حضّر شهادتك في ثلاتة - دقايق

قال يسوع لتلامذتو - "إِنْتُومَا شْهُودْ عْلَى هَاذَا." لكلّ إنسان قصّة. هذي فرصتك باش تمارس قصّتك. بصفتنا أتباع ليسوع المسيح، أحنا "شهودٌ" - و "نشهد" على تأثير يسوع في حياتنا. قصّة علاقتك مع ربّي تتسمّى "شهادتك". لكلّ شخص قصّة. مشاركة قصّتك هي فرصتك باش تمارسها.

3 أنواع أساسية مالشهادات

فمّا برشة طرق تصيغ وتشكّل بيها قصّتك وهاذم هوما الطّرق إلّي نراوهم ناجحين مع  النّاس:  

• تصريح بسيط - تنجّم تشارك سبب بسيط خلّاك تبّع يسوع المسيح. الأسلوب هذا باهي برشة ينجّم يمارسوا المؤمن الجديد.
• قبل وبعد - تنجّم تشارك قصّة "قبل" و "بعد" معناها كيفاه كانت حياتك قبل متعرف يسوع المسيح وكيفاه ولاّت توّا. قصّة بسيطة وقوّية.
• مع وبلاش - تنجّم تشارك قصّة "مع" و "بلاش" أيّ طبيعة حياتك مع يسوع كيفاه تنجّم تكون بلاش بيه. الطريقة هذي في تقديم قصّتك تنجح بالباهي إذا جيت للإيمان في وقت قصير.

3 أجزاء لمشاركة شهادتك 

وقت تشارك قصّتك باهي برشة إنّك تفكّر فيها خاطرها جزء من عملّية متكوّنة لثلاثة أجزاء:

• قصّتهم - أطلب مالعبد إلّي تحكي معاه يشاركنا على رحلتوا الرّوحية.  
• قصّتك - شارك شهادتك وصيغها وإتكلّم على تجاربك. 
• قصّة ربّي - شارك قصّة ربّي بطريقة توضّح إرتباطها بنظرة الشّخص إلّي تكلّم فيه والقيم متاعوا وأولوياتوا.

ميلزمش تكون شهادتك طويلة وإلّا فيها برشة تفاصيل حتّى تكون مؤثّرة. في الواقع، خلّي قصّتك مدّتها 3 دقائق باش تخلّي وقت لطرح الأسئلة ومحادثات عميقة. إذا كنت متقلّق كيفاه تبدا، خلّي الحكاية بسيطة. ينجّم ربّي يستعمل قصّتك باش يبدّل حياة برشة ناس، أما تفكّر - إنتي أكهو إلّي تنجّم تحكيها.