बत्तख शिष्यत्व – तुरन्त नेतृत्व करब

की अहाँ जानैत छी जे बतखक बच्चा (डक्लिंग्स) आ शिष्य बनौनाई में की संबंध अछि? की अहाँ कखनो बतखक बच्चा सभकेँ संग-संग टहलैत देखलहुँ अछि? बतखक बच्चा सभ वास्तव में शिष्य बनौनाईक एक महत्वपूर्ण सिद्धान्त देखबैत अछि। जँ अहाँ चाहैत छी जे परमेश्वरक परिवार दूर धरि बढ़य आ विश्वासयोग्यता मे मजबूत बनय, तँ शिष्य बनौनाई केँ बतखक बच्चा सभ जेकाँ बुझू - एके समयमे अनुयायी आ अगुआ दुनू बनू।

अहाँ संसारक कोनो भाग मे रहू, ई दृश्य सदा एक्के जेकाँ होइत अछि।

एक माय बत्तख आगू बढ़ैत अछि आ ओकर बच्चा सभ पाँत बना कऽ एक-एक कऽ ओकरा पछाँह चलैत अछि। माय बत्तख नेतृत्व करैत अछि। नन्हका बत्तख-छौड़ा सभ अनुसरण करैत अछि। मुदा जँ अहाँ आरो ध्यान सँ देखब, तँ अहाँ देखब जे एकटा दोसर बात सेहो भ' रहल अछि। प्रत्येक नन्हका बतखछौड़ा वास्तव में एके समयमे दुइ भूमिका निभा रहल अछि:

• प्रत्येक नन्हका बतखछौड़ा एक अनुयायी अछि, किएक तँ ओ माय बत्तख वा ओहि बतखछौड़ा केँ अनुसरण क' रहल अछि जे ठीक ओकर आगाँ चलि रहल अछि।
• आ एके समयमे, प्रत्येक नन्हका बतखछौड़ा एक अगुआ सेहो अछि, किएक तँ ओ ओहि बतखछौड़ा (वा बच्चा सभ) केँ मार्ग दिखा रहल अछि जे ठीक ओकर पछाँह चलि रहल अछि।

तँ फेर बतखछौड़ा एक अनुयायी अछि कि एक अगुआ? ओ दुनू अछि।

आ एहि कारणें टहलैत बत्तख सभक शिष्य बनौनाई सँ सब किछु संबंध अछि। परमेश्वर चाहैत छथि जे हुनकर परिवार दूर धरि फैलय - आ एहि लेल ओ अपेक्षा करैत छथि जे प्रत्येक अनुयायी एक अगुआ हो, प्रत्येक विश्वासी एक साझा करनिहार हो, आ प्रत्येक चेला एक शिष्य-निर्माता हो - आ ई सभ एके समयमे।

हमसभ, चेला आ शिष्य-निर्माता सभक रूप मे, जकरा जाल मे फँसैत छी, ताहि मे सँ एकटा ई झूठ विश्वास अछि जे जखन धरि हम सभ कुछ नहि जानि लिअ, वा कम सँ कम बहुत रास बात नहि सिखि लिअ, तखन धरि हम किछु साझा नहि क' सकैत छी। मुदा शिष्यत्व एना काज नहि करैत अछि। चेला सभ बतखछौड़ा जेकाँ होइत छथि। अगुआ बनबाक लेल हुनका सभ केँ सभकुछ जानबाक जरूरत नहि अछि।

हुनका बस एक कदम आगाँ रहबाक जरूरत अछि। परमेश्वर चाहैत छथि जे हुनकर परिवार विश्वासयोग्यता मे बढ़य - आ एहि लेल ओ अपेक्षा करैत छथि जे प्रत्येक अगुआ एक अनुयायी हो, प्रत्येक साझा करनिहार एक विश्वासी हो, आ प्रत्येक शिष्य-निर्माता स्वयं एक चेला हो - आ ई सेहो एके समयमे। दोसर जाल जाहि मे हमसभ फँसैत छी, से ई झूठ विश्वास अछि जे कतहु न कतहु कियो एहन अछि जे सभकुछ जानैत अछि, आ जँ हम केवल ओहि केँ खोजि कऽ अनुसरण करब, तँ हम सुरक्षित छी। मुदा शिष्यत्व एना सेहो काज नहि करैत अछि।

परमेश्वरक राज्य मे केवल एकटा “माय बत्तख” छथि, जकरा हम सभ अनुसरण करैत छी - आ से छथि यीशु मसीह। कोनो मिशनरी नहि। कोनो पादरी नहि। कोनो सेमिनरी प्राध्यापक नहि। केवल यीशु हमर पूर्ण विश्वासक अधिकारी छथि।

बाकी हमसभ “प्रक्रिया मे” छी। सदैव कोनो एहन व्यक्ति रहत जे यीशु केँ हमसभसँ बेसी निकट सँ अनुसरण करैत हो, आ जकरा हम अनुसरण क' सकी। आ सदैव कोनो एहन व्यक्ति रहत जे हमसभसँ पाछाँ हो, आ जकरा हम मार्ग दिखा सकी। मुदा हम कोनो स्थान पर रहिऐ, हमर आँखि - आ हमर हृदय - सदा यीशुए पर टिकल रहबाक चाही।

बाइबल मे पौलुस, जे नूतन नियमक बहुत भाग लिखलनि आ पहिल कलीसिया सभमे सँ बहुतो शुरू केलनि, केवल ई नहि लिखलनि - “हमर अनुसरण करू।” ओ लिखलनि, “हमर अनुसरण करू, जेना हम मसीहक अनुसरण करैत छी।” पौलुस ओहि बात केँ बुझैत छलाह जे संसार भरिक बतखछौड़ा सभ जानैत अछि आ जे प्रत्येक चेलाकेँ जानबाक चाही सेहो - परमेश्वरक राज्यक प्रत्येक अगुआ केँ एक अनुयायी होए पड़ैत अछि - आ हम सभ यीशुक अनुसरण करैत छी।

बाइबल मे पौलुस ईहो लिखलनि: “जे बात अहाँ हमरा सँ सुनने छी... ओकरा विश्वासयोग्य लोकसभक संग साझा करू, जे दोसरासभ केँ सेहो सिखाबय योग्य होथि।” पौलुस ओहि बात केँ सेहो बुझैत छलाह जे संसार भरिक बतखछौड़ा सभ जानैत अछि आ जे प्रत्येक चेलाकेँ जानबाक चाही। परमेश्वरक राज्यक प्रत्येक अनुयायी केँ एक अगुआ होए पड़ैत अछि - आ हम सभकेँ यीशु जेकाँ अगुवाई करबाक चाही, दोसरासभ लेल अपन जीवन अर्पित करैत। जँ अहाँ चाहैत छी जे परमेश्वरक परिवार दूर धरि बढ़य आ विश्वासयोग्यता मे बढ़य, तँ शिष्य बनौनाई केँ बतखक बच्चा सभ जेकाँ बुझू - एके समयमे अनुयायी आ अगुआ दुनू बनू।