مجموعات المساءلة

كلّ تابع ليسوع باش يكون مسؤول، ولازم يمارس المساءلة مع النّاس. شارك يسوع برشة مالقصص على المساءلة وقال برشا حقائق وكيفاه نتحمّلوا المسؤولية فالّي نعملوه وفالّي نقولوه. مجموعات المساءلة هي تعبير طبيعي على إخوة وأخوات يمشيوا مع بعضهم في الحقّ والمحبة. تتكوّن مجموعات المساءلة من زوز وإلّا ثلاثة من نفس الجنس – رجال مع رجال، نساء مع نساء - يجتمعوا مرّة وحدة في الجمعة ويناقشوا مجموعة مالأسئلة إلّي تعاون في الكشف على المجالات إلّي تمشي فيها الأمور بالباهي والمجالات إلّي تستحقّ تصحيح. ينجّموا زادا يتقابلوا بالتليفون إذا منجّموش يتقابلوا وجه - لوجه.

أسئلة المساءلة - القائمة 1

1. صلّي باش تكون كيما يسوع.
2. شنية أحوالك؟ كيفاه حياتك الصّلاتية؟
3. هل عندك أيّ خطايا تعترف بيها؟ (العلاقات، الجنس، الماديات، الكبرياء، النزاهة، الخضوع للسلطات، إلخ.)
4. هل طعت علّي قالك عليه ربّي من آخر مرّة؟ شارك التفاصيل.
5. هل صلّيت على خاطر "الموش مؤمنين" في قائمة علاقاتك الجمعة هذي؟هل كانت عندك الفرصة باش تشارك مع أيّ واحد منهم؟ شارك التفاصيل.
6.  هل حفظت آية جديدة الجمعة هذي؟ عاودها.
7.  هل قرأت 25 فصل مالكتاب المقدس على الأقلّ الجمعة هذي؟
8.  شنية قالك ربّي مالكلمة؟
9.  شنية باش تعمل بالتحديد فالّي قالوا؟
10.  هل تقابلت الجمعة هذي مع مجموعة 3/3؟ كيفاه صارت المقابلة؟
11. هل جسّدت وإلاّ عاونت شخص يبدا مجموعة 3/3 جديدة الجمعة هذي؟ شارك التفاصيل.
12. هل شفت أيّ حاجة توقّف حياتك مع المسيح؟
13.  هل كانت عندك الفرصة تشارك بالإنجيل الجمعة هذي؟ شارك التفاصيل.
14.  مارس الشهادات من 1-3 دقائق وبالإنجيل توّا.
15.  شكون إلّي تنجّم تستدعاه للمجموعة الجمعة الجّاية؟ إذا كانت المجموعة أربعة وإلاّ أكثر، ضاعفها.
16.  كمّل بالصلاة في ميخصّ إلّي تمّ المشاركة بيه. 

 قائمة المساءلة - قائمة 2

1. كيفاه أثّرت رؤيتك للقراءات الجمعة إلّي فاتت على طريقة تفكيرك وحياتك؟
2. لشكون عدّيت أفكارك مالجمعة إلّي فاتت وكيفاه تمّ إستلامها؟
3. هل شفت ربّي يخدم؟
4. هل شهدت الجمعة هذي على عظمة يسوع المسيح في كلامك وأعمالك؟ 
5. هل تعرّضت للإغراء من مواد جنسية وإلاّ خلّيت مخّك يخمّم في أفكار جنسية موش باهية؟ 
6. هل عرفت حقيقة ملكيّة ربّي لفلوسك وكيفاه تستخدمها؟
7. هل إشتهيت أيّ حاجة؟
8. هل حكيت على حدّ بالخايب في سمعتو وإلاّ جرحتلو مشاعرو بكلامك؟
9. هل كنت موش صادق بكلامك وأعمالك وإلاّ بالغت؟ 
10. هل إستسلمت لسلوك إدماني وإلاّ سلوك فيه كسل وموش منضبط؟
11. هل كنت عبد للحوايج, لأصحابك, الخدمة وإلاّ الممتلكات؟
12. هل فشلت في إنّك تسامح عبد؟
13. شنية الحاجات إلّي تقلّق فيك؟ هل تشكيّت من حاجة المدّة لخّرى؟
14. هل حافظت على قلب شاكر وممتن؟
15. هل كنت محترم ومتفهّم وكريم في علاقاتك المهمّة؟
16. شنية الإغراءات إلّي واجهتها في الفكر, الكلمة وإلاّ الفعل وكيفاه تجاوبت معاها؟
17.  كيفاه إستغليت الفرص باش تخدم النّاس وتباركهم، وخاصّة المؤمنين؟
18. هل شفت إجابات محدّدة للصّلاة؟
19. هل كمّلت القراءة الأسبوعية؟