مجموعات إشراف الزّملاء والأصحاب

تستعمل مجموعات إشراف الزّملاء والأصحاب نموذج إشراف القادة مع أتباع المسيح كأفراد وإلّا في الكنائس البسيطة وإلاّ في منظمات الخدمة وحتّى في شبكة الكنائس البسيطة إلّي موجودة في العالم الكلّ. تتّبع زادا نموذج مجموعة 3/3، وهي طريقة قوّية لتقييم الصحّة الرّوحية لخدمة ربّي في منطقتك. تتّبع مجموعات إشراف الزّملاء والأصحاب مثال يسوع في الخدمة حسب الكتاب المقدس ويسألوا ويشاركوا برايهم في ميخصّ أمور بعضهم وهذا الكلّ وقت نستعملوا النّموذج الزمني الأساسي المتّبع في مجموعة 3/3. قال يسوع - "نْوَصِّيكُمْ وْصِيَّة جْدِيدَة: حِبُّوا بْعَضْكُمْ. كِيفْ مَا آنَا حَبِّيتْكُمْ إِنْتُومَا زَادَا حِبُّوا بْعَضْكُمْ. إِذَا كَانْ عَنْدْكُمْ مْحَبَّة لِبْعَضْكُمْ، النَّاسْ الكُلْ بِشْ يَعْرْفُوا الِّي إِنْتُومَا تْلَامِذْتِي". هدف مجموعات إشراف الزّملاء والأصحاب هي توفير المعاونة لأتباع يسوع باش يكبروا بالصّلاة والطّاعة والتّطبيق والمساءلة. وبكلمات أخرى وبمعنى آخر حبوا بعضكم.

طريقة بسيطة لقيادة مجموعة إشراف الزّملاء والأصحاب:

شوف لتالي [1/3 من وقتك]

في الثلث الّول - عدّي وقت في الصّلاة والرعاية كيما يصير في إجتماع مجموعة 3/3. عدّي وقت شوف فيه رؤية المجموعة والأمانة في التعهدات السابقة: كيفاه تثبت في المسيح؟ [الكتاب المقدس، الصّلاة، الثقة، الطّاعة، العلاقات الأساسية؟] هل كمّلت مجموعتك الخطط مالجلسة الخّرى؟ راجع معاهم.

شوف لفوق [1/3 من وقتك]

أطلب مالمجموعة باش تناقش الأسئلة البسيطة هذي:

• كيفاه تمشي أموركم وقت تتعامل مع كلّ قسم من أقسام مخطّط الحقول الأربعة؟
• شنية الأمور إلّي ماشية بالباهي؟ شنية أكبر تحديّاتك؟
• راجع  خريطة الأجيال الحالية الخاصّة بيك.
• شنية إلّي تحدّاك وإلّا إلّي لقيتوا صعيب في فهموا؟
• شنية إلّى ضهّرهولك ربّي في المدّة لخرّى؟
• فمّا أسئلة أخرى مالقادة وإلّا المشاركين لوخرين؟

شوف لقدّام [1/3 من وقتك]

عدّي وقت صلّي بالسّاكتة مع الكلّ في المجموعة وأطلب مالرّوح القدّوس يورّيهم كيفاه تجاوبوا على الأسئلة هذي:

• شنية خطّة الخدمة والأهداف إلّي يحبنا ربي نفّذوها قبل إجتماعنا المرّة الجّاية؟ [إستعمل أداة الحقول الأربعة باش تعاونك في تركيز وتوجيه خدمتك]
• كيفاه ينجّم المشرف على أعضاء المجموعة لوخرين يعاوني في الخدمة هذي؟

وفي لخّر, عديّوا وقت كمجموعة تكلّموا مع ربّي فيها بالصّلاة. أطلب مالمجموعة تصلّي باش يتصلّى لكلّ واحد وأطلب من ربّي يهيّأ قلوب كلّ أفراد المجموعة باش نوصلولهم في خدمتهم الفرديّة. صلّي لربّي يعطي كلّ فرد مالمجموعة الشّجاعة والقوّة ويطبّقوا ويطيعوا إلّي علّمهولهم ربّي في الجلسة هاذي. إذا كان القائد عندو خبرة يستحقّ بشكل خاصّ يصلّي من أجل قائد شاب وهذا هو الوقت المناسب للحاجة هذي. المجموعة تتقابل في أوقات متباعدة وتنجّم متحتفلش بالعشاء الربّاني وإلّا تاكل مع بعضها, أما يحرصوا باش يسألوا على أحوال بعضهم وأحوال عايلاتهم وأصحابهم.