परमेश्वर साधारण लोकक प्रयोग करैत छथि
की अहाँ कखनो सोचने छी जे कलीसिया केना शुरू भेल? शुरुआत मे कोनो पेशेवर नै छल। अचरज भेल? नीक भेल जे परमेश्वरक योजना एहन नै छल जेकरा लेल पेशेवर लोक चाही। परमेश्वर साधारण लोकक प्रयोग करैत छथि। पहिल कलीसियाक आंदोलन शुरू करबाक लेल ओ एहने कएलनि। आ आइयो ओ एहने करैत छथि। पहिल कलीसिया साधारण लोक सभ केँ दुनिया भरि भेजलक जे दूसर लोक केँ यीशुक बारे मे बताबय। ओ साधारण लोक सभ केँ राज्यपाल, सेनापति, शासक आ राजा सभक सामने ठाढ़ होबाक लेल भेजलक। ओ साधारण लोक सभ केँ बिमार केँ चंगा करबाक, भूखल केँ भोजन देबाक, मृतक केँ जिआबयबाक, आ दुनिया भरिक लोक केँ परमेश्वरक सभ आदेश सिखाबय लेल भेजलक। पहिल कलीसिया साधारण लोक सभ केँ दुनिया बदलय लेल भेजलक। आ ओ सभ बदलियो देलक।
हमर सपना अछि जे यीशु जे कहलथिन, वही करब — दुनिया भरिक साधारण लोक केँ छोट-छोट साधनक उपयोग क’ परमेश्वरक राज्य मे बड़का प्रभाव डालय मे मदद करब! यीशु अपन अनुयायी सभ केँ जे अंतिम निर्देश देने छलथि, से बहुत सरल छल। ओ कहलथिन — स्वर्ग आ पृथ्वीक सम्पूर्ण अधिकार हमरा देल गेल अछि। एहि लेल अहाँ सभ आब जा कऽ सभ जातिक लोक केँ हमर शिष्य बनाउ और ओकरा सभ केँ पिता, पुत्र आ पवित्र आत्माक नाम सँ बपतिस्मा दिऔक। हम जतेक आदेश अहाँ सभ केँ देने छी तकर सभक पालन करबाक लेल ओकरा सभ केँ सिखाउ। मोन राखू, संसारक अन्त तक हम सदिखन अहाँ सभक संग छी। यीशुक आदेश सरल छल - शिष्य बनाउ।
ई करबाक हुनकर निर्देश सेहो सरल छल:
- जतय-जतय अहाँ जाइत छी, ओतय शिष्य बनाउ;
- पिता, पुत्र आ पवित्र आत्माक नाम सँ बपतिस्मा द’ क’ शिष्य बनाउ;
- यीशु जे-जे आदेश देने छथि, तकर पालन करब सिखा क’ शिष्य बनाउ।
तँ शिष्य बनाबय के चरण की अछि?
- हम सभ हरदम शिष्य बनबैत छी - जतय-जतय जाइत छी आ जखन जाइत छी।
- जखन कोनो व्यक्ति यीशुक पाछाँ चलबाक निर्णय लैत अछि, तँ ओकरा बपतिस्मा लेबाक चाही।
- जइसे-जइसे ओ बढ़ैत अछि, तइसे सभटा शिष्य केँ यीशु जे सभ आदेश देने छथि तकर पालन करब सिखेनाइ चाही।
जखन हुनकर एकटा आदेश शिष्य बनाबय सेहो अछि, तकर मतलब ई भेल जे यीशुक पाछाँ चलनिहार सभटा शिष्य केँ स्वयं सेहो शिष्य बनाबय सीखनाइ जरूरी अछि।
अपने स पूछू
- जदि येशु अपन सभ अनुयायी केँ अपन महाप्रतिज्ञा क' पालन करबाक लेल कहने छलथि, त' कियैक एतेक कम लोक सचमुच शिष्य बनबैत छथि?
- की ई विचार — जे परमेश्वर साधारण लोकक प्रयोग करैत छथि — अहाँ जे पहिने सिखने छलहुँ वा योजना जेना बुझने छलहुँ, ताहिसँ अलग अछि?
आइये ज़ुमे प्रशिक्षण शुरू करू
ई पूर्ण रूप सँ मुफ्त अछि, आ अहाँ कहियो शुरू क' सकैत छी—जतय छी, ओतहि अपन गति सँ आगाँ बढ़ू।
पंजीकरण निःशुल्क