تلمذة فروخ البطّ

هل تعرف شنية علاقة فروخ البطّ في تلمذة التّلامذة؟ هل سبق وشفت مجموعة من فروخ البطّ تمشي؟ توضّح فروخ البطّ في الواقع مبدأ هام حول تلمذة التّلامذة. إذا كنت تحب تشوف عائلة ربّي تنمو بأمانة، خمّم في تلمذة التّلامذة - كيما فروخ البطّ - كون تابع وقائد في نفس الوقت.

فين مكنت في العالم، باش تشوف نفس الحكاية.

تقود البطّة الأمّ فروخها إلّي يتبّعوها - واحد وراء لآخر - في صف. البطّة الأم تقود، والفروخ تبّع. إذا شفت من قريب، باش تشوف حاجة أخرى قاعدة تصير. في الحقيقة، كلّ فرخ صغير يلعب زوز أدوار - في نفس الوقت:

• كلّ فرخٍ هو تابع، على خاطر يتّبع في البطّة الأم وإلاّ فرخ آخر يمشي قدّاموا.
• وفي نفس الوقت، كلّ فرخ هو قائد، على خاطر يقود الفرخ (وإلّا الفروخ) إلّي تمشي وراه.

 هل الفرخ تابع و إلاّ قائد؟ هو في الحالتين.

على هذاكا "البطّ إلّي يمشي" هو صورة باهية لتّلمذة. يحب ربّي عايلتو تكبر برشة وعلى هذاكا يتوقّع كلّ تابع باش يكون قائد ويلزم كلّ مؤمن يشارك بالبشارة وفي نفس الوقت يكون كلّ تلميذ متلمذ.

ساعات نطيحوا في فخّ كتلامذة وإلاّ متلمذين وديما يمشي في بالنا إلّي يلزمنا نعرفوا كلّ شي وإلّا برشة حاجات قبل منتحدثوا ونشاركوا. أما التّلمذة متصيرش بالطّريقة هذي. التّلامذة كيما فروخ البطّ, باش يولّي التلميذ قائد ميلزمش يعرف كلّ شي, كلّ إلّي لازم يعملوا يكون خطوة بخطوة مع إلّي قدّاموا. يحب ربّي عايلتو تكبر في الأمانة وفي نفس الوقت يتوقّع باش يكون كلّ قائد تابع وكلّ مشارك بحكايتوا مؤمن وكلّ متلمذ تلميذ.

فمّا فخّ آخر زادا نطيحوا فيه كتلامذة ومتلمذين يمشي في بالنا إلّي فمّا عبد في البلاصة هذيكا يعرف كلّ شي وإذا عرفناه وتبّعناه نكونوا في وضع باهي. أما التّلمذة متكونش بالطّريقة هاذي. في ملكوت ربّي فمّا "بطّة أم" وحدة نتبّعوها لكلّ وإلّي هي يسوع المسيح. حتّى مرسل وراعي ومدرّس في كلّية اللاّهوت يستحقّ إيماننا وثقتنا غير يسوع. الباقي متاعنا تمشي فيهم "عمليّة التغيير".

باش يكون ديما فمّا قريب ليسوع نجّموا نتبّعوه, ويكون فمّا عبد بعيد على يسوع نجّموا نقودوه, أما مهما كانت بلاصتنا لازم عنينا وقلوبنا تكون مركّزة على يسوع. في الكتاب المقدس, بولس إلّي كتب برشة من أسفار العهد الجديد وأسسّ برشة كنائس, مكتبش كونوا متمثلين بيّا أما كتب كونوا متمثلين بيا كيما أنا زادا بالمسيح. كان بولس يعرف إلّي تعرفوا الفروخ في كلّ بلاصة وشنية إلّي يلزم يعرفوا كلّ تلميذ. يلزم كلّ قائد في ملكوت ربّي يكون تابع ولكلّنا نتبّعوا يسوع.

وكتب زادا بولس في الكتاب المقدس: "والتَّعْلِيمْ الِّي سْمَعْتُو مِنِّي بِحْضُورْ بَرْشَة شْهُودْ، أَعْطِيهْ أَمَانَة لْنَاسْ تَاثِقْ فِيهُمْ ويْكُونُوا قَادْرِينْ بَاشْ يْعَلْمُوا غِيرْهُمْ."عرف بولس إلّي تعرفوا الفروخ في كلّ بلاصة وشنية يلزم التلميذ يعرف. كلّ تلميذ في ملكوت ربّي يكون قائد, كلّ واحد منّا يقود كيما يسوع ونحطّوا حياتنا على خاطر النّاس. إذ حبيت تشوف عائلات ربّي تكبر برشة وتتزايد في الأمانة فخمّم باش تلّمذ بطريقة فروخ البطّ, وفي نفس الوقت كون تابع وقائد.