عينين تشوف فين ملكوت ربّي موش موجود

يستحقّ كلّ تلميذ يكون متكوّن باش يشوف البلايص إلّي مفيهاش ملكوت ربّي. فمّا برشة بلايص متمتّش فيها مشيئة ربّي على الأرض كيما في السماء. فمّا فراغات كبيرة وكسر وألم وإضطهاد ومعاناة وحتّى الموت جزء مالحياة اليومية الطبيعية. الفراغات هذي لازم نخدموا عليها ونسكّروها مدامنا مازلنا موجودين على الأرض.

عدد التلامذة يتضاعف وملكوت ربّي ينموا بشكل واسع وسريع وقت نحلّوا عنينا ونشوفوا البلايص إلّي مفيهاش ملكوت ربّي ونوصلوا للبلايص هذي بالنّاس إلّي نعرفوهم وإلّي منعرفوهمش.

نستحقّوا نشوفوا الفراغات بين مشيئة ربيّ إلّي تمّ على الأرض والوضع القائم توّا. لازم يصير هذا في مجالين:

العلاقات المستمرّة:

المجال الّول هو علاقاتنا المستمرّة. تتكوّن من أصحابنا وعائلاتنا وزملاء الخدمة وزملاء الدراسة وساعات الجيران. هذه هي الطريقة إلّي يسافر بيها الإنجيل بسرعة كبيرة. الإهتمام بالنّاس هاذم حاجة طبيعية. في لوقا 16: 19-31 نشوفوا كيفاه حتّى الراجل الغني إلّي يعيش في الجحيم كان عندوا النّوع هذا مالحب والإهتمام لعايلاتو. حطّ ربّي النّاس هاذم في حياتنا، وأحنا نستحقّوا نتلهاوا بالعلاقات هذي بالحب والصبر والمثابرة.

تنجّم توعّي أتباع المسيح وتخلّيهم يحاولوا يكتبوا قائمة بمئة شخص يعرفوهم. شجّعهم على تصنيفهم لثلاثة مجموعات: إلّي يتبّعوا في يسوع, إلّي ميتّبعوش في يسوع, إلّي موش متأكدين يتبّعوا في يسوع وإلّا لا. 

تنجّم مبعّد تشجّع النّاس إلّي يتبّعوا في يسوع المسيح باش يكونوا أكثر إثمار وأمانة. ينجمّوا يبداو يلوّجوا على طرق "لتلمذة" النّاس إلّي ميتبّعوش في يسوع.

الإتّصالات والعلاقات خارج العلاقات المستمرّة

المجال الثاني هو نشوفوا البلايص إلّي مفيهاش ملكوت ربّي بالنسبة لخارج العلاقات المستمرّة وإلّا الإتّصالات. وصّى يسوع تلامذتو باش يتلمذوا في كلّ الأرض. وصّاهم باش يتلمذوا التّلامذة في البلايص إلّي موجودين فيها وفي البلايص القريبة، وحتّى ل "أقصي الأرض".

هذه هي الطريقة إلّي يسافر بيها الإنجيل لأبعد الحدود. هذا موش عادي. هذا أكثر مالعادي. هذا هو دليل الرّوح القدس في حياتنا. عند ربّي ناس مفضّلين. على هذاكا لازم منستثمروش حياتنا في خدمة المقرّبين لينا أكهو، أما زادا في خدمة النّاس إلّي في كلّ  أنحاء العالم إلّي يعيشوا في الظّلمة مالناحية الرّوحية. يعارض ربّي المتكبرين أما يعطي نعمة للمتواضعين. لازم نستخدموا اليائسين باش يكونوا ديما أكثر تواضع مع النّاس هاذم، نستحقّوا بشكل خاصّ نلوّجوا على الأشخاص المؤمنين ونستثمروا فيهم.

تذكّر أنّو الإيمان يكون في طاعة إلّي يعلنوا ربّي لينا وإلّي نشاركوه مع النّاس. النّاس هاذم كيما التربة الباهية في المثل إلّي قدّموا يسوع. هاذم هوما إلّي ينتجوا 30 و60 و100 مّرة. أصحاب القلوب القاسية إلّي يرفضوا الرسالة. هاذم هوما إلّي ميطيحوش وقت يكون فمّا إضطهاد. هاذم هوما إلّي ميهتمّوش بالهموم وإلاّ بالعالم. هوما كيما الراجل إلّي من كورة الجدريين إلّي إستجاب لخدمة يسوع بطاعتوا ليه ومشاركتوا لنّاس بلّي عملوا ربّي على خاطرنا، وقت رجع  يسوع للبلاصة هذيكا مبعد، كانت النّاس لكلّ تلوّج عليه.