तीन मिनट के गवाही

यीशु कहलथि, मुदा जखन अहाँ सभ पर पवित्र आत्‍मा औताह तँ अहाँ सभ सामर्थ्‍य प्राप्‍त करब आ यरूशलेम मे, सम्‍पूर्ण यहूदिया और सामरिया प्रदेश मे, आ सम्‍पूर्ण पृथ्‍वी पर अहाँ सभ हमर गवाह होयब। सभक अपन कथा होइत अछि। ई अपन कथा के अभ्यास करबाक अवसर अछि। येशु मसीहक अनुयायी होयबाक नातेसँ हम सभ हुनकर “गवाह” छी, कारण हम अपन जीवन पर येशु द्वारा भेल प्रभावक “गवाही” दैत छी। परमेश्वर संग अपनेक संबंधक कथा केँ “गवाही” कहल जाइत अछि। सभक अपन कथा होइत अछि। अपन गवाही साझा करनाइ अपन कथा के अभ्यास करबाक एक अवसर अछि।

गवाहीक 3 आधारभूत प्रकार

अपन कथा कहबाक असीम तरीका अछि, मुदा एतय किछु एहन तरीका अछि जे हमसभक अनुभव मे नीक तरहि काज करैत अछि:

• एक सरल कथन - अहाँ ई बातक एक सरल कथन साझा क' सकैत छी जे अहाँ येशू के अनुसरण करबाक निर्णय किएक लेने। ई विशेष रूप सँ नव विश्वासी लेल नीक काज करैत अछि।
• पहिने आ आब - अहाँ अपन “पहिने” आ “आब” वाली कथा साझा क' सकैत छी - येशू केँ जानबाक पहिने अहाँक जीवन केहन छल, आ आब केहन अछि। ई सरल आ प्रभावशाली अछि।
• संग आ बिना - अहाँ अपन “संग” आ “बिना” वाली कथा साझा क' सकैत छी - “येशू संग” अहाँक जीवन केहन अछि, आ “हुनका बिना” केहन होइत। ई रूप विशेष रूप सँ उपयोगी अछि जँ अहाँ कम उम्र मे विश्वास मे एलहुँ।

अपन गवाही साझा करबाक 3 भाग

जखन अहाँ अपन कथा साझा करैत छी, तँ एकरा तीन भागक प्रक्रिया के रूप मे सोचब सहायक होइत अछि:

• हुनकर कथा - जाहि व्यक्ति संग अहाँ बात क' रहल छी, हुनका सँ कहू जे ओ अपन आत्मिक यात्रा बारे मे साझा करथि।
• अपन कथा - तकर बाद अपन गवाही हुनकर अनुभव केँ ध्यान मे राखि क' साझा करू।
• परमेश्वरक कथा - अंत मे परमेश्वरक कथा एहि तरहि सँ साझा करू जे हुनकर संसार-दृष्टि, मूल्य, आ प्राथमिकतासभ सँ जुड़ि जाय।

अहाँक गवाही प्रभावशाली होयबाक लेल बहुत लंबी होबाक वा अत्यधिक विवरण देबाक आवश्यकता नहि अछि। वास्तव मे, अपन कथा केँ लगभग 3 मिनटक भीतर राखब प्रश्न पूछबाक आ गहींर बातचीतक लेल समय छोड़ैत अछि। जँ अहाँ सोचैत छी जे शुरुआत कोना करी - तँ एकरा सरल राखू। परमेश्वर अहाँक कथा केँ जीवन बदलबाक लेल उपयोग क' सकैत छथि, मुदा याद राखू - एकरा कहबाक जिम्मेदारी अहाँकेँ अछि।