गुणनक गति महत्वपूर्ण अछि।

गति महत्वपूर्ण अछि, कारण हमसभ अपन अनंतकाल कतय बिताएब, से एहि छोट समय में तय होइत अछि जकरा हम “जीवन” कहैत छी। परमेश्वरक वचन कहैत अछि जे परमेश्वर हमरा सभक प्रति धैर्यवान छथि—ओ नहि चाहैत छथि जे केओ नाश हो, बल्कि सभ लोक घुरि क’ हुनकर अनुसरण करथि। परमेश्वर हमरा सभ केँ बेसी समय दैत छथि, कारण ओ जानैत छथि जे जे काज लेल ओ हमरा सभ केँ बोलौने छथि आ जकरा धरि पहुँचय लेल ओ पठौने छथि, से सब करबाक लेल हमरा सभ लग बहुत कम समय अछि। यीशुक निकटतर अनुसरण करबाक लेल, हमरा सभ केँ हुनकर लोकसभ धरि बेसी तेजी सँ पहुँचनाइ पड़त। हमसभ बस अपन समय लैत नहि चलि सकैत छी। हमरा सभ केँ अपन गति बढ़ेबाक अछि।

यद्यपि कलीसियाक आकार पहिनेसँ पैघ अछि आ विश्वक जनसंख्याक अनुपात में ओकर हिस्सा सेहो पहिनेसँ बेसी अछि, तइयो हम जनसंख्या वृद्धि केर गति संग तालमेल नहि बिठा पबैत छी। एकर अर्थ ई अछि जे आइ पहिनेसँ बेसी एहन लोक जीवित छथि जे अभीओँ हराओल अवस्था में छथि। ई यथास्थिति स्वीकार्य नहि अछि। एही कारण सभ में सँ एक कारण ई अछि जे गुणा करएवाला शिष्य बनौनाइ एतेक महत्वपूर्ण अछि।

ओहि शिष्यसभक प्रतिशत जे वास्तव में नियमित रूप सँ गुणा करैत छथि, अत्यंत महत्वपूर्ण अछि। एकरा स्पष्ट करबाक लेल, आउ दसभर्षीय अवधि केर एकटा उदाहरण देखी।

मानू जे अहाँ एकटा शिष्य सँ शुरुआत करैत छी जे प्रत्येक 18 महीना पर एकटा नव शिष्य उत्पन्न करैत अछि। नव शिष्यसभ सेहो ईहने करैत छथि। दस वर्ष में अहाँ लग 64 शिष्य होयत।

मुदा जँ ओहि एकटा शिष्य आ नव शिष्यसभ प्रत्येक 4 महीना पर फेर सँ नव शिष्य उत्पन्न करथि, तँ दस वर्ष में अहाँ लग एक अरब सँ बेसी शिष्य होयत। दोसर शब्द में, दस वर्षक अवधि में औसत गुणन-दर केँ 18 महीना सँ 4 महीना पर अनला केर परिणाम केवल साढ़े चार गुना तेजी नहि होइत अछि। ई 15 मिलियन गुना सँ बेसी तेजी अछि।

ई एकरा लेल संभव अछि, कारण नव शिष्य केँ पहिल काज ई करबाक चाही जे ओ जे किछु सीखैत अछि, से दोसरासभ संग साझा करय। एकर अर्थ ई अछि जे ओ विश्वास में अएतहि दोसर केओ केँ मसीह धरि पहुँचा सकैत अछि। जँ शिष्यसभ जे किछु सीखैत छथि, तकरा मानबाक आ साझा करबाक दोहरा उत्तरदायित्वक ढाँचा में बनल रहथि, तँ ई प्रक्रिया परिपक्वता हासिल करबाक पूरा यात्रा में जारी रहि सकैत अछि।