आध्यात्मिक श्वास लबाक मतलब अछि परमेश्वर के सुनब आ मानब।

आध्यात्मिक श्वास लबाक मतलब अछि परमेश्वर के सुनब आ मानब ... दिनभरि, हर दिन।

साँस भीतर लिअ

परमेश्वरक राज्य मे हम साँस भीतर तखन लैत छी जखन हम परमेश्वर सँ ई माध्यम सभ द्वारा सुनैत छी:

• हुनकर वचन - बाइबल
• प्रार्थना - हुनका संग हमर बातचीत
• हुनकर शरीर - कलीसिया, यीशुक दोसर अनुयायी
• हुनकर काज - ओ घटना, अनुभव, आ कखनो-कखनो पीड़ा आ कष्ट जे ओ अपन सन्तान सभ केँ सहय दैत छथि

यीशुक प्रत्येक अनुयायी लेल शुभ समाचार ई अछि जे जखन हम भीतर साँस लैत छी आ परमेश्वर सँ सुनैत छी, आ जखन हम बाहर साँस छोड़ैत छी आ जे सुनैत छी तकर आज्ञा मानैत छी आ दोसर सभ केँ सेहो बाँटैत छी, तखन परमेश्वर आरो स्पष्ट रूप सँ बजैत छथि।

साँस बाहर छोड़ू

परमेश्वरक राज्य मे हम बाहर साँस तखन छोड़ैत छी जखन हम परमेश्वर सँ सुनल बात पर काम करैत छी। हम बाहर साँस छोड़ैत छी जखन हम आज्ञा मानैत छी। कखनो आज्ञा मानैत बाहर साँस छोड़बाक मतलब होइत अछि अपन सोच, अपन बात, वा अपन काम केँ बदलनाइ ताकि ओ यीशु आ हुनकर इच्छा के अनुरूप भ' जाए। कखनो आज्ञा मानैत बाहर साँस छोड़बाक मतलब होइत अछि जे यीशु हमरा सँ जे साझा कएलनि, ओहि केँ दोसर सभ संग बाँटब — जे ओ हमरा देने छथि तकरा आगाँ देब — ताकि दोसर लोक सेहो आशीषित होथि, जेना परमेश्वर हमरा आशीष दैत छथि। यीशुक एक अनुयायी लेल, भीतर साँस लेनाइ आ बाहर साँस छोड़नाइ अत्यन्त आवश्यक अछि। ई हमर जीवन स्वयं अछि।