إجتماع مجموعة 3/3

مجموعة 3/3 (تتسمّى ثلث - الثلاثة) تقسّم وقتها مع النّاس ل 3 أجزاء. يركّز التصميم هذا على الأمانة في قيادات ربّي السابقة، نسمعوا مع بعضنا من ربّي ونخطّوا لطّاعة في المستقبل القريب لأيّ إرشاد يعطيهولنا ربّي. 

تنجّم تستعمل نمط 3/3 على خاطر كنيسة بسيطة (وإلاّ كنيسة بيتية)، خلّية القيادة، وإلاّ مجموعة إشراف الزملاء والأصحاب. 

هذه هي الطريقة إلّي تخدم بيها:

• شوف لتالي - يتعدّى أوّل ثلث من وقت المجموعة شوف فيه لتالي، لشنية صار ملّي بدوا يجتمعوا مع بعضهم.
• شوف لفوق - يتعدّى الثلث الثاني من وقت المجموعة شوف فيه لفوق ولوّج على حكمة ربّي وإرشادوا مالكتاب المقدس، النقاش، والصّلاة.
• شوف لقدّام - يتعدّى الثلث لخّر من وقت المجموعة شوف فيه لقداّم، شوف فيه كيفاه يتّم تطبيق وطاعة كلّ واحد منهم علّي تعلّموه.

خطّة إجتماع 3/3

شوف لتالي  [ ⅓ مالوقت ]

خوذ وقت باش يشارك كلّ واحد حاجة ممتنّلها. مبعّد لازم على كلّ واحد يشارك بحاجة يكافح عليها. أطلب مالشخص إلّي على إمينك يصلّي على خاطروا بخصوص الأمور إلّي شاركها. إذا كان أيّ واحد يعاني من حاجة تتطّلب برشة إهتمام، فخليّك تهتم بيه.

الرؤية: عديّوا وقت في الترنيم مع بعضكم وأربطوا كلمات الترانيم بمواضيع لمحبة ربّي، محبة النّاس، ومشاركة يسوع مع النّاس، أبداو مجموعات جديدة، وعاونوا النّاس على فعل نفس الحاجة. ينجّموا يشاركوا مقاطع مالكتاب المقدس تنقل المواضيع هذي. التحقّق: أطلب من كلّ واحد يشارك إلّي عملوا في ميخصّ الإلتزامات إلّي سجّلها الجمعة إلّي فاتت:

• كيفاه طعت إلّي تعلّمتوا؟
• شكون الشخص إلّي دربّتوا علّي تعلّمتوا؟
• مع شكون شاركت قصّتك وإلاّ قصّة ربّي؟

إذا نساوا متابعة الإلتزام وإلاّ مكنتش فمّا الفرصة باش يعملوا هذا، فلازم يزيدوا إلتزامات الجمعة إلّي فاتت لإلتزامات الجمعة هذي. إذا رفض واحد منهم إنّو يطيع إلّي سمعوا بوضوح من ربّي، فلازم نتعاملوا معاه على أنّو قضية إنضباط للكنيسة.

شوف لفوق  [ ⅓ مالوقت ]

صلّي: تحدّث مع ربّي ببساطة وفيسع. أطلب من ربّي يعلّمك المقطع هذا.  أقرا وناقش:  أقرا مقطع الجمعة هذي. ناقش الأسئلة هذي:

• شنية إلّي حبيتوه في المقطع هذا؟
• شنية إلّي تحدّاكم ولقيتوه صعيب يتفهم؟

 أقرا مقطع الجمعة هذي مرّة أخرى. 

• شنية نتعلّموا مالمقطع هذا على النّاس؟
• شنية نتعلّموا مالمقطع هذا على ربّي؟

شوف لقدّام  [ ⅓ مالوقت ]

طيع. درّب. شارك: عدّي خمس دقائق على الأقلّ في الصّلاة بالسّاكتة. أطلب من كلّ واحد  في المجموعة يصلّي على خاطر الرّوح القدس باش يبيّنلهم كيفاه تجاوبوا على الأسئلة هذي، لازم يتعهّد كلّ واحد منهم. لازم لكلّ يكتبوا التعهّدات إلّي عملوها باش ينجّموا يصلّيوا على خاطر النّاس وتنجّم تحسابهم. ينجّموا ميسمعوا حتّى شي يتعلّق بكلّ سؤال كّل جمعة. لازم يلاحظوا إذا كانوا يشاركوا في ردّ موش متأكدين أنّهم سمعوه من عند ربّي، أما يخمّوا أنّها تنجّم تكون فكرة باهية على خاطر المساءلة باش يتّم التعامل معاها على مستوى مختلف في الحالة هذي.

• كيفاه نجّم نطيع ونطبّق المقطع هذا؟
• مع شكون باش نشارك وإلّا ندرّب المقطع هذا؟
• مع شكون يحبني ربّي نشارك قصّتي (شهادتي) وقصّة ربّي الجمعة هذي؟

مارس: في مجموعات من ثنين وإلاّ ثلاثة، مارس إلّي إلتزمت بيه في السؤال 5 و6 و7. على سبيل المثال، ألعب الأدوار في محادثة صعيبة وإلاّ مواجهة تجربة، إدرّب على تعليم فقرة اليوم، وإلاّ إدرّب على مشاركة الإنجيل. 

تحدّث مع ربّي: في نفس المجموعات المتكوّنة من زوز وإلاّ ثلاثة صلّي لكلّ واحد منهم بشكل فردي. أطلب من ربّي يحضّر قلوب النّاس إلّي باش يسمعوا على يسوع الجمعة هذي. أطلب منّو يعطيك القوّة والحكمة باش إتطيع تعهّداتك. هذا هي نهاية الإجتماع.