شێوازی ژیانی بەکاربەر - بەرهەمهێنەر

ئەگەر بمانەوێت قوتابی دروست بکەین کە زیاد دەبن، ئەوا پێویستە ئامێری ئەوەیان پێبدەین ببنە بەرهەمهێنەر و نەک تەنها بەکاربەر. لەم جیهانە شکاوەدا، خەڵک پلانی خودایان ڕەت کردووەتەوە، و زۆرێک وزەیان لەسەر ئەوە بەسەر دەبەن کە تەنها بەشێک لە هاوکێشە تەواوەکەی خودا بژین. فێردەبن، بەڵام هاوبەشی ناکەن. پڕ دەبنەوە، بەڵام هەرگیز ناڕژێننە دەرەوە. بەکاردەبەن، بەڵام بەرهەم ناهێنن.

خودا بە چوار ڕێگەی سەرەکی لە ڕووی ڕۆحییەوە گەشەمان پێدەدات. ئامرازەکانی ناو ئەم بۆکسەی ئامرازانەش بەپێی ئەم چوار ڕێگانە پێشکەش دەکرێن:

1. پەرتووکی پیرۆز

هەر قوتابییەک پێویستی بەوەیە ئامێری فێربوون، لێکدانەوە و جێبەجێکردنی پەرتووکی پیرۆزی پێ بدرێت. لە ماوەی هەزاران ساڵ و لە ڕێگەی نووسەری جیاوازەوە، خودا وشەکەی خۆی خستووەتە ناو دڵی پیاوە دڵسۆزەکان، و ئەوانیش ئەوەیان نوسیووە و بەشیان کردووە کە بیستوویانە. نووسینە پیرۆزەکان چیرۆکی خودا، پلانەکانی، دڵی، و ڕێگاکانی فێرمان دەکەن. ئەگەر قوتابییەک خوێنەر نییە، پێویستە بە ڕێبازێکی زارەکی ئامێری پێ بدرێت بۆ ئەم کارە، لەوانەیە بە گوێگرتن لە وەشانی دەنگی پەرتووکی پیرۆز دەست پێ بکات. ئەو سێ ئامرازەی لەم بوارەدا باسکراون یەکتر تەواو دەکەن لە یارمەتیدانی ئامێرکردنی قوتابیان بە ژمارەیەک لە توانا پێویستەکان تاکو توانادار بن لە لێکدانەوە و جێبەجێکردنی پەرتووکی پیرۆز. ئەگەر هێشتا سەیرت نەکردوون، حەتمەن سەیریان بکە!

2. نوێژکردن

نوێژکردن بۆ پەیوەندی ئێمە لەگەڵ خودادا زۆر گرنگە. لە ڕێگەی نوێژکردنەوەیە کە هەم گوێی لێ دەگرین و هەم قسەی بۆ دەکەین. نوێژکردن یارمەتیمان دەدات زیاتر بە نزیکی بیناسین و دڵی، ئیرادەی، و ڕێگاکانی تێبگەین. نوێژکردن یارمەتیمان دەدات خزمەت بەوانی تر بکەین، فێریان بکەین، و شایەتحاڵی بۆیان بین. ئەو دوو ئامرازەی خوارەوە دەتوانن یارمەتی قوتابیان بدەن لە گەشەکردن لە ژیانی نوێژی کەسییاندا و لە خزمەتکردن بەوانی تر و لەگەڵ ئەوانی تردا. دەتوانن یارمەتیمان بدەن نەریتێک دروست بکەین لە ژیان بە هەڵوێستی نوێژ و بەرەو دیدگایەکی ڕۆحی بڕوانین بە جیهانەوە لەبری ئەوەی تەنها دۆخی دەرەکیی بینراو ببینین. هەروەها دەتوانن توانای نوێژکردنمان زیاتر بکەن.

3. ژیانی جەستە

خودا جەستەکەی خۆی بە جۆرێک داڕشتووە کە پێویستمان بە یەکتر بێت. هەر یەکێکمان هێزی تایبەتی هەیە و لاوازی تایبەتی هەیە. پێویستە ملکەچی یەکتر بین و خزمەتی یەکتر بکەین. ژیانی قوتابی تەنها پەیوەندی کەس بە خوداوە نییە، بەڵکو پەیوەندییەکانی لەگەڵ ئەوانی تریشە. قوتابیکردن تەنها تاکەکەسی نییە، بەڵکو لە بنەڕەتدا کۆمەڵایەتییە. ئەو ئامرازانەی لە خوارەوە هاتوون یارمەتیمان دەدەن یەکتر هان بدەین بۆ خۆشەویستی و کردەی چاک لە ژینگەیەکی خۆشەویستی و لێپرسینەوەی بەردەوامدا بۆ گوێڕایەڵی و هاوبەشکردنی ئەوەی خودا پێمان دەڵێت لەگەڵ ئەوانی تر.

4. چەوسانەوە و ئازارچەشتن

خودا بە ڕێگای زۆر چەوسانەوە و ئازارچەشتن بۆ چاکی ئێمە بەکاردەهێنێت. بەکاریان دەهێنێت بۆ پالدان و پاککردنەوەی ڕەوشتمان و گەشەپێدانی خاسیەتە خوداییەکان لە ناوماندا. بەکاریان دەهێنێت بۆ بەهێزکردن و پاککردنەوەی باوەڕمان. بەکاریان دەهێنێت بۆ ئامێرکردنمان بۆ خزمەت بەو کەسانەی ئازار دەچێژن. هەروەها بەکاریان دەهێنێت بۆ شکۆدارکردنی خۆی لە ڕێگەی ئامادەییمان بۆ قوربانیدان و مەترسی کردن لەپێناوی ئەودا. خودا بەڵێن دەدات ئەگەر بە تەواوی بۆ ئەو لەم جیهانەدا بژین، چەوسێنرێینەوە. ئەگەر قوتابیان فێربکرێن چەوسانەوە و ئازارچەشتن بۆ پاشایەتی چاوەڕوان بکەن، ئەوا زۆر کەمتر ڕووبەڕووی شێواوی، تاڵی، تووڕەیی، کینە، بێهیوایی، یان خەمۆکی دەبن کاتێک ڕووبەڕووی دەبنەوە. پێویستە قوتابیان لە سەرەتای ژیانی نوێیانەوە ئامادە بکەین بۆ چاوەڕوانی ئازار و بۆ وەڵامدانەوەی باش بەرامبەری، بە متمانەکردن بە خودا وەک دروستکەرێکی دڵسۆز لە ئەنجامدانی ئەوەی ڕاستە. ئازارچەشتن بۆ پاشایەتی ئێمە ئامادە دەکات و پالمان دەدات بۆ پاشایەتی هەتاهەتایی لەگەڵ مەسیح.