सुसमाचार आ एकरा कोना बाँटल जाय

परमेश्वरक कथा (जकरा सुसमाचार सेहो कहल जाइत छै) कहबाक कोनो एकटा 'सर्वश्रेष्ठ तरीका' नै छै, कारण कि सर्वोत्तम तरीका ओहे होइत छै जे सूननिहार व्यक्ति, ओकर सोच-विचार, आ ओकर जीवन-अनुभव पर निर्भर करैत छै। परमेश्वर एहन हृदयक उपयोग करैत छथि जे साझा करबाक लेल तैयार हो, ताकि ओ एहन हृदय पर काम करथि जे सुनबाक लेल तैयार हो। परमेश्वरक कथा साझा करबाक एक तरीका ई अछि जे मानवता केरऽ शुरुआत स॑ ल॑ क॑ एहि युग केरऽ अंत तक, अर्थात् परमेश्वरक न्याय तक, की-की घटल से बताओल जाए।

परमेश्वरक कथा: सृष्टि सँ न्याय तक

आदि मे, परमेश्वर पूरा संसार आ ओकर भीतरक सभ वस्तु बनौलनि।

ओ पहिल पुरुष आ पहिल स्त्री केँ बनौलनि। ओ हुनका एक सुंदर बगैचा मे रखलनि। ओ हुनका अपन परिवारक हिस्सा बनौलनि आ हुनका संग निकट संबंध रखलनि।

ओ हुनका सदिखन जीबबाक लेल बनौलनि। मृत्युक कोनो बात नहि छल। एतेक सिद्ध स्थान मे सेहो मनुष्य परमेश्वरक विरुद्ध विद्रोह कएलक आ संसार मे पाप आ दुःख ले आयल। परमेश्वर मनुष्य केँ बगैचा सँ बाहर क' देलनि। मनुष्य आ परमेश्वरक बीचक संबंध टूटि गेल। आब मनुष्य केँ मृत्युक सामना करबाक पड़त। अनेक सैकड़ा वर्ष धरि परमेश्वर संसार मे दूतसभ पठबैत रहलथि। ओ मनुष्य केँ ओकर पापक स्मरण करबैत छलथि, मुदा संगहि परमेश्वरक विश्वासयोग्यता आ एहि प्रतिज्ञाक बात सेहो कहैत छलथि जे ओ संसार मे एक उद्धारकर्ता पठएताह।

ओ उद्धारकर्ता परमेश्वर आ मनुष्यक निकट संबंध फेर बहाल करताह। ओ उद्धारकर्ता मनुष्य केँ मृत्युसँ बचएताह। ओ उद्धारकर्ता अनन्त जीवन देताह आ मनुष्य संग सदिखन रहताह। परमेश्वर हमसभसँ एतेक प्रेम करैत छथि जे जखन समय पूरा भेल, तखन ओ अपन पुत्र केँ संसार मे ओहि उद्धारकर्ता केर रूप मे पठौलनि।

यीशु परमेश्वरक पुत्र छलाह। ओ एक कुँवारीक द्वारा संसार मे जन्मलाह। ओ एक सिद्ध जीवन जीलाह। ओ कखनो पाप नहि कएलनि। यीशु लोकसभ केँ परमेश्वरक विषय मे सिखौलनि। ओ अपन महान सामर्थ्य देखबैत बहुत चमत्कार केलनि। ओ बहुत दुष्टात्मा निकाललनि। ओ बहुत लोक केँ चंगा केलनि। ओ अन्हराकें देखए योग्य बनौलनि। ओ बहिराकें सुनए योग्य बनौलनि। ओ लँगड़ाकें चलए योग्य बनौलनि। यीशु त' मुर्दा तक केँ जिउलनि। बहुत धार्मिक अगुआसभ यीशुसँ भयभीत आ डाहसँ भरल छलथि।

ओ सभ हुनका मारि देबय चाहैत छलथि। किएक तँ यीशु कखनो पाप नहि केलनि, तेँ हुनका मरबाक कोनो आवश्यकता नहि छल।

मुदा ओ हम सभक लेल बलिदानक रूप मे मरण चुनलनि। हुनकर पीड़ादायक मृत्यु मनुष्यजातिक पाप केँ ढाँकि देलक। एकर बाद यीशु केँ एक कब्र मे राखल गेल। परमेश्वर यीशु द्वारा कएल बलिदान केँ देखलनि आ ओकरा स्वीकार केलनि। परमेश्वर अपन स्वीकार्यता ई रूप मे देखौलनि जे तेसर दिन यीशु केँ मृतकसभ मे सँ जिउलनि।

परमेश्वर कहलनि जे जँ हम यीशुक बलिदान पर विश्वास करी आ ओकरा अपन पापक लेल ग्रहण करी - जँ हम अपन पाप सँ फिरि जाई आ यीशुक अनुसरण करी - तँ परमेश्वर हमरा सभ केँ सभ पाप सँ शुद्ध करैत छथि आ अपना परिवार मे फेर स्वागत करैत छथि।

परमेश्वर पवित्र आत्मा केँ हमरा भीतर रहबाक लेल पठबैत छथि ताकि हम यीशुक अनुसरण क' सकी। एहि बहाल भेल संबंध केँ देखेबा आ दृढ़ करबाक लेल हम जल मे बपतिस्मा लैत छी।

मृत्युके प्रतीक रूप मे हम जलक नीचे गाड़ल जाइत छी। नव जीवनक प्रतीक रूप मे हम जल सँ बाहर निकालल जाइत छी ताकि यीशुक अनुसरण क' सकी।

जखन यीशु मृतकसभ मे सँ जी उठलाह, तखन ओ 40 दिन धरि पृथ्वी पर रहलाह।

यीशु अपन अनुयायीसभ केँ सिखौलनि जे ओ सभतैर जाक' हुनकर उद्धारक शुभ समाचार दुनिया भरिक लोकसभ केँ सुनाबथि। यीशु कहलथिन, "स्‍वर्ग आ पृथ्‍वीक सम्‍पूर्ण अधिकार हमरा देल गेल अछि। एहि लेल अहाँ सभ आब जा कऽ सभ जातिक लोक केँ हमर शिष्‍य बनाउ और ओकरा सभ केँ पिता, पुत्र आ पवित्र आत्‍माक नाम सँ बपतिस्‍मा दिऔक। हम जतेक आदेश अहाँ सभ केँ देने छी तकर सभक पालन करबाक लेल ओकरा सभ केँ सिखाउ। मोन राखू, संसारक अन्‍त तक हम सदिखन अहाँ सभक संग छी।"

एकर बाद यीशु हुनका सभक आँखिक सामने स्वर्ग मे उठा लेल गेलाह। एक दिन यीशु फेर ओहिना अएताह जेना ओ गेलाह। जे लोक हुनका प्रेम नहि केलकनि आ हुनकर आज्ञा नहि मानलकनि, हुनका ओ सदिखन लेल दण्ड देताह। जे लोक हुनका प्रेम केलकनि आ आज्ञा मानलकनि, हुनका ओ सदिखन लेल अपन पास लेताह आ प्रतिफल देताह। हम नव स्वर्ग आ नव पृथ्वी मे हुनका संग सदिखन जीबब।

हम यीशु द्वारा हमर पापक लेल कएल बलिदान पर विश्वास कएलहुँ आ ओकरा ग्रहण कएलहुँ। ओ हमरा शुद्ध क' देलनि आ परमेश्वरक परिवारक हिस्सा केर रूप मे फेर बहाल क' देलनि। ओ हमरा प्रेम करैत छथि, आ हम हुनका प्रेम करैत छी आ हुनकर राज्य मे हुनका संग सदिखन जीबब। परमेश्वर अहाँसँ सेहो प्रेम करैत छथि आ चाहैत छथि जे अहाँ सेहो ई वरदान ग्रहण करू। की अहाँ एखनहि ई कर' चाहब?

सुसमाचारक एहि प्रस्तुति केँ अपनहि सँ अभ्यास करैत रहू, जखन तक अहाँ एहि कथा केँ सहजता सँ सुना सकब।