كيفاه تكون مسير الصّلاة

مسير الصّلاة هي - صلاة لربّي وانتي إدّور! في عوض نسكّروا عنينا ونهبّطوا ريوسنا, نقعدوا حالّين عنينا باش نشوفوا الحاجات إلّي دايرة بينا ونطلبوا من ربّي بتواضع باش يدّخل. تنجّم تمارس مسير الصّلاة في مجموعة صغيرة من ثنين لثلاثة كيما تنجّم تمارسها وحدك.

وقت تمشي وتصلّي، كون فايق للفرص وإسمع لروح ربّي وصلّي على خاطر الأفراد والمجموعات إلّي باش تتقابل معاهم في الطّريق. تقول كلمة ربّي "طْلُبْ مِنْكُمْ، قْبَلْ كُلْ شَيْ، بَاشْ تِدْعِيوْ وتْصَلِّيوْ وتِتْشَفْعُوا وتِحْمْدُوا اللَّهْ عْلَى خَاطِرْ النَّاسْ الكُلْ، وعْلَى خَاطِرْ المُلُوكْ والنَّاسْ الِّي عَنْدْهُمْ سُلْطَة، بَاشْ نْعِيشُوا عِيشَة مُطْمَانَة وهَادْيَة، بْتَقْوَى وكَرَامَة.وهَاذَا بَاهِي ومَقْبُولْ عَنْدْ اللَّهْ الِّي نَجَّانَا، الِّي يْحِبْ إِنُّو النَّاسْ الكُلْ يِنْجَاوْ ويْوَلِّيوْ يَعْرْفُوا الحَقْ".  

صلاة المسير هي طريقة بسيطة لطاعة وصيّة ربّي إلّي توصّي على الصّلاة على خاطر النّاس - صلاة  لربّي وإنتي إدّور!

أربعة طرق توجّه صلاتك:

1. الملاحظة: شنية تشوف؟ إذا شفت عروسة متاع ولد في وسط الدّار تشجّع وصلّي لأولاد الحيّ والعائلات والمدارس في المنطقة. 

2. البحث: لوّج شنية تعرف؟ إذا قريت على الحيّ تنجّم تعرف علّي يسكنوا فيه وإذا كانت المنطقة تعاني مالحوادث والجرايم والظّلم صلّي للحاجات هذي وأطلب من ربّي يدّخل ويخدم فيها.

3. الإعلان: ينجّم يحرّك الرّوح القدّوس قلبك وإلاّ يجيبلك فكرة معيّنة تنجّم تصلّي على خاطرها. إسمع وصلّي!

4. المقطع الكتابي: وقت تبدا مسيرك وإنتي تمشي أقرا حاجة بسيطة من كلمة ربّي, وينجّم الرّوح القدس يفكّرك بمقطع كتابي. صلّي كيفاه ينجّم المقطع هذا يأثّر في المنطقة هذيكا .

خمسة حاجات مؤثّرة تركّز عليهم في الصّلاة:

1. الحكومة: لوّج على المراكز الحكومية كيما المحاكم والمكاتب الإدارية والمراكز صلّي على خاطرهم  الكلّ, صلّي باش تكون المنطقة محميّة, تتحقّق العدالة وتكون فمّا حكمة صالحة لقادة المنطقة.

2. الأعمال والتجارة: لوّج على المراكز التجارية كيما المراكز المالية وإلاّ الأسواق صلّي على خاطرهم, صلّي باش الإستثمارات فيها تكون صحيحة ويكونوا أمناء على الموارد الموجودة, صلّي للعدل الإقتصادي والبطالة. 

3. التعليم: لوّج على المراكز التعلمية كيما المدارس والمباني الإدارية ومراكز التّدريب المهني والجامعات وصلّي على خاطرهم, صلّي للمعلّمين إلّي يعلّموا حقّ ربّي ويحميوا أفكار تلامذتهم. صلّي باش يدّخل ربّي في كلّ جهد يلوّج على الكذب والتشويش, صلّي باش تخرّج البلاصة هاذي ناس حكماء عندهم الشّجاعة والقوّة باش يخدموا ويقودوا. 

4. وسائل الإتّصال والإعلام: لوّج على مراكز الإتّصال والإعلام كيما التلفزة والجرايد وصلّي على خاطرهم. صلّي باش تتحقّق قصّة ربّي وتكون في كلّ مدينة وفي العالم زادا.

5. النّاحية الرّوحية: لوّج على المراكز الرّوحية والدينية كيما الكنايس والجوامع والمعابد صلّي على خاطرهم, صلّي للّي يلوّج على الحقّ والسّلام والعزاء والرّاحة في يسوع المسيح وميتشوّشش بديانة مزيفة.