كيفاه تعدّي ساعة في الصّلاة

دورة الصّلاة هي أداة بسيطة تمارس بيها الصّلاة وتنجّم تعملها وحدك وتشاركها مع أيّ واحد من أتباع يسوع. في 12 خطوة بسيطة - إدّوم كلّ وحدة منها 5 دقايق-- تعرّفنا دورة الصّلاة على 12 طريقة يعلّمنا بيها الكتاب المقدس كيفاه نصلّيوا. وفي لخّر باش تكون صلّيت مدّة ساعة. يقولنا الكتاب المقدس -- "صليوا بلاش إنقطاع". مفمّاش برشة منّا يقولوا رانا نعملوا في هذا. وبعد السّاعة هذي مالصّلاة - باش تكون عملت خطوة كبيرة.

في 12 خطوة بسيطة - إدّوم كلّ وحدة منها 5 دقايق - تعرّفنا دورة الصّلاة على 12 طريقة. يعلّمنا بيها الكتاب المقدس كيفاه نصلّيوا. وفي لخّر باش تكون صلّيت مدّة ساعة.  

سبّح - أبدا ساعة صلاتك سبّح فيها لربّي. سبّح على الأمور إلّي تجي على بالك الكلّ. سبّح على حاجة خاصّة عملها معاك الجمعة إلّي فاتت. سبّح على صلاحوا مع عائلتك.

إستنّى - عدّي الوقت وإنتي تستنى في ربّي وخلّيه يجمع أفكارك وتأمّلاتك.

إعترف - أطلب مالرّوح القدس يورّيك أيّ حاجة في حياتك موش راضي عليها ربّي. أطلب منّو يورّيك الحاجات الغالطة إلّي مازلت مستعرفتش بيها وتوّا إعترف حتّى يطهّرك ربّي.

أقرا الكلمة - عدّي الوقت أقرا فيهم المزامير والأنبياء ومقاطع صلاة موجودة في العهد الجديد.

أطلب - قدّم لربّي طلبات لروحك. 

تشفّع - قدّم طلبات لنّاس. 

صلّي الكلمة - صلّي مقطع محدّد. تنجّم تصلّي صلوات مالمزامير. 

أشكر- أشكر ربّي على الحاجات إلّي في حياتك وعلى عايلتك وكنيستك.

رنّم - رنّم ترانيم تسبيح وإلاّ عبادة وإلاّ أيّ أنشودة روحية.

تأمّل - أطلب من ربّي يكلّمك. خلّي بحذاك ورقة وستيلو باش تكتب الإنطباعات إلّي باش يعطيهملك.

أسمع - عدّي وقت في تجميع ودمج الحاجات إلّي قريتهم وصلّيتهم ورنّمتهم. شوف كيفاه يجمعها ربّي مع بعضها ويكلّمك.

سبّح - سبّح لربّي وأشكروا على الوقت إلّي عدّيتوا معاه والإنطباعات إلّي عطهالك. سبّح على صيفاتو المجيدة.

من كتاب ديك إيستمان الساعة إلّي تبدّل العالم © 2002 بقلم ديك إيستمان، شوسن بوكس، غراند رابيدس، مي. تستعملوا بإذن.