಾಲಕರ ಸಾಕ್ಷಿಯು ನಗರದಾದ್ಯಂತ ಮತ್ತು ಪ್ರಪಂಚದಾದ್ಯಂತ ಹರಡಲು ಪ್ರಾರ್ಥಿಸಿ. ಆತನ ಸಂದೇಶವನ್ನು ಆತನ ಮಾಧ್ಯಮದ ಮೂಲಕ ಆತನ ಬಹುಸಂಖ್ಯೆಗೆ ತಲುಪಿಸಬೇಕೆಂದು ಪ್ರಾರ್ಥಿಸಿ ಮತ್ತು ಎಲ್ಲೆಡೆ ದೇವರ ಜನರು ದೇವರ ಕೆಲಸವನ್ನು ನೋಡುತ್ತಾರೆ.
5. ಆತ್ಮೀಕತೆ - ಸಭಾ ಕಟ್ಟಡಗಳು, ಮಸೀದಿಗಳು ಅಥವಾ ದೇವಾಲಯಗಳಂತಹ ಆತ್ಮೀಕ ಕೇಂದ್ರಗಳನ್ನು ನೋಡಿ ಮತ್ತು ಪ್ರಾರ್ಥಿಸಿ. ಪ್ರತಿಯೊಬ್ಬ ಆತ್ಮೀಕ ಅನ್ವೇಷಕನು ಯೇಸುವಿನಲ್ಲಿ ಶಾಂತಿ ಮತ್ತು ಆಧರಣೆಯನ್ನು ಕಂಡುಕೊಳ್ಳಲಿ ಮತ್ತು ಯಾವುದೇ ಸುಳ್ಳು ಧರ್ಮದಿಂದ ವಿಚಲಿತರಾಗಬಾರದು ಅಥವಾ ಗೊಂದಲಕ್ಕೊಳಗಾಗಬಾರದು ಎಂದು ಪ್ರಾರ್ಥಿಸಿ.