Zúme Training Guidebook

مرحبا بيكم في تدريب زومّيه. كلمة زومّيه باليونانية معناها خميرة. يقولنا يسوع إنّو ملكوت ربّي يشبه لمرا حطّت شوية زومّيه في برشة فرينة. وكي تخلّطت الخميرة مع الفرينة تفرّقت حتّى خمرة العجينة لكلّها. كان يورّينا يسوع كيفاه عبد بسيط يستعمل حاجة قليلة وبسيطة تخلّيه يعمل حاجة كبيرة! حلمنا هو إنّو نعملوا شقال يسوع ونعاونوا النّاس العاديّة يستخدموا حاجات بسيطة باش يعملوا تأثير كبير في ملكوت ربّي!

كانت تعليمات يسوع لخّرا لأتباعوا بسيطة وقال "تَعْطَاتْلِي كُلْ سُلْطَة فِي السْمَاء والأَرْضْ. مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ."

كان أمر يسوع بسيط -- تلمذوا. وتعليموا كيفاه نعملوا هذا كان بسيط -- تلمذوا فين مكنتوا ماشين.

• تلمذوهم بإنكم تعمّدوهم بإسم الآب والإبن والرّوح القدس.
• تلمذوهم بإنكم تعلّموهم يطيعوا إلّي أمركم بيه الكلّ.

شنية الخطوات إلّي نتبعوها لتّلمذة؟

• أحنا نتلمذوا الوقت الكلّ - فين ما مشينا.
• وقت يقرّر إنسان باش يتبّع يسوع - يلزموا يتعمّد.
• باش ينمو التلميذ - يلزم نعلّموه كيفاه يطبّق شنية إلّي قال عليه يسوع.

الحاجات إلّي أمر بيها يسوع هي التّلمذة وهذا يعني إنّو كلّ من يتبّع في يسوع يلزم يتعلّم كيفاه يتلمذ النّاس. النّاس هذام لازم يتلمذوا عباد أخرين والتلامذة هاذم يتلمذوا أخرين لين تتضاعف التلامذة. هذي هي الطريقة إلّي تخدم بيها زومّيه. تشبه للخميرة - إلّي تخدم في العجينة لكلّها. كي عطا يسوع وصيتوا باش نمشيوا ونتلمذوا النّاس عطا وعد زادا. قال - "وهَانِي دِيمَا مْعَاكُمْ، لْآخِرْ الزْمَانْ." على خاطر يسوع صادق في وعودوا معنا - كلّ تابع ليه يلزم يعمّل على الوعود الصادقة متاعو! أما هذا زادا يعني إنّو كلّ واحد تابع ليسوع يلزم يعرف إنّو يسوع يحب كلّ واحد منّا يتلمذ ناس أخرين.

قال يسوع "تَعْطَاتْلِي كُلْ سُلْطَة فِي السْمَاء والأَرْضْ، فإمشيوا وَتَلْمِذُوا." السلطة إلّي معمّل عليها يسوع المسيح وقت إلّي بعثنا -- هي سلتطوا هو. قال يسوع مفماش سلطة أعلى مالسلطة هذي. مفماش حتّى ثقافة أخرى ولا قانون آخر عندو سلطة أعظم مالسلطة هذي. قال يسوع - "إمشيوا وتلمذوا."

وكيما زومّيه - يعني كيما الخميرة - باش نكمّلوا نقدّموا ونكبروا لين تكمل الخدمة.

مرحبا بيكم في تدريب زومّيه. باش نحكيوا اليوم على التّلامذة والكنيسة.

شنية هو التلميذ؟ وكيفاه تلمذ إنسان؟

كيفاه تعلّم تابع للمسيح يطيع كلّ وصاياه؟ كيفاه تاخوا إنسان عاش قبل حياتو عبد للعالم وتأهّلوا باش يولّي مواطن في ملكوت ربّي؟ معنى كلمة" تلميذ" هو تابع. وهكّا يولّي هو تابع لرّبي. قال يسوع - "تَعْطَاتْلِي كُلْ سُلْطَة فِي السْمَاء والأَرْضْ."على هذاكا يسوع هو الملك متاعنا في ملكوت ربّي. وأحنا مواطنين في مملكتوا رعايا عنايتوا ورغبتوا ومقصدوا والخطط متاعوا وأولوياتوا وقيمها الباهية. شنية إلّي أمر بيه يسوع تلامذتو باش يعملوه؟

كلمتوا هي الشريعة. شنية هي شريعة الملكوت هذا؟ شنية إلّي أمر بيه يسوع تلامذتوا باش يعملوه؟

قال يسوع -- "حِبْ الرَّبْ إِلَاهِكْ بْكُلْ قَلْبِكْ وبْكُلْ رُوحِكْ وبْكُلْ قُوْتِكْ وبْكُلْ عَقْلِكْ، وحِبْ قْرِيبِكْ كِيفْ مَا تْحِبْ رُوحِكْ."قال يسوع وصّية ربّي في العهد القديم -- وفي كلّ الشريعة والأنبياء -- تتلخصّ لكلّ في الحاجات هاذم الزّوز -- محبة ربّي ومحبة النّاس. قال يسوع -- تلمذوا. قال يسوع -- وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ. تلمّ التّلمذة تعليم التلامذة بإلّي أمر بيه يسوع -- ويتلخصّ العهد الجديد في الوصّية الوحيدة هذي تلمذوا.

التلميذ هو تابع ليسوع يحب ربّي ويحب النّاس ويتلمذ ناس أخرين.

شنية هي الكنيسة؟

ساعات تخمم إنّو الكنيسة هي مبنى - بلاصة نمشيولها. أما كلمة ربّي تقول إلّي الكنيسة هي مجموعة مالنّاس إلّي تنتمي ليهم.

كلمة "كنيسة" نستعملوها في الكتاب المقدس بثلاثة طرق مختلفة:

• الكنيسة الجامعة -- كلّ أتباع يسوع في الماضي والحاضر والمستقبل.

• كنيسة المدينة وإلاّ المنطقة -- كلّ أتباع يسوع إلّي يعيشوا في منطقة معينة في العالم.

• كنيسة البيوت -- إلّي يتبعوا في يسوع ويتلاقاوا في دار وحدة وإلاّ أكثر.

العائلة الرّوحية: هوما أتباع يسوع إلّي يحبوا ربّي ويحبوا النّاس ويتلمذوا ناس أخرين ويتلاقاوا مع بعضهم في بلاصة ويكوّنوا كنيسة بيتية وإلاّ كنيسة بسيطة. وقت إلّي ترتبط الكنائس هذي مع بعضهم باش يخدموا خدمة كبيرة وينجّموا يكوّنوا كنيسة منطقة وإلّا مدينة. كلّ الكنائس البسيطة هذي وقت ترتبط بالمناطق والتاريخ تكوّن مع بعضها الكنيسة الجامعة. هذي هي الكنيسة بالمعنى متاعها الكبير.

الكنائس البسيطة هي عائلات روحية يسوع هو مركزها والملك متاعها. الكنائس البسيطة هي عائلة روحية تحب ربّي وتحب النّاس وتّلمذ ناس أخرين يتضاعفوا. عند شوّية مالكنائس مباني وبرامج وميزانيات وموظفين. أما الكنائس البسيطة متستحّقش للحاجات هاذم باش تحب ربّي وتحب النّاس وتّلمذ عباد يتضاعفوا. وعلى خاطر أيّ حاجة زايدا على الكنيسة تخلّيها معقّدة برشة وصعيب تتضاعف وتدريبنا يخلّي حاجة فيها كيما المباني والبرامج والميزانيات والموظفين لكنيسة المدينة وإلاّ المنطقة إلّي تتكوّن من كنائس بسيطة تتضاعف.

تفكّر ديما إلّي كلمة "زومّيه" هي "خميرة"-- هي كائن حي, وحيد الخلّية, يتكاثر فيسع.

ومن تدريب "زومّيه" باش نولّيو كيما الخميرة -- بساط ونتكاثروا.

أما قبل مانبداو نتضاعفوا يلزم نعرفوا شنية يحب ربّي منّا باش ننتجوا ونكثروا, التضاعف ساعات يكون باهي أما موش ديما. كيما نشوفوا السرطان يتضاعف أما يقتل. فكيفاه ننتجوا الحياة موش الموت؟ وكيفاه نتأكّدوا إنّا تلامذة نستحّقوا باش نتزايدوا ونتضاعفوا؟

مرحبا بيكم في تدريب زومّيه. باش نحكيوا في الجلسة هذي على كيفاه نسمعوا ربّي ونطيعوه. التنفّس هو الحياة. أحنا نشهق ونزفر, الحياة. التنفّس مهمّ برشة في ملكوت ربّي. وفي الحقيقة يسمّي ربّي روحو - " نفس".

في الملكوت, أحنا "نشهق" (ناخذوا نفس) وقت نسمعوا من ربّي. ناخذوا نفس كي نسمعوا كلمتوا - في الكتاب المقدس. ناخذوا نفس وقت نسمعوا من ربّي كي نصلّيوا - ونتكلّموا معاه. ناخذوا نفس وقت نسمعوا من ربّي مالجسد متاعو - والكنيسة, وأتباع يسوع لخرين. ناخذوا نفس وقت نسمعوا ربّي من أعمالوا - وتجاربوا وساعات الإضطهادات والآلام إلّي يخلّي أولادو يتعدّاو بيها.

في الملكوت نزفر, (نخرّج نفس) وقت نسمع من ربّي. نزفر وقت نطيع.

وساعات يكون معنا الزّفير للطّاعة وبيه يلزم نبدّلوا من أعملنا وأفعالنا باش نولّيو متوافقين مع يسوع وإرادتوا. ساعات يكون معنى الزّفير للطّاعة ونشاركوا إلّي شارك بيه يسوع معانا - ونعطيوا إلّي عطانا باش يتباركوا النّاس كيما يباركنا ربّي.

أما بالنسبة لتلميذ المسيح - عملية الشّهيق والزّفير مهمّة برشة كيما حياتنا. قال يسوع "الحَقْ الحَقْ نْقُلْكُمْ: الإِبْنْ مَا يْنَجِّمْ يَعْمِلْ حَتَّى شَيْ مِنْ رَاسُو، آمَا يَعْمِلْ الِّي يْشُوفْ الآبْ يَعْمِلْ فِيهْ. الِّي يَعْمْلُو الآبْ الكُلْ يَعْمْلُو الإِبْنْ زَادَا."

قال يسوع - "عْلَى خَاطِرْ آنَا مَا قُلْتْ حَتَّى شَيْ مِنْ عَنْدِي، آمَا الآبْ الِّي بْعَثْنِي وَصَّانِي آشْ بَاشْ نْقُولْ ونِتْكَلِّمْ." قال يسوع كلّ كلمة وكلّ عمل عملوا كان يسمع ويطيع فيه من عند ربّي.

شهيق - إسمع من ربّي. زفير - طيع شنية سمعت, وشارك بيه مع النّاس.

قال يسوع حتّى التلامذة متاعوا زادا باش يسمعوا من عند ربّي على خاطر روحو القدّوس - نفسو - باش يدخل لجسد كلّ واحد منّا أحنا أتباعو. قال يسوع-" آمَا المُعِينْ، الِّي هُوَّ الرُّوحْ القُدُسْ الِّي بِشْ يَبْعْثُو الآبْ بْإِسْمِي، هُوَّ الِّي بِشْ يْعَلِّمْكُمْ كُلْ شَيْ، ويْذَكَّرْكُمْ بِلِّي قُلْتْهُولْكُمْ الكُلْ."

شهيق - إسمع من ربّي. زفير - طيع إلّي تسمع وشارك مع النّاس. كان يسوع يورّينا كيفاه يلزمنا نعيشوا. كيفاه نسمعوا صوت ربّي؟ كيفاه نعرفوا إلّي يلزمنا نطيعوه؟ سمّا يسوع روحو "الرّاعي الصّالح" وسمّا أتباعوا "الخراف". قال يسوع - "الغْنَمْ مْتَاعِي يِسْمْعُوا صُوتِي، وآنَا نَعْرِفْهُمْ وهُومَا يْتَبْعُونِي." قال يسوع - "الِّي هُوَّ تَابَعْ اللَّهْ يِسْمَعْ كْلَامْ اللَّهْ، وإِنْتُومَا مَا تِسْمْعُوشْ، عْلَى خَاطِرْكُمْ مَاكُمْشْ تَابْعِينْ اللَّهْ."

باش نكونوا كيما أتباع يسوع المسيح، يلزم نكونوا ملتزمين ونسمعوا صوتوا.

• نسمعوا صوتوا بالشوّية وبالسّاكة قدّاموا.
• نسمعوا صوتوا ونركّزوا على يسوع.
• نسمعوا صوتوا في أفكارنا ورؤانا ومشاعرنا وإنطباعاتنا.
• نسمعوا صوتوا وقت نكتبوا شنية نسمعوا ونمتحنوه.

موش كلّ صوت, وإلاّ فكرة ورؤية, وشعور وإلاّ إنطباع هو صوت ربّي. ساعات يكون الصّوت هذاكا صوت العدّو. قال يسوع عدّونا كذّاب وبو الكذب. قال يسوع عدّونا جا باش يسرق ويقتل ويهلك. أما ربّي يقول رانا باش نسمعوا منّو ونعرفوا منّو إذا كان الكلام كلامو. بالتّمرين والصّلاة نجّموا نميّزوا صوت ربّي بالباهي ونعرفوا إلّي نسمعوا فيه من عند ربّي وإلّا من حد آخر.

فمّا طرق أخرى نعرفوا بيها شنية نسمعوا:

• وقت يتكلّم يسوع - يكون صوتوا متناغم مع كلمتوا المكتوبة - في الكتاب المقدس - وموش باش يتناقض صوتوا مع صوتوا المكتوب.
• وقت يتكلّم يسوع - يعطي صوتوا قلوبنا إحساس ورجاء وسلام. وصوتوا ميخلّناش مدانين ومحبطين. يسوع ميدينش أما يقوّم بمحبّة.
• ميعبّرش صوت يسوع على أعمال الجسد - زنى, عهارة, نجاسة, دعارة, عبادة الأوثان, سحر, عداوة, خصام, غيرة, سخط, تحزّب, شقاق, بدعة, حسد, قتل, سكر, بطر". والأمور هذي موش من صوت ربّي.
• وقت يتكلّم يسوع - صوتوا يعبّر على الروح القدس: محبة, فرح, سلام, طول أناة, لطف, صلاح, إيمان ,وداعة, تعفّف.
• وقت يتكلّم يسوع - صوتوا يعطينا إحساس بالثّقة في عوض الشكّ. نختبروا في داخلنا معرفة وسلام وكلّ ما نسمعوه هو من ربّي. ساعات منسمعوش كلّ شي مرّة وحدة وساعات نسمعوا جزء بسيط ملّي نحتاجوا باش نعرفوه وإلّي باش نسمعوه باش يكون قوّي وصلب ميتبدّلش.

الخبر المفرح لكلّ تابع ليسوع إنّو كلّ ما نشهقوه ونسمعوه من ربّي, وكلّ منزفروه ونطيعوا إلّي نسمعوه ونشاركوا بيه مع النّاس- يتكلّم بيه ربّي بوضوح. ونفس ربّي باش يدخل فينا أكثر وأكثر. باش نسمعوا صوتوا بوضوح أكثر. وباش نعرفوا صوتوا ونميّزوه. وباش نشوفوا خدمتوا في العالم, وباش تكون عنّا القدرة باش نتبّعوه ونخدموا معاه. نشهق. نزفر.الحياة.

قال يسوع -- "مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ". وكلّ ميتبّع واحد يسوع يلزم يطيع وصاياه ويعرف شنية إلّي وصّى بيه يسوع. الوصيّة العظمى والمأمورية العظمى زوز حاجات يحب ربّي يقولنا عليهم, أما إذا كان التلميذ يحب ينمو في المقياس إلّي خلقوا ربّي عليه يلزم يعرف ويطيع أكثر من هذا.

حروف كلمة سوبس معناها:

• ** المقطع الكتابي **
• ** الملاحظة**
• ** التّطبيق**
• ** الصّلاة **
• ** المشاركة**

وسوبس هي طريقة ساهلة وبسيطة نتعلّموا بيها درس الكتاب المقدس, وينّجم أيّ واحد من أتباع يسوع يستعملها. نشوفوا توّا كلّ جزء فيها بالتفصيل:

وقت تقرا الكتاب المقدس وإلّا تسمعوا:

• المقطع الكتابي : إكتب مقطع وإلاّ أكثر تحسّوا يعنيلك حاجة باهية اليوم.
• الملاحظة : عاود النقاط الرئيسية إلّي كتبتهم مالكتاب المقدس بكلمات خاصّة بيك. الحاجة هذي تخلّيك تفهم الموضوع بسهولة.
• التّطبيق : تأمّل شنية معناها طاعة الوصايا والأفكار هذي في حياتك الشّخصية. وشنية يلزمك تعلّموا؟ وشنية إلّي يلزمك تعملوا بطريقة مختلفة؟ سجّل إجاباتك.
• الصّلاة : إكتب صلاة تحكي فيها مع ربّي شنية قريت في كلمتوا وشنية إلّي فهمتوا على طاعة وصيّتوا وتطبيقك للّي تعلّمتوا في حياتك.
• المشاركة : أطلب من ربّي باش يقودك ويوجّهك للعبد إلّي تحب تشارك معاه فالّي تعلّمتوا وتقولّوا كيفاه طبّقت هذا في حياتك.

إيجاو نطبّقوا سوبس في حياتنا:

• المقطع الكتابي - يقول الكتاب المقدس -- "لأَنَّ أَفْكَارِي لَيْسَتْ أَفْكَارَكُمْ، وَلاَ طُرُقُكُمْ طُرُقِي، يَقُولُ الرَّبُّ.لأَنَّهُ كَمَا عَلَتِ السَّمَاوَاتُ عَنِ الأَرْضِ، هكَذَا عَلَتْ طُرُقِي عَنْ طُرُقِكُمْ وَأَفْكَارِي عَنْ أَفْكَارِكُمْ." إشعياء 55: 8-9
• الملاحظة - أنا كإنسان, محدود في معرفتي وفي كيفاه نطبّق إلّي نعرفوا. أما معرفة ربّي موش محدودة, يشوف ويعرف وينّجم كلّ شي.
• التطبيق - ربّي يعرف كلّ شي والطّرق متاعو ديما باهية ونجّم نضمن نجاح أعظم في الحياة إذا نتبّعوا هو في عوض منستعمل طريقتي الخاصّة.
• الصّلاة - يا ربّي منعفرش كيفاش نعيش حياة صالحة ترضيك وتعاون النّاس, أفعالي تخلّيني نخطئ وأفكاري ديما خايبة. يا ربّ علّمني طرقك وأفكارك في بلاصة أفكاري وخلّي روحك القدّوس يوجّهني وقت نتبّعك.
• المشاركة - باش نشارك الأعداد والتّطبيق هذا مع صاحبي ستيف إلّي يتعدّى بظروف صعيبة ويستحقّ شكون يوجّهوا في القرارات الهامّة إلّي باش يطبّقها. درس الكتاب على طريقة سوبس. أداة بسيطة في مجموعة أدوات زومّيه.

المقطع الكتابي

إكتب مقطع وإلاّ أكثر تحسّوا يعنيلك حاجة باهية اليوم.

الملاحظة

عاود إكتب الآيات والإّ الأفكار الرئيسية بكلماتك الخاصّة باش تفهمهم خير.

التّطبيق

تأمّل شنية معناها طاعة الوصايا والأفكار هذي في حياتك الشخصية.

الصّلاة

إكتب صلاة تحكي فيها مع ربّي على شنية تعلّمتوا وكيفاه تخطّط باش إطيعوا.

المشاركة

أسأل ربّي مع شكون تحب تشارك معاه إلّي تعلّمتوا وإطّبقوا.

مثال على س.و.ب.س في الخدمة:

س - "لأَنَّ أَفْكَارِي لَيْسَتْ أَفْكَارَكُمْ، وَلاَ طُرُقُكُمْ طُرُقِي، يَقُولُ الرَّبُّ.لأَنَّهُ كَمَا عَلَتِ السَّمَاوَاتُ عَنِ الأَرْضِ، هكَذَا عَلَتْ طُرُقِي عَنْ طُرُقِكُمْ وَأَفْكَارِي عَنْ أَفْكَارِكُمْ." إشعياء 55: 8-9

و- أنا كإنسان, محدود في معرفتي وفي كيفاه نطبّق إلّي نعرفوا. أما معرفة ربّي موش محدودة, يشوف ويعرف وينّجم كلّ شي.

ب - ربّي يعرف كلّ شي والطّرق متاعو ديما باهية ونجّم نضمن نجاح أعظم في الحياة إذا نتبّعوا هو في عوض منستعمل طريقتي الخاصّة.

س - يا ربّي منعفرش كيفاش نعيش حياة صالحة ترضيك وتعاون النّاس, أفعالي تخلّيني نخطئ وأفكاري ديما خايبة. ربّي علّمني طريقك وأفكارك في بلاصة أفكاري وخلّي روحك القدّوس يوجّهني وقت نتبّعك.

س - باش نشارك الآيات والتّطبيق هذا مع صاحبي ستيف إلّي يتعدّى بظروف صعيبة ويستحقّ شكون يوجّهوا في القرارات الهامّة إلّي باش يطبّقها.

قال يسوع - "كُلْ الِّي تَعْطَالُو بَرْشَة يُطْلْبُوا مِنُّو بَرْشَة، ولِّي يِسْتَأْمْنُوهْ عْلَى بَرْشَة يْطَالْبُوهْ بْمَا أَكْثِرْ."شارك يسوع برشة قصص متاع مساءلة وقلّنا على حقيقة مسؤوليتنا في ميخصّ إلّي نقولوه ونعملوه.

خبّرنا يسوع بالأمور هذي, باش نكونوا مستعدّين مبعّد, وقت نافقوا قدّامو للمساءلة, مالمستحسن نمارسوا المساءلة وحدنا ومع بعضنا.

تتكوّن مجموعة المساءلة من زوز أشخاص وإلاّ ثلاثة من نفس الجنس, رجال مع رجال ونساء مع نساء ويجتمعوا مرّة وحدة في كلّ أسبوع باش يناقشوا مجموعة مالأسئلة إلّي باش تعاوّنا نكتشفوا الأمور إلّي قاعدة تمشي بالصّحيح والأمور إلّي تستحق تصليح.

كلّ تابع ليسوع باش يتسأل, وعلى كلّ تابع ليسوع لازم يمارس المساءلة مع النّاس.

مجموعات المساءلة أداة بسيطة من صندوق أدوات زومّيه.

1. كيفاه شفت خدمة ربّي في حياتك؟
2. هل شهدت الجمعة هذي على عظمة يسوع المسيح في كلامك وأعمالك؟
3. هل تعرّضت للإغراء من مواد جنسية والإّ خلّيت مخّك يخمّم في أفكار جنسية موش باهية؟
4. هل عرفت حقيقة ملكيّة ربّي لفلوسك وكيفاه تستخدمها؟
5. هل إشتهيت أيّ حاجة؟
6. هل حكيت على حدّ بالخايب في سمعتو وإلاّ جرحتلو مشاعرو بكلامك؟
7. هل كنت موش صادق بكلامك وأعمالك وإلاّ بالغت؟
8. هل إستسلمت لسلوك إدماني وإلاّ سلوك فيه كسل وموش منضبط؟
9. هل كنت مدمن على الحوايج, الأصحابك, الخدمة وإلاّ الممتلكات؟
10. هل فشلت في إنّك تسامح عبد؟
11. شنية الحاجات إلّي تقلّق فيك؟
12. هل تشكّيت من حاجة المدّة لخّرى؟
13. هل حافظت على قلب شاكر وممتن؟
14. هل كنت محترم ومتفهّم وكريم في علاقاتك المهمّة؟
15. شنية الإغراءات إلّي واجهتها في الفكر, الكلمة, وإلاّ الفعل وكيفاه تجاوبت معاها؟
16. كيفاه إستغليت الفرص باش تخدم النّاس وتباركهم، وخاصّة المؤمنين؟
17. هل شفت أيّ إجابات محدّدة للصّلاة؟

في الجلسة هذي, باش نتكلّموا على كيفاه نجّموا نعاونوا إنسان تابع للمسيح يكون منتج في ملكوت ربّي في عوض ميكون مستهلك أكهو.

خلقنا ربي بخطّة كاملة باش نحياو في توازن: ننتج ونستهلك, نخلق ونستعمل, نفرّغ ونعبّي, باش نجّموا نفرّغوا مرّة أخرى. أما في عالمنا الكبير, رفضت النّاس خطّة ربّي ويصرفوا برشة من طاقتهم باش يعيشوا جزء صغير من معادلة ربّي. يتعلّموا, أما ميشاركوش. يتملاو أما ميفرّغوش, يستهلكوا أما مينتجوش.

إذا كنا باش نتلمذوا ناس يتضاعفوا فلازم نشاركوهم ونعلّموهم كيفاه يكونوا منتجين موش مستهلكين أكهو. وبالطريقة هذي - يستعمل ربّي كلمتوا المكتوبة - إلّي نقولوا عليها "الكتاب المقدس" باش ننماو روحيا.

يستحّق كلّ تلميذ يتأهّل ويتعلّم ويفسّر ويطبّق الكتاب المقدس. سنين لتالي, ومن برشا كتّاب, تكلّم ربّي بكلمتوا لقلوب الأمناء إلّي شدوا بالّي سمعوه وشاركوه. يعلّمنا الكتاب المقدس قصّة ربّي والخطط والطرق متاعو وقلبوا.

في الجلسات السابقة, تعلّمت حاجتين بساط - "منهجية قراءة ودراسة الكتاب المقدس", سوبس و"مجموعات المساءلة". وفي الجلسة إلّي بعدها باش تتعلّم على أداة بسيطة أخرى - "مجموعات 3/3". تخذم الأدوات هذي الثلاثة باش تعاون في تأهيل أتباع جدد يتعلّموا، يفسّروا ويطبّقوا كلمة ربّي المكتوبة. باش يتعلّموا يكونوا موش سامعين أكهو لكلمة ربّي أما عاملين ومشاركين بيها. يستعمل زادا ربّي كلمتوا المنطوقة إلّي نعرفوها ونميّزوها بالصّلاة باش نكبروا روحيا.

الصّلاة هي تتكلّم مع ربّي وتسمعوا. تعاوّنا باش نعرفوا ربّي أكثر ونفهموا قلبوا وإرادتوا والطّرق متاعو. تعاونا الصّلاة في خدمة النّاس وفي التّعليم والمشاركة بطرق مضبوطة وتعاون الأفراد وإلاّ المجموعة باش يعرفوا ربّي بالباهي.

حاجتين بساط - مسير الصّلاة ودورة الصّلاة, حاجتين تعاون أتباع المسيح في تنمية حياة الصّلاة وتعلّمنا طرق نخدموا بيهم النّاس. تعاوّنا الحاجتين هاذم في تنمية وتطوير عادات الصّلاة بلاش توقّف وتعلّمنا نشوفوا العالم من منظور روحي في عوض منعمّلوا علّي نشوفوه بعنينا. وقت نستعملوا الحاجتين هاذم بمثابرة فراهي باش تعاون تابع يسوع المسيح في تعزيز الصّلاة عندو وقدرتوا على سمعان ربّي والمشاركة بالّي يسمعوا.

يستعمل ربّي جسدوا - جماعة المؤمنين إلّي نسميّوهم الكنيسة وإلاّ أتباع يسوع المسيح - في تنميتنا روحيا. كمؤمنين أحنا مربوطين ببعضنا. تقول كلمة ربّي أحنا في يسوع برشة أعضاء في جسد واحد, ولكلّنا مربوطين ببعضنا وبكالمات أخرى, مربوطين ببعضنا وموش بربّي أكهو. يأمرنا ربّي باش نطيعوا بعضنا. ويقلّنا لازم نخدموا بعضنا.

كلّ واحد منّا عندو نقاط قوّة وضعف متنوعة وربّي يتوقّع منّا باش نستخدموا نقاط قوّتنا باش نعاونوا النّاس ينجّموا يكونوا ضعاف. ويتوقّع زادا منّا باش نخلّيوا النّاس تعاونا في ضعفنا مستعملين نقاط القوّة إلّي عطاهالهم ربّي. تقول كلمة ربّي إنّو عطا كلّ واحد منّا قدرات خاصّة على هذاكا إستعملوها وعاونوا وعدّيوا لبعضكم بركات ربّي. أدوات بسيطة, كيما مجموعات 3/3 ومجموعات المسألة ومجموعات الزّملاء والأصحاب تعاونا باش نتشجّعوا ونحبوا بعضنا ونعملوا أعمال صالحة موش كان بمعاونتنا باش نطيعوا إلّي يقولّنا عليه ربّي ويعاونا نلقاوا طرق نشاركوا بيها إلّي تعلمناه مع النّاس.

يستخدم ربّي زادا الإضطهاد والآلام, التضحية والخسارة إلّي نعانيوا منها على خاطر يسوع باش ننماو روحيا. على خاطرنا نحبوا يسوع ونطيعوه تصيرلنا برشا حاجات خايبة ويضطهدونا ويضرّونا النّاس. باش حياتنا تتبدّل وتولّي تشبه لحياة يسوع يستعمل ربّي الإضطهادات والآلام هذي باش ينمّي شخصيتنا ويقوّي ويطهّر إيمانا ويهيّئنا للخدمة ويخلّينا نخدموا عباد أخرين يتألّموا كيفنا. ويقولّنا ربّي أحنا كأتباع يسوع لازم نتوقّعوا باش نتعرّظوا للإضطهاد.

قال يسوع -"صَحَّة لِيكُمْ كَانْ عْلَى خَاطْرِي عَايْرُوكُمْ واضْطَهْدُوكُمْ وقَالُوا عْلِيكُمْ كْلَامْ خَايِبْ بِالكِذْبْ! إِفْرْحُوا وازْهَاوْ، عْلَى خَاطِرْ أَجْرْكُمْ عْظِيمْ فِي السْمَاء. رَاهُمْ هَكَّا اضْطَهْدُوا الأَنْبِيَاءْ قْبَلْكُمْ."شويّة مالأدوات البسيطة كيما مجموعات 3/3 ومجموعات المسألة تعطي أتباع يسوع المسيح الفرصة باش يتحدّثوا على الآلام والإضطهادات إلّي يتعدّاو بيها.

تعطيك المجموعة هذي الفرصة باش تعلّم تلامذة يسوع إنّو كلمة ربّي تقول باش تتعدّى علينا أيام صعيبة فيلزم نأهّلوهم باش ياثقوا في محبة ربّي حتّى كان ممشاتش الأمور كيما هي. الكتاب المقدس. الصّلاة. حياة الجسد الواحد. الإضطهاد والآلام. الأمور هذي ينمّينا بيها ربّي باش نكونوا نشبهوا لولدو الكامل, يسوع. تعاوّنا الحاجات البسيطة هذي باش منكنوش مستهلكين للحاجات الباهية أكهو أما نكونوا منتجين ومشاركين.

قال يسوع - "إمشيوا وتلمذوا"…. وهذا إلّي عملوه أتباعو بالحقّ. مشاوا لعائلاتهم, مشاوا لصحابهم, مشاوا لمعارفهم في البلاد, مشاوا لزملائهم في الخدمة.

قال يسوع "إمشيوا" فطاعوه. وكبرت عائلة ربّي. باش "نمشيوا ونتلمذوا" عطانا ربّي قبل العلاقات إلّي نستحقّولها. هاذم هوما عائلاتنا وأصحابنا وجيرانا وزملائنا في الخدمة والقراية, عباد عرفناهم حياتنا كاملة وإلاّ تقابلنا بيهم توّا.

خطوة عظيمة إنّا نكونوا وكلاء صالحين على النّاس إلّي حطّهم ربّي في حياتنا باش نضاعفوا التّلامذة. وتنجّم العملّية هاذي تبدا بخطوة بسيطة وإلّي هي خطوة إعداد قائمة.

قائمة ال100 أداة بسيطة من أدوات زومّيه تعاوّنا باش نضاعفوا التّلامذة.

قوم بإنشاء قائمة الإشراف العلائقي متاعك: اكتب الناس الموجودين ضمن دوائر التأثير متاعك. وبعد حدّد إذا كان كل شخص تلميذ، موش مؤمن مزال، ولا موش معروف.

خذوا وقت كمجموعة باش كل واحد يكوّن قائمته الخاصّة. تنجموا تستعملوا الورقة ولا الأدوات الرقمية الموجودة في مواد التدريب متاعكم.

يسوع يعلّم ديما أتباعو شنية الغاية مالصّلاة وممارستها والوعود المرتبطة بيها. قال يسوع -"أُطْلْبُوا تَاخْذُوا، أَسْعَاوْ تَلْقَاوْ، دُقُّوا البَابْ يِتْحَلِّلْكُمْ.عْلَى خَاطِرْ الِّي يُطْلُبْ يَاخِذْ، ولِّي يَسْعَى يَلْقَى، ولِّي يْدُقْ البَابْ يِتْحَلُّو."علّم يسوع أتباعو أنّو الصّلاة موش الهدف منها ناخذوا مديح مالنّاس وأمنيات أنانية, وإلاّ كلمات نعاودوها ومعندها حتّى معنى.

يسوع علّمنا إنّو الصّلاة حاجة باهية وفعّالة على خاطرها حديث مباشر ومستمّر مع أبانا السماوي إلّي يحبنا. باش يكون الحوار ناجح لازم في الصّلاة يسمعوا الزوز بعضهم ويتكلّموا. أما الحديث وسمعان صوت ربّي إلّي خلق الدنيا تنجّم تكون حاجة تخوّف لشوّية مالنّاس.

أما الحاجة الباهية إلّي تخلّينا نتقدّموا في حياة الصّلاة لازم يكون فمّا حديث غارق وخير مع ربّي إلّي يحبنا وهذا هو إلّي يحبوا ربّي يصير. أما كيفاه تنجّم تحسّن في الصّلاة متاعك؟ الإجابة على السؤال هذا بسيطة - وهي بالممارسة. دورة الصّلاة هي أداة بسيطة الهدف منها ممارسة الصّلاة. تنجّم تستعملها وحدك كيما تنجّم تشاركها مع مؤمن آخر.

في 12 خطوة بسيطة - إدّوم كلّ وحدة فيها 5 دقايق - تعرّفنا دورة الصّلاة على ثناشن طريقة يعلّمنا بيها الكتاب المقدس كيفاه نصلّيوا. وفي لخّر تكون صلّيت ساعة كاملة. يعلّمنا الكتاب المقدس -- نصلّيوا مغير منقصّوا. قليل منّا يعملوا هذا. أما بعد متعدّي ساعة تصلّي فيها تكون عملت خطوة لقدّام.

دورة الصّلاة هي أداة بسيطة أخرى من أدوات زومّيه.

في 12 خطوة بسيطة - إدّوم كلّ وحدة منها 5 دقايق - تعرّفنا دورة الصّلاة على 12 طريقة يعلّمنا بيها الكتاب المقدس كيفاه نصلّيوا. وفي لخّر باش تكون صلّيت مدّة ساعة.

سبّح أبدا صلّي مدّة ساعة وسبّح فيها لربّي. سبّح على الأمور إلّي تجي على بالك الكلّ توّا. سبّح على حاجة خاصّة عملها معاك الجمعة إلّي فاتت. سبّح على صلاحوا مع عائلتك.

إستنّى عدّي الوقت وإنتي تستنى في ربّي وخلّيه يجمع أفكارك وتأمّلاتك.

إعترف أطلب مالرّوح القدس يورّيك أيّ حاجة في حياتك موش راضي عليها ربّي. أطلب منّو يورّيك المواقف الغالطة إلّي مازلت معترفتش بيها وتوّا إعترف حتّى يطهّرك ربّي.

أقرا الكلمة عدّي الوقت أقرا فيهم المزامير, والأنبياء, ومقاطع صلاة موجودة في العهد الجديد.

أطلب قدّم لربّي طلبات لروحك.

تشفّع قدّم طلبات لناس أخرى.

صلّي الكلمة صلّي مقطع محدّد. تنجّم تصلّي صلوات مالمزامير.

أشكر أشكر ربّي على الحاجات إلّي في حياتك وعلى عايلتك وكنيستك.

رنّم رنّم ترانيم تسبيح وإلاّ عبادة وإلاّ أيّ أنشودة روحية.

تأمّل أطلب من ربّي باش يكلّمك. خلّي بحذاك ورقة وستيلو باش تكتب الإنطباعات إلّي باش يعطيهملك.

أسمع عدّي وقت في تجميع ودمج الحاجات إلّي قريتهم وصلّيتهم ورنّمتهم. شوف كيفاه يجمع ربّي الحاجات هاذي الكلّ مع بعضها ويتحدث معاك.

سبّح سبّح لربّي وأشكروا على الوقت إلّي عدّيتوا معاه والإنطباعات إلّي عطهالك. سبّح على صيفاتو المجيدة.

من كتاب ديك إيستمان الساعة إلّي تبدّل العالم (C) 2002 بقلم ديك إيستمان، شوسن بوكس، غراند رابيدس، مي. تستعملوا بإذن.

في الجلسة هذي باش نتكلّموا على الإقتصاد الرّوحي. في العالم المكسّر, يحسّ النّاس إنّهم يتكافؤوا وقت ياخذوا, وقت ينالوا, وقت يربحوا أكثر ملّي دايرين بيهم.

يقول ربّي لشعبو في كلمتوا - على خاطر أفكاري موش كيما أفكاركم وطريقكم. يورّينا ربّي في إقتصاد ملكوتو نتكافؤوا علّي نعطيوه موش علّي ناخذوه. يقول ربّي - باش نخلّصك وباش تكون بركة. قال يسوع - "الِّي يَعْطِي يِتْبَارِكْ أَكْثِرْ مِلِّي يَاخُذْ" العطاء إلّي يعطهولنا ربّي ومباركة النّاس وقت يباركنا هوما أساس التنفّس الرّوحي إلّي تعلّمناه قبل. نسمعوا ربّي بالشّهيق ونطيعوا إلّي سمعناه ونشاركوه مع النّاس بالزّفير.

يوعدنا ربّي باش يعطينا أكثر وقت نكونوا أمناء في طاعتنا ومشاركتنا بالّي عطاهولنا ربّي. قال يسوع - "الأَمِينْ فِي الأُمُورْ البْسِيطَة، أَمِينْ زَادَا فِي الأُمُورْ الكْبِيرَة." ويستأمن على البرشة.

الطريق هذا هو إلّي يخلّينا نعيشوا علاقة قوّية والحياة إلّي خلقها ربّي لينا باش نعيشوها. الطريق هذا هو إلّي نجّموا نسلكوه في الأعمال الصّالحة إلّي حطّهالنا ربّي باش نخدموها. إذا كنّا نحبوا نتكافؤوا ببركة ربّي العظمى لازم نمارسوا حاجتين وعدنا ربّي باش يباركنا بيهم.

لازمنا-

• نطيع ونشارك.
• نخدم ونعلّم.
• نخدم ونعدّي لنّاس.

كلّ حاجة يأمرنا ربّي باش نعملوها.

إذا كنّا نحبوا ياخذوا النّاس أعظم مكافأة ربّي فيلزمنا نورّيوهم إلّي يلزمهم يعملوا نفس الحاجة. وهذا هو الجزء الكبير إلّي باش يولّي الإنسان تلميذ ويتلمذ النّاس.

• أحنا أتباع وقادة.
• أحنا متعلّمين ومعلّمين.
• أحنا ناخذوا بركة ونباركوا النّاس.

اليوم هذا موش باش يجي جملة إلّي ميحبناش ربّي نشوفوا ونعرفوا كلّ شي حتّى نبداو طاعتنا ومشاركتنا مع النّاس. ميتوقّعش ربّي منّا باش نكونوا ناضجين قبل مانبداو نتزايدوا ونتظاعفوا. يحبنا نتزايدوا توّا. يحبنا ربّي نطيعوا إلّي نعرفوه ونشاركوا إلّي نسمعوه. وبعد يحبنا نعلّموا النّاس يعملوا نفس الحاجة. وفي لخّر - هذه هي طاعة ومشاركة إلّي قالنا عليه نعملوه. هذا هو طريق النضج والنّمو.

في الجلسة هاذي باش نحكيوا على بركات ربّي العظيمة والأعظم والعظمى وكيفاه تحكيها لنّاس. وقت يختار إنسان يتبّع يسوع, كيفاه تنجّم تعاونوا باش يمشي في الطريق هذاكا؟ كيفاه تعاون إنسان يكون منتج في ملكوت ربّي وموش مستهلك أكهو؟ كيفاه تعاونوا ياخذ البركات إلّي ربّي يحب يعطيهالو؟

أوّل حاجة قلّوا الحاجات هذي…

• هي بركة وقت تبّع يسوع.
• بركة عظيمة كي تقود ناس يتبّعوا يسوع.
• بركة أعظم تبدا بيها عائلة روحية جديدة.
• البركة العظمى هي تكوّن ناس أخرين يأسّوا عائلات روحية جديدة

باركك ربّي على خاطر تبّعت يسوع. نحبّك تملك بركة ربّي العظيمة والأعظم والعظمى. نجّم نورّيك كيفاه تعمل هذا؟ إذا كان يحب يعرف برشة حاجات تنجّم تطلب منّو يعمل قائمة ب100 إسم يعرفهم. وبعد أطلب منّو يختار خمسة أشخاص يعرفهم مالقائمة - خمسة أشخاص مايعرفوش يسوع المسيح - خمسة أشخاص تحب تشاركهم الخبر السّار.

هي بركة وقت تبّع يسوع. شكون إلّي تحب تشارك معاه البركة هذي؟

علّموا يشارك شهادتوا, حكاية في حياتوا يعرفها ربّي. علّموا يشارك بالإنجيل. حكاية إلّي عملوا وإلاّ إلّي باش يعملوا ربّي في العالم, علّموا كيفاه يتحدّث على بركات ربّي العظيمة والأعظم والعظمى. أطلب منّو يدّرب كيفاه يعمل الأمور هذي مرّة وحدة لكلّ واحد مالأشخاص الخمسة إلّي ختارهم باش يشاركهم البشارة. يشارك حكايتوا لول وبعد حكاية ربّي وبركاتوا.

تظاهر كلّ مرّة إنّك إنتي واحد مالخمسة أشخاص إلّي في القائمة متاعهم. وفي كلّ مرّة يشارك بحكايتوا وحكاية ربّي معاه, يخلّيني نولّي تابع ليسوع. يعلّم على بركات ربّي العظيمة والأعظم والعظمى. في كلّ مرّة أسأل وناقش بعد التّدريب وأطلب وقتاه نتقابلوا مرّة أخرى, بعد نهارين نشوفوا كيفاه صارت أمور المشاركة مع النّاس. نحب نعطيه برشة وقت يتقابل مع الخمسة أشخاص إلّي في قايمتوا, ومنحبّش نعطيه وقت أطول مالعادة باش ميئجّلش الحكاية وينساها .

أطلب ديما نومرو تليفونو, البريد الإلكتروني وإلاّ أيّ وسيلة أخرى تخلّيك في إتّصال معاه. صلّي معاه باش يعطيه ربّي الكلمات المناسبة في الصّلاة. بعد نهارين نتقابلوا ونشوفوا كيفاه صارت الأمور. إذا مشاركش أطلب منّو مرّة أخرى يدّرب معاك وأعمل كلّ شي تعاونوا فيه باش يشارك. موش باش نتكلّم على حاجات جديدة. نحب نعطيه أكثر فرصة يكون فيها أمين فالّي تعلموا قبل. إذا رفض وإلاّ خلق عذر أسأل ربّي إذا كان الشّخص هذا تربة باهية ويكون مثمر للملكوت وإلّا يلزمنا نستثمروا في عبد آخر. إذا شارك بالبشارة نحتفلوا! وحتى إذا ما آمن حتّى حد مالقائمة متاعك نفرح برشة خاطر سمع طاع وشارك وهذي أمانة منّو. وعلى خاطر كان أمين بشوّية نفرح ونشاركوا برشة. نشاركوا على المعمودية ونعطيه حاجة أخرى يستعملها كيما ........ وإلاّ .......

نطلب منّو يختار ناس أخرين من قائمة ل100 شخص إلّي مايعرفوش يسوع وميتبعوهش. ندرّب معاه كيما عملنا قبل في مشاركة حكايتوا وقصتوا مع ربّي ونحكيوا على البركات ونصلّيوا. وتوّا كان شارك بالبشارة وآمن واحد مالقايمة متاعوا نحتفلوا إحتفال حقيقي! عائلة ربّي تكبر!

أسألوا ديما إذا كان تحدّث على البركة العظيمة والأعظم والعظمى خاطر هذا إلّي باش يخلّي عائلة ربّي تتواصل وتنموا. كان متحدثّش على بركات ربّي نشوفوا الحكاية مرّة أخرى -- البركات, وكيفاه تابع ليسوع ينجّم يعمل قايمة وكيفاه يشارك حكايتوا وقصّة ربّي ويتحدّث على البركات وهذا لكلّ باش يتعلّم التابع الجديد ليسوع كيفاه يشارك. وبعد مدّربوا أبعثوا مرّة أخرى للمؤمن الجديد باش يواصل في خدمة المشاركة. أما شنية إلّي باش يصير إذا شارك بالبشارة وآمن شخص في قايمتوا وهو يتحدّث توّا على البركات؟ وقت يصير هذا نفرحوا فرحة كبيرة وعظيمة. هذا هو الإنسان إلّي تسميه كلمة ربّي" تربة باهية", شخص ينجّم ينمّي عائلة ربّي بطريقة عظيمة ملّي كنّا نتخيّلوا. وقت نلقى إنسان كيما هذا خطّط ديما باش تتقابل معاه وإستثمر بقوّة النمّو الرّوحي.

شارك معاه دروس جديدة كيما المعمودية وكيفاه نكونوا "مجموعات ثلاثة على ثلاثة", وتوّا ينجّم يبدا في تنمية عائلة روحية بأتباع يسوع إلّي ربحهم. وعلى خاطروا أمين برشة نحسّ بالحماس باش نشارك معاه أكثر وأكثر ونشوف ربّي شنية إلّي باش يعملوا بعد هذا. نمشيوا ديما خطوة بخطوة كلّ مرّة. ديما نعطيه الفرصة باش يتعلّم ويطيع ويشارك بالّي يعرفوا. نصلّي على خاطر الشخص هذا قد منجّم ونشكر ربّي إلّي خلّاني نشارك ونتعلّم معاه ونطلب من ربّي باش يعطيه ديما بركتوا العظمى.

في الجلسة هذي باش نتعلّموا كيفاه نشاركوا قصّة ربّي - الإنجيل - مالخلق حتّى لدينونة, من أوّل البشرّية حتّى لين توفى الدنيا. فمّا برشة طرق باش نشاركوا بيها قصّة ربّي.

الطريقة الباهية تاقف على الشخص إلّي تشارك معاه القصّة وكيفاه نظرتوا للعالم وإختبراتو الحياتية. يستخدم ربّي قلوب حاضرة تشهد باش تخدم على قلوب حاضرة تسمع. الخدمة خدمتوا, وهو إلّي يخلّينا نشاركوه في الخدمة.

أحسن طريقة نشاركوا بيها قصّة ربّي نحكيوا على شنية إلّي صار مالخلق حتّى لدينونة وقت توفى الدنيا. وقت نحكيوا قصّة ربّي بالطريقة هاذي نجّموا نقصّروا وإلاّ نطوّلوا فيها كيما نجّموا, ندخلوا في تفاصيلها وإلاّ نحكيوا على الحاجات إلّي عندها أهمية أكثر ويلزم تتماشا مع ثقافة إلّي يسمع فيها. نجّموا نستعملوا حركات إيدينا باش نسهّلوا عمليات التعلّم والتّعليم وقت نشاركوا قصّة ربّي مع ناس من ثقافات مختلفة وعندهم نظرة مختلفة للعالم.

قصّة ربّي على الأخبار الباهية-

أوّل حاجة خلق ربّي العالم وكلّ مافيه لكلّ. أوّل حاجة خلقها, هي الرّاجل والمرا وحطّهم في جنّة مزيانة وخلاّهم يكونوا جزء من عائلة ربّي وكانت بيناتهم علاقة قوّية. خلقهم باش يعيشوا للأبد ومكانش فمّا موت جملا وقتها. وفي البلاصة المزيانة هذي تمرّد الإنسان على ربّي وجاب الخطّية والألم للعالم. طرّد ربّي الإنسان مالجنة وعلاقتهم ببعضهم تقصّت. ولّى الموت ضروري على الإنسان.

تعدّات سنين مكفّش ربّي على بعثان برشة رسل للعالم وكانوا ديما يذكّروا الإنسان بالخطّية متاعوا ويقلولوا على أمانة ربّي و وعدوا بمخلّص يجي للعالم على قريب باش يرجّع المخلّص هذا العلاقة القوّية إلّي كانت بين ربّي والإنسان وباش ينقذ الإنسان مالموت وباش يعطينا حياة أبدية تبقى معانا للخّر. ربّي يحبنا حب عظيم على هذاكا وقت جا الوقت المناسب بعث ولدو للعالم باش يكون مخلّص. كان يسوع ولد ربّي. جاء للعالم من مرا عذراء وعاش حياتو بلا حتّى عيب ومغلطش حتّى غلطة.

علّم يسوع النّاس على ربّي وعمل برشة معجزات تورّي قدرتوا العظيمة على تطريد برشة شواطن, وشفا برشة, خلّى العميان يشوفوا والبكاكش يتكلّموا والمعاقين يمشيوا, وقيّم الموتى مالموت. خلّى يسوع برشة قادة دينيين يغيروا منّو, ولاّ يمثّللهم تهديد, وكانوا يتشاوروا باش يقتلوه.

وإذا كان ميعفرش الخطّية مكانش يكون ملزوم عليه الموت أما هو خطار باش يموت كيما الذبيحة على خاطرنا لكلّ, وكفّر بموتوا المؤلم على خطايا النّاس لكلّ. وبعدها تدفن يسوع في قبر. شاف ربّي ذبيحة يسوع وقبلها. وظهّر ربّي إنّو قبل الذبيحة هذي بإقامة يسوع من بين الأموات, في اليوم الثالث.

قال ربّي إذا أمنّا بذبيحة يسوع على خاطر الخطايا متاعنا وقبلنا الذبيحة هذي في حياتنا وإذا تراجعنا على خطايانا وتبّعنا يسوع وقتها يطهرّنا ربّي من كلّ خطّية ويقبلنا من جديد في عايلتو.

بعث ربّي الرّوح القدس باش يحيا في داخلنا ويخلّينا نجّموا نتبّعوا يسوع. نتعمدوا بالماء باش نعلنوا على ترجيع العلاقة مع ربّي. كرمز للموت أحنا بالمعمودية ندّفنوا تحت الماء وبعد نقوموا وهذا دليل على حياة جديدة نتبّعوا فيها يسوع. وقت قام يسوع مالموت عدّى 40 يوم على الأرض.

علّم يسوع تلامذتو باش يمشيوا للعالم الكلّ و ويورّيوا النّاس بشارة الخلاص. قال يسوع -"مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ."

ترفع يسوع لسماء وهوما يغزرولو, أما باش يرجع مرّة أخرى كيما ترفع. و وقتها باش يدين للأبد النّاس إلّي محبوهش ومطاعوهش. أما إلّي حبوه وطاعوه باش يكافئهم ويقبلهم في ملكوتوا للأبد ونعيشوا معاه للأبد في سماء وأرض جديدة. آمنت وقبلت يسوع على خاطر الخطايا متاعي, وهو إلّي طهّرني مالخطايا متاعي وعطاني حياة جديدة باش نكون جزء من عائلة ربّي, هو يحبني وأنا نحبو وباش نحيا معاه للأبد في ملكوتوا. ربّي يحبك ويحبك زادا تقبل العطّية هذي.تحب تقبلها توّا؟

مرحبا بيكم مرّة أخرى في تدريب زومّيه. في الجلسة هذي، باش نتعلّموا كيفاه نشاركوا قصّة ربّي - الإنجيل - بإستعمال أداة تتسمّى ثلاثة دوائر. فمّا برشة طرق باش تشارك بيها قصّة ربّي. أفضل طريقة تكون معا الشخص إلّي تشارك معاه وجهة نظروا للعالم وتجاربوا الحياتية. يستعمل ربّي قلوب تحب تشارك في الخدمة على القلوب إلّي تحب تسمع. الخدمة خدمتوا. هو أكهو إلّي يخلينا ديما معاه. مالطرق لمشاركة قصّة ربّي هي مشاركة و وصف رسم بسيط نسميّوه الدوائر الثلاثة. لكلّنا نعيشوا في عالم مكسّر برشة. نشوفوا ونسمعوا قصص المعاناة والموت والحرب والمرض والإدمان في كلّ بلاصة. أما هذا موش تصميم ربّي الأصلي. تصميم ربّي الكامل هو عالم معبّي بالحب والفرح والوحدة والسّلام.

الطريقة إلّي خرجّنا بيها راوحنا من تصميم ربّي الكامل ودخلنا للإنكسار هي كيما يسمّيه الكتاب المقدس "الخطيّة". الخطيّة هي نبعدوا على طريق ربّي ونمشيوا في طريقنا الخاصّ. الخطيّة تفصلنا على ربّي. الخطيّة تحطّنا في الإنكسار. الخطيّة تقودنا للموت الرّوحي. النّاس تحب تخرج مالإنكسار. أحنا قاعدين نحاولوا باش نخرجوا منّو. ساعات تلقى ناس تجرّب في المخدرات والشّراب. وساعات تلقى ناس تحاول تخرج منّو كي تلقى خدمة باهية باش تلمّد برشة فلوس. ساعات يخمّوا شوية مالنّاس بالحاجة هذي باش ينجّموا يخرجوا ملإنكسار. وساعات تلقى ناس تجرّب الدين، فنعتقدوا أنّو السلوك الباهي وإلاّ معاونة النّاس باش تحررّنا. حتّى حاجة مالحاجات هذي باش تحلّ مشكلة الإنكسار. حتّى وقت نحسّوا إنّو بعدنا برشة... فنعاودوا نرجعوا منين بدينا. وهذي هي الحقيقة المرّة. باش نكونوا ديما في الإنكسار إذا مازلنا قاعدين غادي - وقت توفى الحياة هذي، الكتاب المقدس يقولنا أحنا مفصولين للأبد على ربّي. للأبد. ويسمّي الكتاب المقدس البلاصة هذي إسم "الجحيم". أما ربّي ميحبنّاش نبقاو في الإنكسار.

يقول الكتاب المقدس - ربّي حبنا برشة حتّى أنّو بعث ولدو باش يصنعلنا مخرج. جاء يسوع للأرض باش ينحّي خطايانا ويبعدّنا على الإنكسار. على هذاكا نحّى يسوع ولد ربّي، خطايانا بموتوا. وبعد ثلاثة أيّام من موت يسوع ودفنوا، قام من بين الأموات. وبسبب تضحيتوا العظيمة، خلّى ربّي يسوع ملك على كلّ شيء في السماء وعلى كلّ شيء على الأرض. صنعلنا الملك يسوع ثنيّة نخرجوا بيها مالإنكسار.قال ربّي إذا...…نرجعوا على خطيتنا…...ونآمنوا أنّو يسوع مات على خاطرنا…...ونتعمّدوا بإسم الآب والإبن والروح القدس…

بعد ميقيّمنا ربّي - كيما يسوع - باش نكونوا في حياة جديدة كجزء من عائلة ربّي - للأبد. بعد نمثّلوا الحياة الجديدة هذي في العالم المكسور، ونستناو رجوع يسوع ويصنع سماء جديدة وأرض جديدة ونكونوا معاه للأبد في الملكوت.

ربّي يحبنا ننماو في علاقتنا معاه. يحبنا ربّي نرجعوا للتّصميم الأصلي المثالي وكجزء من عائلة ربّي، يعطينا يسوع رسالة -سبب نعيشوا بيه - وطريقة نعيشوا بيها أحسن حياة ممكنة. مهمّة يسوع لينا باش نمشيوا للبلايص الكلّ. بعثنا يسوع - كيما بعثوا بوه ربّي - مرّة أخرى للإنكسار باش نعاونوا النّاس تتحرّر ويوليوا جزء من عائلة ربّي للأبد.

في عالم الدوائر الثلاثة هذا، فمّا زوز أنواع مالنّاس -- النّاس إلّي هوما ... جزء من تصميم ربّي المثالي إلّي يعيشوا مهمّة إنقاذ ربّي ... يعاونوا في إعادة ربط ربّي بعائلتوا الأبدية. وإلاّ …النّاس إلّي... ما زالوا في حالة إنهيار... يحاولوا في كلّ شي باش يتحرّوا... على أمل باش يعاونهم حدّ.

• هل تعرف وين إنتي توّا؟
• هل تعرف وين تحب تكون؟

فمّا باشا طرق تشارك بيها قصّة ربّي. أهمّ حاجة المشاركة. يستعمل ربّي القلوب إلّي تحب تشارك الخدمة على القلوب إلّي تحب تسمع، الخدمة خدمتوا. هو أكهو إلّي يخلينا ديما معاه.

قصّة ربّي: مالخلق حتّى لدينونة

في البداية خلق ربّي العالم وكلّ مافيه لكلّ. أوّل حاجة خلقها, هي الرّاجل والمرا وحطّهم في جنّة مزيانة وخلاّهم يكونوا جزء من عائلة ربّي و كانت بيناتهم علاقة قوّية.

خلقهم باش يعيشوا للأبد ومكانش فمّا موت جملا وقتها. حتّى في البلاصة المثالية هذي, تمرّد الإنسان على ربّي وجاب الخطّية والألم للعالم. طرّد ربّي الإنسان مالجنة. وإتقصّت العلاقة بين الإنسان وربّي. ولّى الموت ضروري على الإنسان. على مدى مئات السنين واصل ربّي في بعثان برشة رسل للعالم. وكانوا ديما يذكّروا الإنسان بالخطّية متاعوا, أما كانوا ديما يحكيولوا على أمانة ربّي و وعدوا بمخلّص يجي للعالم على قريب. باش يرجّع المخلّص العلاقة القوّية إلّي بين ربّي والإنسان وباش يخلّص الإنسان مالموت. وباش يعطي المخلّص الحياة الأبدية وباش يكون مع الإنسان للأبد.

ربّي يحبنا حب عظيم لدرجة إنّو وقت جا الوقت المناسب بعث ولدو للعالم باش يكون هو المخلّص. كان يسوع ولد ربّي. تولد في العالم من عذراء. وعاش حياتو بلا حتّى عيب ومغلطش حتّى غلطة. علّم يسوع النّاس على ربّي. وعمل برشة معجزات ورّا قدرتوا العظيمة. طرّد برشة شواطن, وشفا برشة, خلّى العميان يشوفوا والبكاكش يتكلّموا والمعاقين يمشيوا. وقيّم الموتى مالموت. كانوا برشة قادة دينيين يغيروا من يسوع, ولاّ يمثّللهم تهديد. حبوا يقتلوه. بما إنّو مغلطش جملة موش ملزوم عليه الموت.

أما خطار باش يموت كيما الذبيحة على خاطرنا لكلّ. وكفّر بموتوا المؤلم على خطايا العباد لكلّ. وبعدها تدفن يسوع في قبر. شاف ربّي الذبيحة إلّي قدّمها يسوع وقبلها. وظهّر ربّي إنّو قبل الذبيحة هذي بإقامة يسوع من بين الأموات, في اليوم الثالث.

قال ربّي إذا أمنّا بذبيحة يسوع على خاطر الخطايا متاعنا وقبلنا الذبيحة هذي في حياتنا وإذا تراجعنا على خطايانا وتبّعنا يسوع وقتها يطهرّنا ربّي من كلّ خطّية ويقبلنا من جديد في عايلتو. بعث فينا ربّي الرّوح القدس باش يحيا في داخلنا ويخلّينا نجّموا نتبّعوا يسوع. نتعمّدوا بالماء باش نعلنوا على ترجيع العلاقة مع ربّي. كرمز للموت تتدفنا تحت الماء. كرمز للحياة الجديدة. قمنا مالماء باش نتبّعوا يسوع. وقت قام يسوع من بين الأموات عدّى 40 يوم على الأرض. علّم يسوع تلامذتو باش يمشيوا للعالم الكلّ ويويرّوا العالم لكلّ الخبر السّار على خلاصوا . قال يسوع -"مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ."

بعدها ترفع يسوع قدّام عنيهم في السماء, أما باش يرجع مرّة أخرى بنفس الطّريقة إلّي مشى بيها. باش يدين للأبد النّاس إلّي محبّوهش ومطاعوهش. أما إلّي حبوه وطاعوه باش يكافئهم ويقبلهم في ملكوتوا للأبد ونعيشوا معاه للأبد في سماء وأرض جديدة.

آمنت وقبلت التّضحية إلّي قدمها يسوع على خاطر الخطايا متاعي, خلاني نكون طاهر ورجّعني كجزء من عائلة ربّي. هو يحبني وأنا نحبوا وباش نعيش معاه للأبد في ملكتو. ربّي يحبك ويحبك تقبل الهديّة هذي. هل تحب تعمل هذا توّا؟إدّرب على الإنجيل وحدك حتّى تحسّ براحة وإنتي تحكي في القصّة.

قال يسوع -" مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ…."

المعمودية - في الّلغة اليونانية الأصلية تعني ببتيزو, كيما نصبغوا قطعة قماش في الماء الملّون ويتبّدل لونها.

المعمودية هي صورة لحياتنا الجديدة إلّي فيها يسوع. هي صورة موتنا على الخطّية كيما مات يسوع على الخطايا متاعنا ندفنوا فيها حياتنا القديمة كيما تدفن يسوع ونتولدو من جديد في المسيح كيما قيامة يسوع مالموت ولليوم هو حيّ. تنجّم تكون الحاجة هذي صعيبة ليك إذا معمدتّش إنسان قبل وهذي هي الخطوات البسيطة. لوّج على بركة, نهر, بحر وعمّد فيه. خلّي التلميذ يشدّ وحدة من يديك وليد لخرى شدّلوا بيها ضهرو.

أسأل زوز أسئلة باش تتأكّد ملّي باش يتعمّد فاهم القرار متاعو.

• " قبلت يسوع المسيح مخلّص وربّ ليك؟"
• "تنجّم تخدموا وإطّيعوا حياتك لكلّ بصفتوا ملك ليك؟"

إذا كانت الإجابة "إي" على الزوز أسئلة هاذم فيلزم تقول الحاجات هاذم:

• "على خاطر إستعرفت بإيمانك بالربّ يسوع, نعمّدك توّا بإسم الآب والإبن والرّوح القدس."

عاون المتعمّد يهبط تحت الماء وغطّسوا لكلّ ومبعد خرّجوا الفوق مرّة أخرى. مبروك! تعمّدت و وليت تابع جديد ليسوع المسيح ومواطن جديد من مواطنين السماء, ولد جديد لربّي الحّي وتوّا باش نحتفلوا ونفرحوا.

المعمودية - هي الفريضة لولا إلّي عطاها يسوع لأتباعو وهي أساسية في أدوات زومّيه.

قال يسوع لتلامذتو - "وإِنْتُومَا شْهُودْ عْلَى هَاذَا."كأتباع ليسوع أحنا شهود ليه. نشهدوا على تأثيروا في حياتنا. قصّتك في علاقتك مع ربّي تتسمّى" شهادتك". كلّ إنسان عندو قصّة وهذي هي فرصتك باش تشارك بيها شهادتك.

إختار واحد و إلّا ثنين إدّرب معاهم ومبعّد إختار خمسة أسماء من قائمة ال100 إسم. تأكّد باش تختار أشخاص من خانة "موش مؤمن" وإلاّ حالتوا الرّوحية "موش معروفة". إدّرب كيفاه تقدّم شهادتك - قصّتك على يسوع - أطلب من شركائك في التّدريب يتظاهروا إنّهم مالخمسة إلّي خترتهم مالقائمة. إدّرب على كيفاه تقدّم قصّتك ولازم تكون مناسبة لكلّ شخص مالخمسة. لازم تكون عندك القدرة باش تشارك شهادتك في ثلاثة دقايق.

فمّا برشة طرق تصيغ وتشكّل بيها قصّتك وهاذم هوما الطرق إلّي نراوهم ناجحين مع النّاس: تنجّم تشارك سبب بسيط خلاّك تبّع يسوع المسيح. الأسلوب هذا ناجح برشة وقت يمارسوا المؤمن الجديد. تنجّم تشارك قصّتك كيفاه كانت "قبل", و "بعد" ماعرفت المسيح, وكيفاه ولاّت توّا, قصّة بسيطة وقوّية.

تنجّم تشارك قصّتك "مع "وإلاّ " بلاش" يسوع, وكيفاه تنجّم تكون "بلاش بيه". بالطريقة هذي إذا جيت للإيمان في عمر صغير تنجّم تكون قصّتك ناجحة برشة. بعد متكمّل مشاركتك أعطي فرصة لشريكك في التّدريب يعمل نفس الحاجة وكمّلوا تبادلوا الأدوار حتّى تكمّلوا الخمسة. تحب تخلّي تأثير كبير؟

وقت تشارك قصّتك باهي برشة إنّك تفكّر فيها خاطرها هي جزء من عملّية متكوّنة لثلاثة أجزاء:

• قصّتهم - أطلب مالعبد إلّي تحكي معاه يشاركنا على رحلتوا الرّوحية.
• قصّتك - شارك شهادتك.
• قصّة ربّي - شاركها بطريقة توضّح إرتباطها بنظرة الشّخص إلّي تكلّم فيه والقيم متاعوا وأولوياتوا.

خلّي الحكاية بسيطة إذا كنت متقلّق على النقطة إلّي باش تبدا بيها. بكلّ بساطة أحكيلهم علاه قرّرت تبّع يسوع. ينجّم ربّي يستعمل قصّتك يبدّل بيها حياة النّاس أما تفكّر ديما يلزم إنت إلّي لازم تحكي حكايتك.

شهادتك في ثلاثة دقائق أداة أخرى بسيطة من أدوات زومّيه.

ثلاثة أنواع أساسية مالشهادات

فمّا برشة طرق تصيغ وتشكّل بيها قصّتك وهاذم هوما الطّرق إلّي نراوهم ناجحين مع النّاس:

• تصريح بسيط - تنجّم تشارك سبب بسيط خلّاك تبّع يسوع المسيح. الأسلوب هذا باهي برشة ينجّم يمارسوا المؤمن الجديد.
• قبل وبعد - تنجّم تشارك قصّة "قبل" و "بعد" معناها كيفاه كانت حياتك قبل متعرف يسوع المسيح وكيفاه ولاّت توّا. قصّة بسيطة وقوّية.
• مع وبلاش- تنجّم تشارك قصّة "مع" و "بلاش" أيّ طبيعة حياتك مع يسوع كيفاه تنجّم تكون بلاش بيه. الطريقة هذي في تقديم قصّتك تنجح بالباهي إذا جيت للإيمان في وقت قصير.

ثلاثة أجزاء لمشاركة شهادتك

وقت تشارك قصّتك باهي برشة إنّك تفكّر فيها خاطرها جزء من عملية متكوّنة لثلاثة أجزاء:

• قصّتهم - أطلب مالعبد إلّي تحكي معاه يشاركنا على رحلتوا الرّوحية.
• قصّتك - شارك شهادتك وصيغها وإتكلّم على تجاربك.
• قصّة ربّي - شارك قصّة ربّي بطريقة توضّح إرتباطها بنظرة الشّخص إلّي تكلّم فيه والقيم متاعوا وأولوياتوا.

ميلزمش تكون شهادتك طويلة وإلّا فيها برشة تفاصيل حتّى تكون مؤثّرة. في الواقع، خلّي قصّتك مدّتها 3 دقائق باش تخلّي وقت لطرح الأسئلة ومحادثات عميقة. إذا كنت متقلّق بكيفاه تبدا، فخلّي الحكاية بسيطة. ينجّم ربّي يستعمل قصّتك باش يبدّل حياة برشة ناس، أما تفكّر - إنتي أكهو إلّي تنجّم تحكيها.

نرحب بيك مرّة أخرى في تدريب زومّيه في الجلسة هذي باش نتعلّموا كيفاه تنجّم فروخ البطّ إلّي مازلت كي تعلّمت المشي تعاوّنا في فهم أهم حاجتين في التّلمذة. شفت قبل مجموعة من فروخ البطّ تمشي؟ فين ماكنت في العالم باش تشوف نفس الحاجة. تقود البطّة الأمّ وأولادها إلّي يتبّعوا فيها واحد ورى واحد في جرّت بعضهم. البطّة الأم تقود والفروخ تبّع.

أما إذا شفنا من قريب باش نشوفوا حاجة أخرى باش تصير. في الحقيقة كلّ فرخ عندوا زوز أدوار في نفس الوقت. كلّ فرخ هو تابع, على خاطر يتبّع في البطّة الأم وكلّ فرخ يمشي قدّام خوه. وفي نفس الوقت -- كلّ فرخ هو قائد, على خاطر يقود الفرخ وإلاّ الفروخ إلّي يمشيوا وراه.

الفرخ هو تابع وإلاّ قائد؟ هو في الحالتين الزّوز. على هذاكا "البطّ إلّي يمشي" هو صورة باهية لتّلمذة. يحب ربّي عايلتو تكبر برشة وعلى هذاك يتوقّع كلّ تابع باش يكون قائد ويلزم كلّ مؤمن يشارك بالبشارة وفي نفس الوقت يكون كلّ تلميذ متلمذ. ساعات نطيحوا في فخّ كتلامذة وإلاّ متلمذين وديما يمشي في بالنا إلّي يلزمنا نعرفوا كلّ شي وإلاّ برشة حاجات قبل منتحدّثوا ونشاركوا. أما التّلمذة متصيرش بالطّريقة هذي.

التّلامذة كيما فروخ البطّ, باش يولّي التلميذ قائد ميلزمش يعرف كلّ شي, كلّ معاليه يعملوا يكون خطوة بخطوة مع إلّي قداموا. يحب ربّي عايلتو تكبر في الأمانة على هذاكا وفي نفس الوقت يتوقّع باش يكون كلّ قائد تابع وكلّ مشارك بحكايتوا مؤمن وكلّ متلمذ تلميذ.

فمّا فخّ آخر زادا نطيحوا فيه كتلامذة ومتلمذين يمشي في بالنا إلّي فمّا عبد في البلاصة هذيكا يعرف كلّ شي وإذا عرفناه وتبّعناه نكونوا في وضع باهي. أما التّلمذة متكونش بالطّريقة هاذي.

في ملكوت ربّي فمّا "بطّة أم" وحدة نتبّعوها لكلّ وإلّي هي يسوع المسيح. حتّى مرسل وراعي ومدرس في كلّية اللاّهوت يستحقّ إيماننا وثقتنا غير يسوع. الباقي متاعنا تمشي فيهم "عملّية التغيير". باش يكون ديما فمّا قريب ليسوع نجّموا نتبّعوه, ويكون فمّا عبد بعيد على يسوع نجّموا نقودوه, أما مهما كانت بلاصتنا لازم عنينا وقلوبنا تكون مركّزة على يسوع.

في الكتاب المقدس, بولس إلّي كتب برشة من أسفار العهد الجديد وأسسّ برشة كنائس, مكتبش كونوا متمثلين بيّا أما كتب كونوا متمثلين بياّ كيما أنا زادا بالمسيح. كان بولس يعرف إلّي تعرفوا الفروخ في كلّ بلاصة وشنية إلّي يلزم يعرفوا كلّ تلميذ. يلزم كلّ قائد في ملكوت ربّي يكون تابع ولكلّنا نتبّعوا يسوع.

وكتب زادا بولس في الكتاب المقدس: "والتَّعْلِيمْ الِّي سْمَعْتُو مِنِّي بِحْضُورْ بَرْشَة شْهُودْ، أَعْطِيهْ أَمَانَة لْنَاسْ تَاثِقْ فِيهُمْ ويْكُونُوا قَادْرِينْ بَاشْ يْعَلْمُوا غِيرْهُمْ."عرف بولس إلّي تعرفوا الفروخ في كلّ بلاصة وشنية يلزم التلميذ يعرفوا. كلّ تلميذ في ملكوت ربّي يكون قائد, كلّ واحد منّا يقود كيما يسوع ونحطّوا حياتنا على خاطر النّاس. إذ حبيت تشوف عائلات ربّي تكبر برشة وتتزايد في الأمانة فخمّم باش تلّمذ بطريقة فروخ البطّ, وفي نفس الوقت كون تابع وقائد.

في الجلسة هاذي باش نتعلّموا كيفاه نخلّيوا التّلامذة يتكاثروا برشة وقت يشوفوا البلايص إلّي مفيهاش ملكوت ربّي. أحنا كعباد نخمّوا في حاجات نجّموا نشوفوها ونركّزوا عليها ونخدموا على خاطرها وهذا نسمّيوه الواقع. أما الملكوت ينموا فيسع وقت نركّزوا على الأمور إلّي منشوفهاش وإلّي موش موجودة.

فمّا بلايص مفيهاش إرادة ربّي في الأرض كيما في السماء. فمّا فراغات عظيمة فيها الإنكسار والألم والإضطهاد وحتّى الموت كجزء من حياتنا العاديّة. يلزم كلّ تلميذ وتابع ليسوع المسيح ينجّم يشوف البلايص إلّي فيها وإلّي مفيهاش الملكوت. خدمة الملكوت هي يدخل للبلايص الظّلام والفارغة ويخدم ويسكّر الفراغات ويجيبنا لنّور والحياة. نجّموا نشوفوا البلايص إلّي مفيهاش الملكوت بطريقتين مالنّاس إلّي نعرفوهم قبل ومالنّاس إلّي باش نقابلوهم مبعد.

الطّريقة لولا هي النّاس إلّي نعرفوهم, علاقتنا المربوطة مع الأصحاب والأقارب وزملاء الخدمة, القراية والجيران وغيرهم. وهذي هي الطريقة إلّي تبدا بيها قصّة ربّي تتوسّع أكثر وأكثر. حاجة طبيعية إنّا نحبوا النّاس هاذم ونهتمّوا بيهم ونعرفوهم. حكى يسوع على حكاية راجل غني عاش حياتوا متكبّر وتوّا قاعد يتعاقب في جهنّم. تشحت الغني وقال" أَبْعَثْلِي لِعَازِرْ خَلِّيهْ يْغَطِّسْ طَرْتُوشِةْ صُبْعُو فِي المَاء ويْبَرِّدْلِي لْسَانِي، رَانِي مِتْعَذَّبْ فِي هَا النَّارْ."

ظهّرلنا يسوع حتّى الأنانيين والمتألّمين عندهم حاجة مالمحبة والإهتمام للقراب منهم. إلّي نعرفوهم هوما جزء من حياتنا على خاطر ربّي يحبنا ويحبنا نحبوهم. نستحقّوا نكونوا وكلاء صالحين على العلاقات هذي بمحبة وصبر ومثابرة. يتكاثروا التلامذة وقت يكونوا مهتمّين بالنّاس إلّي حطّهم ربّي بيناتنا وتكون عندهم خطّة باش يعملوا حاجة تخصّ النّاس هاذم. باش يزيدوا ويتضاعفوا ونعاونوهم يكثّروا في إهتمامهم ويحطّوا خطوات بسيطة

وهذي هي الطريقة: أطلب منهم يكتبوا قائمة فيها 100 شخص يعرفوهم. أطلب منهم يفرّقوا أسماء القائمة هذي على 3 فئات :

• إلّي يتبّعوا في يسوع.
• إلّي ميتّبعوش في يسوع.
• إلّي موش متأكدين يتبّعوا في يسوع وإلّا لا.

في ميخصّ أتباع يسوع, ينجّموا التلامذة يشجّعوهم باش يكونوا أكثر إثمار وأمانة. في ميخصّ إلّي ميتبّعوش في يسوع, ينجّموا التلامذة يتعلّموا كيفاه يشاركوا بالبشارة ويعرّفوهم على ربّي المحب. أما فيما يخصّ إلّي موش متأكّدين, ينجّموا التلامذة يتعلّموا إستثمار وقتهم فيهم باش يعرفوا برشة حاجات عليهم.

فمّا طريقة أخرى نشوفوا بيها البلايص إلّي موش موجود فيها الملكوت بالنّاس إلّي مقبلنهمش قبل. هاذم هوما إلّي خارج علاقتنا, منعرفوهمش, الجيران إلّي علاقتنا بيهم كان نسلّموا عليهم أكهو والرّجال والخدّامة والنّساء إلّي نتعدّاو من بحذاهم في الطريق, والنّاس الغراب في كلّ قرية, وبلدة ومدينة, إلّي عمرنا مزرناهم.

قال يسوع - "خَلِّيوْ النَّاسْ يْوَلِّيوْ تْلَامْذَة لِيَّا". قال يسوع - "أحكيوا لنّاس لكلّ عليّا في أورشليم وفي كلّ اليهودية والسامرة وإلى أقصى الأرض." أسرع طريقة نوصّلوا بيها قصّة ربّي هي نشاركوا النّاس بالّي نعرفوه لكلّ. مشاركة النّاس إلّي مازلنا منعرفوهمش هي الطريقة إلّي نجّموا نوصّلوا بيها قصّة ربّي لأبعد بلاصة. حاجة موش طبيعية كي نحبوا ناس منعرفوهمش ونهتّموا بيهم. وهذا دليل على الرّوح القدس إلّي يخدم في حياتنا, إلّي عندهم حظوة وأقلّ قيمة وضالّين عند ربّي, هاذم هوما إلّي يحطّ ربّي قلبوا ديما عليهم وعلى خاطرهم. هاذم هوما إلّي نستثمروا حياتنا فيهم باش نكونوا كيما ربّي.

يأمرنا ربّي باش نمشيوا, وإلّي نمشيوا على خاطرهم هوما ديما لقراب منّا وإلّي يعيشوا في الظّلام روحيا, إلّي مسمعوش بإسم يسوع قبل. تقول كلمة ربي - "اللَّهْ يَاقِفْ ضِدْ المِتْكَبْرِينْ آمَا يَعْطِي نِعْمَة لِلْمِتْوَاضْعِين". يلزمنا كأتباع يسوع المسيح نعطيوا النّعمة كيما يعطيهالنا هو للمتواضعين والبائسين والضّالين والهالكين. كي يتلهاوا النّاس بالعباد إلّي حطّهم ربّي في حياتهم تتضاعف التّلامذة وتزيد. تنجّم تعاون التّلميذ يزيد يتّلهى بالنّاس ونحطّولوا خطّة بسيطة يتضاعف بيها وندرّبوه يلوّج علّي هيأهم ربّي باش يسمعوا. قال يسوع - "والدَّارْ الِّي تُدْخْلُوهَا قُولُوا فِي الأُوِّلْ: "سَلَامْ لِلدَّارْ هَاذِي". إِذَا كَانْ فِيهَا شْكُونْ يْحِبْ السَّلَامْ سْلَامْكُمْ يِمْلَاهْ، مَا كَانِشْ سْلَامْكُمْ يِرْجْعِلْكُمْ."

في البلايص إلّي نعرفوا فيها شوّية ناس في عوض ما نشاركوا البشارة مع صحابنا وعيلاتنا وزملائنا في الخدمة والقراية وجيرانا, ندرّبوا إبن السّلام على الكرازة في علاقاتوا. أما النتائج الباهية تتحقّق وقت نركّزوا على الأمناء. تذكر إلّي الأمانة تظهر كي نطيعوا ونشاركوا مع النّاس إلّي يأمرنا ربّي بيه. التّربة الباهية إلّي تكلّم عليها يسوع هوما الأمناء إلّي يطيعوا ويشاركوا.

قال يسوع - "وفَمَّة زَرِّيعَة جَاتْ فِي تُرْبَة بَاهْيَة يَاخِي ثُمْرِتْ، مِنْهَا الِّي جَابِتْ 100 ومِنْهَا الِّي جَابِتْ 60 ومِنْهَا الِّي جَابِتْ 30."

• الأمناء ماعندهمش قلوب قوّية وقاسية متحبّش كلمة ربّي.
• الأمناء ميطحوش وقت يتعرضوا للإضطهاد والظروف الصعيبة.
• الأمناء ميتلهاوش بهموم العالم إلّي مدّومش.
• الأمناء كيما مسكون كورة الجرجسيين إلّي طاعوا وتحدّثوا علّي شافواه في يسوع.

إنسان أمين طاع وشارك بالقصّة, وأثمروا برشة مالنّاس إلّي حبوا يعرفوا المسيح. نحلّوا عنينا على البلايص إلّي مفيهاش الملكوت ونوصلوا لنّاس إلّي منعرفوهمش وإلّي نعرفوهم وبالطّريقة هذي يتضاعفوا التلامذة ويكبروا في ملكوت ربّي في برشة بلايص.

قال يسوع - "آنَا هُوَّ الخُبْزْ الحَيْ الِّي هْبَطْ مِالسْمَاء. الِّي يَاكِلْ مِالخُبْزْ هَاذَا يَحْيَا لِلْأَبَدْ. والخُبْزْ هَاذَا هُوَّ بْدَنِي، الِّي نَعْطِيهْ بَاشْ النَّاسْ يَحْيَاوْ."

الشركة المقدسة وإلاّ "العشاء الربّاني" هي طريقة نحتفلوا بيها بإرتباطنا الكبير وعلاقتنا الدائمة مع يسوع المسيح. وهكّا نحتفلوا - نجتمعوا كيما أتباع يسوع المسيح نعدّيوا وقت باهي في التأمّل ونخمّوا بالسّاكتة في الخطايا متاعنا ونعترفوا بيها.

أطلب من واحد منكم يقرا المقطع هذا مالكتاب المقدس -- "عْلَى خَاطِرْ الِّي خْذِيتُو مِنْ عَنْدْ الرَّبْ، هُوَّ الِّي عْطِيتْهُولْكُمْ. وهُوَّ إِنُّو الرَّبْ يَسُوعْ، فِي اللِّيلَة الِّي سَلْمُوهْ فِيهَا، خْذَا خُبْزْ، وشْكَرْ، وقَسْمُو وقَالْ: «هَاذَا بَدْنِي الِّي نَعْطِيهْ عْلَى خَاطِرْكُمْ. أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 23-24)

وبعد عدّي الخبز على العباد لكلّ وكولوه.

كمّل أقرا-- "وزَادْ خْذَا الكَاسْ بَعْدْ العْشَاء وقَالْ: "هَاذَا الكَاسْ هُوَّ العَهْدْ الجْدِيدْ الِّي يَعْمْلُو اللَّهْ بْدَمِّي. كُلْ مَرَّة تُشْرْبُوا مِنُّو، أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 25)

فرّق العصير وإلاّ الشراب وأشربوا مبعضكم.

وكمّل أقرا -- "مَالَا كُلْ مَا تَاكْلُوا الخُبْزْ هَاذَا وتُشْرْبُوا الكَاسْ هَاذَا، تْخَبْرُوا بْمُوتْ الرَّبْ، حَتَّى لِينْ يْجِي." (كورنثوس الأولى 11: 26)

تشاركتوا في العشاء الربّاني. إحتفلوا, صلّيوا ورنّموا, إنتوما ليه وهو ليكم.

العشاء الربّاني هو فريضة مقدسة مالكنيسة الأولى وحاجة أساسيّة من أدوات زومّيه.

وقت تجتمع كيما أتباع يسوع:

1. عدّي وقت باهي في التأمّل وخمّم بالسّاكتة في الخطايا متاعك وإعترف بيها.
2. وقت تكون حاضر أطلب من واحد منكم يقرا المقطع هذا مالكتاب المقدس -- "عْلَى خَاطِرْ الِّي خْذِيتُو مِنْ عَنْدْ الرَّبْ، هُوَّ الِّي عْطِيتْهُولْكُمْ. وهُوَّ إِنُّو الرَّبْ يَسُوعْ، فِي اللِّيلَة الِّي سَلْمُوهْ فِيهَا، خْذَا خُبْزْ، وشْكَرْ، وقَسْمُو وقَالْ: «هَاذَا بَدْنِي الِّي نَعْطِيهْ عْلَى خَاطِرْكُمْ. أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 23-24)
3. عدّي الخبز على العباد لكلّ وكولوه.
4. كمّل أقرا -- "وزَادْ خْذَا الكَاسْ بَعْدْ العْشَاء وقَالْ: "هَاذَا الكَاسْ هُوَّ العَهْدْ الجْدِيدْ الِّي يَعْمْلُو اللَّهْ بْدَمِّي.كُلْ مَرَّة تُشْرْبُوا مِنُّو، أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 25)
5. فرّق العصير وإلاّ الشراب وأشربوا مبعضكم.
6. كمّل أقرا -- "مَالَا كُلْ مَا تَاكْلُوا الخُبْزْ هَاذَا وتُشْرْبُوا الكَاسْ هَاذَا، تْخَبْرُوا بْمُوتْ الرَّبْ، حَتَّى لِينْ يْجِي." (كورنثوس الأولى 11: 26)

إحتفل بالصّلاة والترنيم, شاركت في" العشاء الربّاني". إنتي ليه وهو ليك!

تقول كلمة ربّي "يلزم نُطْلُبْ مِنْكُمْ، قْبَلْ كُلْ شَيْ، بَاشْ تِدْعِيوْ وتْصَلِّيوْ وتِتْشَفْعُوا وتِحْمْدُوا اللَّهْ عْلَى خَاطِرْ النَّاسْ الكُلْ، وعْلَى خَاطِرْ المُلُوكْ والنَّاسْ الِّي عَنْدْهُمْ سُلْطَة، بَاشْ نْعِيشُوا عِيشَة مُطْمَانَة وهَادْيَة، بْتَقْوَى وكَرَامَة.وهَاذَا بَاهِي ومَقْبُولْ عَنْدْ اللَّهْ الِّي نَجَّانَا، الِّي يْحِبْ إِنُّو النَّاسْ الكُلْ يِنْجَاوْ ويْوَلِّيوْ يَعْرْفُوا الحَقْ."

مسير الصّلاة طريقة بسيطة نطيعوا بيها وصيّة ربّي ونصلّيوا لنّاس. وهي كيما إسمها صلاة لربّي يدور فيها المصلّي في المنطقة ويصلّي. في عوض نسكّروا عنينا ونهبّطوا ريوسنا, نقعدوا حالّين عنينا باش نشوفوا الحاجات إلّي دايرة بينا ونطلبوا من ربّي يدّخل. تنجّم تمارس مسير الصّلاة في مجموعات صغيرة من ثنين لثلاثة كيما تنجّم تمارسها وحدك. إذا كنت في مجموعة حاول تشجّع كلّ واحد يصلّي بصوت عالي. حاول تصلّي بالسّاكتة كي تكون وحدك وبصوت مسموع وقت تصلّي مع شخص آخر تقابلت معاه في الطّريق.

عندك أربعة طرق تنجّم تعرف بيهم كيفاه تنجّم تصلّي وقت مسير الصّلاة:

• الملاحظة -- شنية تشوف؟ إذا شفت عروسة متاع ولد في وسط الدّار تشجّع وصلّي لأولاد الحيّ والعائلات والمدارس في المنطقة.
• البحث -- لوج شنية تعرف؟ إذا قريت على الحيّ تنجّم تعرف علّي يسكنوا فيه وإذا كانت المنطقة تعاني مالحوادث والجرايم والظّلم صلّي للحاجات هذي وأطلب من ربّي يدّخل ويخدم فيها.
• الإعلان -- ينجّم يحرك الرّوح القدس قلبك وإلاّ يجيبلك فكرة معينة تنجّم تصلّي على خاطرها. إسمع وصلّي!
• الكتاب المقدس -- وقت تبدا مسيرك وإنتي تمشي أقرا حاجة بسيطة من كلمة ربّي, وينجّم الروح القدس يفكّرك بمقطع كتابي. صلّي كيفاه ينجّم المقطع هذا يأثّر في المنطقة هذيكا .

فمّا خمسة حاجات عندهم أهميّة تنجّم تركّز عليهم في مسيرة الصّلاة:

• الحكومة - لوّج على المراكز الحكومية كيما المحاكم والمكاتب الإدارية والمراكز صلّي على خاطرهم لكلّ, صلّي باش تكون المنطقة محمية, تتحقّق العدالة وتكون فمّا حكمة صالحة لقادة المنطقة.
• الأعمال والتجارة - لوّج على المراكز التجارية كيما المراكز المالية وإلاّ الأسواق صلّي على خاطرهم, صلّي باش الإستثمارات فيها تكون صحيحة ويكونوا أمناء على الموارد الموجودة, صلّي للعدل الإقتصادي والبطالة.
• التعليم - لوّج على المراكز التعلمية كيما المدارس والمباني الإدارية ومراكز التدريب المهني والجامعات وصلّي على خاطرهم, صلّي للمعلّمين إلّي يعلّموا حقّ ربّي ويحميوا أفكار تلامذتهم. صلّي باش يدّخل ربّي في كلّ جهد يلوّج على الكذب والتشويش, صلّي باش تخرّج البلاصة هاذي ناس حكماء عندهم الشّجاعة والقوّة باش يخدموا ويقودوا.
• وسائل الإتّصال والإعلام - لوّج على مراكز الإتّصال والإعلام كيما التلفزة والجرايد وصلّي على خاطرهم. صلّي باش تتحقّق قصّة ربّي وتكون في كلّ مدينة وفي العالم.
• النّاحية الرّوحية - لوّج على المراكز الرّوحية والدينية كيما الكنايس والجوامع والمعابد صلّي على خاطرهم, صلّي للّي يلوّج على الحقّ والسّلام والعزاء والرّاحة في يسوع المسيح وميتشوّشش بديانة مزيفة.

تنجّم تصلّي على خاطر النّاس إلّي قابلتهم في مسير الصّلاة بالطرق الخمسة هذي:

وقت تمشي وتصلّي كون فايق للفرص إلّي تجي قدّامك وإسمع توجيه روح ربّي وصلّي على خاطر الأفراد والمجموعات إلّي قابلتها في الطريق. تنجّم تقول لسكان المنطقة "أحنا نصلّيوا على خاطر المنطقة هذي وسكّانها". فمّاش حاجة معيّنة يلزمنا نصلّيوها على خاطركم؟ وقت تسمع إجابتهم تنجّم تسأل على إحتياجاتهم. إذا قالولك عليها صلّي على خاطرهم في وقتها وإذا قادك ربّي تنجّم تصلّي لإحتياجات أخرى.

إستعمل كلمة "يبارك" باش تعاونك تتفكّر الخمسة حاجات هاذم إلّي تنجّم تصلّي على خاطرها:

• بركة الجسد (الناحية الصّحية)
• بركة الخدمة (الخدمة والنّواحي المالية)
• بركة النّواحي العاطفية والنفسية (المعنويات)
• بركة النّاحية الإجتماعية (العلاقات)
• بركة النّاحية الرّوحية (نعرفوا ربّي ومحبتوا لينا)

ساعات فمّا ناس تشكرك على إهتمامك بيهم وعلى صلاتك ليهم. إذا كان الشّخص موش مسيحي وموش مؤمن، تنجّم تحلّ صلاتك لباب حوار روحي وفرصة تشارك فيها قصّتك وقصّة ربّي. تنجّم تستدعاه يشارك معاك دروس في الكتاب المقدس وإلاّ تضيّفوا مع مجموعة بيتية في دارك. إذا كان الشخص مؤمن تنجّم تخلّيه يكون تابع لمسيرات الصّلاة ويتعلّم مسير الصّلاة ويتّبع بخطوات بسيطة كيما الصّلاة على خاطر نواحي النفوذ ورفع صلاة "يبارك" باش تنموا عائلات ربّي أكثر وأكثر.

مسير الصّلاة أداة بسيطة أخرى من أدوات زومّيه.

أربعة طرق توجّه صلاتك:

1. الملاحظة شنية تشوف؟ إذا شفت عروسة متاع ولد في وسط الدار تشجّع وصلّي لأولاد الحيّ والعائلات والمدارس في المنطقة.

2. البحث لوّج شنية تعرف؟ إذا قريت على الحيّ تنجّم تعرف علّي يسكنوا فيه وإذا كانت المنطقة تعاني مالحوادث والجرايم والظّلم صلّي للحاجات هذي وأطلب من ربّي يدّخل ويخدم فيها.

3. الإعلان ينجّم يحرّك الرّوح القدس قلبك وإلاّ يجيبلك فكرة معيّنة تنجّم تصلّي على خاطرها. إسمع وصلّي!

4. المقطع الكتابي وقت تبدا مسيرك وإنتي تمشي أقرا حاجة بسيطة من كلمة ربّي, وينجّم الرّوح القدس يفكّرك بمقطع كتابي. صلّي كيفاه ينجّم المقطع هذا يأثّر في المنطقة هذيكا.

خمسة حاجات مؤثّرة تركّز عليهم في الصّلاة:

1. الحكومة لوّج على المراكز الحكومية كيما المحاكم والمكاتب الإدارية والمراكز صلّي على خاطرهم لكلّ, صلّي باش تكون المنطقة محميّة, تتحقّق العدالة وتكون فمّا حكمة صالحة لقادة المنطقة.

2. الأعمال والتجارة لوّج على المراكز التجارية كيما المراكز المالية وإلاّ الأسواق صلّي على خاطرهم, صلّي باش الإستثمارات فيها تكون صحيحة ويكونوا أمناء على الموارد الموجودة, صلّي للعدل الإقتصادي والبطالة.

3. التعليم لوّج على المراكز التعلمية كيما المدارس والمباني الإدارية ومراكز التّدريب المهني والجامعات وصلّي على خاطرهم, صلّي للمعلمين إلّي يعلّموا حقّ ربّي ويحميوا أفكار تلامذتهم.صلّي باش يدّخل ربّي في كلّ جهد يلوّج على الكذب والتشويش, صلّي باش تخرّج البلاصة هاذي ناس حكماء عندهم الشّجاعة والقوّة باش يخدموا ويقودوا.

4. وسائل الإتّصال والإعلام لوّج على مراكز الإتّصال والإعلام كيما التلفزة والجرايد وصلّي على خاطرهم. صلّي باش تتحقّق قصّة ربّي وتكون في كلّ مدينة وفي العالم زادا.

5. النّاحية الرّوحية لوّج على المراكز الرّوحية والدينية كيما الكنايس والجوامع والمعابد صلّي على خاطرهم, صلّي للّي يلوّج على الحقّ والسّلام والعزاء والرّاحة في يسوع المسيح وميتشوّشش بديانة مزيفة.

نرحبوا برجوعك لتدريب زومّيه. في الجلسة إلّي فاتت تعرّفت على فكرة إنسان السّلام وفي الجلسة هذي باش نشوفوا برشة تفاصيل في ميخصّ الشّخص هذا، وكيفاه تعرف إذا تقابلت مع إنسان السّلام. ينجّم إنسان السّلام يعاون في تعجيل التّلمذة في كلّ بلاصة فيها أتباع يسوع. وقت بعث يسوع تلامذتو لبلايص جديدة عطاهم حاجة بسيطة وإستراتيجية.

قال يسوع -- "لَا تْهِزُّوا مْعَاكُمْ فْلُوسْ، ولَا صُرَّة، ولَا صَنْدَالْ، ومَا تْسَلْمُوا عْلَى حَتَّى حَدْ فِي الطْرِيقْ. والدَّارْ الِّي تُدْخْلُوهَا قُولُوا فِي الأُوِّلْ: "سَلَامْ لِلدَّارْ هَاذِي". إِذَا كَانْ فِيهَا شْكُونْ يْحِبْ السَّلَامْ سْلَامْكُمْ يِمْلَاهْ، مَا كَانِشْ سْلَامْكُمْ يِرْجْعِلْكُمْ. وأُقْعْدُوا فِي الدَّارْ هَاذِيكَا، وكُولُوا وأُشْرْبُوا مِلِّي عَنْدْهُمْ، عْلَى خَاطِرْ الِّي يِخْدِمْ مِنْ حَقُّو يُخْلِصْ. ومَا تُقْعْدُوشْ إِدُّورُوا مِنْ دَارْ لْدَار."

أما شنية معنا هذا لكلّ؟

وقت نخمّوا في التّلمذة أوّل حاجة تجي لبالنا يكون عنّا فلوس, نختاروا هدف وتكون عنّا خطّة واضحة. قال يسوع "إمشيوا" وملستحسن نمشيوا ونواصلوا في المشي ونوصّلوا صوتنا لنّاس لكلّ وفي كلّ بلاصة وفي كلّ وقت. أما يسوع مكانش متقلّق من ناحية الفلوس والحماس وكان مهتّم برشة بالتّركيز. يحب يسوع يلوّجوا تلامذتو على إبن السّلام ويستثمروا فيه. أوّل حاجة تعملها لوّج على إنسان السّلام وقت تحب تلمذ في بلاصة متلقاش فيها برشا تلامذة وإلاّ مفيهاش جملة.

إنسان السّلام هو:

• إنسان يحب يسمع قصّتك وقصّة ربّي وأخبار يسوع الباهية.
• إنسان مضياف ويرحب بيك في بيتو, عايلتو وصحابو.
• إنسان معروف ويحسّ بالفرحة وقت يتقابل مع مجموعة كبيرة وإلاّ صغيرة.
• إنسان أمين ويشارك إلّي يتعلّموا مع النّاس حتّى بعد متمشي إنتي.

نتعلّموا في الكتاب المقدس على مقابلات يسوع وتلامذتو مع إنسان السّلام. في منطقة الجديرين تقابل يسوع مع راجل ملبوس بشواطن عاش وحدوا ومسلسل, مكنّاش نتصوّروا إنّو إنسان سلام أما كان قابل إنّو يسمع يسوع. كان مضياف ورحّب بيسوع, كان إنسان معروف وكان يجذب النّاس ليه بسهولة حتّى بتصرّفاتوا الهايجة, لقاه يسوع إنسان أمين وشارك إلّي سمعوا عليه مع عايلتو والنّاس إلّي يعرفوه لكلّ, و وقت رجع يسوع لنفس البلاصة تلمّوا عليه برشا ناس وكانوا فرحانين ومتحمّسين باش يشوفوه.

في السامرة تقابل يسوع مع مرا بحذا البير كانت لمرا هذي قابلة باش تسمع يسوع وكانت مضيافة وشربتوا الماء ونعرفوا إلّي كان عندها خمسة رجال وكانت تعيش مع راجل آخر وكانت معروفة برشة في القرية الصغيرة هذيكا وبعد مكلّمها يسوع كانت أمينة وشاركت وتعلّمت هذا فيسع لين طلبوا السكان لكلّ متاع المنطقة هذي باش يبقى يسوع معاهم ويزيد يحدّثهم أكثر وهذاكا آش عمل. وهكّا ينجّم يعيش إنسان السّلام في أيّ بلاصة و يعمل أيّ حاجة ويكون ديما إنسان نعرفوه ونشوفوه.

إمّالا كيفاه نتعرّفوا عليه ونكتشفوه؟

عندك ثلاثة طرق للحاجة هذي: نطلب مالنّاس في المجتمع المحلّي مقترحات وتوصيات مالعبد إلّي ناثقوا فيه. فمّا إنسان في المنطقة هاذي يخمّم في النّاس قبل مايخمّم في روحوا؟ إذا سمعنا نفس الإسم برشة مرّات يلزم نقابلوه ونشاركوه أفكار روحية ونشوفوا إذا كان قبل يسمع ويشارك. نقترحوا نصلّيوا لشخص وقت نمشيوا في مسير الصّلاة وإلاّ في الخدمة وقت نلقاوا فرصة وبعد منكمّلوا الصّلاة نتنقّلوا للحوار الرّوحي. نقدّموا أفكار روحية في كلّ حديث ونشوفوا إذا كان ربّي يخدم في حياة أيّ عبد. إذا كان متفتّح وقابل نسألوه إذا يحب يتقابل مع مجموعة ويتناقش معاهم في برشة أفكار.

أطلب توصيات وصلّي وقدّم أفكار روحية وبالطّرق هذي نجّموا نلقاوا إنسان السّلام. مهما كانت الطّرق إلّي نلقاوه بيها, تفكّر إلّي يسوع قال إنسان السّلام شخص يلزم نعدّيوا وقتنا لكلّ معاه في التّلمذة. أحسن طريقة نعدلوا بيها بين النّاس لكلّ نعطيوا لكلّ واحد منهم نفس الوقت, أما يسوع قال وضهّر, يحبنا تكون علاقتنا موش سطحية مع الكلّ وتكون عميقة مع شوّية منهم. جذب يسوع برشة ناس ليه أما الكتاب المقدس يقولنا إنّو يسوع جذب كان ثناش شخص كانوا ديما قراب ليه وعدّي وقتوا لكلّ معاهم .

في مناسبات معينة إستثمر يسوع وقتوا زادا مع مجموعة صغيرة تتكوّن من ثلاثة رجال أكهو. يسوع عندو برشة قوّة, طاقة, سلطة, إنضباط, حكمة, معرفة وفهم وحنان. إختار باش يعدّي وقتوا لكلّ يستثمر في شوية مجموعات وقال لتلامذتو يعملوا نفس الحاجة ويلزمنا ديما نتبّعوا المنطق متاعوا ونحدّثوا النّاس عليه. إنسان السّلام, صعيب تلقاه. تنجّم تلقى واحد في الألف. يشبّه للكنز المتخبي إلّي يستحق منّا نلوّجوا عليه, قيمتوا كبيرة في نمّوا عائلات ربّي.

نمط صلاة البركة

صلاة البركة تعطيك خمسة طرق تنجّم تصلّي بيها على خاطر النّاس إلّي تقابلهم في أيّ وقت وخاصّة وقت الصّلاة.

• الجسد - الصّحة
• العمل - الوظيفة والموارد
• العاطفي - الأخلاق
• الإجتماعي - العلاقات
• الرّوحي - المعرفة ومحبة ربّي أكثر

باش نتعلّموا في الجلسة التّدريبية هذي على الأمانة إلّي هي مقياس لنضوج الرّوحي خير مالمعرفة والتّدريب. فمّا زوز أفكار عملوا برشا مشاكل اليوم في الكنيسة. الفكرة لولا هي النّضوج الرّوحي لإنسان يعرف كلمة ربّي. يخدموا ويتصرّفوا كاينهم صحّة المعتقد يعني الأرثودكسية هي المقياس الباهي للإيمان. الفكرة الثانية هي الإنسان مينجّم يقود إلّا ميدّرب تدريب كامل قبل ميبدى في الخدمة. يخدموا ويتصرّفوا وكينّوا المعرفة الكاملة مقياس باهي ينجّم الإنسان يخدم بيها.

مشكلة الفكرة لولا هي نعوّلوا على صحّة المعتقد وإلاّ الأرثودكسية. الشيطان بيدو يعرف الكتاب المقدس خير ملانسان. تقول كلمة ربّي - "إِنْتِ تَمِّنْ إِنُّو اللَّهْ وَاحِدْ؟ هَاذَا بَاهِي. حَتَّى الشْوَاطِنْ زَادَا يَمْنُوا بْهَاذَا ويُرْعْشُوا مِالخُوفْ."فمّا مقياس خير لنضوج الرّوحي للإنسان وإلّي هو صحّة الممارسة - أرثوبراكسي.

يلزمنا نهتمّوا بالأمانة في الطّاعة والمشاركة أكثر من إهتمامنا بمقياس النّضوج علّي نعرفوه. مشكلة الفكرة الثانية يلزم يكون الشخص مدرّب تدريب كامل قبل ميقود, أما المشكلة إنّو مفمّا حتّى واحد إدّرب تدريب كامل.

يسوع عطانا نموذج نبعثوا فيه قادة جدد مازالوا باش يتعلّموا أكثر وأكثر ويتمّوا خدمة الملكوت. تقول كلمة ربّي - "ومْبَعِّدْ عَيِّطْ لِلْأَثْنَاشِنْ تِلْمِيذْ، وعْطَاهُمْ سُلْطَة بَاشْ يْخَرْجُوا الأَرْوَاحْ الشِّرِّيرَة، ويِشْفِيوْ النَّاسْ مِنْ كُلْ مَرْضْ وعِلَّة."

قبل مآمن بطرس بيسوع المخلّص بعث هاذم. وهي أوّل خطوة في الإيمان وحتّى بعد مبعث يسوع بطرس, ونبّهوا برشة مرّات على أغلاط عملها, وكيما نكر جملا بطرس في يسوع, وتعاركوا برشة مالأتباع على شكون الأعظم, والدور إلّي باش يلعبوا كلّ واحد منهم في ملكوت ربّي. مازال قدّامهم برشة باش يتعلّموه أما يسوع بعثهم باش يتحدّثوا علّي كانوا يعرفوه.

الأمانة خير مالمعرفة. أوّل حاجة يعملها العبد وقت يبدا يتبّع في يسوع. الأمانة أكثر مالتّدريب حاجة نقيسوها ونعملوها بالّي عطاهولنا ربّي. أمناء إذا كنّا نطيعوا ونشاركوا بالّي سمعناه مع النّاس. موش أمناء إذا كنّا نسمعوا أما نرفضوا نطيعوا ونشاركوا. نحرصوا باش نستعملوا المقاييس الصحيحة وقت نتلمذوا.

في الجلسة هذي باش نتعلّموا كيفاه مجموعة 3/3 هي تقنية نجتمعوا فيها مع بعضنا, تعاون أتباع يسوع باش يعاونوا بعضهم. قال يسوع - "عْلَى خَاطِرْ وِينْ يِتْلَمُّوا زُوزْ وَلَّا ثْلَاثَة بْإِسْمِي، آنَا نْكُونْ فِي وِسْطْهُمْ. "هذا وعد قوّي ولازم على كلّ تابع ليسوع يستفيد منّو, أما وقت تجتمعوا مع بعضكم كيفاه لازمكم تعدّيوا وقتكم؟

مجموعة 3/3 تقسّم الوقت لثلاثة أجزاء باش يدّربوا النّاس لكلّ على طاعة أهم الحاجات إلّي وصانا عليها يسوع.

وهكا كيفاه تخدم:

• أوّل ثلث مالوقت تعدّيه المجموعة تشوف لتالي لشنية صار ملّي وليتّوا مبعضكم.
• الثلث المتوسّط تعدّيه المجموعة تشوف لفوق وتلتمس حكمة ربّي وإرشادوا بالمناقشة والصّلاة.
• الثلث لخّر تعدّيه المجموعة تشوف لقدّام وتخمّم كيفاه يطبّقوا إلّي تعلّموه.

في الجلسة هذي باش يصير إرشاد لمجموعتكم عبر صيغة مصغّرة لمجموعة 3/3, باش يحضّروكم لصيغة كاملة في الحياة. تتفكّروا الجلسة إلّي تحكي على التّنفس الرّوحي. الشهيق هو نسمعوا من ربّي, الزفير هو نطيعوا إلّي نسمعوه وهذا هو لبّ مجموعة 3/3.

مجموعة 3/3 هي مجموعة أشخاص يقسّموا وقتهم لثلاثة أجزاء باش ينجّموا يدّربوا على كيفاه يسمعوا من عند ربّي ويطيعوه. جلسة التّدريب هذي لازم إدّوم أكثر من ساعة وشوّية وتكون فيسع فيسع. إذا كانت مجموعتكم كبيرة وإلاّ تحب المناقشة تنجّم تطلب واحد من أعضاء المجموعة يعاونكم باش تلتزموا بالوقت.

في الحياة الواقعية، الخطوات هذي تصير بوتيرة بطيئة أما بالتّدريب تأكّدوا إنّكم باش تستحفضوا على سرعتكم. متنحّيوش حتّى خطوة, لكلّها مهمّة. تذكّروا إنّو مجموعة 3/3 موش كيما درس الكتاب والحاجة هذي مقصودة. تعاملوا مع التجربة هذي كيما الفرصة إلّي باش تتعلّموا بيها طريقة جديدة تجتمعوا فيها مع بعضكم وتتأمّلوا.

مستعدين؟ نجّموا نبداوا.

شوف لتالي

باش نعدّيوا الثلث الأول من وقتنا نشوفوا فيه لتالي، نهتمّوا ببعضنا ونقدّموا الشّكر، نشاركوا صراعاتنا ونصلّيوا على خاطر أعضاء المجموعة. ونتأكّدوا إذا كان كلّ شخص مالمجموعة خذا الفرصة لطاعة إلّي تعلّموا في آخر المقابلة.

الخطوة لولا - " تقديم الشّكر"

نعطيوا كلّ واحد شوّية وقت يشارك فيها الحاجة إلّي يحس فيها روحوا ممتنّلها. وقّفوا الفيديو هذا وأعملوا الحاجة هذي توّا. مازلت هنا! بالحقّ نحبكم تنزلوا على زر آقف وخلّيوا كلّ واحد يشارك حاجة يشكر فيها ربّي عليها.

الخطوة الثانية - "مشاركة الصّراعات والصّلاة لناس أخرى"

تّوا خليّوا كلّ واحد مالمجموعة يشارك فيسع حاجة يتصارع معها، أطلبوا من واحد يصلّي على خاطروا. إنزلوا على زر آقف، شاركوا وبعد صلّيوا.

**الخطوة الثالثة - " تركيز المجموعة " **

كلّ مرّة تجتمعوا فيها تفكّروا سبب إجتماعكم لمحبة ربّي ولمحبة لاخر، لمشاركة يسوع ومعاونة النّاس على مشاركتوا زادا. في الجلسة هذي أطلبوا من واحد يقرا متّى 22، الآية 37 و38 بصوت عالي, إنزلوا على زر آقف وأقراو.

الخطوة الرابعة - " تسجيل الدّخول"

ساعات شوّية ناس يحبوا يتجاوزوا الجزء هذا خاطر فيه أسئلة تكون ساعات صعيبة, يعيشكم متتجاوزوش الخطوة هذي. حب يسوع أتباعوا برشة وباش يسألهم أسئلة صعيبة. إذا نحبوا نكونوا كيفوا, لازم نحبوا بعضنا, وبالخطوة هذي باش يقوم كلّ واحد يعلّم لخرين, إذا طاع الطلب إلّي سمعوا من عند ربّي في المقابلة لخّرى. في كلّ جلسة صغنا الإلتزامات في خطوة شوف لقدّام وطلبنا منكم الطّاعة والمشاركة والصّلاة وصغنا المساءلة في خطوة شوف لتالي وطلبنا منكم تتحقّوا ملإلتزمات هذي. إذا متعدّيوش وقت طويل في الخطوات هذي, فهذا هو الوقت المناسب إلّي باش تبداو فيه.

جزء من محبة ربّي هو طاعة إلّي يطلبوا منّا وجزء من محبة الآخر هو معاونة لآخر. المحبة معناها ناخذوا إلتزامات لخرين بجدّية ونظهّروا المحبة الباهية ليهم في نفس الوقت.

إنزلوا على زر آقف وخلّيوا كلّ واحد يجاوب على الأسئلة هذي:

• كيفاه طعت إلّي تعلمتوا حتّى لتوّا؟
• شكون الشخص إلّي دربّتوا علّي تعلّمتوا؟
• مع شكون شاركت قصّتك وإلاّ قصّة ربّي من وقت ما بدات المجموعة؟

وقت منكمّلوا جزء شوف لتالي لمجموعة 3/3, هذي هي نصيحة لكيم باش تعاونك تكمّلوا جلستكم.

نصيحة إرشادية من زومّيه

ساعات في أيّ مجموعة نلقاوا شخص يميل باش ياخوا معضم الوقت يتكلّم، متخليوش هذا يصير. على هذاكا تأكّدوا من إنّو النّاس لكلّ خذاوا الفرصة للمشاركة. ذكّروا المتكلّم بلطف إنّو يلزمكم تسمعوا النّاس لكلّ.

شوف لفوق

في الثلث الثاني من الوقت باش نحطّوا روح ربّي القدّوس يقود مجموعتنا تفهم برشة وأكثر لكلمة ربّي. باش نقراو مقطع مالكتاب المقدس وبعد نسألوا ونجاوبوا على شوّية ملاسئلة باش نكتشفوا ونفهموا مقصد ربّي والخطط متاعو بشكل باهي.

**الخطوة لولا - " ندعيوا روح ربّي القدّوس للقيادة " **

خذوا لحظة للصّلاة، تحدّثوا مع ربّي ببساطة وبإختصار. أطلبوا مالرّوح القدس يعلّمكم إلّي باش تقراوه. إنزلوا على زر آقف وصلّيوا.

الخطوة الثانية - " نقراو كلمة ربّي ونحطّوا أسئلة "

أطلبوا من واحد يقرا مقطع مالكتاب المقدس. أقرا لوقا 18: الآية من 9 ل14 ولازم المجموعة تجاوب على الزوز أسئلة هاذم:

• شنية إلّي حبيتوه في المقطع هذا؟
• شنية إلّي تحدّاكم ولقيتوه صعيب يتفهم؟

إذا كان بيناتكم ناس يتعلّموا بالإستماع تأكّدوا بالباهي تقراوا المقطع مرّتين على الأقلّ. إنزل على زر آقف وبعد جاوبوا على الأسئلة. تّوا أطلبوا من حد آخر يقرا المقطع مرّة أخرى وبعد خلّي المجموعة تجاوب على الزّوز أسئلة هاذم:

• شنية نتعلّموا مالمقطع هذا على النّاس؟
• شنية نتعلّموا مالمقطع هذا على ربّي؟

تذكّروا الإلتزام بالمقطع المحدّد والبساطة. هذي هي نهاية شوف لفوق لمجموعة 3/3. وهذي نصيحة ليكم باش تكمّلوا جلستكم بالباهي.

نصيحة إرشادية من زومّيه

وقت تقراو كلمة ربّي ركّزوا على كلمتوا في عوض كتب وآراء أخرى وإلاّ معلّمين أخرين. وفي عوض ما تسألوا شنية يعني هذا؟ أسألوا شنية يقول المقطع هذا؟ إذا كان حدّ في مجموعتكم يحب التّعليم, ذكّروه بكلّ لطف بأنّو روح ربّي القدّوس وكلمتوا الكاملة قادرين يعلّموا المجموعة. متخافوش مالصمت وإلاّ من فترات الإنتظار وقت المناقشة. ربّي يخدم بكلّ هدوء، حافظوا، على تركيزكم، على كلمتوا، وأثقوا في ربّي إلّي باش يعمل الباقي. في الثلث لخّر باش نركّزوا علّي نشوفوا لقدّام ونكتشفوا كيفاه نطيعوا إلّي تعلمناه من كلمة ربّي.

شوف لقدّام

كلّ واحد يسأل ربّي أسئلة بسيطة نصلّيوا عليها ونختموا بيها وقتنا.

الخطوة لولا - " الصّلاة لطلب مشيئة ربّي "

يصلّي كلّ واحد بصمت ويسأل ربّي الأسئلة هذي:

• يا ربّي كيفاه نجّم نطيع ونطبّق إلّي تعلمهولي؟
• شكون الشخص إلّي نجّم ندرّبوا على المقطع هذا باش يتعلّم يطيعك ويحبك أكثر؟

مع شكون تحبني نشارك شهادتي وإلاّ الخبر السّار على يسوع؟ إنزلوا على زر آقف وصلّيوا. أطلبوا من روح ربّي القدّوس يعطيكم أجوبة موحّدة، أسماء موحّدة وخطوات موحّدة تنجّموا إطّبقوها.

الخطوة الثانية - "جميع الإلتزامات "

أطلبو من كلّ واحد يشارك إلّي سمعوا من عند ربّي كإجابة للأسئلة. ساعات ميسمع حتّى حد إجابة من عند ربّي على سؤال واحد، ينجّم يعلم لخرين إنّو مسمع شي. تذكّروا إنّو المجموعة لزمها تسمع من عند ربّي. يقول يسوع - "خرافي تسمع صوتي" وكلّ مكانت خطوات الطّاعة الخاصّة بيكم محدّدة كلّ ما كانت طاعتها ساهلة. إنزلوا على زر آقف وشارك إلّي سمعتوه.

**الخطوة الثالثة - " التمرّن على الخطّة " **

قبل متكمّلوا وقتكم مع بعضكم قسّموا مجموعة 3/3 لمجموعات صغيرة وإدّربوا على الطلب إلّي سمعتوه من عند ربّي. تذكّروا التمرّن موش الطّاعة ولا التدرّب ولا المشاركة. كل مجموعة تختم وقت التمرين بالصّلاة مع بعضهم. صلّيوا لنّاس والخطط إلّي حطّها ربّي على قلوبكم. إذا كان بيناتكم ناس يتعلّموا بالإستماع خصّوا ليهم جزء من وقت التمرين باش يقراو مقطع من كلمة ربّي مرّة أخرى، وهذا باش يشجّع المجموعة يشاركوا لوخرين. إنزلوا على زر آقف وتقسّموا لمجموعات. أيّ واحد معندوش إلتزامات لازم يتمرّن على مشاركة شهادتوا وإلّا قصّة ربّي.

**تكميل الوقت مع بعضكم **

وقت تجتمعوا مع بعضكم خذوا لحظة إحتفلوا فيها. كمّلتوا جزء شوف لقدّام وتمرّنتوا على نموذج مجموعة 3/3 بالكامل. باش تكمّل مجموعتكم تتمرّن وموش باش تستعمل الفيديو هذا في الجلسات الجاية. تأكّدوا إنّكم عطيتوا النّاس لكلّ الفرصة في قيادة المجموعة بحسب النمط هذا, ميتوجّبش عليكم تكونوا معلّمين ماهرين. وقبل متمشيوا فمّا إقتراح أخير.

نصيحة إرشادية من زومّيه

في العالم لكلّ يتشاركوا أعضاء مجموعة 3/3 بكسر الخبز، العشاء الربّاني وإلاّ بطاولة متاع ماكلة وقت يتحدّثوا على الأمور اليومية. عطانا ربّي النّوع هذا مالشراكة: التّعلم والنّمو والعيش والعلاقة باش يقوّينا ويشجّعنا ونولّيو كيما ولدو. وتّوا تمرّنت المجموعة على الأجزاء لكلها: نشوفوا لتالي باش نتابعوا إلّي كمّلناه. نشوفوا لفوق باش نفهموا لشنية يحبنا نتعلّموه مع بعضنا. ونشوفوا لقدّام باش نطبّقوا شنية حطّ ربّي على قلوبنا وقت نكونوا بعاد على بعضنا.

مجموعة 3/3 أداة بسيطة وعملية تخلّينا نشبهوا ليسوع برشة.

شوف لتالي

الخطوة 1 - تقديم الشّكر

خوذ شويّة وقت باش يشارك كلّ واحد الحاجة إلّي يحسّ فيها روحوا ممتنّلها.

الخطوة 2 - مشاركة الصّراعات والصّلاة لناس أخرى

أطلب من كلّ واحد مالمجموعة يشارك فيسع حاجة يتصارع معها، أطلب من حدّ آخر يصلّي على خاطرهم.

الخطوة 3 - تركيز المجموعة

خوذ شويّة وقت وتفكّروا سبب إجتماعكم مع بعضكم - لمحبة ربّي ولمحبة لاخر، ومشاركة يسوع, وعاون النّاس على المشاركة زادا.

الخطوة 4 - تسجيل الدّخول

أطلب من كلّ واحد يجاوب على الأسئلة هذي:

• كيفاه طعت إلّي تعلمتوا حتّى لتوّى؟
• شكون الشخص إلّي دربّتوا علّي تعلّمتوا؟
• مع شكون شاركت قصّتك وإلاّ قصّة ربّي من وقت ما كنّا كمجموعة؟

شوف لفوق

الخطوة 1 - ندعيوا روح ربّي القدّوس للقيادة

خوذ لحظة للصّلاة، تحدّث مع ربّي ببساطة وبإختصار. أطلب مالرّوح القدس يعلّمك مالمقطع إلّي إنتي تقرا فيه.

الخطوة 2 - نقراو كلمة ربّي ونحطّوا أسئلة

أطلب من واحد يقرا مقطع مالكتاب المقدس.

وقت تكمّلوا تقراو لازم المجموعة تجاوب على الأسئلة هاذي:

• شنية إلّي عجبك في المقطع هذا؟
• شنية إلّي لقيتوا صعيب وصعيب يتفهم؟

أقرا نفس المقطع مرّة ثانية، وبعد أطلب مالمجموعة الإجابة على الزوز أسئلة هذي:

• شنية نتعلّموا على النّاس مالمقطع هذا؟
• شنية نتعلّموا على ربّي مالمقطع هذا؟

تفكّر الإلتزام بالمقطع وخلّيه بسيط!

شوف لقدّام

الخطوة 1 - الصّلاة لطلب مشيئة ربّي

أطلب من كلّ واحد في مجموعتك يصلّي بصمت ويسأل ربّي الأسئلة هذي:

• يا ربّي كيفاه نجّم نطيع ونطبّق إلّي تعلمهولي؟
• شكون الشخص إلّي نجّم ندرّبوا على المقطع هذا باش يتعلّم يطيعك ويحبك أكثر؟
• مع شكون تحبني نشارك شهادتي وإلاّ الخبر السّار على يسوع؟

أطلب من روح ربّي القدّوس يعطيكم أجوبة موحّدة، أسماء موحّدة وخطوات موحّدة تنجّموا إطّبقوها.

الخطوة 2 - كلّ الإلتزامات

أطلب من كلّ واحد يشارك إلّي سمعوا من عند ربّي لكلّ سؤال. ساعات ما يسمع حتّى حدّ إجابة من عند ربّي على سؤال واحد مالأسئلة الثلاثة، ينجّم يعلم لخرين إنّو مسمع شي. تذكّروا إنّو المجموعة لزمها تسمع من عند ربّي - قال يسوع - "خرافي تسمع صوتي". وكلّ مكانت خطوات الطّاعة الخاصّة بيكم محدّدة كلّ ما كانت طاعتها أسهل.

الخطوة 3 - التمرّن على الخطّة

قبل متكمّلوا وقتكم مع بعضكم, أطلب من مجموعتك المتكوّنة من 3/3 تتقسّم لمجموعات صغيرة من زوز لثلاثة وتمارس إلّي سمعتوا من عند ربّي وإطّبقوا.

باش نتعلّموا في الجلسة هذي على دورة التّدريب إلّي تعاون التلامذة يتنّقلوا من تلميذ واحد لبرشة تلامذة ويحوّلوا الرسالة والمهمّة لحركة.

تعلّمت قبل تسوق بسكلات؟ عاونك حدّ كيفاه تسوقها؟ إذا كنت تعرف معناها إنتي تعرف دورة التّدريب. بأربعة خطوات بسيطة: النموذج, المعاونة, الفرجة, المغادرة. خمّم في الوقت إلّي تعلّمت فيه تسوق البسكلات. تنجّم تكون شفت قبل شكون يسوق فيها وهذا هو تقديم النموذج.

النموذج, المعاونة, الفرجة, المغادرة

ببساطة النموذج هو تشوف عبد آخر يعمل في نفس الحاجة. وقت يشوف طفل صغير أوّل مرّة عبد آخر يسوق في بسكلات يفهمها لفكرة فيسع. هذا هو تقديم النموذج. في العادة ميلزمش تصير الحاجة هذي برشة مرّات يلزم تصير مرّة برك. خمّمت في المرّة لولا إلّي سقت فيها بسكلات. كنت تحب تتفرّج أكهو؟ وإلاّ كنت تحب تجرّب تسوقها؟ تصوّر معطاك حتّى حدّ الفرصة؟

في الحقيقة وقت نكثّروا برشة من تقديم النموذج يؤثّر بالخايب على التّدريب. النموذج هو تورّي واحد كيفاه يعمل لحكاية ومبعد تخلّيه يجرّب وحدو. شنية صار أوّل مرّة سقت فيها بسكلات؟ عطاك المدرّب البسكلات ومشى؟ المفروض لا. وقت يتعلّم شخص جديد يسوق البسكلات يلزم يكون معاه المدرّب ويعاونوا. هذي هي المعاونة.

النموذج, المعاونة , الفرجة, المغادرة

المعاونة هي تخلّي المتعلّم يدّرب على المهارة وفي الوقت نفسو ميلزموش يطيح. إدّوم المعاونة وقت أطول مالنموذج. أما موش أطول مالعادة. تطّلب نشدّوا ليدن, نوجّهوا ونقودوا. تتعلّق بنقل الأساسيات, ومنوصّلوش المتدرّب للكمال, أما نعاونوه كيفاه يتعامل مع اليبدالات.

تنجّم تتخيّل إنسان يجري بجنبك وقت تنزل على البيدالات وتزيد في سرعتك؟ موش باش يطوّل هذا برشا خاطر معاش ينجّم يحافظ على سرعتوا وتوازنوا. المعاونة هي نعاونوا شخص باش يبدا, ونخلّيوه يسوق شوّية وحدو وكي يبدا يتحرك يقدّم نموذج للمتعلّم الثاني. وقت متكونش إيدين أخرى على البسكلات معناها موش وحدك, ديما فمّا عينين تراقب فيك أما من بعيد. هذي هي الفرجة.

النموذج, المعاونة, الفرجة , المغادرة.

الفرجة هي تؤثّر في المتعلّم لين يولّي صاحب مهارة كافية ويخدم وحدوا مغير مايدّخل حتّى حدّ. ينجّم شخص يركب بسكلات ويبدا يسوق بسرعة كبيرة أما هذا ميعنيش إلّي هو يعرف القوانين لكلّ. الهدف من خطوة الفرجة نتأكّدوا من إنّو المتدرّب يكون في أمان حتّى مايكونش معاه حدّ.

الفرجة هي موش نتأكّدوا أكهو ملّي يعرف يعملوا المتدرّب أما ملّي يعرف يعملوا بالحقّ حتّى ولو موش يراقب فيه حد. في المرحلة هذي من دورة التّدريب باش ينموا المتعلّم ويعلّم عباد أخرين كيفاه ينماو ويعلّموا ناس أخرين وأخرين. التلامذة إلّي يتلمذوا تلامذة أخرين حتّى للجيل الثالث والرابع.

الفرجة هي نتأكّدوا مالمتعلم إنّو ينموا وينضج, ومستعدّ يعاون النّاس. إدّوم الفرجة شوية وقت. وتنجّم تستحقّ لعشرة أضعاف وقت تقديم النموذج والمعاونة مع بعضهم. وتنجّم إدّوم أكثر, أما هذا إلّي نستناوا فيه باش تكون عندوا قيمة كبيرة وفي لخّر يركب المتدرّب بسكلاتو. هذي هي المغادرة.

النموذج, المعاونة, الفرجة, المغادرة.

المغادرة تشبه لتّخرج, الطالب يوّلي معلّم, والعامل يولّي زميل في الخدمة, والتّلميذ يولّي صديق, إلّي يعلّمك تسوق البسكلات موش باش يكون معاك في كلّ مرّة تسوق, ساعات يركب معاك, وساعات تركبوا زوز بسكلتات, وإلاّ تركب مع لوخرين وإلاّ وحدك. المغادرة هي آخر هديّة تعطيها لشخص تحبوا. هديّة الحرّية.

المغادرةإلّي نخلّيوا فيها العبد يمشي لنفس البلاصة إلّي مشيتلها إنتي وتشجّعوا يمشي للبلايص إلّي مازال ممشالهاش.

النموذج, المعاونة, الفرجة, المغادرة. دورة التّدريب, من واحد لبرشا, من مهمّة ورسالة لحركة.

في الجلسة هذي باش نتعلّموا كيفاه خلايا القيادة تعمل أتباع في وقت قصير ويولّيو قادة حياتهم كاملة. الواحد يولّي زوز والزّوز يولّيو أربعة والأربعة يولّيو ثمنية. يتضاعفوا ويتكاثروا الأجيال فيسع. أسسّ ربّي النّموذج هذا في الخليقة, وبالطريقة هذي حب ربّي عايلتو تكبر. تعاملنا قبل مع نموذج 3/3 إلّي يبدّل المستهلكين لمنتجين والمتعلّمين لقادة والتّلامذة لمتلمذين.

شوف لتالي - حلّ المقطع الكتابي - شوف لقدّام - تعلّم - طيع - شارك.

الإجتماع مع بعضنا بالطّريقة هذي يخلّينا ننتجوا نمّو روحي في العباد المؤمنين ويكون نمّو مستمر ومنتج في مجموعات أتباع يسوع. النمط هذا يعاون التّلامذة باش يتضاعفوا. أما إذا كانت المجموعة مع بعضها في وقت قصير, ينجّموا يكبروا ويتوالدوا في ملكوت ربّي؟

خلايا القيادة هي طريقة نفعّلوا بيها نموذج 3/3 وقت تتواجد المجموعة مع بعضها في وقت محدّد, تعاون المتعلّمين يولّيو قادة جدد, يبداو مجموعات جديدة, يدرّبوا كنايس جديدة ويبداو ببرشة خلايا قيادية باش ينمّيوا عائلة ربّي.

خلايا القيادة تخدم بالباهي وقت تكون المجموعة متحرّكة. البدو, الطلاّب, الموظفين, العسكر, الخدّامة إلّي يتبّعوا في يسوع يخدموا في خدمة عظيمة في خليّة القيادة ويكون صعيب عليهم على خاطر ثقافتهم وخدمتهم وإلاّ مرحلة معينة من حياتهم, يأسّوا مجموعة مستمرة أما يلزمهم يدّربوا كيفاه يبداو مجموعات جديدة في كلّ بلاصة يمشيولها.

خلايا القيادة تصلح بالباهي للأشخاص إلّي آمنوا في نفس الوقت. ونجّموا ندرّبوا مجموعات كيما العائلة, الأصحاب, حتّى قرية صغيرة وينجّموا يكونوا منتجين حياتهم لكلّ حتّى مغير منراقبوهم وإلاّ ندرّبوهم روحيا في وقت قصير.

تعلّمنا في الجلسة لخّرى وإدّربنا على زوز أجزاء من نموذج 3/3 وتّوا باش ندّربوا على النموذج لكلّ -- شوف لتالي حلّ المقطع الكتابي وشوف لقدّام.

في الجلسة هاذي باش نتعلّموا كيفاه نكسّروا عادة التّفكير بنمط متسلسل كطريقة نعزّوا بيها نمّو الملكوت. ولتّلمذة أتباع يتلمذوا بسرعة كبيرة, ويلزمنا نحطّوا في بالنا إلّي تنجّم تصير برشة حاجات في نفس الوقت وموش مرتّبة من قبل. يلزمنا نتعلّموا قوّة النمّو الموش متسلسل وموش متواصل. وقت يفكّروا النّاس يضاعفوا التّلامذة, ديما يخمّوا إنّها عملية تكون بخطواة متواصلة.

أوّل حاجة الصّلاة والأعداد, ومبعّد مشاركة الأخبار الباهية, ومبعّد نبنيوا التّلامذة, الكنائس, نمّيوا القادة ونتكثاروا. نمّو الملكوت حاجة ساهلة نتبّعوها في نمط متسلسل ومتواصل كي نتعلّموه بالطّريقة هذي أما المشكلة ديما الأمور متمشيش كيما العادة وأكبر مشكلة ماهيش أحسن طريقة نخدموا بيها.

حياة الإنسان هو الخطّ هذا, لحظة الولادة. الّحظة لولا إلّي نسمعوا فيها أخبار ربّي الباهية, ولهنا يختار يتبّع فيها يسوع. يشارك قصّتو وقصّة ربّي أوّل مرّة و يبدا يتضاعف, ومن هنا توفى الحياة. نعتبروه نشوء روحي من أوّل مرّة سمع وتحدث فيها على يسوع. تسبق المدّة الزمنية هذي التضاعف, ونمّو عائلة ربّي. هكّا نتعلّموا عملّية التّلمذة. أما وقت نستعملوا البركة العظمى, شوف وقتها شنية باش يصير. يبدا التلميذ الجديد يتضاعف, وبهذا تولّي فترة النشوء الرّوحي قصيرة. يسمع أخبار سارة على ربّي في وقت بكري, وتكبر عائلة ربّي فيسع, ويخلصوا ويتنقّلوا للأبدية برشة ناس.

التّضاعف يكون بالإنتقال. شنية ينجّم يصير إذا كمّلنا هكا؟ شنية ينجّم يصير لإنسان بدا يتضاعف قبل ميصير هذا؟ شنية ينجّم يصير إذا تحدّث علّي سمعوا أوّل مرّة قبل ما يتحدّث وهو مؤمن؟ برشة عباد منفتحين على لمّان برشة ناس أخرين يشاركوا إلّي تعلّموه من كلمة ربّي مع الأصحاب والعائلة حتّى قبل ميقول إي ليسوع. إذا علّمناهم كيفاه يلمّوا مجموعة مالناس يشاركوا إلّي تعلّموه ويعلّموا أخرين كيفاه يعملوا وقتها عائلة ربّي تكبر فيسع.

التّلمذة هي الطّريق ليسوع وموش حاجة صغيرة نشاركوها مع النّاس بعد الخلاص. بالطريقة هذي ينجّموا العائلة والأصحاب وإلاّ حتّى قرية صغيرة يجيوا ويتبّعوا يسوع, أما شنية كان يكون إذا تضاعف شخص قبل هذا لكلّ؟ شنية ينجّم يصير إذا تحدّث واحد على طريق ربّي قبل ميتقابل مع ولد ربّي؟ ساعات تنجّم تكون مجموعة معيّنة متحبّش وموش مستعدةّ تسمع أخبار ربّي الباهية تّوا, أما تنجّم تولّي تعرف أعمال وطرق ربّي بتنمية المجتمع والتّدريب على القيادة.

تنجّم تبدا المجموعة هذي تضاعف طرق ربّي, بالتّعليم, الطّاعة, المشاركة وتعليم ناس أخرى يعملوا نفس الحاجة حتّى قبل ما يسمعوا على يسوع. وقت تصير الحاجة هذي يولّي طريق ربّي مطبوع في قلوبهم وتولّي الطّرق هذي محفورة في حياة النّاس والمجتمع وكي يحضّر ربّي طريقو, تنجّم لأخبار الباهية تعلن الحقّ إلّي كنّا نتلقّاوه كلّ يوم. بالطّريقة هذي تنجّم أيّ شركة وإلّا مجتمع كامل يجي و يتبّع يسوع.

النمّو إلّي موش نمطي يطّلب التفكير بالّي هو أساسي؟ مهما كانت العمليّة ديما يبقى السؤال الكبير نفس السؤال. شكون التربة الباهية إلّي باش تكون أمينة؟ شكون إلّي باش يتعلّم ويدّرب ويشارك طريق ربّي؟ وقتنا وجهدنا وطاقتنا يستحقّ منّا نكتشفوا التربة والقلوب الباهية. هاذم هوما إلّي نعيشوا على خطرهم حياتنا لكلّ وإلّي يوسّعوا ملكوت ربّي بصورة باهية.

في الجلسة هاذي باش نتعلّموا على أهمّية التزايد وكيفاه تصير الحاجة هذي فيسع. الجلسة هذي مربوطة بالسّرعة. والسّرعة مربوطة بالوقت. السّرعة حاجة مهمّة على خاطر البلاصة هذي باش نعدّيوا فيها الأبدية, تتحدّد بالزمن القصير إلّي نسمّيوه "الحياة".

ربّي يقولنا في كلمتوا إلّي هو صبور ومتمهّل معانا, وميحبش يضرّ حد أما يحب النّاس الكلّ إتّوب ويتبّعوه. يعطينا ربّي ويزيدنا في الوقت على خاطر يعرف إلّي عنّا وقت قصير باش نخدموا إلّي طلبوا منّا, ونوصلوا للّي قالنا أوصلولهم. باش نتبّعوا يسوع برشا من قريب, يلزمنا نسعاوا ورا إلّي يخصّوه بسرعة كبيرة, منضيّعوش الوقت ونزيدوا في السّرعة متاعنا.

الكنيسة العالمية -- كلّ أتباع يسوع المسيح, أكثر من أيّ وقت تعدّى. الكنيسة العالمية -- كلّ أتباع يسوع مع بعضهم تمثّل نسبة كبيرة من سكان العالم أكثر من أيّ وقت تعدّى.

حتّى مع الأرقام الكبيرة هذي متزيدش الكنيسة العالمية فيسع على حسب سرعة النمّو السكاني, معناها أتباع يسوع أكثر من قبل وإلّي ميتبعوش فيه باش يقعدوا في الأبدية بعاد على ربّي أكثر من قبل. حاجة مهمّة كي نتلمذوا تلامذة يتزايدوا. أبدا بتلميذ واحد أكهو, إذا تضاعف, تلمذ تلميذ آخر مرّة كلّ 18 شهر, معناها في عام ونصّ, وإلّي إتّلمذ باش يعمل نفس الحاجة, وفي 10 سنين باش يكون فمّا 64 تابع جديد ليسوع. وهكّا باش يعدّي 64 عبد الأبدية مع محبة ربّي. أما إذا كان تحرّكوا أكثر ملاّزم شوّية؟ إذا كان زادوا في سرعتهم؟ إذا تضاعفوا مرّة كلّ 4 شهور, معناها ربع عام في عوض 18 شهر, والتّلامذة عملوا نفس الحاجة, في 10 سنين باش يكون فمّا بليون تابع جديد ليسوع. خمّم في الحاجة هذي في عوض 100 تابع باش يكون فمّا أكثر من 1.000.000.000 تابع. هذا لكلّ يصير بزيادة السّرعة.

نتّنقلوا من 18 شهر ل4 شهور معناها تحرّكنا بسرعة كبيرة بأربعة مرّات ونصّ, وفي 10 سنين باش تزيد عائلة ربّي تكبر بسرعة 15 مليون مرّة أقلّ من ميا وأكثر من مليار وقت نطبّقوا السّرعة هذي على كلّ تلميذ. السّرعة مهمّة. عائلة ربّي تكبر كي نشاركوا قصّتنا وقصّة ربّي ونقودوا عباد أخرا باش يتبّعوا يسوع, ومشاركتنا مع المؤمن الجديد كيفاه يعمل نفس الحاجة ينمّي عائلة ربّي كيما النّار الهايجة إلّي منجّموش نسيطروا عليها.

كيما الخميرة في الخبز. كيما الزومّيه. وهذا لكلّ يصير بفعل السّرعة.

في الجلسة هذي باش نتعلّموا كيفاه ينجّموا أتباع يسوع يكونوا جزء من كنيستين, ينجّموا يسرّعوا ويدعّموا النّمو ويعاونوا في تحويل عائلة روحية أمينة لجسد نامي مالمؤمنين. نتعلّموا من كلمة ربّي إنّو خطّتوا الكاملة تخلّينا نحياوا كيما العائلة الرّوحية.

يتكلّم الكتاب المقدس على العائلة هذي ككنيسة في ثلاثة أشكال:

• الكنيسة الجامعة -- هي مجموعة المؤمنين عبر التاريخ والعايشين تّوا وإلّي باش يؤمنوا.
• كنيسة المنطقة وإلاّ المدينة -- هي كلّ المؤمنين في مدينة معيّنة وإلاّ في جزء مالبلاد.
• الكنيسة البسيطة -- هي مجموعة صغيرة مالمؤمنين يجتمعوا مع بعضهم في دار.

المجموعة الصّغيرة - هي الكنيسة الأساسية إلّي تمثّل العائلة الرّوحية إلّي تعيش مع بعضها وتخدم بالباهي وتنجّم تجتمع مع بعضها لأشهرا وإلاّ لسنين في وقت محدّد. في نفس الوقت علّم يسوع أتباعو يلزمهم يأسسّوا ديما عائلات روحية جديدة وينميّوها باش تولّي تشبه برشة ليسوع ويعاونوها تتعلّم كيفاه تبدا عائلات روحية.

قلنا يسوع - "مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ".كيفاه نعملوا الحاجتين هاذم مع بعضهم في نفس الوقت. كيفاه نكونوا جزء من كنيسة وننخرطوا في عمليّة تكوين كنائس جديدة في نفس الوقت؟

تخيّل الكنيسة الأساسية - متكوّنة من أربعة عائلات أكهو, كلّ رمز في الكنيسة هذي يمثل راجل ومرتو إلّي يقودوا في عايلاتهم, الأزواج لكلّ جزء من كنيسة وحدة, هذي هي عايلتهم الرّوحية النّامية. هاذم هوما إلّي يعيشوا معاهم الأخوة والأخوات إلّي يشجّعوا فيهم على المحبة والأعمال الصّالحة. أما كلّ مرا ورجلها يخدموا على تكوين عائلة روحية جديدة, ميشاركوش بالطّريقة نفسها إلّي يشاركوا بيها مجموعة عائلاتهم الصّغيرة أما يعاونوا في تقديم النموذج والمعاونة باش يبداو يكوّنوا بيها عائلات روحية نامية. تخيّل في نفس الوقت كنيسة وحدة تبدا بأربعة كنائس جديدة, بالسّرعة هذي ينجّم ربّي ينمّي عايلتو وبالطريقة هذي تنجّم الكنيسة تزيد فيسع في النمّو متاعها.

في الجلسة لخّرى تعلّمنا على دورة التّدريب: النموذج, المعاونة, الفرجة, المغادرة ونعرفوا إلّي المرحلتين لوّالا, النموذج والمعاونة مرحلتين قصار الهدف منها نخلّيوا الأتباع الجدد في حالة صحّية باهية وتنميتهم في الإيمان. شنية إلّي صاير للكنيسة الأصّلية والكنائس الأربعة إلّي بداوها؟ بعد معاونا هاذم باش يبداو كنائس وقدّمنا النموذج والمعاونة, أزواج الكنيسة الأصّلية إلّي عاونوا باش يبداو الكنائس الجديدة هذي (الجيل1) يقدّموا النموذج والمعاونة زادا (للجيل 2).

بالنسبة للكنائس الأربعة الجديدة, يتنقّلوا الأزواج لمرحلة الفرجة, ويخلّيوا عينهم محلولة على تقدّم الكنائس الجديدة ويدرّبوهم يقدّموا النموذج والمعاونة باش يبداو كنائس جديدة يبداو وحدهم. مينجّموش برشة عباد يقدّموا النموذج والمعاونة لأكثر من عائلة روحية في نفس الوقت, أما ينجّموا يتفرّجوا ويراقبوا برشا كنائس ويقدّموا تدريب ليهم ويعاونوهم يتواصلوا مع أصحاب صالحين ويكمّلوا في النمّو. تنجّم عائلة روحية وحدة, كنيسة, مجموعة صغيرة تكون جزء في عملّية بداية كنائس وفي نفس الوقت مجموعات صغيرة أخرى وهذا إلّي باش يعطينا برشة ثمار. شنية باش يصير للكنائس هذي وقت تنمو وتكوّن كانيس جديدة؟ كيفاه تبقى الكنائس هذي لكلّ متصّلة ببعضها؟ كيفاه تعيش كيما العائلة الرّوحية الممتدة؟

الجواب هو كلّ الكنائس البسيطة هذي تشبه للخلايا في جسم ينمو ويكبر, على هذاكا هي مربوطة ببعضها في كنيسة مدينة وإلاّ منطقة. الكنائس مربوطين ببعضهم, يتشاركوا بالبصّمة الوراثية الرّوحية نفسها, مربوطين كيما العائلة المتضاعفة لولا. وتّوا مع شوية إرشاد تجتمع الكنائس هذي مع بعضها كجسد كبير ينجّم يخدم أكثر وأكثر.

في الجلسة هذي باش نتعرّفوا كيفاه تخلّي القيادة في شبكات خدمة مجموعة نامية مالكنائس تخدم مع بعضها وتنمّي قادة جدد وتزيد تعمل حاجات صالحة كيما خطّطها ربّي لشعبو. شنية باش يصير للكنائس الجديدة وقت تبدا تنمو وتكبر؟ كيفاه تبقى مترابطة ومتماسكة؟ كيفاه تعيش كيما العائلة الرّوحية الممتدة؟ الجواب هو الكنائس الجديدة لكلّ تشبه للخلايا إلّي تكبر في الجسم, وتكون مربوطة وتشكّل مع بعضها شبكة فيها كنيسة مدينة وإلّا منطقة.

الكنائس مربوطة مع بعضها ويتشاركوا مع بعضهم في الجينات الرّوحية. لكلّها مربوطة مع نفس العائلة المتضاعفة الأولى. وتّوا بشوّية إرشاد باش نخدموا أكثر وتولّي مع بعضها جسد أكبر. على مستوى المدينة وإلاّ المنطقة تورّي كلمة ربّي جسد المؤمنين, تخدموا مجموعة جديدة مالقادة.

في العهد الجديد تسمّي الكنيسة الخدّام هاذم بالشّيوخة والشمامسة لرعية ربّي. نتعلّموا من كلمة ربّي إنّو جمهور الكنائس البيتية الصغيرة في مدينة أورشليم كانت تخدمها مجموعة من سبعة خدّام وإلاّ شمامسة. نتعلّموا من كلمة ربّي إنّو جمهور الكنائس البيتية الصّغيرة في مدينة أفسس كانوا يخدموا فيها مجموعة صغيرة مالشّيوخة والرعاة إلّي يتبّعوا في مثال الرّاعي الصّالح يسوع ويحطّوا حياتهم لكلّ على خاطر رعيتهم. كيما نشوفوا الخمسة مواهب القيادية في المدينة وإلاّ في المنطقة المعطاة من عند ربّي.

تقول كلمة ربّي -- إنّو المسيح عطا الرّسل والأنبياء والمبشّرين والرعاة والمعلّمين يحضّروا الشعب لأعمال الخدمة, باش يتّبنا جسد يسوع المسيح. المواهب الرّوحية متطعتاتش للمجموعات الصّغيرة باش تخدم الخدمة لكلّ في الكنيسة, أما على خاطر يلزمنا نحضّروا أتباع يسوع المسيح باش يكمّلوا الخدمة وينجّم جسد المؤمنين الكلّ يخدموا مع بعضهم ويكمّلوا إلّي في قلب ربّي. يجتعموا القادة زادا مع عائلاتهم الرّوحية, يجتمعوا ويصلّيوا ويكونوا في شراكة ويشجّعوا بعضهم بطريقة تشبه لأيّ حاجة تصير لكنيسة بيتية بسيطة.

نستعملوا نموذج 3/3 في إجتماعات التّدريب على القيادة. نستعملوا نموذج الحقول الأربعة باش نخطّوا ونقيّموا وندّربوا على مستويات أعلى كيما نستعملوهم على المستوى المحلّي. وقت يتقابلوا القادة يتحدّثوا مع بعضهم على شنية قاعد يصيرلهم أكهو كأفراد في شبكتهم, يمثّلوا العائلات ويتحدّثوا على الخير إلّي صاير فالّي يخدموا فيهم. البلاصة الباهية إلّي باش نلقاو فيها مركز شبكة العائلات الرّوحية هي البلاصة إلّي تبدى فيها الشبكة.

شبكة الكنائس إلّي تبدا في تامبا, تبدا كيما كنيسة مدينة في تامبا وتولّي الكنائس هاذي تخدم في كلّ الولاية وتمثّل شبكة الكنائس في فلوريدا وتبعث الكنائس هذي عباد يخدموا لبرّا ويبداو يخدموا على المستوى الوطني والدولي.

قال يسوع - "عْلَى خَاطْرِكْ كُنْتْ أَمِينْ فِي الشْوَيَّة، هَانِي بِشْ نَمْنِكْ عَالبَرْشَة " تبقى شبكات الكنائس هذي مربوطة حسب جيناتها الرّوحية المشتركة والبدايات المشتركة. تتقسّم الشبكات وتتضاعف لأسباب لغوية ولأسباب أخرى. هذا جزء مالنمّو ومفيهش حتّى مشكلة.

يحبوا الكنائس البسيطة والأتباع على المستوى الفردي يتعلّموا ويطيعوا ويشاركوا كلمة ربّي وهذي هي الجينات الرّوحية. إذا تنقّلت الجينات هذي من جيل لجيل ومن كنيسة لكنيسة ومن مؤمن لمؤمن, يلزم يكون كلّ تضاعف لتّلامذة يكون موجود في كلّ عائلة روحية وفي كلّ تابع ليسوع المسيح.

وقت تأسّس الحركات هذي حركات أخرى, وقتها نجّموا نشوفوا الخميرة تخدم في عجينة المدينة.هكا يجي ملكوت ربّي بطريقة تكمل فيها إرادة ربّي على الأرض وفي السماء. وهكا نجّموا نكمّلوا المأمورية العظمى ونتلمذوا أتباع ليسوع من كلّ الأمم.

قال يسوع - "مَا فَمَّاشْ مْحَبَّة أَكْبِرْ مِنْ إِنُّو الوَاحِدْ يْضَحِّي بِحْيَاتُو عْلَى خَاطِرْ حْبَابُو."

قلنا يسوع وظهّرلنا برشة مرّات إنّو عائلة ربّي تكبر بصورة أزين وقت نكونوا مستعدّين باش نحطّوا إرادة ربّي فوق رغباتنا.

قائمة التّدريب هي أداة بسيطة تنجّم تستعملها باش تعاون النّاس في أقسام تدريب زومّيه المتّنوعة كيما دورة التّدريب وقائمة ال100 إسم. شنية المهارات إلّي نشوفها تكبر عند النّاس؟ شنية المجالات إلّي مازلت تستحقّ تطوير؟

قائمة التّدريب تعاونك فين ممشيت حتّى تبقى مركّز ومنخرط في إعداد أتباع يسوع باش يولّيو قادة في عائلات ربّي.

أي, يتّطلب هذا وقت وجهد كبير. أي, يتّطلب تضحيات ونسيّبوا أولوياتنا على خاطر خطة ربّي الكاملة. أما فوق هذا لكلّ يستحق منّا الحاجة هذي.

قائمة التّدريب أداة بسيطة من أدوات زومّيه, تعاونك باش تكمّل في أعظم مغامرة في الحياة. خدمة ربّي.

قال يسوع - "نْوَصِّيكُمْ وْصِيَّة جْدِيدَة: حِبُّوا بْعَضْكُمْ. كِيفْ مَا آنَا حَبِّيتْكُمْ إِنْتُومَا زَادَا حِبُّوا بْعَضْكُمْ. إِذَا كَانْ عَنْدْكُمْ مْحَبَّة لِبْعَضْكُمْ، النَّاسْ الكُلْ بِشْ يَعْرْفُوا الِّي إِنْتُومَا تْلَامِذْتِي".

مجموعات إشراف الزّملاء والأصحاب تتكوّن من مجموعة أشخاص يقودوا ويأسّوا مجموعة 3/3 وتتّبع نموذج مجموعة 3/3 وهي طريقة قوّية نقيّموا بيها الصّحة الرّوحية لخدمة ربّي في منطقتك.

تستعمل مجموعات إشراف الزّملاء والأصحاب نموذج إشراف القادة مع أتباع المسيح كأفراد وإلّا في الكنايس البسيطة وإلاّ في منظمات الخدمة وحتّى في شبكة الكنائس البسيطة إلّي موجودة في العالم لكلّ. تتّبع مجموعات إشراف الزّملاء والأصحاب مثال يسوع في الخدمة حسب الكتاب المقدس ويسألوا ويشاركوا برأيهم في ميخصّ أمور بعضهم وهذا لكلّ وقت نستعملوا النّموذج الزمني الأساسي المتّبع في مجموعة 3/3.

هدف المجموعات هذي موش الحكم على النّاس, وقتها تنجّم ترفع واحد وتحطّم واحد. قال يسوع - "مَا تُحْكْمُوشْ عَالنَّاسْ بَاشْ مَا يِتْحْكَمْشْ عْلِيكُمْ. كِيمَا تُحْكْمُوا يِتْحْكَمْ عْلِيكُمْ، وبِالكِيلْ الِّي تْكَيْلُوا بِيهْ يِتْكَيْلِلْكُمْ."هدف مجموعات إشراف الزّملاء والأصحاب هي توفير المعاونة لأتباع يسوع باش يكبروا بالصّلاة والطّاعة والتّطبيق والمساءلة. وبكلمات أخرى وبمعنى آخر حبوا بعضكم وهكّا إتّم العملية.

شوف لتالي

في الرّبع الأول مالإجتماع عدّيوا وقت صلّيوا وأسألوا بعضكم كيما يصير في إجتماع مجموعة 3/3. عدّوي وقت شوفوا فيه رؤية المجموعة وكيفاه نكونوا ثابتين في يسوع كيما يظهر في الكتاب المقدس وصلاتنا وثقتنا وطاعتنا لربّي وكيفاه نعيشوا علاقاتنا الأساسية؟وفي لخّر, في الثلث الأول أطلب مالمجموعة باش تراجع خطّة الخدمة والتعهدّات الخاصّة لكلّ شخص مالمرّة لخرى.

شوف لفوق

الثلث الوسطاني من وقت المجموعة نعدّيوه وأحنا نشوفوا الفوق ونشوفوا حكمة ربّي وتوجيهوا لينا مالكتاب المقدّس والنّقاش والصّلاة. قدّم صلاة قصيرة وبسيطة وأطلب من ربّي باش يعلّمك إرادتوا والطّرق متاعوا من كلمتوا. أطلب من الرّوح القدّوس يقودكم. يلزم أفراد المجموعة تشارك مع بعضها إلّي تعلّموه من عند ربّي في ميخصّ القيادة الخاصّة بيهم وإلاّ من كلمة ربّي والصّلاة وإلاّ أتباع أخرين لربّي.

أطلب مالمجموعة باش تناقش الأسئلة البسيطة هذي:

• كيفاه تمشي أموركم وقت تتعامل مع كلّ قسم من أقسام مخطّط الحقول الأربعة؟
• شنية الأمور إلّي ماشية بالباهي وشنية تحدياتك؟
• راجع خريطة الأجيال الحالية الخاصّة بيك.
• شنية الحاجة إلّي خلاّتك تتحدّى وإلّي لقيتوا صعيب في فهموا؟
• شنية الحاجة إلّي ورّهالك ربّي في المدّة لخرّى؟
• فمّا أسئلة أخرى في ميخصّ القادة والمشاركين لوخرين؟

**شوف لقدّام **

الثلث الثالث لخّر من وقت المجموعة عدّيوا وقت شوفوا فيه لقدّام في ميخصّ كيفاه نطبّقوا إلّي تعلّمناه ونطيعوه. عدّيوا وقت وصلّيوا بهدوء مع الكلّ في المجموعة وأطلبوا من الرّوح القدّوس باش يورّيهم كيفاه يجاوبوا على الأسئلة:

• شنية خطّة الخدمة والأهداف إلّي يحبنا ربي نفّذوها قبل إجتمعنا المرّة الجّاية؟ (إستعمل أداة الحقول الأربعة باش تعاونك في تركيز وتوجيه خدمتك).
• كيفاه ينجّم المشرف على أعضاء المجموعة لوخرين يعاونّي في الخدمة هذي؟

وفي لخّر, عديّوا وقت كمجموعة تكلّموا مع ربّي فيها بالصّلاة. أطلب مالمجموعة تصلّي باش يتصلّى لكلّ واحد وأطلب من ربّي يهيّأ قلوب كلّ أفراد المجموعة باش نوصلولهم في خدمتهم الفرديّة. صلّي لربّي يعطي كلّ فرد مالمجموعة الشّجاعة والقوّة ويطبّقوا ويطيعوا إلّي علّمهولهم ربّي في الجلسة هاذي. إذا كان قائد عندوا خبرة يستحقّ بشكل خاصّ يصلّي من أجل قائد شاب وهذا هو الوقت المناسب للحاجة هذي.

المجموعة تتقابل في أوقات متباعدة وتنجّم متحتفلش بالعشاء الربّاني وإلّا تاكل مع بعضها, أما يحرصوا باش يسألوا على أحوال بعضهم وأحوال عيلاتهم وأصحابهم. ورّانا يسوع المسيح برشة مرّات إلّي هو خدم خدمة عظيمة وكان ديما يعدّي وقتوا مع إلّي يحبوه.

مجوعات إشراف الزّملاء والأصحاب أدة بسيطة أما إستراتيجية من صندوق زومّيه وتهدف باش تنمّي قادة قوّيين.

طريقة بسيطة لقيادة مجموعة إشراف الزّملاء والأصحاب:

شوف لتالي - 1/3 من وقتك

في الثلث الّول - عدّي وقت في الصّلاة والرّعاية كيما يصير في إجتماع مجموعة 3/3. عدّي وقت شوف فيه رؤية المجموعة وكيفاه نكونوا ثابتين في يسوع؟ [الكتاب المقدس، الصّلاة، الثّقة، الطّاعة، العلاقات الأساسية؟]هل كمّلت مجموعتك خطط الخدمة الخاصّة بيك مالجلسة الخّرى؟ راجعها.

شوف لفوق - 1/3 من وقتك

أطلب مالمجموعة باش تناقش الأسئلة البسيطة هذي:

• كيفاه تمشي أموركم وقت تتعامل مع كلّ قسم من أقسام مخطّط الحقول الأربعة؟
• شنية الأمور إلّي ماشية بالباهي؟ شنية أكبر تحدّياتك؟
• راجع خريطة الأجيال الحالية الخاصّة بيك.
• شنية إلّي تحدّاك وإلاّ إلّي لقيتوا صعيب في فهموا؟
• شنية إلّى ضهّرهولك ربّي في المدّة لخرّى؟
• فمّا أسئلة أخرى مالقادة وإلاّ المشاركين لوخرين؟

شوف لقدّام -1/3 من وقتك

عدّي وقت صلّي بالسّاكتة مع المجموعة الكلّ وأطلب مالرّوح القدس يورّيهم كيفاه يجاوبوا على الأسئلة هذي:

• شنية خطّة الخدمة والأهداف إلّي يحبنا ربي نفّذوها قبل إجتماعنا المرّة الجّاية؟[إستعمل أداة الحقول الأربعة باش تعاونك في تركيز وتوجيه خدمتك]
• كيفاه ينجّم المشرف على أعضاء المجموعة يعاوني في الخدمة هذي؟

وفي لخّر, عديّوا وقت كمجموعة تكلّموا مع ربّي فيها بالصّلاة. أطلب مالمجموعة تصلّي باش يتصلّى لكلّ واحد وأطلب من ربّي يهيّأ قلوب كلّ أفراد المجموعة باش نوصلولهم في خدمتهم الفرديّة. صلّي لربّي يعطي كلّ فرد مالمجموعة الشّجاعة والقوّة ويطبّقوا ويطيعوا إلّي علّمهولهم ربّي في الجلسة هاذي. إذا كان القائد عندو خبرة يستحقّ بشكل خاصّ يصلّي على خاطر قائد شاب وهذا هو الوقت المناسب للحاجة هذي.

المجموعة تتقابل في أوقات متباعدة وتنجّم متحتفلش بالعشاء الربّاني وإلّا تاكل مع بعضها, أما يحرصوا باش يسألوا على أحوال بعضهم وأحوال عيلاتهم وأصحابهم.