ٍتعريف بسيط للتّلميذ والكنيسة

حاجة مهمّة إنّو يكون عنّا تعريف بسيط على "التّلميذ"و"الكنيسة"، باش نعرفوا شكون إلّي لازم يكون مع المسيح وكيفاه نكونوا مربوطين مع النّاس في المسيح.

شنية هو التّلميذ؟

معنى كلمة تلميذ هو تابع. التلميذ هو تابع لربّي. قال يسوع, "تَعْطَاتْلِي كُلْ سُلْطَة فِي السْمَاء والأَرْضْ."في ملكوت ربّي يسوع هو الملك متاعنا. أحنا شعبو، خاضعين لمشيئتوا, رغبتوا، أهدافوا، نواياه، أولوياتوا وقيموا هي الأسمى والأحسن. كلامو هو الناموس. شنية هو قانون الملكوت؟ شنية إلّي أمر بيه يسوع تلامذتوا باش يعملوه؟ علّم يسوع أنّو وصايا ربّي مالعهد القديم، وكلّ الناموس والأنبياء، تنجّم تتلخّص في الحاجتين هاذم: تحب ربّي وتحب النّاس. وصّانا يسوع زادا باش نتلمذوا التّلامذة ونعلّموهم طاعة كلّ إلّي وصّانا بيه. تلمذة التّلامذة تتضمّن تعليمهم بكلّ إلّي وصّانا بيه يسوع، نجّموا نلخّصوا العهد الجديد في الحاجة الوحيدة هذي: نتلمذوا التّلامذة, التّلميذ هو تابع ليسوع يحب ربّي، يحب النّاس، ويتلمذ التّلامذة.

شنية هي الكنيسة؟

ساعات تخمّم إنّو الكنيسة هي مبنى - بلاصة نمشيولها. أما كلمة ربّي تقول إلّي الكنيسة - هي مجموعة مالنّاس إلّي تنتمي ليهم. كلمة "كنيسة" نستعملوها في الكتاب المقدس بثلاثة طرق مختلفة: 

• الكنيسة الجامعة -- كلّ أتباع يسوع في الماضي والحاضر والمستقبل.
• كنيسة المدينة وإلاّ المنطقة -- كلّ أتباع يسوع إلّي يعيشوا في منطقة معيّنة في العالم.
• كنيسة البيوت -- إلّي يتبّعوا في يسوع ويتلاقاوا في دار وحدة وإلاّ أكثر.

الكنائس البسيطة هي عائلات روحية, يسوع هو مركزها وملكها. عائلات روحية تحب ربّي، تحب النّاس وتلمذ التّلامذة. وقت تتواصل المجموعات هذي مع الكنائس البسيطة باش تعمل حاجة كبيرة مع بعضها، تنجّم تؤسّس مدينة وإلاّ كنيسة محليّة. الكنيسة العالمية تتكوّن من كلّ الكنائس البسيطة المربوطة ببعضها في المناطق وتمتدّ عبر التاريخ.