كيفاه نقودوا العشاء الربّاني

قال يسوع - "آنَا هُوَّ الخُبْزْ الحَيْ الِّي هْبَطْ مِالسْمَاء. الِّي يَاكِلْ مِالخُبْزْ هَاذَا يَحْيَا لِلْأَبَدْ. والخُبْزْ هَاذَا هُوَّ بْدَنِي، الِّي نَعْطِيهْ بَاشْ النَّاسْ يَحْيَاوْ."الشركة المقدّسة" وإلاّ "العشاء الربّاني" هي طريقة نحتفلوا بيها بإرتباطنا الكبير وعلاقتنا الدائمة مع يسوع المسيح. وهكّا نحتفلوا بطريقة بسيطة!

نجتمعوا كيما أتباع يسوع المسيح نعدّيوا وقت باهي في التأمّل ونخمّوا بالسّاكتة في الخطايا متاعنا ونعترفوا بيها. أطلب من واحد منكم يقرا المقطع هذا مالكتاب المقدس -- "عْلَى خَاطِرْ الِّي خْذِيتُو مِنْ عَنْدْ الرَّبْ، هُوَّ الِّي عْطِيتْهُولْكُمْ. وهُوَّ إِنُّو الرَّبْ يَسُوعْ، فِي اللِّيلَة الِّي سَلْمُوهْ فِيهَا، خْذَا خُبْزْ، وشْكَرْ، وقَسْمُو وقَالْ: «هَاذَا بَدْنِي الِّي نَعْطِيهْ عْلَى خَاطِرْكُمْ. أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 23-24)

وبعد عدّي الخبز على العباد لكلّ وكولوه.

كمّل أقرا -- "وزَادْ خْذَا الكَاسْ بَعْدْ العْشَاء وقَالْ: "هَاذَا الكَاسْ هُوَّ العَهْدْ الجْدِيدْ الِّي يَعْمْلُو اللَّهْ بْدَمِّي.كُلْ مَرَّة تُشْرْبُوا مِنُّو، أَعْمْلُوا هَاذَا بَاشْ تِتْذَكْرُونِي." (كورنثوس الأولى 11: 25)

فرّق العصير وإلاّ الشراب وأشربوا مبعضكم. 

وكمّل أقرا -- "مَالَا كُلْ مَا تَاكْلُوا الخُبْزْ هَاذَا وتُشْرْبُوا الكَاسْ هَاذَا، تْخَبْرُوا بْمُوتْ الرَّبْ، حَتَّى لِينْ يْجِي." (كورنثوس الأولى 11: 26)

تشاركتوا في العشاء الربّاني. إحتفلوا صلّيوا ورنّموا, إنتوما ليه وهو ليكم.